שמואל ב

וְאֵ֛לֶּה דִּבְרֵ֥י דָוִ֖ד הָאַֽחֲרֹנִ֑ים נְאֻ֧ם דָּוִ֣ד בֶּן־יִשַׁ֗יa וּנְאֻ֤ם הַגֶּ֨בֶר֙ הֻ֣קַםb עָ֔לc מְשִׁ֨יחַ֙d אֱלֹהֵ֣י יַֽעֲקֹ֔ב וּנְעִ֖יםe זְמִרֹ֥ותf יִשְׂרָאֵֽל׃

2 ר֥וּחַ יְהוָ֖ה דִּבֶּרa ־בִּ֑י וּמִלָּתֹ֖וb עַל־לְשֹׁונִֽי׃

3 אָמַר֙a אֱלֹהֵ֣י יִשְׂרָאֵ֔ל לִ֥י דִבֶּ֖רb צ֣וּר יִשְׂרָאֵ֑ל מֹושֵׁל֙ בָּאָדָ֔ם צַדִּ֕יק מֹושֵׁ֖לc יִרְאַ֥תd אֱלֹהִֽים׃

4 וּכְאֹ֥ור בֹּ֖קֶר יִזְרַחa ־שָׁ֑מֶשׁ בֹּ֚קֶר לֹ֣א עָבֹ֔ותb מִנֹּ֥גַהּc מִמָּטָ֖רd דֶּ֥שֶׁאe מֵאָֽרֶץ׃

5 כִּֽי־לֹא־כֵ֥ן בֵּיתִ֖י עִם־אֵ֑ל כִּי֩ בְרִ֨ית עֹולָ֜ם שָׂ֣םa לִ֗י עֲרוּכָ֤הb בַכֹּל֙ וּשְׁמֻרָ֔הc כִּֽי־כָל־יִשְׁעִ֥יd וְכָל־חֵ֖פֶץe כִּֽי־לֹ֥א יַצְמִֽיחַf ׃

6 וּבְלִיַּ֕עַלa כְּקֹ֥וץb מֻנָ֖דc כֻּלָּ֑הַם כִּֽי־לֹ֥א בְיָ֖ד יִקָּֽחוּd ׃

7 וְאִישׁ֙ יִגַּ֣עa בָּהֶ֔ם יִמָּלֵ֥אb בַרְזֶ֖ל וְעֵ֣ץ חֲנִ֑יתc וּבָאֵ֕שׁ שָׂרֹ֥וף יִשָּׂרְפ֖וּd בַּשָּֽׁבֶתe ׃ פ

8 אֵ֛לֶּה שְׁמֹ֥ות הַגִּבֹּרִ֖ים אֲשֶׁ֣ר לְדָוִ֑ד יֹשֵׁ֨בa בַּשֶּׁ֜בֶתb תַּחְכְּמֹנִ֣יc ׀ רֹ֣אשׁ הַשָּׁלִשִׁ֗י ה֚וּא עֲדִינֹ֣וd העצנוe עַל־שְׁמֹנֶ֥ה מֵאֹ֛ות חָלָ֖ל בְּפַ֥עַם אחדf ׃

9 ואחרוa אֶלְעָזָ֥ר בֶּן־דדיb בֶּן־אֲחֹחִ֑יc בִּשְׁלֹשָׁ֨ה גבריםd עִם־דָּוִ֗ד בְּחָֽרְפָ֤םe בַּפְּלִשְׁתִּים נֶאֶסְפוּf ־שָׁ֣ם לַמִּלְחָמָ֔ה וַֽיַּעֲל֖וּg אִ֥ישׁ יִשְׂרָאֵֽל׃

10 ה֣וּא קָם֩a וַיַּ֨ךְb בַּפְּלִשְׁתִּ֜ים עַ֣ד׀ כִּֽי־יָגְעָ֣הc יָדֹ֗ו וַתִּדְבַּ֤קd יָדֹו֙ אֶל־הַחֶ֔רֶב וַיַּ֧עַשׂe יְהוָ֛ה תְּשׁוּעָ֥הf גְדֹולָ֖ה בַּיֹּ֣ום הַה֑וּא וְהָעָ֛ם יָשֻׁ֥בוּg אַחֲרָ֖יו אַךְ־לְפַשֵּֽׁטh ׃ ס

11 וְאַחֲרָ֛יו שַׁמָּ֥אa בֶן־אָגֵ֖אb הָרָרִ֑יc וַיֵּאָסְפ֨וּd פְלִשְׁתִּ֜ים לַחַיָּ֗ה וַתְּהִיe ־שָׁ֞ם חֶלְקַ֤תf הַשָּׂדֶה֙ מְלֵאָ֣הg עֲדָשִׁ֔יםh וְהָעָ֥ם נָ֖סi מִפְּנֵ֥י פְלִשְׁתִּֽים׃

12 וַיִּתְיַצֵּ֤בa בְּתֹוךְ־הַֽחֶלְקָה֙b וַיַּצִּילֶ֔הָc וַיַּ֖ךְd אֶת־פְּלִשְׁתִּ֑ים וַיַּ֥עַשׂe יְהוָ֖ה תְּשׁוּעָ֥הf גְדֹולָֽה׃ ס

13 וַיֵּרְד֨וּa שׁלשׁיםb מֵהַשְּׁלֹשִׁ֣ים רֹ֗אשׁ וַיָּבֹ֤אוּc אֶל־קָצִיר֙d אֶל־דָּוִ֔ד אֶל־מְעָרַ֖תe עֲדֻלָּ֑םf וְחַיַּ֣תg פְּלִשְׁתִּ֔ים חֹנָ֖הh בְּעֵ֥מֶק רְפָאִֽיםi ׃

14 וְדָוִ֖ד אָ֣ז בַּמְּצוּדָ֑הa וּמַצַּ֣בb פְּלִשְׁתִּ֔ים אָ֖ז בֵּ֥ית לָֽחֶםc ׃

15 וַיִּתְאַוֶּ֥הa דָוִ֖ד וַיֹּאמַ֑רb מִ֚י יַשְׁקֵ֣נִיc מַ֔יִם מִבֹּ֥אר בֵּֽית־לֶ֖חֶםd אֲשֶׁ֥ר בַּשָּֽׁעַר׃

16 וַיִּבְקְעוּ֩a שְׁלֹ֨שֶׁת הַגִּבֹּרִ֜ים בְּמַחֲנֵ֣ה פְלִשְׁתִּ֗ים וַיִּֽשְׁאֲבוּb ־מַ֨יִם֙ מִבֹּ֤אר בֵּֽית־לֶ֨חֶם֙c אֲשֶׁ֣ר בַּשַּׁ֔עַר וַיִּשְׂא֖וּd וַיָּבִ֣אוּe אֶל־דָּוִ֑ד וְלֹ֤א אָבָה֙f לִשְׁתֹּותָ֔םg וַיַּסֵּ֥ךְh אֹתָ֖ם לַֽיהוָֽה׃

17 וַיֹּ֡אמֶרa חָלִילָה֩b לִּ֨י יְהוָ֜ה מֵעֲשֹׂ֣תִיc זֹ֗את הֲדַ֤ם הָֽאֲנָשִׁים֙ הַהֹלְכִ֣יםd בְּנַפְשֹׁותָ֔ם וְלֹ֥א אָבָ֖הe לִשְׁתֹּותָ֑םf אֵ֣לֶּה עָשׂ֔וּg שְׁלֹ֖שֶׁת הַגִּבֹּרִֽים׃ ס

18 וַאֲבִישַׁ֞יa אֲחִ֣י׀ יֹואָ֣ב בֶּן־צְרוּיָ֗הb ה֚וּא רֹ֣אשׁ השׁלשׁיc וְהוּא֙ עֹורֵ֣רd אֶת־חֲנִיתֹ֔וe עַל־שְׁלֹ֥שׁ מֵאֹ֖ות חָלָ֑ל וְלֹו־שֵׁ֖ם בַּשְּׁלֹשָֽׁה׃

19 מִן־הַשְּׁלֹשָׁה֙ הֲכִ֣י נִכְבָּ֔ד וַיְהִ֥יa לָהֶ֖ם לְשָׂ֑ר וְעַד־הַשְּׁלֹשָׁ֖ה לֹא־בָֽאb ׃ ס

20 וּבְנָיָ֨הוּa בֶן־יְהֹויָדָ֧ע בֶּן־אִֽישׁ־חיb רַב־פְּעָלִ֖יםc מִֽקַּבְצְאֵ֑לd ה֣וּא הִכָּ֗הe אֵ֣ת שְׁנֵ֤י אֲרִאֵל֙f מֹואָ֔ב וְ֠הוּא יָרַ֞דg וְהִכָּ֧הh אֶֽת־האריהi בְּתֹ֥וךְ הַבֹּ֖אר בְּיֹ֥ום הַשָּֽׁלֶגj ׃

21 וְהוּא־הִכָּה֩a אֶת־אִ֨ישׁ מִצְרִ֜יb אשׁרc מַרְאֶ֗ה וּבְיַ֤ד הַמִּצְרִי֙d חֲנִ֔יתe וַיֵּ֥רֶדf אֵלָ֖יו בַּשָּׁ֑בֶט וַיִּגְזֹ֤לg אֶֽת־הַחֲנִית֙h מִיַּ֣ד הַמִּצְרִ֔יi וַיַּהַרְגֵ֖הוּj בַּחֲנִיתֹֽוk ׃

22 אֵ֣לֶּה עָשָׂ֔הa בְּנָיָ֖הוּb בֶּן־יְהֹויָדָ֑ע וְלֹו־שֵׁ֖ם בִּשְׁלֹשָׁ֥ה הַגִּבֹּרִֽים׃

23 מִן־הַשְּׁלֹשִׁ֣ים נִכְבָּ֔ד וְאֶל־הַשְּׁלֹשָׁ֖ה לֹא־בָ֑אa וַיְשִׂמֵ֥הוּb דָוִ֖ד אֶל־מִשְׁמַעְתֹּֽוc ׃ ס

24 עֲשָׂה־אֵ֥לa אֲחִֽי־יֹואָ֖ב בַּשְּׁלֹשִׁ֑ים אֶלְחָנָ֥ןb בֶּן־דֹּדֹ֖וc בֵּ֥ית לָֽחֶםd ׃

25 שַׁמָּה֙a הַֽחֲרֹדִ֔יb אֱלִיקָ֖אc הַחֲרֹדִֽיd ׃ ס

26 חֶ֚לֶץa הַפַּלְטִ֔יb עִירָ֥אc בֶן־עִקֵּ֖שׁd הַתְּקֹועִֽיe ׃ ס

27 אֲבִיעֶ֨זֶר֙a הָֽעַנְּתֹתִ֔יb מְבֻנַּ֖יc הַחֻשָׁתִֽיd ׃ ס

28 צַלְמֹון֙a הָֽאֲחֹחִ֔יb מַהְרַ֖יc הַנְּטֹפָתִֽיd ׃ ס

29 חֵ֥לֶבa בֶּֽן־בַּעֲנָ֖הb הַנְּטֹפָתִ֑יc ס אִתַּי֙d בֶּן־רִיבַ֔יe מִגִּבְעַ֖ת בְּנֵ֥י בִנְיָמִֽן׃ ס

30 בְּנָיָ֨הוּ֙a פִּרְעָ֣תֹנִ֔יb הִדַּ֖יc מִנַּ֥חֲלֵי גָֽעַשׁd ׃ ס

31 אֲבִֽי־עַלְבֹון֙a הָֽעַרְבָתִ֔יb עַזְמָ֖וֶתc הַבַּרְחֻמִֽיd ׃ ס

32 אֶלְיַחְבָּא֙a הַשַּׁ֣עַלְבֹנִ֔יb בְּנֵ֥י יָשֵׁ֖ןc יְהֹונָתָֽן׃ ס

33 שַׁמָּה֙a הַֽהֲרָרִ֔יb אֲחִיאָ֥םc בֶּן־שָׁרָ֖רd הָארָרִֽיe ׃ ס

34 אֱלִיפֶ֥לֶטa בֶּן־אֲחַסְבַּ֖יb בֶּן־הַמַּֽעֲכָתִ֑יc ס אֱלִיעָ֥םd בֶּן־אֲחִיתֹ֖פֶלe הַגִּלֹנִֽיf ׃ ס

35 חצרוa הַֽכַּרְמְלִ֔יb פַּעֲרַ֖יc הָאַרְבִּֽיd ׃ ס

36 יִגְאָ֤לa בֶּן־נָתָן֙b מִצֹּבָ֔הc ס בָּנִ֖יd הַגָּדִֽיe ׃ ס

37 צֶ֖לֶקa הָעַמֹּנִ֑יb ס נַחְרַי֙c הַבְּאֵ֣רֹתִ֔יd נשׂאיe כְּלֵ֖י יֹואָ֥ב בֶּן־צְרֻיָֽהf ׃ ס

38 עִירָא֙a הַיִּתְרִ֔יb גָּרֵ֖בc הַיִּתְרִֽיd ׃ ס

39 אֽוּרִיָּה֙a הַֽחִתִּ֔יb כֹּ֖ל שְׁלֹשִׁ֥ים וְשִׁבְעָֽה׃ פ