שמואל ב

וַיֵּ֖דַעa יֹואָ֣ב בֶּן־צְרֻיָ֑הb כִּֽי־לֵ֥ב הַמֶּ֖לֶךְ עַל־אַבְשָׁלֹֽום׃

2 וַיִּשְׁלַ֤חa יֹואָב֙ תְּקֹ֔ועָהb וַיִּקַּ֥חc מִשָּׁ֖ם אִשָּׁ֣ה חֲכָמָ֑ה וַיֹּ֣אמֶרd אֵ֠לֶיהָ הִֽתְאַבְּלִיe ־נָ֞א וְלִבְשִׁיf ־נָ֣א בִגְדֵי־אֵ֗בֶלg וְאַל־תָּס֨וּכִי֙h שֶׁ֔מֶן וְהָיִ֕יתi כְּאִשָּׁ֗ה זֶ֚ה יָמִ֣ים רַבִּ֔ים מִתְאַבֶּ֖לֶתj עַל־מֵֽת׃

3 וּבָאת֙a אֶל־הַמֶּ֔לֶךְ וְדִבַּ֥רְתְּb אֵלָ֖יו כַּדָּבָ֣ר הַזֶּ֑ה וַיָּ֧שֶׂםc יֹואָ֛ב אֶת־הַדְּבָרִ֖ים בְּפִֽיהָ׃

4 וַ֠תֹּאמֶרa הָאִשָּׁ֤ה הַתְּקֹעִית֙b אֶל־הַמֶּ֔לֶךְ וַתִּפֹּ֧לc עַל־אַפֶּ֛יהָ אַ֖רְצָה וַתִּשְׁתָּ֑חוּd וַתֹּ֖אמֶרe הֹושִׁ֥עָהf הַמֶּֽלֶךְ׃ ס

5 וַיֹּֽאמֶרa ־לָ֥הּ הַמֶּ֖לֶךְ מַה־לָּ֑ךְ וַתֹּ֗אמֶרb אֲבָ֛לc אִשָּֽׁה־אַלְמָנָ֥ה אָ֖נִי וַיָּ֥מָתd אִישִֽׁי׃

6 וּלְשִׁפְחָֽתְךָ֙ שְׁנֵ֣י בָנִ֔ים וַיִּנָּצ֤וּa שְׁנֵיהֶם֙ בַּשָּׂדֶ֔ה וְאֵ֥ין מַצִּ֖ילb בֵּֽינֵיהֶ֑ם וַיַּכֹּ֧וc הָאֶחָ֛ד אֶת־הָאֶחָ֖ד וַיָּ֥מֶתd אֹתֹֽו׃

7 וְהִנֵּה֩ קָ֨מָהa כָֽל־הַמִּשְׁפָּחָ֜ה עַל־שִׁפְחָתֶ֗ךָ וַיֹּֽאמְרוּ֙b תְּנִ֣יc ׀ אֶת־מַכֵּ֣ה אָחִ֗יו וּנְמִתֵ֨הוּ֙d בְּנֶ֤פֶשׁ אָחִיו֙ אֲשֶׁ֣ר הָרָ֔גe וְנַשְׁמִ֖ידָהf גַּ֣ם אֶת־הַיֹּורֵ֑שׁ וְכִבּ֗וּg אֶת־גַּֽחַלְתִּי֙h אֲשֶׁ֣ר נִשְׁאָ֔רָהi לְבִלְתִּ֧י שׂוםj ־לְאִישִׁ֛י שֵׁ֥ם וּשְׁאֵרִ֖ית עַל־פְּנֵ֥י הָאֲדָמָֽה׃ פ

8 וַיֹּ֧אמֶרa הַמֶּ֛לֶךְ אֶל־הָאִשָּׁ֖ה לְכִ֣יb לְבֵיתֵ֑ךְ וַאֲנִ֖י אֲצַוֶּ֥הc עָלָֽיִךְ׃

9 וַתֹּ֜אמֶרa הָאִשָּׁ֤ה הַתְּקֹועִית֙b אֶל־הַמֶּ֔לֶךְ עָלַ֞י אֲדֹנִ֥י הַמֶּ֛לֶךְ הֶעָוֹ֖ן וְעַל־בֵּ֣ית אָבִ֑י וְהַמֶּ֥לֶךְ וְכִסְאֹ֖ו נָקִֽיc ׃ ס

10 וַיֹּ֖אמֶרa הַמֶּ֑לֶךְ הַֽמְדַבֵּ֤רb אֵלַ֨יִךְ֙ וַֽהֲבֵאתֹ֣וc אֵלַ֔י וְלֹֽא־יֹסִ֥יףd עֹ֖וד לָגַ֥עַתe בָּֽךְ׃

11 וַתֹּאמֶר֩a יִזְכָּרb ־נָ֨א הַמֶּ֜לֶךְ אֶת־יְהוָ֣ה אֱלֹהֶ֗יךָ מהרביתc גֹּאֵ֤ל הַדָּם֙ לְשַׁחֵ֔תd וְלֹ֥א יַשְׁמִ֖ידוּe אֶת־בְּנִ֑י וַיֹּ֨אמֶר֙f חַי־יְהוָ֔ה אִם־יִפֹּ֛לg מִשַּׂעֲרַ֥תh בְּנֵ֖ךְ אָֽרְצָה׃

12 וַתֹּ֨אמֶר֙a הָֽאִשָּׁ֔ה תְּדַבֶּרb ־נָ֧א שִׁפְחָתְךָ֛ אֶל־אֲדֹנִ֥י הַמֶּ֖לֶךְ דָּבָ֑ר וַיֹּ֖אמֶרc דַּבֵּֽרִיd ׃ ס

13 וַתֹּ֨אמֶר֙a הָֽאִשָּׁ֔ה וְלָ֧מָּה חָשַׁ֛בְתָּהb כָּזֹ֖את עַל־עַ֣ם אֱלֹהִ֑ים וּמִדַּבֵּ֨רc הַמֶּ֜לֶךְ הַדָּבָ֤ר הַזֶּה֙ כְּאָשֵׁ֔םd לְבִלְתִּ֛י הָשִׁ֥יבe הַמֶּ֖לֶךְ אֶֽת־נִדְּחֹֽו׃

14 כִּי־מֹ֣ות נָמ֔וּתa וְכַמַּ֨יִם֙ הַנִּגָּרִ֣יםb אַ֔רְצָה אֲשֶׁ֖ר לֹ֣א יֵאָסֵ֑פוּc וְלֹֽא־יִשָּׂ֤אd אֱלֹהִים֙ נֶ֔פֶשׁ וְחָשַׁב֙e מַֽחֲשָׁבֹ֔ותf לְבִלְתִּ֛י יִדַּ֥חg מִמֶּ֖נּוּ נִדָּֽח׃

15 וְ֠עַתָּה אֲשֶׁר־בָּ֜אתִיa לְדַבֵּ֨רb אֶל־הַמֶּ֤לֶךְ אֲדֹנִי֙ אֶת־הַדָּבָ֣ר הַזֶּ֔ה כִּ֥י יֵֽרְאֻ֖נִיc הָעָ֑ם וַתֹּ֤אמֶרd שִׁפְחָֽתְךָ֙ אֲדַבְּרָהe ־נָּ֣א אֶל־הַמֶּ֔לֶךְ אוּלַ֛יf יַעֲשֶׂ֥הg הַמֶּ֖לֶךְ אֶת־דְּבַ֥ר אֲמָתֹֽו׃

16 כִּ֚י יִשְׁמַ֣עa הַמֶּ֔לֶךְ לְהַצִּ֥ילb אֶת־אֲמָתֹ֖ו מִכַּ֣ף הָאִ֑ישׁ לְהַשְׁמִ֨ידc אֹתִ֤י וְאֶת־בְּנִי֙ יַ֔חַדd מִֽנַּחֲלַ֖ת אֱלֹהִֽים׃

17 וַתֹּ֨אמֶר֙a שִׁפְחָ֣תְךָ֔ יִֽהְיֶהb ־נָּ֛א דְּבַר־אֲדֹנִ֥י הַמֶּ֖לֶךְ לִמְנוּחָ֑הc כִּ֣י׀ כְּמַלְאַ֣ךְ הָאֱלֹהִ֗ים כֵּ֣ן אֲדֹנִ֤י הַמֶּ֨לֶךְ֙ לִשְׁמֹ֨עַ֙d הַטֹּ֣וב וְהָרָ֔ע וַֽיהוָ֥ה אֱלֹהֶ֖יךָ יְהִ֥יe עִמָּֽךְ׃ פ

18 וַיַּ֣עַןa הַמֶּ֗לֶךְ וַיֹּ֨אמֶר֙b אֶל־הָ֣אִשָּׁ֔ה אַל־נָ֨א תְכַחֲדִ֤יc מִמֶּ֨נִּי֙ דָּבָ֔ר אֲשֶׁ֥ר אָנֹכִ֖י שֹׁאֵ֣לd אֹתָ֑ךְ וַתֹּ֨אמֶר֙e הָֽאִשָּׁ֔ה יְדַבֶּרf ־נָ֖א אֲדֹנִ֥י הַמֶּֽלֶךְ׃

19 וַיֹּ֣אמֶרa הַמֶּ֔לֶךְ הֲיַ֥ד יֹואָ֛ב אִתָּ֖ךְ בְּכָל־זֹ֑את וַתַּ֣עַןb הָאִשָּׁ֣ה וַתֹּ֡אמֶרc חֵֽי־נַפְשְׁךָ֩ אֲדֹנִ֨י הַמֶּ֜לֶךְ אִם־אִ֣שׁd ׀ לְהֵמִ֣יןe וּלְהַשְׂמִ֗ילf מִכֹּ֤ל אֲשֶׁר־דִּבֶּר֙g אֲדֹנִ֣י הַמֶּ֔לֶךְ כִּֽי־עַבְדְּךָ֤ יֹואָב֙ ה֣וּא צִוָּ֔נִיh וְה֗וּא שָׂ֚םi בְּפִ֣י שִׁפְחָֽתְךָ֔ אֵ֥ת כָּל־הַדְּבָרִ֖ים הָאֵֽלֶּה׃

20 לְבַעֲב֤וּרa סַבֵּב֙b אֶת־פְּנֵ֣י הַדָּבָ֔ר עָשָׂ֛הc עַבְדְּךָ֥ יֹואָ֖ב אֶת־הַדָּבָ֣ר הַזֶּ֑ה וַאדֹנִ֣י חָכָ֗ם כְּחָכְמַת֙ מַלְאַ֣ךְ הָאֱלֹהִ֔ים לָדַ֖עַתd אֶֽת־כָּל־אֲשֶׁ֥ר בָּאָֽרֶץ׃ ס

21 וַיֹּ֤אמֶרa הַמֶּ֨לֶךְ֙ אֶל־יֹואָ֔ב הִנֵּה־נָ֥א עָשִׂ֖יתִיb אֶת־הַדָּבָ֣ר הַזֶּ֑ה וְלֵ֛ךְc הָשֵׁ֥בd אֶת־הַנַּ֖עַר אֶת־אַבְשָׁלֹֽום׃

22 וַיִּפֹּל֩a יֹואָ֨ב אֶל־פָּנָ֥יו אַ֛רְצָה וַיִּשְׁתַּ֖חוּb וַיְבָ֣רֶךְc אֶת־הַמֶּ֑לֶךְ וַיֹּ֣אמֶרd יֹואָ֡ב הַיֹּום֩ יָדַ֨עe עַבְדְּךָ֜ כִּי־מָצָ֨אתִיf חֵ֤ן בְּעֵינֶ֨יךָ֙ אֲדֹנִ֣י הַמֶּ֔לֶךְ אֲשֶׁר־עָשָׂ֥הg הַמֶּ֖לֶךְ אֶת־דְּבַ֥ר עבדוh ׃

23 וַיָּ֥קָםa יֹואָ֖ב וַיֵּ֣לֶךְb גְּשׁ֑וּרָהc וַיָּבֵ֥אd אֶת־אַבְשָׁלֹ֖ום יְרוּשָׁלִָֽם׃ פ

24 וַיֹּ֤אמֶרa הַמֶּ֨לֶךְ֙ יִסֹּ֣בb אֶל־בֵּיתֹ֔ו וּפָנַ֖י לֹ֣א יִרְאֶ֑הc וַיִּסֹּ֤בd אַבְשָׁלֹום֙ אֶל־בֵּיתֹ֔ו וּפְנֵ֥י הַמֶּ֖לֶךְ לֹ֥א רָאָֽהe ׃ ס

25 וּכְאַבְשָׁלֹ֗ום לֹא־הָיָ֧הa אִישׁ־יָפֶ֛הb בְּכָל־יִשְׂרָאֵ֖ל לְהַלֵּ֣לc מְאֹ֑ד מִכַּ֤ף רַגְלֹו֙ וְעַ֣ד קָדְקֳדֹ֔וd לֹא־הָ֥יָהe בֹ֖ו מֽוּםf ׃

26 וּֽבְגַלְּחֹו֮a אֶת־רֹאשֹׁו֒ וְֽ֠הָיָהb מִקֵּץ֙ יָמִ֤ים׀ לַיָּמִים֙ אֲשֶׁ֣ר יְגַלֵּ֔חַc כִּֽי־כָבֵ֥דd עָלָ֖יו וְגִלְּחֹ֑וe וְשָׁקַל֙f אֶת־שְׂעַ֣רg רֹאשֹׁ֔ו מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ׃

27 וַיִּֽוָּלְד֤וּa לְאַבְשָׁלֹום֙ שְׁלֹושָׁ֣ה בָנִ֔ים וּבַ֥ת אַחַ֖ת וּשְׁמָ֣הּ תָּמָ֑רb הִ֣יא הָיְתָ֔הc אִשָּׁ֖ה יְפַ֥תd מַרְאֶֽה׃ פ

28 וַיֵּ֧שֶׁבa אַבְשָׁלֹ֛ום בִּירוּשָׁלִַ֖ם שְׁנָתַ֣יִם יָמִ֑ים וּפְנֵ֥י הַמֶּ֖לֶךְ לֹ֥א רָאָֽהb ׃

29 וַיִּשְׁלַ֨חa אַבְשָׁלֹ֜ום אֶל־יֹואָ֗ב לִשְׁלֹ֤חַb אֹתֹו֙ אֶל־הַמֶּ֔לֶךְ וְלֹ֥א אָבָ֖הc לָבֹ֣ואd אֵלָ֑יו וַיִּשְׁלַ֥חe עֹוד֙ שֵׁנִ֔ית וְלֹ֥א אָבָ֖הf לָבֹֽואg ׃

30 וַיֹּ֨אמֶרa אֶל־עֲבָדָ֜יו רְאוּ֩b חֶלְקַ֨תc יֹואָ֤ב אֶל־יָדִי֙ וְלֹו־שָׁ֣ם שְׂעֹרִ֔יםd לְכ֖וּe והוצתיהf בָאֵ֑שׁ וַיַּצִּ֜תוּg עַבְדֵ֧י אַבְשָׁלֹ֛ום אֶת־הַחֶלְקָ֖הh בָּאֵֽשׁ׃ פ

31 וַיָּ֣קָםa יֹואָ֔ב וַיָּבֹ֥אb אֶל־אַבְשָׁלֹ֖ום הַבָּ֑יְתָה וַיֹּ֣אמֶרc אֵלָ֔יו לָ֣מָּה הִצִּ֧יתוּd עֲבָדֶ֛ךָ אֶת־הַחֶלְקָ֥הe אֲשֶׁר־לִ֖י בָּאֵֽשׁ׃

32 וַיֹּ֣אמֶרa אַבְשָׁלֹ֣ום אֶל־יֹואָ֡ב הִנֵּ֣ה שָׁלַ֣חְתִּיb אֵלֶ֣יךָ׀ לֵאמֹ֡רc בֹּ֣אd הֵ֠נָּה וְאֶשְׁלְחָה֩e אֹתְךָ֙ אֶל־הַמֶּ֜לֶךְ לֵאמֹ֗רf לָ֤מָּה בָּ֨אתִי֙g מִגְּשׁ֔וּרh טֹ֥וב לִ֖י עֹ֣ד אֲנִי־שָׁ֑ם וְעַתָּ֗ה אֶרְאֶה֙i פְּנֵ֣י הַמֶּ֔לֶךְ וְאִם־יֶשׁ־בִּ֥י עָוֹ֖ן וֶהֱמִתָֽנִיj ׃

33 וַיָּבֹ֨אa יֹואָ֣ב אֶל־הַמֶּלֶךְ֮ וַיַּגֶּדb ־לֹו֒ וַיִּקְרָ֤אc אֶל־אַבְשָׁלֹום֙ וַיָּבֹ֣אd אֶל־הַמֶּ֔לֶךְ וַיִּשְׁתַּ֨חוּe לֹ֧ו עַל־אַפָּ֛יו אַ֖רְצָה לִפְנֵ֣י הַמֶּ֑לֶךְ וַיִּשַּׁ֥קf הַמֶּ֖לֶךְ לְאַבְשָׁלֹֽום׃ פ