שמואל ב

וַיֹּ֨סֶףa עֹ֥וד דָּוִ֛ד אֶת־כָּל־בָּח֥וּרb בְּיִשְׂרָאֵ֖ל שְׁלֹשִׁ֥ים אָֽלֶף׃

2 וַיָּ֣קָםa ׀ וַיֵּ֣לֶךְb דָּוִ֗ד וְכָל־הָעָם֙ אֲשֶׁ֣ר אִתֹּ֔ו מִֽבַּעֲלֵ֖י יְהוּדָ֑הc לְהַעֲלֹ֣ותd מִשָּׁ֗ם אֵ֚ת אֲרֹ֣ון הָאֱלֹהִ֔ים אֲשֶׁר־נִקְרָ֣אe שֵׁ֗ם שֵׁ֣ם יְהוָ֧ה צְבָאֹ֛ות יֹשֵׁ֥בf הַכְּרֻבִ֖ים עָלָֽיו׃

3 וַיַּרְכִּ֜בוּa אֶת־אֲרֹ֤ון הָֽאֱלֹהִים֙ אֶל־עֲגָלָ֣הb חֲדָשָׁ֔ה וַיִּשָּׂאֻ֔הוּc מִבֵּ֥ית אֲבִינָדָ֖בd אֲשֶׁ֣ר בַּגִּבְעָ֑ה וְעֻזָּ֣אe וְאַחְיֹ֗וf בְּנֵי֙ אֲבִ֣ינָדָ֔בg נֹהֲגִ֖יםh אֶת־הָעֲגָלָ֥הi חֲדָשָֽׁה׃

4 וַיִּשָּׂאֻ֗הוּa מִבֵּ֤ית אֲבִֽינָדָב֙b אֲשֶׁ֣ר בַּגִּבְעָ֔ה עִ֖ם אֲרֹ֣ון הָאֱלֹהִ֑ים וְאַחְיֹ֕וc הֹלֵ֖ךְd לִפְנֵ֥י הָאָרֹֽון׃

5 וְדָוִ֣ד׀ וְכָל־בֵּ֣ית יִשְׂרָאֵ֗ל מְשַֽׂחֲקִים֙a לִפְנֵ֣י יְהוָ֔ה בְּכֹ֖ל עֲצֵ֣י בְרֹושִׁ֑יםb וּבְכִנֹּרֹ֤ותc וּבִנְבָלִים֙d וּבְתֻפִּ֔יםe וּבִמְנַֽעַנְעִ֖יםf וּֽבְצֶלְצֶלִֽיםg ׃

6 וַיָּבֹ֖אוּa עַד־גֹּ֣רֶןb נָכֹ֑וןc וַיִּשְׁלַ֨חd עֻזָּ֜אe אֶל־אֲרֹ֤ון הָֽאֱלֹהִים֙ וַיֹּ֣אחֶזf בֹּ֔ו כִּ֥י שָׁמְט֖וּg הַבָּקָֽר׃

7 וַיִּֽחַרa ־אַ֤ף יְהוָה֙ בְּעֻזָּ֔הb וַיַּכֵּ֥הוּc שָׁ֛ם הָאֱלֹהִ֖ים עַל־הַשַּׁ֑לd וַיָּ֣מָתe שָׁ֔ם עִ֖ם אֲרֹ֥ון הָאֱלֹהִֽים׃

8 וַיִּ֣חַרa לְדָוִ֔ד עַל֩ אֲשֶׁ֨ר פָּרַ֧ץb יְהוָ֛ה פֶּ֖רֶץc בְּעֻזָּ֑הd וַיִּקְרָ֞אe לַמָּקֹ֤ום הַהוּא֙ פֶּ֣רֶץ עֻזָּ֔הf עַ֖ד הַיֹּ֥ום הַזֶּֽה׃

9 וַיִּרָ֥אa דָוִ֛ד אֶת־יְהוָ֖ה בַּיֹּ֣ום הַה֑וּא וַיֹּ֕אמֶרb אֵ֛יךְ יָבֹ֥ואc אֵלַ֖י אֲרֹ֥ון יְהוָֽה׃

10 וְלֹֽא־אָבָ֣הa דָוִ֗ד לְהָסִ֥ירb אֵלָ֛יו אֶת־אֲרֹ֥ון יְהוָ֖ה עַל־עִ֣יר דָּוִ֑ד וַיַּטֵּ֣הוּc דָוִ֔ד בֵּ֥ית עֹבֵֽד־אֱדֹ֖וםd הַגִּתִּֽיe ׃

11 וַיֵּשֶׁב֩a אֲרֹ֨ון יְהוָ֜ה בֵּ֣ית עֹבֵ֥ד אֱדֹ֛םb הַגִּתִּ֖יc שְׁלֹשָׁ֣ה חֳדָשִׁ֑ים וַיְבָ֧רֶךְd יְהוָ֛ה אֶת־עֹבֵ֥ד אֱדֹ֖םe וְאֶת־כָּל־בֵּיתֹֽו׃

12 וַיֻּגַּ֗דa לַמֶּ֣לֶךְ דָּוִד֮ לֵאמֹר֒b בֵּרַ֣ךְc יְהוָ֗ה אֶת־בֵּ֨ית עֹבֵ֤ד אֱדֹם֙d וְאֶת־כָּל־אֲשֶׁר־לֹ֔ו בַּעֲב֖וּרe אֲרֹ֣ון הָאֱלֹהִ֑ים וַיֵּ֣לֶךְf דָּוִ֗ד וַיַּעַל֩g אֶת־אֲרֹ֨ון הָאֱלֹהִ֜ים מִבֵּ֨ית עֹבֵ֥ד אֱדֹ֛םh עִ֥יר דָּוִ֖ד בְּשִׂמְחָֽה׃

13 וַיְהִ֗יa כִּ֧י צָעֲד֛וּb נֹשְׂאֵ֥י אֲרֹון־יְהוָ֖ה שִׁשָּׁ֣ה צְעָדִ֑יםc וַיִּזְבַּ֥חd שֹׁ֖ור וּמְרִֽיאe ׃

14 וְדָוִ֛ד מְכַרְכֵּ֥רa בְּכָל־עֹ֖ז לִפְנֵ֣י יְהוָ֑ה וְדָוִ֕ד חָג֖וּרb אֵפֹ֥ודc בָּֽד׃

15 וְדָוִד֙ וְכָל־בֵּ֣ית יִשְׂרָאֵ֔ל מַעֲלִ֖יםa אֶת־אֲרֹ֣ון יְהוָ֑ה בִּתְרוּעָ֖הb וּבְקֹ֥ול שֹׁופָֽר׃

16 וְהָיָה֙a אֲרֹ֣ון יְהוָ֔ה בָּ֖אb עִ֣יר דָּוִ֑ד וּמִיכַ֨לc בַּת־שָׁא֜וּל נִשְׁקְפָ֣הd ׀ בְּעַ֣ד הַחַלֹּ֗וןe וַתֵּ֨רֶאf אֶת־הַמֶּ֤לֶךְ דָּוִד֙ מְפַזֵּ֤זg וּמְכַרְכֵּר֙h לִפְנֵ֣י יְהוָ֔ה וַתִּ֥בֶזi לֹ֖ו בְּלִבָּֽהּ׃

17 וַיָּבִ֜אוּa אֶת־אֲרֹ֣ון יְהוָ֗ה וַיַּצִּ֤גוּb אֹתֹו֙ בִּמְקֹומֹ֔ו בְּתֹ֣וךְ הָאֹ֔הֶל אֲשֶׁ֥ר נָטָהc ־לֹ֖ו דָּוִ֑ד וַיַּ֨עַלd דָּוִ֥ד עֹלֹ֛ות לִפְנֵ֥י יְהוָ֖ה וּשְׁלָמִֽים׃

18 וַיְכַ֣לa דָּוִ֔ד מֵהַעֲלֹ֥ותb הָעֹולָ֖ה וְהַשְּׁלָמִ֑ים וַיְבָ֣רֶךְc אֶת־הָעָ֔ם בְּשֵׁ֖ם יְהוָ֥ה צְבָאֹֽות׃

19 וַיְחַלֵּ֨קa לְכָל־הָעָ֜ם לְכָל־הֲמֹ֣ון יִשְׂרָאֵל֮ לְמֵאִ֣ישׁ וְעַד־אִשָּׁה֒ לְאִ֗ישׁ חַלַּ֥תb לֶ֨חֶם֙ אַחַ֔ת וְאֶשְׁפָּ֣רc אֶחָ֔ד וַאֲשִׁישָׁ֖הd אֶחָ֑ת וַיֵּ֥לֶךְe כָּל־הָעָ֖ם אִ֥ישׁ לְבֵיתֹֽו׃

20 וַיָּ֥שָׁבa דָּוִ֖ד לְבָרֵ֣ךְb אֶת־בֵּיתֹ֑ו וַתֵּצֵ֞אc מִיכַ֤לd בַּת־שָׁאוּל֙ לִקְרַ֣אתe דָּוִ֔ד וַתֹּ֗אמֶרf מַה־נִּכְבַּ֨דg הַיֹּ֜ום מֶ֣לֶךְ יִשְׂרָאֵ֗ל אֲשֶׁ֨ר נִגְלָ֤הh הַיֹּום֙ לְעֵינֵ֨י אַמְהֹ֣ות עֲבָדָ֔יו כְּהִגָּלֹ֥ותi נִגְלֹ֖ות אַחַ֥ד הָרֵקִֽיםj ׃

21 וַיֹּ֣אמֶרa דָּוִד֮ אֶל־מִיכַל֒b לִפְנֵ֣י יְהוָ֗ה אֲשֶׁ֨ר בָּֽחַרc ־בִּ֤י מֵֽאָבִיךְ֙ וּמִכָּל־בֵּיתֹ֔ו לְצַוֹּ֨תd אֹתִ֥י נָגִ֛ידe עַל־עַ֥ם יְהוָ֖ה עַל־יִשְׂרָאֵ֑ל וְשִׂחַקְתִּ֖יf לִפְנֵ֥י יְהוָֽה׃

22 וּנְקַלֹּ֤תִיa עֹוד֙ מִזֹּ֔את וְהָיִ֥יתִיb שָׁפָ֖לc בְּעֵינָ֑י וְעִם־הָֽאֲמָהֹות֙ אֲשֶׁ֣ר אָמַ֔רְתְּd עִמָּ֖ם אִכָּבֵֽדָהe ׃

23 וּלְמִיכַל֙a בַּת־שָׁא֔וּל לֹֽא־הָ֥יָהb לָ֖הּ יָ֑לֶד עַ֖ד יֹ֥ום מֹותָֽהּ׃ פ