שמואל ב

וַיִּפְקֹ֣דa דָּוִ֔ד אֶת־הָעָ֖ם אֲשֶׁ֣ר אִתֹּ֑ו וַיָּ֣שֶׂםb עֲלֵיהֶ֔ם שָׂרֵ֥י אֲלָפִ֖ים וְשָׂרֵ֥י מֵאֹֽות׃

2 וַיְשַׁלַּ֨חa דָּוִ֜ד אֶת־הָעָ֗ם הַשְּׁלִשִׁ֤יתb בְּיַד־יֹואָב֙ וְ֠הַשְּׁלִשִׁיתc בְּיַ֨ד אֲבִישַׁ֤יd בֶּן־צְרוּיָה֙e אֲחִ֣י יֹואָ֔ב וְהַ֨שְּׁלִשִׁ֔תf בְּיַ֖ד אִתַּ֣יg הַגִּתִּ֑יh ס וַיֹּ֤אמֶרi הַמֶּ֨לֶךְ֙ אֶל־הָעָ֔ם יָצֹ֥א אֵצֵ֛אj גַּם־אֲנִ֖י עִמָּכֶֽם׃

3 וַיֹּ֨אמֶרa הָעָ֜ם לֹ֣א תֵצֵ֗אb כִּי֩ אִם־נֹ֨ס נָנ֜וּסc לֹא־יָשִׂ֧ימוּd אֵלֵ֣ינוּ לֵ֗ב וְאִם־יָמֻ֤תוּe חֶצְיֵ֨נוּ֙ לֹֽא־יָשִׂ֤ימוּf אֵלֵ֨ינוּ֙ לֵ֔ב כִּֽי־עַתָּ֥ה כָמֹ֖נוּ עֲשָׂרָ֣ה אֲלָפִ֑ים וְעַתָּ֣ה טֹ֔וב כִּי־תִֽהְיֶהg ־לָּ֥נוּ מֵעִ֖יר לעזירh ׃

4 וַיֹּ֤אמֶרa אֲלֵיהֶם֙ הַמֶּ֔לֶךְ אֲשֶׁר־יִיטַ֥בb בְּעֵינֵיכֶ֖ם אֶעֱשֶׂ֑הc וַיַּעֲמֹ֤דd הַמֶּ֨לֶךְ֙ אֶל־יַ֣ד הַשַּׁ֔עַר וְכָל־הָעָם֙ יָֽצְא֔וּe לְמֵאֹ֖ות וְלַאֲלָפִֽים׃

5 וַיְצַ֣וa הַמֶּ֡לֶךְ אֶת־יֹ֠ואָב וְאֶת־אֲבִישַׁ֤יb וְאֶת־אִתַּי֙c לֵאמֹ֔רd לְאַטe ־לִ֖י לַנַּ֣עַר לְאַבְשָׁלֹ֑ום וְכָל־הָעָ֣ם שָׁמְע֗וּf בְּצַוֹּ֥תg הַמֶּ֛לֶךְ אֶת־כָּל־הַשָּׂרִ֖ים עַל־דְּבַ֥ר אַבְשָׁלֹֽום׃

6 וַיֵּצֵ֥אa הָעָ֛ם הַשָּׂדֶ֖ה לִקְרַ֣אתb יִשְׂרָאֵ֑ל וַתְּהִ֥יc הַמִּלְחָמָ֖ה בְּיַ֥עַר אֶפְרָֽיִם׃

7 וַיִּנָּ֤גְפוּa שָׁם֙ עַ֣ם יִשְׂרָאֵ֔ל לִפְנֵ֖י עַבְדֵ֣י דָוִ֑ד וַתְּהִיb ־שָׁ֞ם הַמַּגֵּפָ֧הc גְדֹולָ֛ה בַּיֹּ֥ום הַה֖וּא עֶשְׂרִ֥ים אָֽלֶף׃

8 וַתְּהִיa ־שָׁ֧ם הַמִּלְחָמָ֛ה נפציתb עַל־פְּנֵ֣י כָל־הָאָ֑רֶץ וַיֶּ֤רֶבc הַיַּ֨עַר֙ לֶאֱכֹ֣לd בָּעָ֔ם מֵאֲשֶׁ֥ר אָכְלָ֛הe הַחֶ֖רֶב בַּיֹּ֥ום הַהֽוּא׃

9 וַיִּקָּרֵא֙a אַבְשָׁלֹ֔ום לִפְנֵ֖י עַבְדֵ֣י דָוִ֑ד וְאַבְשָׁלֹ֞ום רֹכֵ֣בb עַל־הַפֶּ֗רֶדc וַיָּבֹ֣אd הַפֶּ֡רֶדe תַּ֣חַת שֹׂובֶךְ֩f הָאֵלָ֨הg הַגְּדֹולָ֜ה וַיֶּחֱזַ֧קh רֹאשֹׁ֣ו בָאֵלָ֗הi וַיֻּתַּן֙j בֵּ֤ין הַשָּׁמַ֨יִם֙ וּבֵ֣ין הָאָ֔רֶץ וְהַפֶּ֥רֶדk אֲשֶׁר־תַּחְתָּ֖יו עָבָֽרl ׃

10 וַיַּרְא֙a אִ֣ישׁ אֶחָ֔ד וַיַּגֵּ֖דb לְיֹואָ֑ב וַיֹּ֗אמֶרc הִנֵּה֙ רָאִ֣יתִיd אֶת־אַבְשָׁלֹ֔ם תָּל֖וּיe בָּאֵלָֽהf ׃

11 וַיֹּ֣אמֶרa יֹואָ֗ב לָאִישׁ֙ הַמַּגִּ֣ידb לֹ֔ו וְהִנֵּ֣ה רָאִ֔יתָc וּמַדּ֛וּעַ לֹֽא־הִכִּיתֹ֥וd שָׁ֖ם אָ֑רְצָה וְעָלַ֗י לָ֤תֶתe לְךָ֙ עֲשָׂ֣רָה כֶ֔סֶף וַחֲגֹרָ֖הf אֶחָֽת׃

12 וַיֹּ֤אמֶרa הָאִישׁ֙ אֶל־יֹואָ֔ב ולאb אָנֹכִ֜י שֹׁקֵ֤לc עַל־כַּפַּי֙ אֶ֣לֶף כֶּ֔סֶף לֹֽא־אֶשְׁלַ֥חd יָדִ֖י אֶל־בֶּן־הַמֶּ֑לֶךְ כִּ֣י בְאָזְנֵ֜ינוּ צִוָּ֣הe הַמֶּ֗לֶךְ אֹ֠תְךָ וְאֶת־אֲבִישַׁ֤יf וְאֶת־אִתַּי֙g לֵאמֹ֔רh שִׁמְרוּi ־מִ֕י בַּנַּ֖עַר בְּאַבְשָׁלֹֽום׃

13 אֹֽו־עָשִׂ֤יתִיa בנפשׁוb שֶׁ֔קֶר וְכָל־דָּבָ֖ר לֹא־יִכָּחֵ֣דc מִן־הַמֶּ֑לֶךְ וְאַתָּ֖ה תִּתְיַצֵּ֥בd מִנֶּֽגֶד׃

14 וַיֹּ֣אמֶרa יֹואָ֔ב לֹא־כֵ֖ן אֹחִ֣ילָהb לְפָנֶ֑יךָ וַיִּקַּח֩c שְׁלֹשָׁ֨ה שְׁבָטִ֜ים בְּכַפֹּ֗ו וַיִּתְקָעֵם֙d בְּלֵ֣ב אַבְשָׁלֹ֔ום עֹודֶ֥נּוּ חַ֖י בְּלֵ֥ב הָאֵלָֽהe ׃

15 וַיָּסֹ֨בּוּ֙a עֲשָׂרָ֣ה נְעָרִ֔ים נֹשְׂאֵ֖י כְּלֵ֣י יֹואָ֑ב וַיַּכּ֥וּb אֶת־אַבְשָׁלֹ֖ום וַיְמִיתֻֽהוּc ׃

16 וַיִּתְקַ֤עa יֹואָב֙ בַּשֹּׁפָ֔ר וַיָּ֣שָׁבb הָעָ֔ם מִרְדֹ֖ףc אַחֲרֵ֣י יִשְׂרָאֵ֑ל כִּֽי־חָשַׂ֥ךְd יֹואָ֖ב אֶת־הָעָֽם׃

17 וַיִּקְח֣וּa אֶת־אַבְשָׁלֹ֗ום וַיַּשְׁלִ֨יכוּb אֹתֹ֤ו בַיַּ֨עַר֙ אֶל־הַפַּ֣חַתc הַגָּדֹ֔ול וַיַּצִּ֧בוּd עָלָ֛יו גַּלe ־אֲבָנִ֖ים גָּדֹ֣ול מְאֹ֑ד וְכָל־יִשְׂרָאֵ֔ל נָ֖סוּf אִ֥ישׁ לאהלוg ׃

18 וְאַבְשָׁלֹ֣ם לָקַ֗חa וַיַּצֶּבb ־לֹ֤ו בחיוc אֶת־מַצֶּ֨בֶת֙d אֲשֶׁ֣ר בְּעֵֽמֶק־הַמֶּ֔לֶךְ כִּ֤י אָמַר֙e אֵֽין־לִ֣י בֵ֔ן בַּעֲב֖וּרf הַזְכִּ֣ירg שְׁמִ֑י וַיִּקְרָ֤אh לַמַּצֶּ֨בֶת֙i עַל־שְׁמֹ֔ו וַיִּקָּ֤רֵאj לָהּ֙ יַ֣ד אַבְשָׁלֹ֔ם עַ֖ד הַיֹּ֥ום הַזֶּֽה׃ ס

19 וַאֲחִימַ֤עַץa בֶּן־צָדֹוק֙ אָמַ֔רb אָר֣וּצָהc נָּ֔א וַאֲבַשְּׂרָ֖הd אֶת־הַמֶּ֑לֶךְ כִּי־שְׁפָטֹ֥וe יְהוָ֖ה מִיַּ֥ד אֹיְבָֽיו׃

20 וַיֹּ֧אמֶרa לֹ֣ו יֹואָ֗ב לֹא֩ אִ֨ישׁ בְּשֹׂרָ֤הb אַתָּה֙ הַיֹּ֣ום הַזֶּ֔ה וּבִשַּׂרְתָּ֖c בְּיֹ֣ום אַחֵ֑ר וְהַיֹּ֤ום הַזֶּה֙ לֹ֣א תְבַשֵּׂ֔רd כִּֽי־עלe f בֶּן־הַמֶּ֖לֶךְ מֵֽתg ׃

21 וַיֹּ֤אמֶרa יֹואָב֙ לַכּוּשִׁ֔יb לֵ֛ךְc הַגֵּ֥דd לַמֶּ֖לֶךְ אֲשֶׁ֣ר רָאִ֑יתָהe וַיִּשְׁתַּ֧חוּf כוּשִׁ֛יg לְיֹואָ֖ב וַיָּרֹֽץh ׃

22 וַיֹּ֨סֶףa עֹ֜וד אֲחִימַ֤עַץb בֶּן־צָדֹוק֙ וַיֹּ֣אמֶרc אֶל־יֹואָ֔ב וִ֣יהִיd מָ֔ה אָרֻֽצָהe ־נָּ֥א גַם־אָ֖נִי אַחֲרֵ֣י הַכּוּשִׁ֑יf וַיֹּ֣אמֶרg יֹואָ֗ב לָֽמָּה־זֶּ֞ה אַתָּ֥ה רָץ֙h בְּנִ֔י וּלְכָ֖ה אֵין־בְּשֹׂורָ֥הi מֹצֵֽאת׃

23 וִיהִיa ־מָ֣ה אָר֔וּץb וַיֹּ֥אמֶרc לֹ֖ו ר֑וּץd וַיָּ֤רָץe אֲחִימַ֨עַץ֙f דֶּ֣רֶךְ הַכִּכָּ֔ר וַֽיַּעֲבֹ֖רg אֶת־הַכּוּשִֽׁיh ׃

24 וְדָוִ֥ד יֹושֵׁ֖בa בֵּין־שְׁנֵ֣י הַשְּׁעָרִ֑ים וַיֵּ֨לֶךְb הַצֹּפֶ֜הc אֶל־גַּ֤גd הַשַּׁ֨עַר֙ אֶל־הַ֣חֹומָ֔ה וַיִּשָּׂ֤אe אֶת־עֵינָיו֙ וַיַּ֔רְאf וְהִנֵּה־אִ֖ישׁ רָ֥ץg לְבַדֹּֽו׃

25 וַיִּקְרָ֤אa הַצֹּפֶה֙b וַיַּגֵּ֣דc לַמֶּ֔לֶךְ וַיֹּ֣אמֶרd הַמֶּ֔לֶךְ אִם־לְבַדֹּ֖ו בְּשֹׂורָ֣הe בְּפִ֑יו וַיֵּ֥לֶךְf הָלֹ֖וךְ וְקָרֵֽבg ׃

26 וַיַּ֣רְאa הַצֹּפֶה֮b אִישׁ־אַחֵ֣ר רָץ֒ וַיִּקְרָ֤אc הַצֹּפֶה֙d אֶל־הַשֹּׁעֵ֔רe וַיֹּ֕אמֶרf הִנֵּה־אִ֖ישׁ רָ֣ץg לְבַדֹּ֑ו וַיֹּ֥אמֶרh הַמֶּ֖לֶךְ גַּם־זֶ֥ה מְבַשֵּֽׂרi ׃

27 וַיֹּ֨אמֶר֙a הַצֹּפֶ֔הb אֲנִ֤י רֹאֶה֙c אֶת־מְרוּצַ֣תd הָרִאשֹׁ֔ון כִּמְרֻצַ֖תe אֲחִימַ֣עַץf בֶּן־צָדֹ֑וק וַיֹּ֤אמֶרg הַמֶּ֨לֶךְ֙ אִֽישׁ־טֹ֣וב זֶ֔ה וְאֶל־בְּשֹׂורָ֥הh טֹובָ֖ה יָבֹֽואi ׃

28 וַיִּקְרָ֣אa אֲחִימַ֗עַץb וַיֹּ֤אמֶרc אֶל־הַמֶּ֨לֶךְ֙ שָׁלֹ֔ום וַיִּשְׁתַּ֧חוּd לַמֶּ֛לֶךְ לְאַפָּ֖יו אָ֑רְצָה ס וַיֹּ֗אמֶרe בָּרוּךְ֙f יְהוָ֣ה אֱלֹהֶ֔יךָ אֲשֶׁ֤ר סִגַּר֙g אֶת־הָ֣אֲנָשִׁ֔ים אֲשֶׁר־נָשְׂא֥וּh אֶת־יָדָ֖ם בַּֽאדֹנִ֥י הַמֶּֽלֶךְ׃

29 וַיֹּ֣אמֶרa הַמֶּ֔לֶךְ שָׁלֹ֥ום לַנַּ֖עַר לְאַבְשָׁלֹ֑ום וַיֹּ֣אמֶרb אֲחִימַ֡עַץc רָאִיתִי֩d הֶהָמֹ֨ון הַגָּדֹ֜ול לִ֠שְׁלֹחַe אֶת־עֶ֨בֶד הַמֶּ֤לֶךְ יֹואָב֙ וְאֶת־עַבְדֶּ֔ךָ וְלֹ֥א יָדַ֖עְתִּיf מָֽה׃

30 וַיֹּ֣אמֶרa הַמֶּ֔לֶךְ סֹ֖בb הִתְיַצֵּ֣בc כֹּ֑ה וַיִּסֹּ֖בd וַֽיַּעֲמֹֽדe ׃

31 וְהִנֵּ֥ה הַכּוּשִׁ֖יa בָּ֑אb וַיֹּ֣אמֶרc הַכּוּשִׁ֗יd יִתְבַּשֵּׂר֙e אֲדֹנִ֣י הַמֶּ֔לֶךְ כִּֽי־שְׁפָטְךָ֤f יְהוָה֙ הַיֹּ֔ום מִיַּ֖ד כָּל־הַקָּמִ֥יםg עָלֶֽיךָ׃ ס

32 וַיֹּ֤אמֶרa הַמֶּ֨לֶךְ֙ אֶל־הַכּוּשִׁ֔יb הֲשָׁלֹ֥ום לַנַּ֖עַר לְאַבְשָׁלֹ֑ום וַיֹּ֣אמֶרc הַכּוּשִׁ֗יd יִהְי֤וּe כַנַּ֨עַר֙ אֹֽיְבֵי֙ אֲדֹנִ֣י הַמֶּ֔לֶךְ וְכֹ֛ל אֲשֶׁר־קָ֥מוּf עָלֶ֖יךָ לְרָעָֽה׃ ס