שמואל ב

וַיְהִי֩a לִתְשׁוּבַ֨תb הַשָּׁנָ֜ה לְעֵ֣ת׀ צֵ֣אתc הַמַּלְאֿכִ֗ים וַיִּשְׁלַ֣חd דָּוִ֡ד אֶת־יֹואָב֩ וְאֶת־עֲבָדָ֨יו עִמֹּ֜ו וְאֶת־כָּל־יִשְׂרָאֵ֗ל וַיַּשְׁחִ֨תוּ֙e אֶת־בְּנֵ֣י עַמֹּ֔ון וַיָּצֻ֖רוּf עַל־רַבָּ֑הg וְדָוִ֖ד יֹושֵׁ֥בh בִּירוּשָׁלִָֽם׃ ס

2 וַיְהִ֣יa ׀ לְעֵ֣ת הָעֶ֗רֶב וַיָּ֨קָםb דָּוִ֜ד מֵעַ֤ל מִשְׁכָּבֹו֙c וַיִּתְהַלֵּךְ֙d עַל־גַּ֣גe בֵּית־הַמֶּ֔לֶךְ וַיַּ֥רְאf אִשָּׁ֛ה רֹחֶ֖צֶת מֵעַ֣ל הַגָּ֑גg וְהָ֣אִשָּׁ֔ה טֹובַ֥ת מַרְאֶ֖ה מְאֹֽד׃

3 וַיִּשְׁלַ֣חa דָּוִ֔ד וַיִּדְרֹ֖שׁb לָֽאִשָּׁ֑ה וַיֹּ֗אמֶרc הֲלֹוא־זֹאת֙ בַּת־שֶׁ֣בַעd בַּת־אֱלִיעָ֔םe אֵ֖שֶׁת אוּרִיָּ֥הf הַחִתִּֽיg ׃

4 וַיִּשְׁלַח֩a דָּוִ֨ד מַלְאָכִ֜ים וַיִּקָּחֶ֗הָb וַתָּבֹ֤ואc אֵלָיו֙ וַיִּשְׁכַּ֣בd עִמָּ֗הּ וְהִ֥יא מִתְקַדֶּ֖שֶׁתe מִטֻּמְאָתָ֑הּf וַתָּ֖שָׁבg אֶל־בֵּיתָֽהּ׃

5 וַתַּ֖הַרa הָֽאִשָּׁ֑ה וַתִּשְׁלַח֙b וַתַּגֵּ֣דc לְדָוִ֔ד וַתֹּ֖אמֶרd הָרָ֥הe אָנֹֽכִי׃

6 וַיִּשְׁלַ֤חa דָּוִד֙ אֶל־יֹואָ֔ב שְׁלַ֣חb אֵלַ֔י אֶת־אֽוּרִיָּ֖הc הַחִתִּ֑יd וַיִּשְׁלַ֥חe יֹואָ֛ב אֶת־אֽוּרִיָּ֖הf אֶל־דָּוִֽד׃

7 וַיָּבֹ֥אa אוּרִיָּ֖הb אֵלָ֑יו וַיִּשְׁאַ֣לc דָּוִ֗ד לִשְׁלֹ֤ום יֹואָב֙ וְלִשְׁלֹ֣ום הָעָ֔ם וְלִשְׁלֹ֖ום הַמִּלְחָמָֽה׃

8 וַיֹּ֤אמֶרa דָּוִד֙ לְא֣וּרִיָּ֗הb רֵ֥דc לְבֵיתְךָ֖ וּרְחַ֣ץd רַגְלֶ֑יךָ וַיֵּצֵ֤אe אֽוּרִיָּה֙f מִבֵּ֣ית הַמֶּ֔לֶךְ וַתֵּצֵ֥אg אַחֲרָ֖יו מַשְׂאַ֥תh הַמֶּֽלֶךְ׃

9 וַיִּשְׁכַּ֣בa אוּרִיָּ֗הb פֶּ֚תַח בֵּ֣ית הַמֶּ֔לֶךְ אֵ֖ת כָּל־עַבְדֵ֣י אֲדֹנָ֑יו וְלֹ֥א יָרַ֖דc אֶל־בֵּיתֹֽו׃

10 וַיַּגִּ֤דוּa לְדָוִד֙ לֵאמֹ֔רb לֹֽא־יָרַ֥דc אוּרִיָּ֖הd אֶל־בֵּיתֹ֑ו וַיֹּ֨אמֶרe דָּוִ֜ד אֶל־אוּרִיָּ֗הf הֲלֹ֤וא מִדֶּ֨רֶךְ֙ אַתָּ֣ה בָ֔אg מַדּ֖וּעַ לֹֽא־יָרַ֥דְתָּh אֶל־בֵּיתֶֽךָ׃

11 וַיֹּ֨אמֶרa אוּרִיָּ֜הb אֶל־דָּוִ֗ד הָ֠אָרֹון וְיִשְׂרָאֵ֨ל וִֽיהוּדָ֜ה יֹשְׁבִ֣יםc בַּסֻּכֹּ֗ותd וַאדֹנִ֨י יֹואָ֜ב וְעַבְדֵ֤י אֲדֹנִ֨י עַל־פְּנֵ֤י הַשָּׂדֶה֙ חֹנִ֔יםe וַאֲנִ֞י אָבֹ֧ואf אֶל־בֵּיתִ֛י לֶאֱכֹ֥לg וְלִשְׁתֹּ֖ותh וְלִשְׁכַּ֣בi עִם־אִשְׁתִּ֑י חַיֶּ֨ךָ֙ וְחֵ֣י נַפְשֶׁ֔ךָ אִֽם־אֶעֱשֶׂ֖הj אֶת־הַדָּבָ֥ר הַזֶּֽה׃

12 וַיֹּ֨אמֶרa דָּוִ֜ד אֶל־אוּרִיָּ֗הb שֵׁ֥בc בָּזֶ֛ה גַּם־הַיֹּ֖ום וּמָחָ֣ר אֲשַׁלְּחֶ֑ךָּd וַיֵּ֨שֶׁבe אוּרִיָּ֧הf בִירוּשָׁלִַ֛ם בַּיֹּ֥ום הַה֖וּא וּמִֽמָּחֳרָֽתg ׃

13 וַיִּקְרָאa ־לֹ֣ו דָוִ֗ד וַיֹּ֧אכַלb לְפָנָ֛יו וַיֵּ֖שְׁתְּc וַֽיְשַׁכְּרֵ֑הוּd וַיֵּצֵ֣אe בָעֶ֗רֶב לִשְׁכַּ֤בf בְּמִשְׁכָּבֹו֙g עִם־עַבְדֵ֣י אֲדֹנָ֔יו וְאֶל־בֵּיתֹ֖ו לֹ֥א יָרָֽדh ׃

14 וַיְהִ֣יa בַבֹּ֔קֶר וַיִּכְתֹּ֥בb דָּוִ֛ד סֵ֖פֶר אֶל־יֹואָ֑ב וַיִּשְׁלַ֖חc בְּיַ֥ד אוּרִיָּֽהd ׃

15 וַיִּכְתֹּ֥בa בַּסֵּ֖פֶר לֵאמֹ֑רb הָב֣וּc אֶת־אֽוּרִיָּ֗הd אֶל־מוּל֙e פְּנֵ֤י הַמִּלְחָמָה֙ הַֽחֲזָקָ֔ה וְשַׁבְתֶּ֥םf מֵאַחֲרָ֖יו וְנִכָּ֥הg וָמֵֽתh ׃ ס

16 וַיְהִ֕יa בִּשְׁמֹ֥ורb יֹואָ֖ב אֶל־הָעִ֑יר וַיִּתֵּן֙c אֶת־א֣וּרִיָּ֔הd אֶל־הַמָּקֹום֙ אֲשֶׁ֣ר יָדַ֔עe כִּ֥י אַנְשֵׁי־חַ֖יִל שָֽׁם׃

17 וַיֵּ֨צְא֜וּa אַנְשֵׁ֤י הָעִיר֙ וַיִּלָּחֲמ֣וּb אֶת־יֹואָ֔ב וַיִּפֹּ֥לc מִן־הָעָ֖ם מֵעַבְדֵ֣י דָוִ֑ד וַיָּ֕מָתd גַּ֖ם אוּרִיָּ֥הe הַחִתִּֽיf ׃

18 וַיִּשְׁלַ֖חa יֹואָ֑ב וַיַּגֵּ֣דb לְדָוִ֔ד אֶת־כָּל־דִּבְרֵ֖י הַמִּלְחָמָֽה׃

19 וַיְצַ֥וa אֶת־הַמַּלְאָ֖ךְ לֵאמֹ֑רb כְּכַלֹּותְךָ֗c אֵ֛ת כָּל־דִּבְרֵ֥י הַמִּלְחָמָ֖ה לְדַבֵּ֥רd אֶל־הַמֶּֽלֶךְ׃

20 וְהָיָ֗הa אִֽם־תַּעֲלֶה֙b חֲמַ֣ת הַמֶּ֔לֶךְ וְאָמַ֣רc לְךָ֔ מַדּ֛וּעַ נִגַּשְׁתֶּ֥םd אֶל־הָעִ֖יר לְהִלָּחֵ֑םe הֲלֹ֣וא יְדַעְתֶּ֔םf אֵ֥ת אֲשֶׁר־יֹר֖וּg מֵעַ֥ל הַחֹומָֽה׃

21 מִֽי־הִכָּ֞הa אֶת־אֲבִימֶ֣לֶךְ בֶּן־יְרֻבֶּ֗שֶׁתb הֲלֹֽוא־אִשָּׁ֡ה הִשְׁלִ֣יכָהc עָלָיו֩ פֶּ֨לַחd רֶ֜כֶב מֵעַ֤ל הַֽחֹומָה֙ וַיָּ֣מָתe בְּתֵבֵ֔ץf לָ֥מָּה נִגַּשְׁתֶּ֖םg אֶל־הַֽחֹומָ֑ה וְאָ֣מַרְתָּ֔h גַּ֗ם עַבְדְּךָ֛ אוּרִיָּ֥הi הַחִתִּ֖יj מֵֽתk ׃

22 וַיֵּ֖לֶךְa הַמַּלְאָ֑ךְ וַיָּבֹא֙b וַיַּגֵּ֣דc לְדָוִ֔ד אֵ֛ת כָּל־אֲשֶׁ֥ר שְׁלָחֹ֖וd יֹואָֽב׃

23 וַיֹּ֤אמֶרa הַמַּלְאָךְ֙ אֶל־דָּוִ֔ד כִּֽי־גָבְר֤וּb עָלֵ֨ינוּ֙ הָֽאֲנָשִׁ֔ים וַיֵּצְא֥וּc אֵלֵ֖ינוּ הַשָּׂדֶ֑ה וַנִּהְיֶ֥הd עֲלֵיהֶ֖ם עַד־פֶּ֥תַח הַשָּֽׁעַר׃

24 ויראוa המוראיםb אֶל־עֲבָדֶ֨ךָ֙ מֵעַ֣ל הַחֹומָ֔ה וַיָּמ֖וּתוּc מֵעַבְדֵ֣י הַמֶּ֑לֶךְ וְגַ֗ם עַבְדְּךָ֛ אוּרִיָּ֥הd הַחִתִּ֖יe מֵֽתf ׃ ס

25 וַיֹּ֨אמֶרa דָּוִ֜ד אֶל־הַמַּלְאָ֗ךְ כֹּֽה־תֹאמַ֤רb אֶל־יֹואָב֙ אַל־יֵרַ֤עc בְּעֵינֶ֨יךָ֙ אֶת־הַדָּבָ֣ר הַזֶּ֔ה כִּֽי־כָזֹ֥הd וְכָזֶ֖ה תֹּאכַ֣לe הֶחָ֑רֶב הַחֲזֵ֨קf מִלְחַמְתְּךָ֧g אֶל־הָעִ֛יר וְהָרְסָ֖הּh וְחַזְּקֵֽהוּi ׃

26 וַתִּשְׁמַע֙a אֵ֣שֶׁת אֽוּרִיָּ֔הb כִּי־מֵ֖תc אוּרִיָּ֣הd אִישָׁ֑הּ וַתִּסְפֹּ֖דe עַל־בַּעְלָֽהּ׃

27 וַיַּעֲבֹ֣רa הָאֵ֗בֶלb וַיִּשְׁלַ֨חc דָּוִ֜ד וַיַּאַסְפָ֤הּd אֶל־בֵּיתֹו֙ וַתְּהִיe ־לֹ֣ו לְאִשָּׁ֔ה וַתֵּ֥לֶדf לֹ֖ו בֵּ֑ן וַיֵּ֧רַעg הַדָּבָ֛ר אֲשֶׁר־עָשָׂ֥הh דָוִ֖ד בְּעֵינֵ֥י יְהוָֽה׃ פ