שמואל ב

וַיִּשְׁלַ֧חa יְהוָ֛ה אֶת־נָתָ֖ןb אֶל־דָּוִ֑ד וַיָּבֹ֣אc אֵלָ֗יו וַיֹּ֤אמֶרd לֹו֙ שְׁנֵ֣י אֲנָשִׁ֗ים הָיוּ֙e בְּעִ֣יר אֶחָ֔ת אֶחָ֥ד עָשִׁ֖ירf וְאֶחָ֥ד רָֽאשׁg ׃

2 לְעָשִׁ֗ירa הָיָ֛הb צֹ֥אן וּבָקָ֖ר הַרְבֵּ֥ה מְאֹֽד׃

3 וְלָרָ֣שׁa אֵֽין־כֹּ֗ל כִּי֩ אִם־כִּבְשָׂ֨הb אַחַ֤ת קְטַנָּה֙c אֲשֶׁ֣ר קָנָ֔הd וַיְחַיֶּ֕הָe וַתִּגְדַּ֥לf עִמֹּ֛ו וְעִם־בָּנָ֖יו יַחְדָּ֑ו מִפִּתֹּ֨וg תֹאכַ֜לh וּמִכֹּסֹ֤וi תִשְׁתֶּה֙j וּבְחֵיקֹ֣וk תִשְׁכָּ֔בl וַתְּהִיm ־לֹ֖ו כְּבַֽת׃

4 וַיָּ֣בֹאa הֵלֶךְ֮b לְאִ֣ישׁ הֶֽעָשִׁיר֒c וַיַּחְמֹ֗לd לָקַ֤חַתe מִצֹּאנֹו֙ וּמִבְּקָרֹ֔ו לַעֲשֹׂ֕ותf לָאֹרֵ֖חַg הַבָּאh ־לֹ֑ו וַיִּקַּ֗חi אֶת־כִּבְשַׂת֙j הָאִ֣ישׁ הָרָ֔אשׁk וַֽיַּעֲשֶׂ֔הָl לָאִ֖ישׁ הַבָּ֥אm אֵלָֽיו׃

5 וַיִּֽחַרa ־אַ֥ף דָּוִ֛ד בָּאִ֖ישׁ מְאֹ֑ד וַיֹּ֨אמֶר֙b אֶל־נָתָ֔ןc חַי־יְהוָ֕ה כִּ֣י בֶן־מָ֔וֶת הָאִ֖ישׁ הָעֹשֶׂ֥הd זֹֽאת׃

6 וְאֶת־הַכִּבְשָׂ֖הa יְשַׁלֵּ֣םb אַרְבַּעְתָּ֑יִם עֵ֗קֶבc אֲשֶׁ֤ר עָשָׂה֙d אֶת־הַדָּבָ֣ר הַזֶּ֔ה וְעַ֖ל אֲשֶׁ֥ר לֹֽא־חָמָֽלe ׃

7 וַיֹּ֧אמֶרa נָתָ֛ןb אֶל־דָּוִ֖ד אַתָּ֣ה הָאִ֑ישׁ כֹּה־אָמַ֨רc יְהוָ֜ה אֱלֹהֵ֣י יִשְׂרָאֵ֗ל אָנֹכִ֞י מְשַׁחְתִּ֤יךָֽd לְמֶ֨לֶךְ֙ עַל־יִשְׂרָאֵ֔ל וְאָנֹכִ֥י הִצַּלְתִּ֖יךָe מִיַּ֥ד שָׁאֽוּל׃

8 וָאֶתְּנָ֨הa לְךָ֜ אֶת־בֵּ֣ית אֲדֹנֶ֗יךָ וְאֶת־נְשֵׁ֤י אֲדֹנֶ֨יךָ֙ בְּחֵיקֶ֔ךָb וָאֶתְּנָ֣הc לְךָ֔ אֶת־בֵּ֥ית יִשְׂרָאֵ֖ל וִֽיהוּדָ֑ה וְאִ֨ם־מְעָ֔ט וְאֹסִ֥פָהd לְּךָ֖ כָּהֵ֥נָּהe וְכָהֵֽנָּהf ׃

9 מַדּ֜וּעַ בָּזִ֣יתָa ׀ אֶת־דְּבַ֣ר יְהוָ֗ה לַעֲשֹׂ֣ותb הָרַע֮ בעינוc אֵ֣ת אוּרִיָּ֤הd הַֽחִתִּי֙e הִכִּ֣יתָf בַחֶ֔רֶב וְאֶ֨ת־אִשְׁתֹּ֔ו לָקַ֥חְתָּg לְּךָ֖ לְאִשָּׁ֑ה וְאֹתֹ֣ו הָרַ֔גְתָּh בְּחֶ֖רֶב בְּנֵ֥י עַמֹּֽון׃

10 וְעַתָּ֗ה לֹא־תָס֥וּרa חֶ֛רֶב מִבֵּיתְךָ֖ עַד־עֹולָ֑ם עֵ֚קֶבb כִּ֣י בְזִתָ֔נִיc וַתִּקַּ֗חd אֶת־אֵ֨שֶׁת֙ אוּרִיָּ֣הe הַחִתִּ֔יf לִהְיֹ֥ותg לְךָ֖ לְאִשָּֽׁה׃ ס

11 כֹּ֣ה׀ אָמַ֣רa יְהוָ֗ה הִנְנִי֩ מֵקִ֨יםb עָלֶ֤יךָ רָעָה֙ מִבֵּיתֶ֔ךָ וְלָקַחְתִּ֤יc אֶת־נָשֶׁ֨יךָ֙ לְעֵינֶ֔יךָ וְנָתַתִּ֖יd לְרֵעֶ֑יךָ וְשָׁכַב֙e עִם־נָשֶׁ֔יךָ לְעֵינֵ֖י הַשֶּׁ֥מֶשׁ הַזֹּֽאת׃

12 כִּ֥י אַתָּ֖ה עָשִׂ֣יתָa בַסָּ֑תֶרb וַאֲנִ֗י אֶעֱשֶׂה֙c אֶת־הַדָּבָ֣ר הַזֶּ֔ה נֶ֥גֶד כָּל־יִשְׂרָאֵ֖ל וְנֶ֥גֶד הַשָּֽׁמֶשׁ׃ ס

13 וַיֹּ֤אמֶרa דָּוִד֙ אֶל־נָתָ֔ןb חָטָ֖אתִיc לַֽיהוָ֑ה ס וַיֹּ֨אמֶרd נָתָ֜ןe אֶל־דָּוִ֗ד גַּם־יְהוָ֛ה הֶעֱבִ֥ירf חַטָּאתְךָ֖ לֹ֥א תָמֽוּתg ׃

14 אֶ֗פֶסa כִּֽי־נִאֵ֤ץb נִאַ֨צְתָּ֙c אֶת־אֹיְבֵ֣י יְהוָ֔ה בַּדָּבָ֖ר הַזֶּ֑ה גַּ֗ם הַבֵּ֛ן הַיִּלֹּ֥ודd לְךָ֖ מֹ֥ות יָמֽוּתe ׃

15 וַיֵּ֥לֶךְa נָתָ֖ןb אֶל־בֵּיתֹ֑ו וַיִּגֹּ֣ףc יְהוָ֗ה אֶת־הַיֶּ֜לֶד אֲשֶׁ֨ר יָלְדָ֧הd אֵֽשֶׁת־אוּרִיָּ֛הe לְדָוִ֖ד וַיֵּאָנַֽשׁf ׃

16 וַיְבַקֵּ֥שׁa דָּוִ֛ד אֶת־הָאֱלֹהִ֖ים בְּעַ֣ד הַנָּ֑עַר וַיָּ֤צָםb דָּוִד֙ צֹ֔וםc וּבָ֥אd וְלָ֖ןe וְשָׁכַ֥בf אָֽרְצָה׃

17 וַיָּקֻ֜מוּa זִקְנֵ֤י בֵיתֹו֙ עָלָ֔יו לַהֲקִימֹ֖וb מִן־הָאָ֑רֶץ וְלֹ֣א אָבָ֔הc וְלֹֽא־בָרָ֥אd אִתָּ֖ם לָֽחֶם׃

18 וַיְהִ֛יa בַּיֹּ֥ום הַשְּׁבִיעִ֖י וַיָּ֣מָתb הַיָּ֑לֶד וַיִּֽרְאוּ֩c עַבְדֵ֨י דָוִ֜ד לְהַגִּ֥ידd לֹ֣ו׀ כִּי־מֵ֣תe הַיֶּ֗לֶד כִּ֤י אָֽמְרוּ֙f הִנֵּה֩ בִהְיֹ֨ותg הַיֶּ֜לֶד חַ֗י דִּבַּ֤רְנוּh אֵלָיו֙ וְלֹא־שָׁמַ֣עi בְּקֹולֵ֔נוּ וְאֵ֨יךְ נֹאמַ֥רj אֵלָ֛יו מֵ֥תk הַיֶּ֖לֶד וְעָשָׂ֥הl רָעָֽה׃

19 וַיַּ֣רְאa דָּוִ֗ד כִּ֤י עֲבָדָיו֙ מִֽתְלַחֲשִׁ֔יםb וַיָּ֥בֶןc דָּוִ֖ד כִּ֣י מֵ֣תd הַיָּ֑לֶד וַיֹּ֨אמֶרe דָּוִ֧ד אֶל־עֲבָדָ֛יו הֲמֵ֥תf הַיֶּ֖לֶד וַיֹּ֥אמְרוּg מֵֽתh ׃

20 וַיָּקָם֩a דָּוִ֨ד מֵהָאָ֜רֶץ וַיִּרְחַ֣ץb וַיָּ֗סֶךְc וַיְחַלֵּף֙d שׂמלתוe וַיָּבֹ֥אf בֵית־יְהוָ֖ה וַיִּשְׁתָּ֑חוּg וַיָּבֹא֙h אֶל־בֵּיתֹ֔ו וַיִּשְׁאַ֕לi וַיָּשִׂ֥ימוּj לֹ֛ו לֶ֖חֶם וַיֹּאכַֽלk ׃

21 וַיֹּאמְר֤וּa עֲבָדָיו֙ אֵלָ֔יו מָֽה־הַדָּבָ֥ר הַזֶּ֖ה אֲשֶׁ֣ר עָשִׂ֑יתָהb בַּעֲב֞וּרc הַיֶּ֤לֶד חַי֙ צַ֣מְתָּd וַתֵּ֔בְךְּe וְכַֽאֲשֶׁר֙ מֵ֣תf הַיֶּ֔לֶד קַ֖מְתָּg וַתֹּ֥אכַלh לָֽחֶם׃

22 וַיֹּ֕אמֶרa בְּעֹוד֙ הַיֶּ֣לֶד חַ֔י צַ֖מְתִּיb וָֽאֶבְכֶּ֑הc כִּ֤י אָמַ֨רְתִּי֙d מִ֣י יֹודֵ֔עַ יחנניe יְהוָ֖ה וְחַ֥יf הַיָּֽלֶד׃

23 וְעַתָּ֣ה׀ מֵ֗תa לָ֤מָּה זֶּה֙ אֲנִ֣י צָ֔םb הַאוּכַ֥לc לַהֲשִׁיבֹ֖וd עֹ֑וד אֲנִי֙ הֹלֵ֣ךְe אֵלָ֔יו וְה֖וּא לֹֽא־יָשׁ֥וּבf אֵלָֽי׃

24 וַיְנַחֵ֣םa דָּוִ֗ד אֵ֚ת בַּת־שֶׁ֣בַעb אִשְׁתֹּ֔ו וַיָּבֹ֥אc אֵלֶ֖יהָ וַיִּשְׁכַּ֣בd עִמָּ֑הּ וַתֵּ֣לֶדe בֵּ֗ן ויקראf אֶת־שְׁמֹו֙ שְׁלֹמֹ֔ה וַיהוָ֖ה אֲהֵבֹֽוg ׃

25 וַיִּשְׁלַ֗חa בְּיַד֙ נָתָ֣ןb הַנָּבִ֔יא וַיִּקְרָ֥אc אֶת־שְׁמֹ֖ו יְדִ֣ידְיָ֑הּd בַּעֲב֖וּרe יְהוָֽה׃ פ

26 וַיִּלָּ֣חֶםa יֹואָ֔ב בְּרַבַּ֖תb בְּנֵ֣י עַמֹּ֑ון וַיִּלְכֹּ֖דc אֶת־עִ֥יר הַמְּלוּכָֽהd ׃

27 וַיִּשְׁלַ֥חa יֹואָ֛ב מַלְאָכִ֖ים אֶל־דָּוִ֑ד וַיֹּ֨אמֶר֙b נִלְחַ֣מְתִּיc בְרַבָּ֔הd גַּם־לָכַ֖דְתִּיe אֶת־עִ֥יר הַמָּֽיִם׃

28 וְעַתָּ֗ה אֱסֹף֙a אֶת־יֶ֣תֶר הָעָ֔ם וַחֲנֵ֥הb עַל־הָעִ֖יר וְלָכְדָ֑הּc פֶּן־אֶלְכֹּ֤דd אֲנִי֙ אֶת־הָעִ֔יר וְנִקְרָ֥אe שְׁמִ֖י עָלֶֽיהָ׃

29 וַיֶּאֱסֹ֥ףa דָּוִ֛ד אֶת־כָּל־הָעָ֖ם וַיֵּ֣לֶךְb רַבָּ֑תָהc וַיִּלָּ֥חֶםd בָּ֖הּ וַֽיִּלְכְּדָֽהּe ׃

30 וַיִּקַּ֣חa אֶת־עֲטֶֽרֶתb ־מַלְכָּם֩ מֵעַ֨ל רֹאשֹׁ֜ו וּמִשְׁקָלָ֨הּc כִּכַּ֤ר זָהָב֙ וְאֶ֣בֶן יְקָרָ֔הd וַתְּהִ֖יe עַל־רֹ֣אשׁ דָּוִ֑ד וּשְׁלַ֥ל הָעִ֛יר הֹוצִ֖יאf הַרְבֵּ֥ה מְאֹֽד׃

31 וְאֶת־הָעָ֨ם אֲשֶׁר־בָּ֜הּ הֹוצִ֗יאa וַיָּ֣שֶׂםb בַּ֠מְּגֵרָהc וּבַחֲרִצֵ֨יd הַבַּרְזֶ֜ל וּֽבְמַגְזְרֹ֣תe הַבַּרְזֶ֗ל וְהֶעֱבִ֤ירf אֹותָם֙ במלכןg וְכֵ֣ן יַעֲשֶׂ֔הh לְכֹ֖ל עָרֵ֣י בְנֵֽי־עַמֹּ֑ון וַיָּ֧שָׁבi דָּוִ֛ד וְכָל־הָעָ֖ם יְרוּשָׁלִָֽם׃ פ