שמואל ב

וַיְדַבֵּ֤רa דָּוִד֙ לַֽיהוָ֔ה אֶת־דִּבְרֵ֖י הַשִּׁירָ֣הb הַזֹּ֑את בְּיֹום֩ הִצִּ֨ילc יְהוָ֥ה אֹתֹ֛ו מִכַּ֥ף כָּל־אֹיְבָ֖יו וּמִכַּ֥ף שָׁאֽוּל׃

2 וַיֹּאמַ֑רa יְהוָ֛ה סַֽלְעִ֥י וּמְצֻדָתִ֖יb וּמְפַלְטִיc ־לִֽי׃

3 אֱלֹהֵ֥י צוּרִ֖י אֶחֱסֶהa ־בֹּ֑ו מָגִנִּ֞י וְקֶ֣רֶן יִשְׁעִ֗יb מִשְׂגַּבִּי֙c וּמְנוּסִ֔יd מֹשִׁעִ֕י מֵחָמָ֖ס תֹּשִׁעֵֽנִיe ׃

4 מְהֻלָּ֖ל אֶקְרָ֣אa יְהוָ֑ה וּמֵאֹיְבַ֖י אִוָּשֵֽׁעַb ׃

5 כִּ֥י אֲפָפֻ֖נִיa מִשְׁבְּרֵיb ־מָ֑וֶת נַחֲלֵ֥י בְלִיַּ֖עַלc יְבַעֲתֻֽנִיd ׃

6 חֶבְלֵ֥י שְׁאֹ֖ול סַבֻּ֑נִיa קִדְּמֻ֖נִיb מֹֽקְשֵׁיc ־מָֽוֶת׃

7 בַּצַּרa ־לִי֙ אֶקְרָ֣אb יְהוָ֔ה וְאֶל־אֱלֹהַ֖י אֶקְרָ֑אc וַיִּשְׁמַ֤עd מֵהֵֽיכָלֹו֙ קֹולִ֔י וְשַׁוְעָתִ֖יe בְּאָזְנָֽיו׃

8 ותגעשׁa וַתִּרְעַשׁ֙b הָאָ֔רֶץ מֹוסְדֹ֥ותc הַשָּׁמַ֖יִם יִרְגָּ֑זוּd וַיִּֽתְגָּעֲשׁ֖וּe כִּֽי־חָ֥רָהf לֹֽו׃

9 עָלָ֤הa עָשָׁן֙b בְּאַפֹּ֔ו וְאֵ֥שׁ מִפִּ֖יו תֹּאכֵ֑לc גֶּחָלִ֖יםd בָּעֲר֥וּe מִמֶּֽנּוּ׃

10 וַיֵּ֥טa שָׁמַ֖יִם וַיֵּרַ֑דb וַעֲרָפֶ֖לc תַּ֥חַת רַגְלָֽיו׃

11 וַיִּרְכַּ֥בa עַל־כְּר֖וּב וַיָּעֹ֑ףb וַיֵּרָ֖אc עַל־כַּנְפֵי־רֽוּחַ׃

12 וַיָּ֥שֶׁתa חֹ֛שֶׁךְ סְבִיבֹתָ֖יו סֻכֹּ֑ותb חַֽשְׁרַתc ־מַ֖יִם עָבֵ֥יd שְׁחָקִֽיםe ׃

13 מִנֹּ֖גַהּa נֶגְדֹּ֑ו בָּעֲר֖וּb גַּחֲלֵיc ־אֵֽשׁ׃

14 יַרְעֵ֥םa מִן־שָׁמַ֖יִם יְהוָ֑ה וְעֶלְיֹ֖ון יִתֵּ֥ןb קֹולֹֽו׃

15 וַיִּשְׁלַ֥חa חִצִּ֖ים וַיְפִיצֵ֑םb בָּרָ֖קc ויהמםd ׃

16 וַיֵּֽרָאוּ֙a אֲפִ֣קֵיb יָ֔ם יִגָּל֖וּc מֹסְדֹ֣ותd תֵּבֵ֑לe בְּגַעֲרַ֣תf יְהוָ֔ה מִנִּשְׁמַ֖תg ר֥וּחַ אַפֹּֽו׃

17 יִשְׁלַ֥חa מִמָּרֹ֖ום יִקָּחֵ֑נִיb יַֽמְשֵׁ֖נִיc מִמַּ֥יִם רַבִּֽים׃

18 יַצִּילֵ֕נִיa מֵאֹיְבִ֖י עָ֑זb מִשֹּׂ֣נְאַ֔י כִּ֥י אָמְצ֖וּc מִמֶּֽנִּי׃

19 יְקַדְּמֻ֖נִיa בְּיֹ֣ום אֵידִ֑יb וַיְהִ֧יc יְהוָ֛ה מִשְׁעָ֖ןd לִֽי׃

20 וַיֹּצֵ֥אa לַמֶּרְחָ֖בb אֹתִ֑י יְחַלְּצֵ֖נִיc כִּי־חָ֥פֵֽץd בִּֽי׃

21 יִגְמְלֵ֥נִיa יְהוָ֖ה כְּצִדְקָתִ֑י כְּבֹ֥רb יָדַ֖י יָשִׁ֥יבc לִֽי׃

22 כִּ֥י שָׁמַ֖רְתִּיa דַּרְכֵ֣י יְהוָ֑ה וְלֹ֥א רָשַׁ֖עְתִּיb מֵאֱלֹהָֽי׃

23 כִּ֥י כָל־משׁפטוa לְנֶגְדִּ֑י וְחֻקֹּתָ֖יו לֹא־אָס֥וּרb מִמֶּֽנָּה׃

24 וָאֶהְיֶ֥הa תָמִ֖ים לֹ֑ו וָאֶשְׁתַּמְּרָ֖הb מֵעֲוֹנִֽי׃

25 וַיָּ֧שֶׁבa יְהוָ֛ה לִ֖י כְּצִדְקָתִ֑י כְּבֹרִ֖יb לְנֶ֥גֶד עֵינָֽיו׃

26 עִם־חָסִ֖ידa תִּתְחַסָּ֑דb עִם־גִּבֹּ֥ור תָּמִ֖ים תִּתַּמָּֽםc ׃

27 עִם־נָבָ֖רa תִּתָּבָ֑רb וְעִם־עִקֵּ֖שׁc תִּתַּפָּֽלd ׃

28 וְאֶת־עַ֥ם עָנִ֖י תֹּושִׁ֑יעַa וְעֵינֶ֖יךָ עַל־רָמִ֥ים תַּשְׁפִּֽילb ׃

29 כִּֽי־אַתָּ֥ה נֵירִ֖יa יְהוָ֑ה וַיהוָ֖ה יַגִּ֥יהַּb חָשְׁכִּֽי׃

30 כִּ֥י בְכָ֖ה אָר֣וּץa גְּד֑וּדb בֵּאלֹהַ֖י אֲדַלֶּגc ־שֽׁוּרd ׃

31 הָאֵ֖ל תָּמִ֣ים דַּרְכֹּ֑ו אִמְרַ֤תa יְהוָה֙ צְרוּפָ֔הb מָגֵ֣ן ה֔וּא לְכֹ֖ל הַחֹסִ֥יםc בֹּֽו׃

32 כִּ֥י מִי־אֵ֖ל מִבַּלְעֲדֵ֣יa יְהוָ֑ה וּמִ֥י צ֖וּר מִֽבַּלְעֲדֵ֥יb אֱלֹהֵֽינוּ׃

33 הָאֵ֥ל מָעוּזִּ֖יa חָ֑יִל וַיַּתֵּ֥רb תָּמִ֖ים דרכוc ׃

34 מְשַׁוֶּ֥הa רגליוb כָּאַיָּלֹ֑ותc וְעַ֥ל בָּמֹותַ֖י יַעֲמִדֵֽנִיd ׃

35 מְלַמֵּ֥דa יָדַ֖י לַמִּלְחָמָ֑ה וְנִחַ֥תb קֶֽשֶׁת־נְחוּשָׁ֖הc זְרֹעֹתָֽי׃

36 וַתִּתֶּןa ־לִ֖י מָגֵ֣ן יִשְׁעֶ֑ךָb וַעֲנֹתְךָ֖c תַּרְבֵּֽנִיd ׃

37 תַּרְחִ֥יבa צַעֲדִ֖יb תַּחְתֵּ֑נִי וְלֹ֥א מָעֲד֖וּc קַרְסֻלָּֽיd ׃

38 אֶרְדְּפָ֥הa אֹיְבַ֖י וָאַשְׁמִידֵ֑םb וְלֹ֥א אָשׁ֖וּבc עַד־כַּלֹּותָֽםd ׃

39 וָאֲכַלֵּ֥םa וָאֶמְחָצֵ֖םb וְלֹ֣א יְקוּמ֑וּןc וַֽיִּפְּל֖וּd תַּ֥חַת רַגְלָֽי׃

40 וַתַּזְרֵ֥נִיa חַ֖יִל לַמִּלְחָמָ֑ה תַּכְרִ֥יעַb קָמַ֖י תַּחְתֵּֽנִי׃

41 וְאֹ֣יְבַ֔י תַּ֥תָּהa לִּ֖י עֹ֑רֶףb מְשַׂנְאַ֖י וָאַצְמִיתֵֽםc ׃

42 יִשְׁע֖וּa וְאֵ֣ין מֹשִׁ֑יעַ אֶל־יְהוָ֖ה וְלֹ֥א עָנָֽםb ׃

43 וְאֶשְׁחָקֵ֖םa כַּעֲפַר־אָ֑רֶץ כְּטִיטb ־חוּצֹ֥ות אֲדִקֵּ֖םc אֶרְקָעֵֽםd ׃

44 וַֽתְּפַלְּטֵ֔נִיa מֵרִיבֵ֖י עַמִּ֑י תִּשְׁמְרֵ֨נִי֙b לְרֹ֣אשׁ גֹּויִ֔ם עַ֥ם לֹא־יָדַ֖עְתִּיc יַעַבְדֻֽנִיd ׃

45 בְּנֵ֥י נֵכָ֖רa יִתְכַּֽחֲשׁוּb ־לִ֑י לִשְׁמֹ֥ועַc אֹ֖זֶן יִשָּׁ֥מְעוּd לִֽי׃

46 בְּנֵ֥י נֵכָ֖רa יִבֹּ֑לוּb וְיַחְגְּר֖וּc מִמִּסְגְּרֹותָֽםd ׃

47 חַי־יְהוָ֖ה וּבָר֣וּךְa צוּרִ֑י וְיָרֻ֕םb אֱלֹהֵ֖י צ֥וּר יִשְׁעִֽיc ׃

48 הָאֵ֕ל הַנֹּתֵ֥ןa נְקָמֹ֖תb לִ֑י וּמֹורִ֥ידc עַמִּ֖ים תַּחְתֵּֽנִי׃

49 וּמֹוצִיאִ֖יa מֵאֹֽיְבָ֑י וּמִקָּמַי֙ תְּרֹ֣ומְמֵ֔נִיb מֵאִ֥ישׁ חֲמָסִ֖ים תַּצִּילֵֽנִיc ׃

50 עַל־כֵּ֛ן אֹודְךָ֥a יְהוָ֖ה בַּגֹּויִ֑ם וּלְשִׁמְךָ֖ אֲזַמֵּֽרb ׃

51 מגדילa יְשׁוּעֹ֣ות מַלְכֹּ֑ו וְעֹֽשֶׂהb ־חֶ֧סֶד לִמְשִׁיחֹ֛וc לְדָוִ֥ד וּלְזַרְעֹ֖ו עַד־עֹולָֽם׃ פ