שמואל ב

וְדָוִ֗ד עָבַ֤רa מְעַט֙ מֵֽהָרֹ֔אשׁ וְהִנֵּ֥ה צִיבָ֛אb נַ֥עַר מְפִי־בֹ֖שֶׁתc לִקְרָאתֹ֑וd וְצֶ֨מֶדe חֲמֹרִ֜ים חֲבֻשִׁ֗יםf וַעֲלֵיהֶם֩ מָאתַ֨יִם לֶ֜חֶם וּמֵאָ֧ה צִמּוּקִ֛יםg וּמֵ֥אָה קַ֖יִץh וְנֵ֥בֶלi יָֽיִן׃

2 וַיֹּ֧אמֶרa הַמֶּ֛לֶךְ אֶל־צִיבָ֖אb מָה־אֵ֣לֶּה לָּ֑ךְ וַיֹּ֣אמֶרc צִ֠יבָאd הַחֲמֹורִ֨ים לְבֵית־הַמֶּ֜לֶךְ לִרְכֹּ֗בe ולהלחםf וְהַקַּ֨יִץ֙g לֶאֱכֹ֣ולh הַנְּעָרִ֔ים וְהַיַּ֕יִן לִשְׁתֹּ֥ותi הַיָּעֵ֖ףj בַּמִּדְבָּֽר׃

3 וַיֹּ֣אמֶרa הַמֶּ֔לֶךְ וְאַיֵּ֖הb בֶּן־אֲדֹנֶ֑יךָ וַיֹּ֨אמֶרc צִיבָ֜אd אֶל־הַמֶּ֗לֶךְ הִנֵּה֙ יֹושֵׁ֣בe בִּירוּשָׁלִַ֔ם כִּ֣י אָמַ֔רf הַיֹּ֗ום יָשִׁ֤יבוּg לִי֙ בֵּ֣ית יִשְׂרָאֵ֔ל אֵ֖ת מַמְלְכ֥וּתh אָבִֽי׃

4 וַיֹּ֤אמֶרa הַמֶּ֨לֶךְ֙ לְצִבָ֔אb הִנֵּ֣ה לְךָ֔ כֹּ֖ל אֲשֶׁ֣ר לִמְפִי־בֹ֑שֶׁתc וַיֹּ֤אמֶרd צִיבָא֙e הִֽשְׁתַּחֲוֵ֔יתִיf אֶמְצָאg ־חֵ֥ן בְּעֵינֶ֖יךָ אֲדֹנִ֥י הַמֶּֽלֶךְ׃

5 וּבָ֛אa הַמֶּ֥לֶךְ דָּוִ֖ד עַד־בַּֽחוּרִ֑יםb וְהִנֵּ֣ה מִשָּׁם֩ אִ֨ישׁ יֹוצֵ֜אc מִמִּשְׁפַּ֣חַת בֵּית־שָׁא֗וּל וּשְׁמֹו֙ שִׁמְעִ֣יd בֶן־גֵּרָ֔אe יֹצֵ֥אf יָצֹ֖וא וּמְקַלֵּֽלg ׃

6 וַיְסַקֵּ֤לa בָּֽאֲבָנִים֙ אֶת־דָּוִ֔ד וְאֶת־כָּל־עַבְדֵ֖י הַמֶּ֣לֶךְ דָּוִ֑ד וְכָל־הָעָם֙ וְכָל־הַגִּבֹּרִ֔ים מִימִינֹ֖ו וּמִשְּׂמֹאלֹֽו׃

7 וְכֹֽה־אָמַ֥רa שִׁמְעִ֖יb בְּקַֽלְלֹ֑וc צֵ֥אd צֵ֛אe אִ֥ישׁ הַדָּמִ֖ים וְאִ֥ישׁ הַבְּלִיָּֽעַלf ׃

8 הֵשִׁיב֩a עָלֶ֨יךָ יְהוָ֜ה כֹּ֣ל׀ דְּמֵ֣י בֵית־שָׁא֗וּל אֲשֶׁ֤ר מָלַ֨כְתָּ֙b תחתוc וַיִּתֵּ֤ןd יְהוָה֙ אֶת־הַמְּלוּכָ֔הe בְּיַ֖ד אַבְשָׁלֹ֣ום בְּנֶ֑ךָ וְהִנְּךָ֙ בְּרָ֣עָתֶ֔ךָ כִּ֛י אִ֥ישׁ דָּמִ֖ים אָֽתָּה׃

9 וַיֹּ֨אמֶרa אֲבִישַׁ֤יb בֶּן־צְרוּיָה֙c אֶל־הַמֶּ֔לֶךְ לָ֣מָּה יְקַלֵּ֞לd הַכֶּ֤לֶבe הַמֵּת֙ הַזֶּ֔ה אֶת־אֲדֹנִ֖י הַמֶּ֑לֶךְ אֶעְבְּרָהf ־נָּ֖א וְאָסִ֥ירָהg אֶת־רֹאשֹֽׁו׃ ס

10 וַיֹּ֣אמֶרa הַמֶּ֔לֶךְ מַה־לִּ֥י וְלָכֶ֖ם בְּנֵ֣י צְרֻיָ֑הb כיc יְקַלֵּ֗לd וכיe יְהוָה֙ אָ֤מַרf לֹו֙ קַלֵּ֣לg אֶת־דָּוִ֔ד וּמִ֣י יֹאמַ֔רh מַדּ֖וּעַ עָשִׂ֥יתָהi כֵּֽן׃ ס

11 וַיֹּ֨אמֶרa דָּוִ֤ד אֶל־אֲבִישַׁי֙b וְאֶל־כָּל־עֲבָדָ֔יו הִנֵּ֥ה בְנִ֛י אֲשֶׁר־יָצָ֥אc מִמֵּעַ֖יd מְבַקֵּ֣שׁe אֶת־נַפְשִׁ֑י וְאַ֨ף כִּֽי־עַתָּ֜ה בֶּן־הַיְמִינִ֗יf הַנִּ֤חוּg לֹו֙ וִֽיקַלֵּ֔לh כִּ֥י אָֽמַרi ־לֹ֖ו יְהוָֽה׃

12 אוּלַ֛יa יִרְאֶ֥הb יְהוָ֖ה בעוניc וְהֵשִׁ֨יבd יְהוָ֥ה לִי֙ טֹובָ֔ה תַּ֥חַת קִלְלָתֹ֖וe הַיֹּ֥ום הַזֶּֽה׃

13 וַיֵּ֧לֶךְa דָּוִ֛ד וַאֲנָשָׁ֖יו בַּדָּ֑רֶךְ ס וְשִׁמְעִ֡יb הֹלֵךְ֩c בְּצֵ֨לַעd הָהָ֜ר לְעֻמָּתֹ֗וe הָלֹוךְ֙f וַיְקַלֵּ֔לg וַיְסַקֵּ֤לh בָּֽאֲבָנִים֙ לְעֻמָּתֹ֔וi וְעִפַּ֖רj בֶּעָפָֽר׃ פ

14 וַיָּבֹ֥אa הַמֶּ֛לֶךְ וְכָל־הָעָ֥ם אֲשֶׁר־אִתֹּ֖ו עֲיֵפִ֑יםb וַיִּנָּפֵ֖שׁc שָֽׁם׃

15 וְאַבְשָׁלֹ֗ום וְכָל־הָעָם֙ אִ֣ישׁ יִשְׂרָאֵ֔ל בָּ֖אוּa יְרוּשָׁלִָ֑ם וַאֲחִיתֹ֖פֶלb אִתֹּֽו׃

16 וַיְהִ֗יa כַּֽאֲשֶׁר־בָּ֞אb חוּשַׁ֧יc הָאַרְכִּ֛יd רֵעֶ֥הe דָוִ֖ד אֶל־אַבְשָׁלֹ֑ום וַיֹּ֤אמֶרf חוּשַׁי֙g אֶל־אַבְשָׁלֹ֔ם יְחִ֥יh הַמֶּ֖לֶךְ יְחִ֥יi הַמֶּֽלֶךְ׃

17 וַיֹּ֤אמֶרa אַבְשָׁלֹום֙ אֶל־חוּשַׁ֔יb זֶ֥ה חַסְדְּךָ֖ אֶת־רֵעֶ֑ךָ לָ֥מָּה לֹֽא־הָלַ֖כְתָּc אֶת־רֵעֶֽךָ׃

18 וַיֹּ֣אמֶרa חוּשַׁי֮b אֶל־אַבְשָׁלֹם֒ לֹ֕א כִּי֩ אֲשֶׁ֨ר בָּחַ֧רc יְהוָ֛ה וְהָעָ֥ם הַזֶּ֖ה וְכָל־אִ֣ישׁ יִשְׂרָאֵ֑ל לאd אֶהְיֶ֖הe וְאִתֹּ֥ו אֵשֵֽׁבf ׃

19 וְהַשֵּׁנִ֗ית לְמִי֙ אֲנִ֣י אֶֽעֱבֹ֔דa הֲלֹ֖וא לִפְנֵ֣י בְנֹ֑ו כַּאֲשֶׁ֤ר עָבַ֨דְתִּי֙b לִפְנֵ֣י אָבִ֔יךָ כֵּ֖ן אֶהְיֶ֥הc לִפָנֶֽיךָ׃ פ

20 וַיֹּ֥אמֶרa אַבְשָׁלֹ֖ום אֶל־אֲחִיתֹ֑פֶלb הָב֥וּc לָכֶ֛ם עֵצָ֖ה מַֽה־נַּעֲשֶֽׂהd ׃

21 וַיֹּ֤אמֶרa אֲחִיתֹ֨פֶל֙b אֶל־אַבְשָׁלֹ֔ם בֹּ֚ואc אֶל־פִּלַגְשֵׁ֣יd אָבִ֔יךָ אֲשֶׁ֥ר הִנִּ֖יחַe לִשְׁמֹ֣ורf הַבָּ֑יִת וְשָׁמַ֤עg כָּל־יִשְׂרָאֵל֙ כִּֽי־נִבְאַ֣שְׁתָּh אֶת־אָבִ֔יךָ וְחָ֣זְק֔וּi יְדֵ֖י כָּל־אֲשֶׁ֥ר אִתָּֽךְ׃

22 וַיַּטּ֧וּa לְאַבְשָׁלֹ֛ום הָאֹ֖הֶל עַל־הַגָּ֑גb וַיָּבֹ֤אc אַבְשָׁלֹום֙ אֶל־פִּֽלַגְשֵׁ֣יd אָבִ֔יו לְעֵינֵ֖י כָּל־יִשְׂרָאֵֽל׃

23 וַעֲצַ֣ת אֲחִיתֹ֗פֶלa אֲשֶׁ֤ר יָעַץ֙b בַּיָּמִ֣ים הָהֵ֔ם כַּאֲשֶׁ֥ר יִשְׁאַלc ־d בִּדְבַ֣ר הָאֱלֹהִ֑ים כֵּ֚ן כָּל־עֲצַ֣ת אֲחִיתֹ֔פֶלe גַּם־לְדָוִ֖ד גַּ֥ם לְאַבְשָׁלֹֽם׃ ס