שמואל ב

וַיֹּ֥אמֶרa אֲחִיתֹ֖פֶלb אֶל־אַבְשָׁלֹ֑ם אֶבְחֲרָ֣הc נָּ֗א שְׁנֵים־עָשָׂ֥ר אֶ֨לֶף֙ אִ֔ישׁ וְאָק֛וּמָהd וְאֶרְדְּפָ֥הe אַחֲרֵי־דָוִ֖ד הַלָּֽיְלָה׃

2 וְאָבֹ֣ואa עָלָ֗יו וְה֤וּא יָגֵ֨עַ֙b וּרְפֵ֣הc יָדַ֔יִם וְהַֽחֲרַדְתִּ֣יd אֹתֹ֔ו וְנָ֖סe כָּל־הָעָ֣ם אֲשֶׁר־אִתֹּ֑ו וְהִכֵּיתִ֥יf אֶת־הַמֶּ֖לֶךְ לְבַדֹּֽו׃

3 וְאָשִׁ֥יבָהa כָל־הָעָ֖ם אֵלֶ֑יךָ כְּשׁ֣וּבb הַכֹּ֔ל הָאִישׁ֙ אֲשֶׁ֣ר אַתָּ֣ה מְבַקֵּ֔שׁc כָּל־הָעָ֖ם יִהְיֶ֥הd שָׁלֹֽום׃

4 וַיִּישַׁ֥רa הַדָּבָ֖ר בְּעֵינֵ֣י אַבְשָׁלֹ֑ם וּבְעֵינֵ֖י כָּל־זִקְנֵ֥י יִשְׂרָאֵֽל׃ ס

5 וַיֹּ֨אמֶר֙a אַבְשָׁלֹ֔ום קְרָ֣אb נָ֔א גַּ֖ם לְחוּשַׁ֣יc הָאַרְכִּ֑יd וְנִשְׁמְעָ֥הe מַה־בְּפִ֖יו גַּם־הֽוּא׃

6 וַיָּבֹ֣אa חוּשַׁי֮b אֶל־אַבְשָׁלֹום֒ וַיֹּאמֶר֩c אַבְשָׁלֹ֨ום אֵלָ֜יו לֵאמֹ֗רd כַּדָּבָ֤ר הַזֶּה֙ דִּבֶּ֣רe אֲחִיתֹ֔פֶלf הֲנַעֲשֶׂ֖הg אֶת־דְּבָרֹ֑ו אִם־אַ֖יִן אַתָּ֥ה דַבֵּֽרh ׃ ס

7 וַיֹּ֥אמֶרa חוּשַׁ֖יb אֶל־אַבְשָׁלֹ֑ום לֹֽא־טֹובָ֧ה הָעֵצָ֛ה אֲשֶׁר־יָעַ֥ץc אֲחִיתֹ֖פֶלd בַּפַּ֥עַם הַזֹּֽאת׃

8 וַיֹּ֣אמֶרa חוּשַׁ֗יb אַתָּ֣ה יָ֠דַעְתָּc אֶת־אָבִ֨יךָ וְאֶת־אֲנָשָׁ֜יו כִּ֧י גִבֹּרִ֣ים הֵ֗מָּה וּמָרֵ֥יd נֶ֨פֶשׁ֙ הֵ֔מָּה כְּדֹ֥בe שַׁכּ֖וּלf בַּשָּׂדֶ֑ה וְאָבִ֨יךָ֙ אִ֣ישׁ מִלְחָמָ֔ה וְלֹ֥א יָלִ֖יןg אֶת־הָעָֽם׃

9 הִנֵּ֨ה עַתָּ֤ה הֽוּא־נֶחְבָּא֙a בְּאַחַ֣ת הַפְּחָתִ֔יםb אֹ֖ו בְּאַחַ֣ד הַמְּקֹומֹ֑ת וְהָיָ֗הc כִּנְפֹ֤לd בָּהֶם֙ בַּתְּחִלָּ֔הe וְשָׁמַ֤עf הַשֹּׁמֵ֨עַ֙g וְאָמַ֔רh הָֽיְתָה֙i מַגֵּפָ֔הj בָּעָ֕ם אֲשֶׁ֖ר אַחֲרֵ֥י אַבְשָׁלֹֽם׃

10 וְה֣וּא גַם־בֶּן־חַ֗יִל אֲשֶׁ֥ר לִבֹּ֛ו כְּלֵ֥ב הָאַרְיֵ֖הa הִמֵּ֣סb יִמָּ֑סc כִּֽי־יֹדֵ֤עַd כָּל־יִשְׂרָאֵל֙ כִּי־גִבֹּ֣ור אָבִ֔יךָ וּבְנֵי־חַ֖יִל אֲשֶׁ֥ר אִתֹּֽו׃

11 כִּ֣י יָעַ֗צְתִּיa הֵ֠אָסֹף יֵאָסֵ֨ףb עָלֶ֤יךָ כָל־יִשְׂרָאֵל֙ מִדָּן֙ וְעַד־בְּאֵ֣ר שֶׁ֔בַעc כַּחֹ֥ולd אֲשֶׁר־עַל־הַיָּ֖ם לָרֹ֑ב וּפָנֶ֥יךָ הֹלְכִ֖יםe בַּקְרָֽבf ׃

12 וּבָ֣אנוּa אֵלָ֗יו באחתb הַמְּקֹומֹת֙ אֲשֶׁ֣ר נִמְצָ֣אc שָׁ֔ם וְנַ֣חְנוּd עָלָ֔יו כַּאֲשֶׁ֛ר יִפֹּ֥לe הַטַּ֖לf עַל־הָאֲדָמָ֑ה וְלֹֽא־נֹ֥ותַרg בֹּ֛ו וּבְכָל־הָאֲנָשִׁ֥ים אֲשֶׁר־אִתֹּ֖ו גַּם־אֶחָֽד׃

13 וְאִם־אֶל־עִיר֙ יֵֽאָסֵ֔ףa וְהִשִּׂ֧יאוּb כָֽל־יִשְׂרָאֵ֛ל אֶל־הָעִ֥יר הַהִ֖יא חֲבָלִ֑ים וְסָחַ֤בְנוּc אֹתֹו֙ עַד־הַנַּ֔חַל עַ֛ד אֲשֶֽׁר־לֹא־נִמְצָ֥אd שָׁ֖ם גַּם־צְרֹֽורe ׃ פ

14 וַיֹּ֤אמֶרa אַבְשָׁלֹום֙ וְכָל־אִ֣ישׁ יִשְׂרָאֵ֔ל טֹובָ֗ה עֲצַת֙ חוּשַׁ֣יb הָאַרְכִּ֔יc מֵעֲצַ֖ת אֲחִיתֹ֑פֶלd וַיהוָ֣ה צִוָּ֗הe לְהָפֵ֞רf אֶת־עֲצַ֤ת אֲחִיתֹ֨פֶל֙g הַטֹּובָ֔ה לְבַעֲב֗וּרh הָבִ֧יאi יְהוָ֛ה אֶל־אַבְשָׁלֹ֖ום אֶת־הָרָעָֽה׃ ס

15 וַיֹּ֣אמֶרa חוּשַׁ֗יb אֶל־צָדֹ֤וק וְאֶל־אֶבְיָתָר֙c הַכֹּ֣הֲנִ֔ים כָּזֹ֣את וְכָזֹ֗את יָעַ֤ץd אֲחִיתֹ֨פֶל֙e אֶת־אַבְשָׁלֹ֔ם וְאֵ֖ת זִקְנֵ֣י יִשְׂרָאֵ֑ל וְכָזֹ֥את וְכָזֹ֖את יָעַ֥צְתִּיf אָֽנִי׃

16 וְעַתָּ֡ה שִׁלְח֣וּa מְהֵרָה֩b וְהַגִּ֨ידוּc לְדָוִ֜ד לֵאמֹ֗רd אַל־תָּ֤לֶןe הַלַּ֨יְלָה֙ בְּעַֽרְבֹ֣ות הַמִּדְבָּ֔ר וְגַ֖ם עָבֹ֣ור תַּעֲבֹ֑ורf פֶּ֚ן יְבֻלַּ֣עg לַמֶּ֔לֶךְ וּלְכָל־הָעָ֖ם אֲשֶׁ֥ר אִתֹּֽו׃

17 וִיהֹונָתָ֨ן וַאֲחִימַ֜עַץa עֹמְדִ֣יםb בְּעֵין־רֹגֵ֗לc וְהָלְכָ֤הd הַשִּׁפְחָה֙ וְהִגִּ֣ידָהe לָהֶ֔ם וְהֵם֙ יֵֽלְכ֔וּf וְהִגִּ֖ידוּg לַמֶּ֣לֶךְ דָּוִ֑ד כִּ֣י לֹ֥א יוּכְל֛וּh לְהֵרָאֹ֖ותi לָבֹ֥ואj הָעִֽירָה׃

18 וַיַּ֤רְאa אֹתָם֙ נַ֔עַר וַיַּגֵּ֖דb לְאַבְשָׁלֹ֑ם וַיֵּלְכוּ֩c שְׁנֵיהֶ֨ם מְהֵרָ֜הd וַיָּבֹ֣אוּe ׀ אֶל־בֵּֽית־אִ֣ישׁ בְּבַחוּרִ֗יםf וְלֹ֥ו בְאֵ֛ר בַּחֲצֵרֹ֖ו וַיֵּ֥רְדוּg שָֽׁם׃

19 וַתִּקַּ֣חa הָאִשָּׁ֗ה וַתִּפְרֹ֤שׂb אֶת־הַמָּסָךְ֙c עַל־פְּנֵ֣י הַבְּאֵ֔ר וַתִּשְׁטַ֥חd עָלָ֖יו הָֽרִפֹ֑ותe וְלֹ֥א נֹודַ֖עf דָּבָֽר׃

20 וַיָּבֹ֣אוּa עַבְדֵי֩ אַבְשָׁלֹ֨ום אֶֽל־הָאִשָּׁ֜ה הַבַּ֗יְתָה וַיֹּֽאמְרוּ֙b אַיֵּ֗הc אֲחִימַ֨עַץ֙d וִיהֹ֣ונָתָ֔ן וַתֹּ֤אמֶרe לָהֶם֙ הָֽאִשָּׁ֔ה עָבְר֖וּf מִיכַ֣לg הַמָּ֑יִם וַיְבַקְשׁוּ֙h וְלֹ֣א מָצָ֔אוּi וַיָּשֻׁ֖בוּj יְרוּשָׁלִָֽם׃ ס

21 וַיְהִ֣יa ׀ אַחֲרֵ֣י לֶכְתָּ֗םb וַֽיַּעֲלוּ֙c מֵֽהַבְּאֵ֔ר וַיֵּ֣לְכ֔וּd וַיַּגִּ֖דוּe לַמֶּ֣לֶךְ דָּוִ֑ד וַיֹּאמְר֣וּf אֶל־דָּוִ֗ד ק֣וּמוּg וְעִבְר֤וּh מְהֵרָה֙i אֶת־הַמַּ֔יִם כִּי־כָ֛כָהj יָעַ֥ץk עֲלֵיכֶ֖ם אֲחִיתֹֽפֶלl ׃

22 וַיָּ֣קָםa דָּוִ֗ד וְכָל־הָעָם֙ אֲשֶׁ֣ר אִתֹּ֔ו וַיַּעַבְר֖וּb אֶת־הַיַּרְדֵּ֑ן עַד־אֹ֣ורc הַבֹּ֗קֶר עַד־אַחַד֙ לֹ֣א נֶעְדָּ֔רd אֲשֶׁ֥ר לֹא־עָבַ֖רe אֶת־הַיַּרְדֵּֽן׃

23 וַאֲחִיתֹ֣פֶלa רָאָ֗הb כִּ֣י לֹ֣א נֶעֶשְׂתָה֮c עֲצָתֹו֒ וַיַּחֲבֹ֣שׁd אֶֽת־הַחֲמֹ֗ור וַיָּ֜קָםe וַיֵּ֤לֶךְf אֶל־בֵּיתֹו֙ אֶל־עִירֹ֔ו וַיְצַ֥וg אֶל־בֵּיתֹ֖ו וַיֵּחָנַ֑קh וַיָּ֕מָתi וַיִּקָּבֵ֖רj בְּקֶ֥בֶר אָבִֽיו׃ ס

24 וְדָוִ֖ד בָּ֣אa מַחֲנָ֑יְמָהb וְאַבְשָׁלֹ֗ם עָבַר֙c אֶת־הַיַּרְדֵּ֔ן ה֕וּא וְכָל־אִ֥ישׁ יִשְׂרָאֵ֖ל עִמֹּֽו׃

25 וְאֶת־עֲמָשָׂ֗אa שָׂ֧םb אַבְשָׁלֹ֛ם תַּ֥חַת יֹואָ֖ב עַל־הַצָּבָ֑א וַעֲמָשָׂ֣אc בֶן־אִ֗ישׁ וּשְׁמֹו֙ יִתְרָ֣אd הַיִּשְׂרְאֵלִ֔יe אֲשֶׁר־בָּא֙f אֶל־אֲבִיגַ֣לg בַּת־נָחָ֔שׁh אֲחֹ֥ות צְרוּיָ֖הi אֵ֥ם יֹואָֽב׃

26 וַיִּ֤חַןa יִשְׂרָאֵל֙ וְאַבְשָׁלֹ֔ם אֶ֖רֶץ הַגִּלְעָֽד׃ ס

27 וַיְהִ֕יa כְּבֹ֥ואb דָוִ֖ד מַחֲנָ֑יְמָהc וְשֹׁבִ֨יd בֶן־נָחָ֜שׁe מֵרַבַּ֣תf בְּנֵֽי־עַמֹּ֗ון וּמָכִ֤ירg בֶּן־עַמִּיאֵל֙h מִלֹּ֣א דְבָ֔רi וּבַרְזִלַּ֥יj הַגִּלְעָדִ֖יk מֵרֹגְלִֽיםl ׃

28 מִשְׁכָּ֤בa וְסַפֹּות֙b וּכְלִ֣י יֹוצֵ֔רc וְחִטִּ֥יםd וּשְׂעֹרִ֖יםe וְקֶ֣מַחf וְקָלִ֑יg וּפֹ֥ולh וַעֲדָשִׁ֖יםi וְקָלִֽיj ׃

29 וּדְבַ֣שׁ וְחֶמְאָ֗הa וְצֹאן֙ וּשְׁפֹ֣ותb בָּקָ֔ר הִגִּ֧ישׁוּc לְדָוִ֛ד וְלָעָ֥ם אֲשֶׁר־אִתֹּ֖ו לֶאֱכֹ֑ולd כִּ֣י אָמְר֔וּe הָעָ֗ם רָעֵ֛בf וְעָיֵ֥ףg וְצָמֵ֖אh בַּמִּדְבָּֽר׃