שמואל ב

וַיִּרְגַּ֣זa הַמֶּ֗לֶךְ וַיַּ֛עַלb עַל־עֲלִיַּ֥תc הַשַּׁ֖עַר וַיֵּ֑בְךְּd וְכֹ֣ה׀ אָמַ֣רe בְּלֶכְתֹּ֗וf בְּנִ֤י אַבְשָׁלֹום֙ בְּנִ֣י בְנִ֣י אַבְשָׁלֹ֔ום מִֽי־יִתֵּ֤ןg מוּתִי֙h אֲנִ֣י תַחְתֶּ֔יךָ אַבְשָׁלֹ֖ום בְּנִ֥י בְנִֽי׃

2 וַיֻּגַּ֖דa לְיֹואָ֑ב הִנֵּ֨ה הַמֶּ֧לֶךְ בֹּכֶ֛ה וַיִּתְאַבֵּ֖לb עַל־אַבְשָׁלֹֽם׃

3 וַתְּהִ֨יa הַתְּשֻׁעָ֜הb בַּיֹּ֥ום הַה֛וּא לְאֵ֖בֶלc לְכָל־הָעָ֑ם כִּֽי־שָׁמַ֣עd הָעָ֗ם בַּיֹּ֤ום הַהוּא֙ לֵאמֹ֔רe נֶעֱצַ֥בf הַמֶּ֖לֶךְ עַל־בְּנֹֽו׃

4 וַיִּתְגַּנֵּ֥בa הָעָ֛ם בַּיֹּ֥ום הַה֖וּא לָבֹ֣ואb הָעִ֑יר כַּאֲשֶׁ֣ר יִתְגַּנֵּ֗בc הָעָם֙ הַנִּכְלָמִ֔יםd בְּנוּסָ֖םe בַּמִּלְחָמָֽה׃

5 וְהַמֶּ֨לֶךְ֙ לָאַ֣טa אֶת־פָּנָ֔יו וַיִּזְעַ֥קb הַמֶּ֖לֶךְ קֹ֣ול גָּדֹ֑ול בְּנִי֙ אַבְשָׁלֹ֔ום אַבְשָׁלֹ֖ום בְּנִ֥י בְנִֽי׃ ס

6 וַיָּבֹ֥אa יֹואָ֛ב אֶל־הַמֶּ֖לֶךְ הַבָּ֑יִת וַיֹּאמֶר֩b הֹבַ֨שְׁתָּc הַיֹּ֜ום אֶת־פְּנֵ֣י כָל־עֲבָדֶ֗יךָ הַֽמְמַלְּטִ֤יםd אֶֽת־נַפְשְׁךָ֙ הַיֹּ֔ום וְאֵ֨ת נֶ֤פֶשׁ בָּנֶ֨יךָ֙ וּבְנֹתֶ֔יךָ וְנֶ֣פֶשׁ נָשֶׁ֔יךָ וְנֶ֖פֶשׁ פִּלַגְשֶֽׁיךָe ׃

7 לְאַֽהֲבָה֙a אֶת־שֹׂ֣נְאֶ֔יךָ וְלִשְׂנֹ֖אb אֶת־אֹהֲבֶ֑יךָ כִּ֣י׀ הִגַּ֣דְתָּc הַיֹּ֗ום כִּ֣י אֵ֤ין לְךָ֙ שָׂרִ֣ים וַעֲבָדִ֔ים כִּ֣י׀ יָדַ֣עְתִּיd הַיֹּ֗ום כִּ֠י לאe אַבְשָׁלֹ֥ום חַי֙ וְכֻלָּ֤נוּ הַיֹּום֙ מֵתִ֔יםf כִּי־אָ֖ז יָשָׁ֥ר בְּעֵינֶֽיךָ׃

8 וְעַתָּה֙ ק֣וּםa צֵ֔אb וְדַבֵּ֖רc עַל־לֵ֣ב עֲבָדֶ֑יךָ כִּי֩ בַיהוָ֨ה נִשְׁבַּ֜עְתִּיd כִּי־אֵינְךָ֣ יֹוצֵ֗אe אִם־יָלִ֨יןf אִ֤ישׁ אִתְּךָ֙ הַלַּ֔יְלָה וְרָעָ֧הg לְךָ֣ זֹ֗את מִכָּל־הָרָעָה֙ אֲשֶׁר־בָּ֣אָהh עָלֶ֔יךָ מִנְּעֻרֶ֖יךָi עַד־עָֽתָּה׃ ס

9 וַיָּ֥קָםa הַמֶּ֖לֶךְ וַיֵּ֣שֶׁבb בַּשָּׁ֑עַר וּֽלְכָל־הָעָ֞ם הִגִּ֣ידוּc לֵאמֹ֗רd הִנֵּ֤ה הַמֶּ֨לֶךְ֙ יֹושֵׁ֣בe בַּשַּׁ֔עַר וַיָּבֹ֤אf כָל־הָעָם֙ לִפְנֵ֣י הַמֶּ֔לֶךְ וְיִשְׂרָאֵ֔ל נָ֖סg אִ֥ישׁ לְאֹהָלָֽיו׃ ס

10 וַיְהִ֤יa כָל־הָעָם֙ נָדֹ֔וןb בְּכָל־שִׁבְטֵ֥י יִשְׂרָאֵ֖ל לֵאמֹ֑רc הַמֶּ֜לֶךְ הִצִּילָ֣נוּd ׀ מִכַּ֣ף אֹיְבֵ֗ינוּ וְה֤וּא מִלְּטָ֨נוּ֙e מִכַּ֣ף פְּלִשְׁתִּ֔ים וְעַתָּ֛ה בָּרַ֥חf מִן־הָאָ֖רֶץ מֵעַ֥ל אַבְשָׁלֹֽום׃

11 וְאַבְשָׁלֹום֙ אֲשֶׁ֣ר מָשַׁ֣חְנוּa עָלֵ֔ינוּ מֵ֖תb בַּמִּלְחָמָ֑ה וְעַתָּ֗ה לָמָ֥ה אַתֶּ֛ם מַחֲרִשִׁ֖יםc לְהָשִׁ֥יבd אֶת־הַמֶּֽלֶךְ׃ ס

12 וְהַמֶּ֣לֶךְ דָּוִ֗ד שָׁ֠לַחa אֶל־צָדֹ֨וק וְאֶל־אֶבְיָתָ֥רb הַכֹּהֲנִים֮ לֵאמֹר֒c דַּבְּר֞וּd אֶל־זִקְנֵ֤י יְהוּדָה֙ לֵאמֹ֔רe לָ֤מָּה תִֽהְיוּ֙f אַֽחֲרֹנִ֔ים לְהָשִׁ֥יבg אֶת־הַמֶּ֖לֶךְ אֶל־בֵּיתֹ֑ו וּדְבַר֙ כָּל־יִשְׂרָאֵ֔ל בָּ֥אh אֶל־הַמֶּ֖לֶךְ אֶל־בֵּיתֹֽו׃

13 אַחַ֣י אַתֶּ֔ם עַצְמִ֥י וּבְשָׂרִ֖י אַתֶּ֑ם וְלָ֧מָּה תִהְי֛וּa אַחֲרֹנִ֖ים לְהָשִׁ֥יבb אֶת־הַמֶּֽלֶךְ׃

14 וְלַֽעֲמָשָׂא֙a תֹּֽמְר֔וּb הֲלֹ֛וא עַצְמִ֥י וּבְשָׂרִ֖י אָ֑תָּה כֹּ֣ה יַֽעֲשֶׂהc ־לִּ֤י אֱלֹהִים֙ וְכֹ֣ה יֹוסִ֔יףd אִם־לֹ֠א שַׂר־צָבָ֞א תִּהְיֶ֧הe לְפָנַ֛י כָּל־הַיָּמִ֖ים תַּ֥חַת יֹואָֽב׃

15 וַיַּ֛טa אֶת־לְבַ֥ב כָּל־אִישׁ־יְהוּדָ֖ה כְּאִ֣ישׁ אֶחָ֑ד וַֽיִּשְׁלְחוּ֙b אֶל־הַמֶּ֔לֶךְ שׁ֥וּבc אַתָּ֖ה וְכָל־עֲבָדֶֽיךָ׃

16 וַיָּ֣שָׁבa הַמֶּ֔לֶךְ וַיָּבֹ֖אb עַד־הַיַּרְדֵּ֑ן וִיהוּדָ֞ה בָּ֣אc הַגִּלְגָּ֗לָהd לָלֶ֨כֶת֙e לִקְרַ֣אתf הַמֶּ֔לֶךְ לְהַעֲבִ֥ירg אֶת־הַמֶּ֖לֶךְ אֶת־הַיַּרְדֵּֽן׃

17 וַיְמַהֵ֗רa שִׁמְעִ֤יb בֶן־גֵּרָא֙c בֶּן־הַיְמִינִ֔יd אֲשֶׁ֖ר מִבַּֽחוּרִ֑יםe וַיֵּ֨רֶד֙f עִם־אִ֣ישׁ יְהוּדָ֔ה לִקְרַ֖אתg הַמֶּ֥לֶךְ דָּוִֽד׃

18 וְאֶ֨לֶף אִ֣ישׁ עִמֹּו֮ מִבִּנְיָמִן֒ וְצִיבָ֗אa נַ֚עַר בֵּ֣ית שָׁא֔וּל וַחֲמֵ֨שֶׁת עָשָׂ֥ר בָּנָ֛יו וְעֶשְׂרִ֥ים עֲבָדָ֖יו אִתֹּ֑ו וְצָלְח֥וּb הַיַּרְדֵּ֖ן לִפְנֵ֥י הַמֶּֽלֶךְ׃

19 וְעָבְרָ֣הa הָעֲבָרָ֗הb לַֽעֲבִיר֙c אֶת־בֵּ֣ית הַמֶּ֔לֶךְ וְלַעֲשֹׂ֥ותd הַטֹּ֖וב בעינוe וְשִׁמְעִ֣יf בֶן־גֵּרָ֗אg נָפַל֙h לִפְנֵ֣י הַמֶּ֔לֶךְ בְּעָבְרֹ֖וi בַּיַּרְדֵּֽן׃

20 וַיֹּ֣אמֶרa אֶל־הַמֶּ֗לֶךְ אַל־יַחֲשָׁבb ־לִ֣י אֲדֹנִי֮ עָוֹן֒ וְאַל־תִּזְכֹּ֗רc אֵ֚ת אֲשֶׁ֣ר הֶעֱוָ֣הd עַבְדְּךָ֔ בַּיֹּ֕ום אֲשֶׁר־יָׄצָ֥ׄאׄe אֲדֹנִֽי־הַמֶּ֖לֶךְ מִירֽוּשָׁלִָ֑ם לָשׂ֥וּםf הַמֶּ֖לֶךְ אֶל־לִבֹּֽו׃

21 כִּ֚י יָדַ֣עa עַבְדְּךָ֔ כִּ֖י אֲנִ֣י חָטָ֑אתִיb וְהִנֵּֽה־בָ֣אתִיc הַיֹּ֗ום רִאשֹׁון֙ לְכָל־בֵּ֣ית יֹוסֵ֔ף לָרֶ֕דֶתd לִקְרַ֖אתe אֲדֹנִ֥י הַמֶּֽלֶךְ׃ ס

22 וַיַּ֨עַןa אֲבִישַׁ֤יb בֶּן־צְרוּיָה֙c וַיֹּ֔אמֶרd הֲתַ֣חַת זֹ֔את לֹ֥א יוּמַ֖תe שִׁמְעִ֑יf כִּ֥י קִלֵּ֖לg אֶת־מְשִׁ֥יחַh יְהוָֽה׃ ס

23 וַיֹּ֣אמֶרa דָּוִ֗ד מַה־לִּ֤י וְלָכֶם֙ בְּנֵ֣י צְרוּיָ֔הb כִּי־תִֽהְיוּc ־לִ֥י הַיֹּ֖ום לְשָׂטָ֑ןd הַיֹּ֗ום י֤וּמַתe אִישׁ֙ בְּיִשְׂרָאֵ֔ל כִּ֚י הֲלֹ֣וא יָדַ֔עְתִּיf כִּ֥י הַיֹּ֖ום אֲנִי־מֶ֥לֶךְ עַל־יִשְׂרָאֵֽל׃

24 וַיֹּ֧אמֶרa הַמֶּ֛לֶךְ אֶל־שִׁמְעִ֖יb לֹ֣א תָמ֑וּתc וַיִּשָּׁ֥בַֽעd לֹ֖ו הַמֶּֽלֶךְ׃ ס

25 וּמְפִבֹ֨שֶׁת֙a בֶּן־שָׁא֔וּל יָרַ֖דb לִקְרַ֣אתc הַמֶּ֑לֶךְ וְלֹא־עָשָׂ֨הd רַגְלָ֜יו וְלֹא־עָשָׂ֣הe שְׂפָמֹ֗וf וְאֶת־בְּגָדָיו֙ לֹ֣א כִבֵּ֔סg לְמִן־הַיֹּום֙ לֶ֣כֶתh הַמֶּ֔לֶךְ עַד־הַיֹּ֖ום אֲשֶׁר־בָּ֥אi בְשָׁלֹֽום׃

26 וַיְהִ֛יa כִּי־בָ֥אb יְרוּשָׁלִַ֖ם לִקְרַ֣אתc הַמֶּ֑לֶךְ וַיֹּ֤אמֶרd לֹו֙ הַמֶּ֔לֶךְ לָ֛מָּה לֹא־הָלַ֥כְתָּe עִמִּ֖י מְפִיבֹֽשֶׁתf ׃

27 וַיֹּאמַ֕רa אֲדֹנִ֥י הַמֶּ֖לֶךְ עַבְדִּ֣י רִמָּ֑נִיb כִּֽי־אָמַ֨רc עַבְדְּךָ֜ אֶחְבְּשָׁהd ־לִּי֩ הַחֲמֹ֨ור וְאֶרְכַּ֤בe עָלֶ֨יהָ֙ וְאֵלֵ֣ךְf אֶת־הַמֶּ֔לֶךְ כִּ֥י פִסֵּ֖חַg עַבְדֶּֽךָ׃

28 וַיְרַגֵּ֣לa בְּעַבְדְּךָ֔ אֶל־אֲדֹנִ֖י הַמֶּ֑לֶךְ וַאדֹנִ֤י הַמֶּ֨לֶךְ֙ כְּמַלְאַ֣ךְ הָאֱלֹהִ֔ים וַעֲשֵׂ֥הb הַטֹּ֖וב בְּעֵינֶֽיךָ׃

29 כִּי֩ לֹ֨א הָיָ֜הa כָּל־בֵּ֣ית אָבִ֗י כִּ֤י אִם־אַנְשֵׁי־מָ֨וֶת֙ לַאדֹנִ֣י הַמֶּ֔לֶךְ וַתָּ֨שֶׁת֙b אֶֽת־עַבְדְּךָ֔ בְּאֹכְלֵ֖י שֻׁלְחָנֶ֑ךָ וּמַה־יֶּשׁ־לִ֥י עֹוד֙ צְדָקָ֔ה וְלִזְעֹ֥קc עֹ֖וד אֶל־הַמֶּֽלֶךְ׃ פ

30 וַיֹּ֤אמֶרa לֹו֙ הַמֶּ֔לֶךְ לָ֛מָּה תְּדַבֵּ֥רb עֹ֖וד דְּבָרֶ֑יךָ אָמַ֕רְתִּיc אַתָּ֣ה וְצִיבָ֔אd תַּחְלְק֖וּe אֶת־הַשָּׂדֶֽה׃

31 וַיֹּ֤אמֶרa מְפִיבֹ֨שֶׁת֙b אֶל־הַמֶּ֔לֶךְ גַּ֥ם אֶת־הַכֹּ֖ל יִקָּ֑חc אַ֠חֲרֵי אֲשֶׁר־בָּ֞אd אֲדֹנִ֥י הַמֶּ֛לֶך בְּשָׁלֹ֖ום אֶל־בֵּיתֹֽו׃ ס

32 וּבַרְזִלַּי֙a הַגִּלְעָדִ֔יb יָרַ֖דc מֵרֹגְלִ֑יםd וַיַּעֲבֹ֤רe אֶת־הַמֶּ֨לֶךְ֙ הַיַּרְדֵּ֔ן לְשַׁלְּחֹ֖וf אֶת־בירדןg ׃

33 וּבַרְזִלַּי֙a זָקֵ֣ןb מְאֹ֔ד בֶּן־שְׁמֹנִ֖ים שָׁנָ֑ה וְהֽוּא־כִלְכַּ֤לc אֶת־הַמֶּ֨לֶךְ֙ בְשִׁיבָתֹ֣וd בְמַחֲנַ֔יִםe כִּֽי־אִ֛ישׁ גָּדֹ֥ול ה֖וּא מְאֹֽד׃

34 וַיֹּ֥אמֶרa הַמֶּ֖לֶךְ אֶל־בַּרְזִלָּ֑יb אַתָּה֙ עֲבֹ֣רc אִתִּ֔י וְכִלְכַּלְתִּ֥יd אֹתְךָ֛ עִמָּדִ֖יe בִּירוּשָׁלִָֽם׃

35 וַיֹּ֥אמֶרa בַּרְזִלַּ֖יb אֶל־הַמֶּ֑לֶךְ כַּמָּ֗ה יְמֵי֙ שְׁנֵ֣י חַיַּ֔י כִּי־אֶעֱלֶ֥הc אֶת־הַמֶּ֖לֶךְ יְרוּשָׁלִָֽם׃

36 בֶּן־שְׁמֹנִ֣ים שָׁנָה֩ אָנֹכִ֨י הַיֹּ֜ום הַאֵדַ֣עa ׀ בֵּין־טֹ֣וב לְרָ֗ע אִם־יִטְעַ֤םb עַבְדְּךָ֙ אֶת־אֲשֶׁ֤ר אֹכַל֙c וְאֶת־אֲשֶׁ֣ר אֶשְׁתֶּ֔הd אִם־אֶשְׁמַ֣עe עֹ֔וד בְּקֹ֖ול שָׁרִ֣ים וְשָׁרֹ֑ות וְלָמָּה֩ יִֽהְיֶ֨הf עַבְדְּךָ֥ עֹוד֙ לְמַשָּׂ֔אg אֶל־אֲדֹנִ֖י הַמֶּֽלֶךְ׃

37 כִּמְעַ֞ט יַעֲבֹ֧רa עַבְדְּךָ֛ אֶת־הַיַּרְדֵּ֖ן אֶת־הַמֶּ֑לֶךְ וְלָ֨מָּה֙ יִגְמְלֵ֣נִיb הַמֶּ֔לֶךְ הַגְּמוּלָ֖הc הַזֹּֽאת׃

38 יָֽשָׁבa ־נָ֤א עַבְדְּךָ֙ וְאָמֻ֣תb בְּעִירִ֔י עִ֛ם קֶ֥בֶר אָבִ֖י וְאִמִּ֑י וְהִנֵּ֣ה׀ עַבְדְּךָ֣ כִמְהָ֗םc יַֽעֲבֹר֙d עִם־אֲדֹנִ֣י הַמֶּ֔לֶךְ וַעֲשֵׂהe ־לֹ֕ו אֵ֥ת אֲשֶׁר־טֹ֖ובf בְּעֵינֶֽיךָ׃ ס

39 וַיֹּ֣אמֶרa הַמֶּ֗לֶךְ אִתִּי֙ יַעֲבֹ֣רb כִּמְהָ֔םc וַאֲנִי֙ אֶעֱשֶׂהd ־לֹּ֔ו אֶת־הַטֹּ֖וב בְּעֵינֶ֑יךָ וְכֹ֛ל אֲשֶׁר־תִּבְחַ֥רe עָלַ֖י אֶֽעֱשֶׂהf ־לָּֽךְ׃

40 וַיַּעֲבֹ֧רa כָּל־הָעָ֛ם אֶת־הַיַּרְדֵּ֖ן וְהַמֶּ֣לֶךְ עָבָ֑רb וַיִּשַּׁ֨קc הַמֶּ֤לֶךְ לְבַרְזִלַּי֙d וַיְבָ֣רֲכֵ֔הוּe וַיָּ֖שָׁבf לִמְקֹמֹֽו׃ ס

41 וַיַּעֲבֹ֤רa הַמֶּ֨לֶךְ֙ הַגִּלְגָּ֔לָהb וְכִמְהָ֖ןc עָבַ֣רd עִמֹּ֑ו וְכָל־עַ֤ם יְהוּדָה֙ ויעברוe אֶת־הַמֶּ֔לֶךְ וְגַ֕ם חֲצִ֖י עַ֥ם יִשְׂרָאֵֽל׃

42 וְהִנֵּ֛ה כָּל־אִ֥ישׁ יִשְׂרָאֵ֖ל בָּאִ֣יםa אֶל־הַמֶּ֑לֶךְ וַיֹּאמְר֣וּb אֶל־הַמֶּ֡לֶךְ מַדּוּעַ֩ גְּנָב֨וּךָc אַחֵ֜ינוּ אִ֣ישׁ יְהוּדָ֗ה וַיַּעֲבִ֨רוּd אֶת־הַמֶּ֤לֶךְ וְאֶת־בֵּיתֹו֙ אֶת־הַיַּרְדֵּ֔ן וְכָל־אַנְשֵׁ֥י דָוִ֖ד עִמֹּֽו׃ ס

43 וַיַּעַן֩a כָּל־אִ֨ישׁ יְהוּדָ֜ה עַל־אִ֣ישׁ יִשְׂרָאֵ֗ל כִּֽי־קָרֹ֤וב הַמֶּ֨לֶךְ֙ אֵלַ֔י וְלָ֤מָּה זֶּה֙ חָרָ֣הb לְךָ֔ עַל־הַדָּבָ֖ר הַזֶּ֑ה הֶאָכֹ֤ול אָכַ֨לְנוּ֙c מִן־הַמֶּ֔לֶךְ אִם־נִשֵּׂ֥את נִשָּׂ֖אd לָֽנוּ׃ ס

44 וַיַּ֣עַןa אִֽישׁ־יִשְׂרָאֵל֩ אֶת־אִ֨ישׁ יְהוּדָ֜ה וַיֹּ֗אמֶרb עֶֽשֶׂר־יָדֹ֨ות לִ֣י בַמֶּלֶךְ֮ וְגַם־בְּדָוִד֮ אֲנִ֣י מִמְּךָ֒ וּמַדּ֨וּעַ֙ הֱקִלֹּתַ֔נִיc וְלֹא־הָיָ֨הd דְבָרִ֥י רִאשֹׁ֛ון לִ֖י לְהָשִׁ֣יבe אֶת־מַלְכִּ֑י וַיִּ֨קֶשׁ֙f דְּבַר־אִ֣ישׁ יְהוּדָ֔ה מִדְּבַ֖ר אִ֥ישׁ יִשְׂרָאֵֽל׃ ס