שמואל ב

וַֽיְהִי֙a מֵאַ֣חֲרֵי כֵ֔ן וַיַּ֤עַשׂb לֹו֙ אַבְשָׁלֹ֔ום מֶרְכָּבָ֖הc וְסֻסִ֑ים וַחֲמִשִּׁ֥ים אִ֖ישׁ רָצִ֥יםd לְפָנָֽיו׃

2 וְהִשְׁכִּים֙a אַבְשָׁלֹ֔ום וְעָמַ֕דb עַל־יַ֖ד דֶּ֣רֶךְ הַשָּׁ֑עַר וַיְהִ֡יc כָּל־הָאִ֣ישׁ אֲשֶֽׁר־יִהְיֶהd ־לֹּו־רִיב֩ לָבֹ֨ואe אֶל־הַמֶּ֜לֶךְ לַמִּשְׁפָּ֗ט וַיִּקְרָ֨אf אַבְשָׁלֹ֤ום אֵלָיו֙ וַיֹּ֗אמֶרg אֵֽיh ־מִזֶּ֥ה עִיר֙ אַ֔תָּה וַיֹּ֕אמֶרi מֵאַחַ֥ד שִׁבְטֵֽי־יִשְׂרָאֵ֖ל עַבְדֶּֽךָ׃

3 וַיֹּ֤אמֶרa אֵלָיו֙ אַבְשָׁלֹ֔ום רְאֵ֥הb דְבָרֶ֖ךָ טֹובִ֣ים וּנְכֹחִ֑יםc וְשֹׁמֵ֥עַ אֵין־לְךָ֖ מֵאֵ֥ת הַמֶּֽלֶךְ׃

4 וַיֹּ֨אמֶר֙a אַבְשָׁלֹ֔ום מִי־יְשִׂמֵ֥נִיb שֹׁפֵ֖ט בָּאָ֑רֶץ וְעָלַ֗י יָבֹ֥ואc כָּל־אִ֛ישׁ אֲשֶֽׁר־יִהְיֶהd ־לֹּו־רִ֥יב וּמִשְׁפָּ֖ט וְהִצְדַּקְתִּֽיוe ׃

5 וְהָיָה֙a בִּקְרָבb ־אִ֔ישׁ לְהִשְׁתַּחֲוֹ֖תc לֹ֑ו וְשָׁלַ֧חd אֶת־יָדֹ֛ו וְהֶחֱזִ֥יקe לֹ֖ו וְנָ֥שַׁקf לֹֽו׃

6 וַיַּ֨עַשׂa אַבְשָׁלֹ֜ום כַּדָּבָ֤ר הַזֶּה֙ לְכָל־יִשְׂרָאֵ֔ל אֲשֶׁר־יָבֹ֥אוּb לַמִּשְׁפָּ֖ט אֶל־הַמֶּ֑לֶךְ וַיְגַנֵּב֙c אַבְשָׁלֹ֔ום אֶת־לֵ֖ב אַנְשֵׁ֥י יִשְׂרָאֵֽל׃ פ

7 וַיְהִ֕יa מִקֵּ֖ץ אַרְבָּעִ֣ים שָׁנָ֑ה וַיֹּ֤אמֶרb אַבְשָׁלֹום֙ אֶל־הַמֶּ֔לֶךְ אֵ֣לֲכָהc נָּ֗א וַאֲשַׁלֵּ֛םd אֶת־נִדְרִ֛י אֲשֶׁר־נָדַ֥רְתִּיe לַֽיהוָ֖ה בְּחֶבְרֹֽון׃

8 כִּי־נֵ֨דֶר֙ נָדַ֣רa עַבְדְּךָ֔ בְּשִׁבְתִּ֥יb בִגְשׁ֛וּרc בַּאֲרָ֖ם לֵאמֹ֑רd אִם־ישׁיבe יְשִׁיבֵ֤נִיf יְהוָה֙ יְר֣וּשָׁלִַ֔ם וְעָבַדְתִּ֖יg אֶת־יְהוָֽה׃

9 וַיֹּֽאמֶרa ־לֹ֥ו הַמֶּ֖לֶךְ לֵ֣ךְb בְּשָׁלֹ֑ום וַיָּ֖קָםc וַיֵּ֥לֶךְd חֶבְרֹֽונָה׃ פ

10 וַיִּשְׁלַ֤חa אַבְשָׁלֹום֙ מְרַגְּלִ֔יםb בְּכָל־שִׁבְטֵ֥י יִשְׂרָאֵ֖ל לֵאמֹ֑רc כְּשָׁמְעֲכֶם֙d אֶת־קֹ֣ול הַשֹּׁפָ֔ר וַאֲמַרְתֶּ֕םe מָלַ֥ךְf אַבְשָׁלֹ֖ום בְּחֶבְרֹֽון׃

11 וְאֶת־אַבְשָׁלֹ֗ום הָלְכ֞וּa מָאתַ֤יִם אִישׁ֙ מִיר֣וּשָׁלִַ֔ם קְרֻאִ֖יםb וְהֹלְכִ֣ים לְתֻמָּ֑םc וְלֹ֥א יָדְע֖וּd כָּל־דָּבָֽר׃

12 וַיִּשְׁלַ֣חa אַ֠בְשָׁלֹום אֶת־אֲחִיתֹ֨פֶלb הַגִּֽילֹנִ֜יc יֹועֵ֣ץ דָּוִ֗ד מֵֽעִירֹו֙ מִגִּלֹ֔הd בְּזָבְחֹ֖וe אֶת־הַזְּבָחִ֑ים וַיְהִ֤יf הַקֶּ֨שֶׁר֙g אַמִּ֔ץh וְהָעָ֛ם הֹולֵ֥ךְi וָרָ֖ב אֶת־אַבְשָׁלֹֽום׃

13 וַיָּבֹא֙a הַמַּגִּ֔יד אֶל־דָּוִ֖ד לֵאמֹ֑רb הָיָ֛הc לֶב־אִ֥ישׁ יִשְׂרָאֵ֖ל אַחֲרֵ֥י אַבְשָׁלֹֽום׃

14 וַיֹּ֣אמֶרa דָּ֠וִד לְכָל־עֲבָדָ֨יו אֲשֶׁר־אִתֹּ֤ו בִירוּשָׁלִַ֨ם֙ ק֣וּמוּb וְנִבְרָ֔חָהc כִּ֛י לֹא־תִֽהְיֶהd ־לָּ֥נוּ פְלֵיטָ֖הe מִפְּנֵ֣י אַבְשָׁלֹ֑ום מַהֲר֣וּf לָלֶ֗כֶתg פֶּן־יְמַהֵ֤רh וְהִשִּׂגָ֨נוּ֙i וְהִדִּ֤יחַj עָלֵ֨ינוּ֙ אֶת־הָ֣רָעָ֔ה וְהִכָּ֥הk הָעִ֖יר לְפִי־חָֽרֶב׃

15 וַיֹּאמְר֥וּa עַבְדֵֽי־הַמֶּ֖לֶךְ אֶל־הַמֶּ֑לֶךְ כְּכֹ֧ל אֲשֶׁר־יִבְחַ֛רb אֲדֹנִ֥י הַמֶּ֖לֶךְ הִנֵּ֥ה עֲבָדֶֽיךָ׃

16 וַיֵּצֵ֥אa הַמֶּ֛לֶךְ וְכָל־בֵּיתֹ֖ו בְּרַגְלָ֑יו וַיַּעֲזֹ֣בb הַמֶּ֗לֶךְ אֵ֣ת עֶ֧שֶׂר נָשִׁ֛ים פִּֽלַגְשִׁ֖יםc לִשְׁמֹ֥רd הַבָּֽיִת׃

17 וַיֵּצֵ֥אa הַמֶּ֛לֶךְ וְכָל־הָעָ֖ם בְּרַגְלָ֑יו וַיַּעַמְד֖וּb בֵּ֥ית הַמֶּרְחָֽקc ׃

18 וְכָל־עֲבָדָיו֙ עֹבְרִ֣יםa עַל־יָדֹ֔ו וְכָל־הַכְּרֵתִ֖יb וְכָל־הַפְּלֵתִ֑יc וְכָֽל־הַגִּתִּ֞יםd שֵׁשׁ־מֵאֹ֣ות אִ֗ישׁ אֲשֶׁר־בָּ֤אוּe בְרַגְלֹו֙ מִגַּ֔תf עֹבְרִ֖יםg עַל־פְּנֵ֥י הַמֶּֽלֶךְ׃

19 וַיֹּ֤אמֶרa הַמֶּ֨לֶךְ֙ אֶל־אִתַּ֣יb הַגִּתִּ֔יc לָ֧מָּה תֵלֵ֛ךְd גַּם־אַתָּ֖ה אִתָּ֑נוּ שׁ֣וּבe וְשֵׁ֤בf עִם־הַמֶּ֨לֶךְ֙ כִּֽי־נָכְרִ֣יg אַ֔תָּה וְגַם־גֹּלֶ֥הh אַתָּ֖ה לִמְקֹומֶֽךָ׃

20 תְּמֹ֣ולa ׀ בֹּואֶ֗ךָb וְהַיֹּ֞ום אנועךc עִמָּ֨נוּ֙ לָלֶ֔כֶתd וַאֲנִ֣י הֹולֵ֔ךְe עַ֥ל אֲשֶׁר־אֲנִ֖י הֹולֵ֑ךְf שׁ֣וּבg וְהָשֵׁ֧בh אֶת־אַחֶ֛יךָ עִמָּ֖ךְ חֶ֥סֶד וֶאֱמֶֽת׃

21 וַיַּ֧עַןa אִתַּ֛יb אֶת־הַמֶּ֖לֶךְ וַיֹּאמַ֑רc חַי־יְהוָ֗ה וְחֵי֙ אֲדֹנִ֣י הַמֶּ֔לֶךְ כִּ֠י אִם־בִּמְקֹ֞ום אֲשֶׁ֥ר יִֽהְיֶהd ־שָּׁ֣ם׀ אֲדֹנִ֣י הַמֶּ֗לֶךְ אִם־לְמָ֨וֶת֙ אִם־לְחַיִּ֔ים כִּי־שָׁ֖ם יִהְיֶ֥הe עַבְדֶּֽךָ׃

22 וַיֹּ֧אמֶרa דָּוִ֛ד אֶל־אִתַּ֖יb לֵ֣ךְc וַעֲבֹ֑רd וַֽיַּעֲבֹ֞רe אִתַּ֤יf הַגִּתִּי֙g וְכָל־אֲנָשָׁ֔יו וְכָל־הַטַּ֖ףh אֲשֶׁ֥ר אִתֹּֽו׃

23 וְכָל־הָאָ֗רֶץ בֹּוכִים֙a קֹ֣ול גָּדֹ֔ול וְכָל־הָעָ֖ם עֹֽבְרִ֑ים וְהַמֶּ֗לֶךְ עֹבֵר֙b בְּנַ֣חַל קִדְרֹ֔וןc וְכָל־הָעָם֙ עֹבְרִ֔יםd עַל־פְּנֵי־דֶ֖רֶךְ אֶת־הַמִּדְבָּֽר׃

24 וְהִנֵּ֨ה גַם־צָדֹ֜וק וְכָֽל־הַלְוִיִּ֣ם אִתֹּ֗ו נֹֽשְׂאִים֙a אֶת־אֲרֹון֙ בְּרִ֣ית הָאֱלֹהִ֔ים וַיַּצִּ֨קוּ֙b אֶת־אֲרֹ֣ון הָאֱלֹהִ֔ים וַיַּ֖עַלc אֶבְיָתָ֑רd עַד־תֹּ֥םe כָּל־הָעָ֖ם לַעֲבֹ֥ורf מִן־הָעִֽיר׃

25 וַיֹּ֤אמֶרa הַמֶּ֨לֶךְ֙ לְצָדֹ֔וק הָשֵׁ֛בb אֶת־אֲרֹ֥ון הָאֱלֹהִ֖ים הָעִ֑יר אִם־אֶמְצָ֥אc חֵן֙ בְּעֵינֵ֣י יְהוָ֔ה וֶהֱשִׁבַ֕נִיd וְהִרְאַ֥נִיe אֹתֹ֖ו וְאֶת־נָוֵֽהוּf ׃

26 וְאִם֙ כֹּ֣ה יֹאמַ֔רa לֹ֥א חָפַ֖צְתִּיb בָּ֑ךְ הִנְנִ֕י יַֽעֲשֶׂהc ־לִּ֕י כַּאֲשֶׁ֥ר טֹ֖ובd בְּעֵינָֽיו׃ ס

27 וַיֹּ֤אמֶרa הַמֶּ֨לֶךְ֙ אֶל־צָדֹ֣וק הַכֹּהֵ֔ן הֲרֹואֶ֣הb אַתָּ֔ה שֻׁ֥בָהc הָעִ֖יר בְּשָׁלֹ֑ום וַאֲחִימַ֨עַץd בִּנְךָ֜ וִיהֹונָתָ֧ן בֶּן־אֶבְיָתָ֛רe שְׁנֵ֥י בְנֵיכֶ֖ם אִתְּכֶֽם׃

28 רְאוּ֙a אָנֹכִ֣י מִתְמַהְמֵ֔הַּb בעברותc הַמִּדְבָּ֑ר עַ֣ד בֹּ֥ואd דָבָ֛ר מֵעִמָּכֶ֖ם לְהַגִּ֥ידe לִֽי׃

29 וַיָּ֨שֶׁבa צָדֹ֧וק וְאֶבְיָתָ֛רb אֶת־אֲרֹ֥ון הָאֱלֹהִ֖ים יְרוּשָׁלִָ֑ם וַיֵּשְׁב֖וּc שָֽׁם׃

30 וְדָוִ֡ד עֹלֶה֩a בְמַעֲלֵ֨הb הַזֵּיתִ֜יםc עֹלֶ֣ה׀ וּבֹוכֶ֗ה וְרֹ֥אשׁ לֹו֙ חָפ֔וּיd וְה֖וּא הֹלֵ֣ךְe יָחֵ֑ףf וְכָל־הָעָ֣ם אֲשֶׁר־אִתֹּ֗ו חָפוּ֙g אִ֣ישׁ רֹאשֹׁ֔ו וְעָל֥וּh עָלֹ֖ה וּבָכֹֽה׃

31 וְדָוִד֙ הִגִּ֣ידa לֵאמֹ֔רb אֲחִיתֹ֥פֶלc בַּקֹּשְׁרִ֖יםd עִם־אַבְשָׁלֹ֑ום וַיֹּ֣אמֶרe דָּוִ֔ד סַכֶּלf ־נָ֛א אֶת־עֲצַ֥ת אֲחִיתֹ֖פֶלg יְהוָֽה׃

32 וַיְהִ֤יa דָוִד֙ בָּ֣אb עַד־הָרֹ֔אשׁ אֲשֶֽׁר־יִשְׁתַּחֲוֶ֥הc שָׁ֖ם לֵאלֹהִ֑ים וְהִנֵּ֤ה לִקְרָאתֹו֙d חוּשַׁ֣יe הָאַרְכִּ֔יf קָר֨וּעַ֙g כֻּתָּנְתֹּ֔וh וַאֲדָמָ֖ה עַל־רֹאשֹֽׁו׃

33 וַיֹּ֥אמֶרa לֹ֖ו דָּוִ֑ד אִ֚ם עָבַ֣רְתָּb אִתִּ֔י וְהָיִ֥תָc עָלַ֖י לְמַשָּֽׂאd ׃

34 וְאִם־הָעִ֣יר תָּשׁ֗וּבa וְאָמַרְתָּ֤b לְאַבְשָׁלֹום֙ עַבְדְּךָ֙ אֲנִ֤י הַמֶּ֨לֶךְ֙ אֶֽהְיֶ֔הc עֶ֣בֶד אָבִ֤יךָ וַֽאֲנִי֙ מֵאָ֔ז וְעַתָּ֖ה וַאֲנִ֣י עַבְדֶּ֑ךָ וְהֵפַרְתָּ֣הd לִ֔י אֵ֖ת עֲצַ֥ת אֲחִיתֹֽפֶלe ׃

35 וַהֲלֹ֤וא עִמְּךָ֙ שָׁ֔ם צָדֹ֥וק וְאֶבְיָתָ֖רa הַכֹּהֲנִ֑ים וְהָיָ֗הb כָּל־הַדָּבָר֙ אֲשֶׁ֤ר תִּשְׁמַע֙c מִבֵּ֣ית הַמֶּ֔לֶךְ תַּגִּ֕ידd לְצָדֹ֥וק וּלְאֶבְיָתָ֖רe הַכֹּהֲנִֽים׃

36 הִנֵּה־שָׁ֤ם עִמָּם֙ שְׁנֵ֣י בְנֵיהֶ֔ם אֲחִימַ֣עַץa לְצָדֹ֔וק וִיהֹונָתָ֖ן לְאֶבְיָתָ֑רb וּשְׁלַחְתֶּ֤םc בְּיָדָם֙ אֵלַ֔י כָּל־דָּבָ֖ר אֲשֶׁ֥ר תִּשְׁמָֽעוּd ׃

37 וַיָּבֹ֥אa חוּשַׁ֛יb רֵעֶ֥הc דָוִ֖ד הָעִ֑יר וְאַבְשָׁלֹ֔ם יָבֹ֖אd יְרוּשָׁלִָֽם׃