מלכים ב

וַיֹּאמְר֥וּa בְנֵֽי־הַנְּבִיאִ֖ים אֶל־אֱלִישָׁ֑ע הִנֵּֽה־נָ֣א הַמָּקֹ֗ום אֲשֶׁ֨ר אֲנַ֜חְנוּ יֹשְׁבִ֥יםb שָׁ֛ם לְפָנֶ֖יךָ צַ֥רc מִמֶּֽנּוּ׃

2 נֵֽלְכָהa ־נָּ֣א עַד־הַיַּרְדֵּ֗ן וְנִקְחָ֤הb מִשָּׁם֙ אִ֚ישׁ קֹורָ֣הc אֶחָ֔ת וְנַעֲשֶׂהd ־לָּ֥נוּ שָׁ֛ם מָקֹ֖ום לָשֶׁ֣בֶתe שָׁ֑ם וַיֹּ֖אמֶרf לֵֽכוּg ׃

3 וַיֹּ֨אמֶר֙a הָֽאֶחָ֔ד הֹ֥ואֶלb נָ֖א וְלֵ֣ךְc אֶת־עֲבָדֶ֑יךָ וַיֹּ֖אמֶרd אֲנִ֥י אֵלֵֽךְe ׃

4 וַיֵּ֖לֶךְa אִתָּ֑ם וַיָּבֹ֨אוּ֙b הַיַּרְדֵּ֔נָה וַֽיִּגְזְר֖וּc הָעֵצִֽים׃

5 וַיְהִ֤יa הָֽאֶחָד֙ מַפִּ֣ילb הַקֹּורָ֔הc וְאֶת־הַבַּרְזֶ֖ל נָפַ֣לd אֶל־הַמָּ֑יִם וַיִּצְעַ֥קe וַיֹּ֛אמֶרf אֲהָ֥הּg אֲדֹנִ֖י וְה֥וּא שָׁאֽוּלh ׃

6 וַיֹּ֥אמֶרa אִישׁ־הָאֱלֹהִ֖ים אָ֣נָהb נָפָ֑לc וַיַּרְאֵ֨הוּ֙d אֶת־הַמָּקֹ֔ום וַיִּקְצָבe ־עֵץ֙ וַיַּשְׁלֶךְf ־שָׁ֔מָּה וַיָּ֖צֶףg הַבַּרְזֶֽל׃

7 וַיֹּ֖אמֶרa הָ֣רֶםb לָ֑ךְ וַיִּשְׁלַ֥חc יָדֹ֖ו וַיִּקָּחֵֽהוּd ׃ פ

8 וּמֶ֣לֶךְ אֲרָ֔ם הָיָ֥הa נִלְחָ֖םb בְּיִשְׂרָאֵ֑ל וַיִּוָּעַץ֙c אֶל־עֲבָדָ֣יו לֵאמֹ֗רd אֶל־מְקֹ֛ום פְּלֹנִ֥יe אַלְמֹנִ֖יf תַּחֲנֹתִֽיg ׃

9 וַיִּשְׁלַ֞חa אִ֣ישׁ הָאֱלֹהִ֗ים אֶל־מֶ֤לֶךְ יִשְׂרָאֵל֙ לֵאמֹ֔רb הִשָּׁ֕מֶרc מֵעֲבֹ֖רd הַמָּקֹ֣ום הַזֶּ֑ה כִּֽי־שָׁ֖ם אֲרָ֥ם נְחִתִּֽיםe ׃

10 וַיִּשְׁלַ֞חa מֶ֣לֶךְ יִשְׂרָאֵ֗ל אֶֽל־הַמָּקֹ֞ום אֲשֶׁ֨ר אָֽמַרb ־לֹ֧ו אִישׁ־הָאֱלֹהִ֛ים והזהירהc וְנִשְׁמַ֣רd שָׁ֑ם לֹ֥א אַחַ֖ת וְלֹ֥א שְׁתָּֽיִם׃

11 וַיִּסָּעֵר֙a לֵ֣ב מֶֽלֶךְ־אֲרָ֔ם עַל־הַדָּבָ֖ר הַזֶּ֑ה וַיִּקְרָ֤אb אֶל־עֲבָדָיו֙ וַיֹּ֣אמֶרc אֲלֵיהֶ֔ם הֲלֹוא֙ תַּגִּ֣ידוּd לִ֔י מִ֥י מִשֶּׁלָּ֖נוּ אֶל־מֶ֥לֶךְ יִשְׂרָאֵֽל׃

12 וַיֹּ֨אמֶר֙a אַחַ֣ד מֵֽעֲבָדָ֔יו לֹ֖וא אֲדֹנִ֣י הַמֶּ֑לֶךְ כִּֽי־אֱלִישָׁ֤ע הַנָּבִיא֙ אֲשֶׁ֣ר בְּיִשְׂרָאֵ֔ל יַגִּיד֙b לְמֶ֣לֶךְ יִשְׂרָאֵ֔ל אֶת־הַ֨דְּבָרִ֔ים אֲשֶׁ֥ר תְּדַבֵּ֖רc בַּחֲדַ֥רd מִשְׁכָּבֶֽךָe ׃

13 וַיֹּ֗אמֶרa לְכ֤וּb וּרְאוּ֙c אֵיכֹ֣הd ה֔וּא וְאֶשְׁלַ֖חe וְאֶקָּחֵ֑הוּf וַיֻּגַּדg ־לֹ֥ו לֵאמֹ֖רh הִנֵּ֥ה בְדֹתָֽןi ׃

14 וַיִּשְׁלַחa ־שָׁ֛מָּה סוּסִ֥ים וְרֶ֖כֶב וְחַ֣יִל כָּבֵ֑דb וַיָּבֹ֣אוּc לַ֔יְלָה וַיַּקִּ֖פוּd עַל־הָעִֽיר׃

15 וַ֠יַּשְׁכֵּםa מְשָׁרֵ֨ת אִ֥ישׁ הָֽאֱלֹהִים֮ לָקוּם֒b וַיֵּצֵ֕אc וְהִנֵּה־חַ֛יִל סֹובֵ֥בd אֶת־הָעִ֖יר וְס֣וּס וָרָ֑כֶב וַיֹּ֨אמֶרe נַעֲרֹ֥ו אֵלָ֛יו אֲהָ֥הּf אֲדֹנִ֖י אֵיכָ֥הg נַֽעֲשֶֽׂהh ׃

16 וַיֹּ֖אמֶרa אַל־תִּירָ֑אb כִּ֤י רַבִּים֙ אֲשֶׁ֣ר אִתָּ֔נוּ מֵאֲשֶׁ֖ר אֹותָֽם׃

17 וַיִּתְפַּלֵּ֤לa אֱלִישָׁע֙ וַיֹּאמַ֔רb יְהוָ֕ה פְּקַחc ־נָ֥א אֶת־עֵינָ֖יו וְיִרְאֶ֑הd וַיִּפְקַ֤חe יְהוָה֙ אֶת־עֵינֵ֣י הַנַּ֔עַר וַיַּ֗רְאf וְהִנֵּ֨ה הָהָ֜ר מָלֵ֨אg סוּסִ֥ים וְרֶ֛כֶב אֵ֖שׁ סְבִיבֹ֥ת אֱלִישָֽׁע׃

18 וַיֵּרְדוּ֮a אֵלָיו֒ וַיִּתְפַּלֵּ֨לb אֱלִישָׁ֤ע אֶל־יְהוָה֙ וַיֹּאמַ֔רc הַךְd ־נָ֥א אֶת־הַגֹּוי־הַזֶּ֖ה בַּסַּנְוֵרִ֑יםe וַיַּכֵּ֥םf בַּסַּנְוֵרִ֖יםg כִּדְבַ֥ר אֱלִישָֽׁע׃

19 וַיֹּ֨אמֶרa אֲלֵהֶ֜ם אֱלִישָׁ֗ע לֹ֣א זֶ֣ה הַדֶּרֶךְ֮ וְלֹ֣א זֹ֣הb הָעִיר֒ לְכ֣וּc אַחֲרַ֔י וְאֹולִ֣יכָהd אֶתְכֶ֔ם אֶל־הָאִ֖ישׁ אֲשֶׁ֣ר תְּבַקֵּשׁ֑וּןe וַיֹּ֥לֶךְf אֹותָ֖ם שֹׁמְרֹֽונָה׃

20 וַיְהִי֮a כְּבֹאָ֣םb שֹׁמְרֹון֒ וַיֹּ֣אמֶרc אֱלִישָׁ֔ע יְהוָ֕ה פְּקַ֥חd אֶת־עֵינֵֽי־אֵ֖לֶּה וְיִרְא֑וּe וַיִּפְקַ֤חf יְהוָה֙ אֶת־עֵ֣ינֵיהֶ֔ם וַיִּרְא֕וּg וְהִנֵּ֖ה בְּתֹ֥וךְ שֹׁמְרֹֽון׃

21 וַיֹּ֤אמֶרa מֶֽלֶךְ־יִשְׂרָאֵל֙ אֶל־אֱלִישָׁ֔ע כִּרְאֹתֹ֖וb אֹותָ֑ם הַאַכֶּ֥הc אַכֶּ֖הd אָבִֽי׃

22 וַיֹּ֨אמֶר֙a לֹ֣א תַכֶּ֔הb הַאֲשֶׁ֥ר שָׁבִ֛יתָc בְּחַרְבְּךָ֥ וּֽבְקַשְׁתְּךָ֖ אַתָּ֣ה מַכֶּ֑הd שִׂים֩e לֶ֨חֶם וָמַ֜יִם לִפְנֵיהֶ֗ם וְיֹֽאכְלוּ֙f וְיִשְׁתּ֔וּg וְיֵלְכ֖וּh אֶל־אֲדֹנֵיהֶֽם׃

23 וַיִּכְרֶ֨הa לָהֶ֜ם כֵּרָ֣הb גְדֹולָ֗ה וַיֹּֽאכְלוּ֙c וַיִּשְׁתּ֔וּd וַֽיְשַׁלְּחֵ֔םe וַיֵּלְכ֖וּf אֶל־אֲדֹֽנֵיהֶ֑ם וְלֹֽא־יָ֤סְפוּg עֹוד֙ גְּדוּדֵ֣יh אֲרָ֔ם לָבֹ֖ואi בְּאֶ֥רֶץ יִשְׂרָאֵֽל׃ פ

24 וַֽיְהִי֙a אַחֲרֵי־כֵ֔ן וַיִּקְבֹּ֛ץb בֶּן־הֲדַ֥דc מֶֽלֶךְ־אֲרָ֖ם אֶת־כָּל־מַחֲנֵ֑הוּ וַיַּ֕עַלd וַיָּ֖צַרe עַל־שֹׁמְרֹֽון׃

25 וַיְהִ֨יa רָעָ֤ב גָּדֹול֙ בְּשֹׁ֣מְרֹ֔ון וְהִנֵּ֖ה צָרִ֣יםb עָלֶ֑יהָ עַ֣ד הֱיֹ֤ותc רֹאשׁ־חֲמֹור֙ בִּשְׁמֹנִ֣ים כֶּ֔סֶף וְרֹ֛בַעd הַקַּ֥בe חרייוניםf בַּחֲמִשָּׁה־כָֽסֶף׃

26 וַֽיְהִי֙a מֶ֣לֶךְ יִשְׂרָאֵ֔ל עֹבֵ֖רb עַל־הַחֹמָ֑ה וְאִשָּׁ֗ה צָעֲקָ֤הc אֵלָיו֙ לֵאמֹ֔רd הֹושִׁ֖יעָהe אֲדֹנִ֥י הַמֶּֽלֶךְ׃

27 וַיֹּ֨אמֶר֙a אַל־יֹושִׁעֵ֣ךְb יְהוָ֔ה מֵאַ֖יִןc אֹֽושִׁיעֵ֑ךְd הֲמִן־הַגֹּ֖רֶןe אֹ֥ו מִן־הַיָּֽקֶבf ׃

28 וַיֹּֽאמֶרa ־לָ֥הּ הַמֶּ֖לֶךְ מַה־לָּ֑ךְ וַתֹּ֗אמֶרb הָאִשָּׁ֨ה הַזֹּ֜את אָמְרָ֣הc אֵלַ֗י תְּנִ֤יd אֶת־בְּנֵךְ֙ וְנֹאכְלֶ֣נּוּe הַיֹּ֔ום וְאֶת־בְּנִ֖י נֹאכַ֥לf מָחָֽר׃

29 וַנְּבַשֵּׁ֥לa אֶת־בְּנִ֖י וַנֹּֽאכְלֵ֑הוּb וָאֹמַ֨רc אֵלֶ֜יהָ בַּיֹּ֣ום הָאַחֵ֗ר תְּנִ֤יd אֶת־בְּנֵךְ֙ וְנֹ֣אכְלֶ֔נּוּe וַתַּחְבִּ֖אf אֶת־בְּנָֽהּ׃

30 וַיְהִי֩a כִשְׁמֹ֨עַb הַמֶּ֜לֶךְ אֶת־דִּבְרֵ֤י הָֽאִשָּׁה֙ וַיִּקְרַ֣עc אֶת־בְּגָדָ֔יו וְה֖וּא עֹבֵ֣רd עַל־הַחֹמָ֑ה וַיַּ֣רְאe הָעָ֔ם וְהִנֵּ֥ה הַשַּׂ֛קf עַל־בְּשָׂרֹ֖ו מִבָּֽיִת׃

31 וַיֹּ֕אמֶרa כֹּֽה־יַעֲשֶׂהb ־לִּ֥י אֱלֹהִ֖ים וְכֹ֣ה יֹוסִ֑ףc אִֽם־יַעֲמֹ֞דd רֹ֣אשׁ אֱלִישָׁ֧ע בֶּן־שָׁפָ֛טe עָלָ֖יו הַיֹּֽום׃

32 וֶאֱלִישָׁע֙ יֹשֵׁ֣בa בְּבֵיתֹ֔ו וְהַזְּקֵנִ֖ים יֹשְׁבִ֣ים אִתֹּ֑ו וַיִּשְׁלַ֨חb אִ֜ישׁ מִלְּפָנָ֗יו בְּטֶ֣רֶם יָבֹא֩c הַמַּלְאָ֨ךְ אֵלָ֜יו וְה֣וּא׀ אָמַ֣רd אֶל־הַזְּקֵנִ֗ים הַרְּאִיתֶם֙e כִּֽי־שָׁלַ֞חf בֶּן־הַֽמְרַצֵּ֤חַg הַזֶּה֙ לְהָסִ֣ירh אֶת־רֹאשִׁ֔י רְא֣וּi ׀ כְּבֹ֣אj הַמַּלְאָ֗ךְ סִגְר֤וּk הַדֶּ֨לֶת֙ וּלְחַצְתֶּ֤םl אֹתֹו֙ בַּדֶּ֔לֶת הֲלֹ֗וא קֹ֛ול רַגְלֵ֥י אֲדֹנָ֖יו אַחֲרָֽיו׃

33 עֹודֶ֨נּוּ֙ מְדַבֵּ֣רa עִמָּ֔ם וְהִנֵּ֥ה הַמַּלְאָ֖ךְ יֹרֵ֣דb אֵלָ֑יו וַיֹּ֗אמֶרc הִנֵּֽה־זֹ֤את הָֽרָעָה֙ מֵאֵ֣ת יְהוָ֔ה מָֽה־אֹוחִ֥ילd לַיהוָ֖ה עֹֽוד׃ ס