שמואל ב

וַיִּשְׁמַ֣עa בֶּן־שָׁא֗וּל כִּ֣י מֵ֤תb אַבְנֵר֙ בְּחֶבְרֹ֔ון וַיִּרְפּ֖וּc יָדָ֑יו וְכָל־יִשְׂרָאֵ֖ל נִבְהָֽלוּd ׃

2 וּשְׁנֵ֣י אֲנָשִׁ֣ים שָׂרֵֽי־גְדוּדִ֣יםa הָי֪וּb בֶן־שָׁא֟וּל שֵׁם֩ הָאֶחָ֨ד בַּֽעֲנָ֜הc וְשֵׁ֧ם הַשֵּׁנִ֣י רֵכָ֗בd בְּנֵ֛י רִמֹּ֥וןe הַבְּאֶֽרֹתִ֖יf מִבְּנֵ֣י בִנְיָמִ֑ן כִּ֚י גַּם־בְּאֵרֹ֔ותg תֵּחָשֵׁ֖בh עַל־בִּנְיָמִֽן׃

3 וַיִּבְרְח֥וּa הַבְּאֵרֹתִ֖יםb גִּתָּ֑יְמָהc וַֽיִּהְיוּd ־שָׁ֣ם גָּרִ֔יםe עַ֖ד הַיֹּ֥ום הַזֶּֽה׃ ס

4 וְלִיהֹֽונָתָן֙ בֶּן־שָׁא֔וּל בֵּ֖ן נְכֵ֣הa רַגְלָ֑יִם בֶּן־חָמֵ֣שׁ שָׁנִ֣ים הָיָ֡הb בְּבֹ֣אc שְׁמֻעַת֩d שָׁא֨וּל וִיהֹֽונָתָ֜ן מִֽיִּזְרְעֶ֗אלe וַתִּשָּׂאֵ֤הוּf אֹֽמַנְתֹּו֙ וַתָּנֹ֔סg וַיְהִ֞יh בְּחָפְזָ֥הּi לָנ֛וּסj וַיִּפֹּ֥לk וַיִּפָּסֵ֖חַl וּשְׁמֹ֥ו מְפִיבֹֽשֶׁתm ׃

5 וַיֵּ֨לְכ֜וּa בְּנֵֽי־רִמֹּ֤וןb הַבְּאֵֽרֹתִי֙c רֵכָ֣בd וּבַעֲנָ֔הe וַיָּבֹ֨אוּ֙f כְּחֹ֣םg הַיֹּ֔ום אֶל־בֵּ֖ית אִ֣ישׁ בֹּ֑שֶׁתh וְה֣וּא שֹׁכֵ֔בi אֵ֖ת מִשְׁכַּ֥בj הַֽצָּהֳרָֽיִםk ׃

6 וְ֠הֵנָּה בָּ֜אוּa עַד־תֹּ֤וךְ הַבַּ֨יִת֙ לֹקְחֵ֣י חִטִּ֔יםb וַיַּכֻּ֖הוּc אֶל־הַחֹ֑מֶשׁd וְרֵכָ֛בe וּבַעֲנָ֥הf אָחִ֖יו נִמְלָֽטוּg ׃

7 וַיָּבֹ֣אוּa הַבַּ֗יִת וְהֽוּא־שֹׁכֵ֤בb עַל־מִטָּתֹו֙c בַּחֲדַ֣רd מִשְׁכָּבֹ֔וe וַיַּכֻּ֨הוּ֙f וַיְמִתֻ֔הוּg וַיָּסִ֖ירוּh אֶת־רֹאשֹׁ֑ו וַיִּקְחוּ֙i אֶת־רֹאשֹׁ֔ו וַיֵּֽלְכ֛וּj דֶּ֥רֶךְ הָעֲרָבָ֖ה כָּל־הַלָּֽיְלָה׃

8 וַ֠יָּבִאוּa אֶת־רֹ֨אשׁ אִֽישׁ־בֹּ֥שֶׁתb אֶל־דָּוִד֮ חֶבְרֹון֒ וַיֹּֽאמְרוּ֙c אֶל־הַמֶּ֔לֶךְ הִנֵּֽה־רֹ֣אשׁ אִֽישׁ־בֹּ֗שֶׁתd בֶּן־שָׁאוּל֙ אֹֽיִבְךָ֔ אֲשֶׁ֥ר בִּקֵּ֖שׁe אֶת־נַפְשֶׁ֑ךָ וַיִּתֵּ֣ןf יְ֠הוָה לַֽאדֹנִ֨י הַמֶּ֤לֶךְ נְקָמֹות֙g הַיֹּ֣ום הַזֶּ֔ה מִשָּׁא֖וּל וּמִזַּרְעֹֽו׃ ס

9 וַיַּ֨עַןa דָּוִ֜ד אֶת־רֵכָ֣בb ׀ וְאֶת־בַּעֲנָ֣הc אָחִ֗יו בְּנֵ֛י רִמֹּ֥וןd הַבְּאֵֽרֹתִ֖יe וַיֹּ֣אמֶרf לָהֶ֑ם חַי־יְהוָ֕ה אֲשֶׁר־פָּדָ֥הg אֶת־נַפְשִׁ֖י מִכָּל־צָרָֽה׃

10 כִּ֣י הַמַּגִּיד֩a לִ֨י לֵאמֹ֜רb הִנֵּה־מֵ֣תc שָׁא֗וּל וְהֽוּא־הָיָ֤הd כִמְבַשֵּׂר֙e בְּעֵינָ֔יו וָאֹחֲזָ֣הf בֹ֔ו וָאֶהְרְגֵ֖הוּg בְּצִֽקְלָ֑גh אֲשֶׁ֥ר לְתִתִּיi ־לֹ֖ו בְּשֹׂרָֽהj ׃

11 אַ֞ף כִּֽי־אֲנָשִׁ֣ים רְשָׁעִ֗ים הָרְג֧וּa אֶת־אִישׁ־צַדִּ֛יק בְּבֵיתֹ֖ו עַל־מִשְׁכָּבֹ֑וb וְעַתָּ֗ה הֲלֹ֨וא אֲבַקֵּ֤שׁc אֶת־דָּמֹו֙ מִיֶּדְכֶ֔ם וּבִעַרְתִּ֥יd אֶתְכֶ֖ם מִן־הָאָֽרֶץ׃

12 וַיְצַו֩a דָּוִ֨ד אֶת־הַנְּעָרִ֜ים וַיַּהַרְג֗וּםb וַֽיְקַצְּצ֤וּc אֶת־יְדֵיהֶם֙ וְאֶת־רַגְלֵיהֶ֔ם וַיִּתְל֥וּd עַל־הַבְּרֵכָ֖הe בְּחֶבְרֹ֑ון וְאֵ֨ת רֹ֤אשׁ אִֽישׁ־בֹּ֨שֶׁת֙f לָקָ֔חוּg וַיִּקְבְּר֥וּh בְקֶֽבֶר־אַבְנֵ֖ר בְּחֶבְרֹֽון׃ פ