מלכים ב

וְאִשָּׁ֣ה אַחַ֣ת מִנְּשֵׁ֣י בְנֵֽי־הַ֠נְּבִיאִים צָעֲקָ֨הa אֶל־אֱלִישָׁ֜ע לֵאמֹ֗רb עַבְדְּךָ֤ אִישִׁי֙ מֵ֔תc וְאַתָּ֣ה יָדַ֔עְתָּd כִּ֣י עַבְדְּךָ֔ הָיָ֥הe יָרֵ֖אf אֶת־יְהוָ֑ה וְהַ֨נֹּשֶׁ֔הg בָּ֗אh לָקַ֜חַתi אֶת־שְׁנֵ֧י יְלָדַ֛י לֹ֖ו לַעֲבָדִֽים׃

2 וַיֹּ֨אמֶרa אֵלֶ֤יהָ אֱלִישָׁע֙ מָ֣ה אֶֽעֱשֶׂהb ־לָּ֔ךְ הַגִּ֣ידִיc לִ֔י מַה־יֶּשׁ־לכיd בַּבָּ֑יִת וַתֹּ֗אמֶרe אֵ֣ין לְשִׁפְחָתְךָ֥ כֹל֙ בַּבַּ֔יִת כִּ֖י אִם־אָס֥וּךְf שָֽׁמֶן׃

3 וַיֹּ֗אמֶרa לְכִ֨יb שַׁאֲלִיc ־לָ֤ךְ כֵּלִים֙ מִן־הַח֔וּץ מֵאֵ֖ת כָּל־שׁכנכיd כֵּלִ֥ים רֵקִ֖יםe אַל־תַּמְעִֽיטִיf ׃

4 וּבָ֗אתa וְסָגַ֤רְתְּb הַדֶּ֨לֶת֙ בַּעֲדֵ֣ךְ וּבְעַד־בָּנַ֔יִךְ וְיָצַ֕קְתְּc עַ֥ל כָּל־הַכֵּלִ֖ים הָאֵ֑לֶּה וְהַמָּלֵ֖אd תַּסִּֽיעִיe ׃

5 וַתֵּ֨לֶךְ֙a מֵֽאִתֹּ֔ו וַתִּסְגֹּ֣רb הַדֶּ֔לֶת בַּעֲדָ֖הּ וּבְעַ֣ד בָּנֶ֑יהָ הֵ֛ם מַגִּשִׁ֥יםc אֵלֶ֖יהָ וְהִ֥יא מיצקתd ׃

6 וַיְהִ֣יa ׀ כִּמְלֹ֣אתb הַכֵּלִ֗ים וַתֹּ֤אמֶרc אֶל־בְּנָהּ֙ הַגִּ֨ישָׁהd אֵלַ֥י עֹוד֙ כֶּ֔לִי וַיֹּ֣אמֶרe אֵלֶ֔יהָ אֵ֥ין עֹ֖וד כֶּ֑לִי וַֽיַּעֲמֹ֖דf הַשָּֽׁמֶן׃

7 וַתָּבֹ֗אa וַתַּגֵּד֙b לְאִ֣ישׁ הָאֱלֹהִ֔ים וַיֹּ֗אמֶרc לְכִי֙d מִכְרִ֣יe אֶת־הַשֶּׁ֔מֶן וְשַׁלְּמִ֖יf אֶת־נשׁיכיg וְאַ֣תְּ בניכיh תִֽחְיִ֖יi בַּנֹּותָֽר׃ פ

8 וַיְהִ֨יa הַיֹּ֜ום וַיַּעֲבֹ֧רb אֱלִישָׁ֣ע אֶל־שׁוּנֵ֗םc וְשָׁם֙ אִשָּׁ֣ה גְדֹולָ֔ה וַתַּחֲזֶקd ־בֹּ֖ו לֶאֱכָלe ־לָ֑חֶם וַֽיְהִי֙f מִדֵּ֣יg עָבְרֹ֔וh יָסֻ֥רi שָׁ֖מָּה לֶאֱכָלj ־לָֽחֶם׃

9 וַתֹּ֨אמֶר֙a אֶל־אִישָׁ֔הּ הִנֵּה־נָ֣א יָדַ֔עְתִּיb כִּ֛י אִ֥ישׁ אֱלֹהִ֖ים קָדֹ֣ושׁ ה֑וּא עֹבֵ֥רc עָלֵ֖ינוּ תָּמִֽיד׃

10 נַֽעֲשֶׂהa ־נָּ֤א עֲלִיַּתb ־קִיר֙ קְטַנָּ֔הc וְנָשִׂ֨יםd לֹ֥ו שָׁ֛ם מִטָּ֥הe וְשֻׁלְחָ֖ן וְכִסֵּ֣א וּמְנֹורָ֑הf וְהָיָ֛הg בְּבֹאֹ֥וh אֵלֵ֖ינוּ יָס֥וּרi שָֽׁמָּה׃

11 וַיְהִ֥יa הַיֹּ֖ום וַיָּ֣בֹאb שָׁ֑מָּה וַיָּ֥סַרc אֶל־הָעֲלִיָּ֖הd וַיִּשְׁכַּבe ־שָֽׁמָּה׃

12 וַיֹּ֨אמֶר֙a אֶל־גֵּחֲזִ֣יb נַעֲרֹ֔ו קְרָ֖אc לַשּׁוּנַמִּ֣יתd הַזֹּ֑את וַיִּקְרָאe ־לָ֔הּ וַֽתַּעֲמֹ֖דf לְפָנָֽיו׃

13 וַיֹּ֣אמֶרa לֹ֗ו אֱמָרb ־נָ֣א אֵלֶיהָ֮ הִנֵּ֣ה חָרַ֣דְתְּc ׀ אֵלֵינוּ֮ אֶת־כָּל־הַחֲרָדָ֣הd הַזֹּאת֒ מֶ֚ה לַעֲשֹׂ֣ותe לָ֔ךְ הֲיֵ֤שׁ לְדַבֶּרf ־לָךְ֙ אֶל־הַמֶּ֔לֶךְ אֹ֖ו אֶל־שַׂ֣ר הַצָּבָ֑א וַתֹּ֕אמֶרg בְּתֹ֥וךְ עַמִּ֖י אָנֹכִ֥י יֹשָֽׁבֶתh ׃

14 וַיֹּ֕אמֶרa וּמֶ֖ה לַעֲשֹׂ֣ותb לָ֑הּ וַיֹּ֣אמֶרc גֵּיחֲזִ֗יd אֲבָ֛לe בֵּ֥ן אֵֽין־לָ֖הּ וְאִישָׁ֥הּ זָקֵֽןf ׃

15 וַיֹּ֖אמֶרa קְרָאb ־לָ֑הּ וַיִּקְרָאc ־לָ֔הּ וַֽתַּעֲמֹ֖דd בַּפָּֽתַח׃

16 וַיֹּ֗אמֶרa לַמֹּועֵ֤ד הַזֶּה֙ כָּעֵ֣ת חַיָּ֔ה אתיb חֹבֶ֣קֶתc בֵּ֑ן וַתֹּ֗אמֶרd אַל־אֲדֹנִי֙ אִ֣ישׁ הָאֱלֹהִ֔ים אַל־תְּכַזֵּ֖בe בְּשִׁפְחָתֶֽךָ׃

17 וַתַּ֥הַרa הָאִשָּׁ֖ה וַתֵּ֣לֶדb בֵּ֑ן לַמֹּועֵ֤ד הַזֶּה֙ כָּעֵ֣ת חַיָּ֔ה אֲשֶׁר־דִּבֶּ֥רc אֵלֶ֖יהָ אֱלִישָֽׁע׃

18 וַיִּגְדַּ֖לa הַיָּ֑לֶד וַיְהִ֣יb הַיֹּ֔ום וַיֵּצֵ֥אc אֶל־אָבִ֖יו אֶל־הַקֹּצְרִֽיםd ׃

19 וַיֹּ֥אמֶרa אֶל־אָבִ֖יו רֹאשִׁ֣י׀ רֹאשִׁ֑י וַיֹּ֨אמֶר֙b אֶל־הַנַּ֔עַר שָׂאֵ֖הוּc אֶל־אִמֹּֽו׃

20 וַיִּשָּׂאֵ֔הוּa וַיְבִיאֵ֖הוּb אֶל־אִמֹּ֑ו וַיֵּ֧שֶׁבc עַל־בִּרְכֶּ֛יהָd עַד־הַֽצָּהֳרַ֖יִםe וַיָּמֹֽתf ׃

21 וַתַּ֨עַל֙a וַתַּשְׁכִּבֵ֔הוּb עַל־מִטַּ֖תc אִ֣ישׁ הָאֱלֹהִ֑ים וַתִּסְגֹּ֥רd בַּעֲדֹ֖ו וַתֵּצֵֽאe ׃

22 וַתִּקְרָא֮a אֶל־אִישָׁהּ֒ וַתֹּ֗אמֶרb שִׁלְחָ֨הc נָ֥א לִי֙ אֶחָ֣ד מִן־הַנְּעָרִ֔ים וְאַחַ֖ת הָאֲתֹנֹ֑ותd וְאָר֛וּצָהe עַד־אִ֥ישׁ הָאֱלֹהִ֖ים וְאָשֽׁוּבָהf ׃

23 וַיֹּ֗אמֶרa מַ֠דּוּעַ אתיb הלכתיc אֵלָיו֙ הַיֹּ֔ום לֹֽא־חֹ֖דֶשׁ וְלֹ֣א שַׁבָּ֑ת וַתֹּ֖אמֶרd שָׁלֹֽום׃

24 וַֽתַּחֲבֹשׁ֙a הָֽאָתֹ֔וןb וַתֹּ֥אמֶרc אֶֽל־נַעֲרָ֖הּ נְהַ֣גd וָלֵ֑ךְe אַל־תַּעֲצָרf ־לִ֣י לִרְכֹּ֔בg כִּ֖י אִם־אָמַ֥רְתִּיh לָֽךְ׃

25 וַתֵּ֗לֶךְa וַתָּבֹ֛ואb אֶל־אִ֥ישׁ הָאֱלֹהִ֖ים אֶל־הַ֣ר הַכַּרְמֶ֑לc וַ֠יְהִיd כִּרְאֹ֨ותe אִישׁ־הָאֱלֹהִ֤ים אֹתָהּ֙ מִנֶּ֔גֶד וַיֹּ֨אמֶר֙f אֶל־גֵּיחֲזִ֣יg נַעֲרֹ֔ו הִנֵּ֖ה הַשּׁוּנַמִּ֥יתh הַלָּֽזi ׃

26 עַתָּה֮ רֽוּץa ־נָ֣א לִקְרָאתָהּ֒b וֶאֱמָרc ־לָ֗הּ הֲשָׁלֹ֥ום לָ֛ךְ הֲשָׁלֹ֥ום לְאִישֵׁ֖ךְ הֲשָׁלֹ֣ום לַיָּ֑לֶד וַתֹּ֖אמֶרd שָׁלֹֽום׃

27 וַתָּבֹ֞אa אֶל־אִ֤ישׁ הָֽאֱלֹהִים֙ אֶל־הָהָ֔ר וַֽתַּחֲזֵ֖קb בְּרַגְלָ֑יו וַיִּגַּ֨שׁc גֵּֽיחֲזִ֜יd לְהָדְפָ֗הּe וַיֹּאמֶר֩f אִ֨ישׁ הָאֱלֹהִ֤ים הַרְפֵּֽהg ־לָהּ֙ כִּֽי־נַפְשָׁ֣הּ מָֽרָהh ־לָ֔הּ וַֽיהוָה֙ הֶעְלִ֣יםi מִמֶּ֔נִּי וְלֹ֥א הִגִּ֖ידj לִֽי׃

28 וַתֹּ֕אמֶרa הֲשָׁאַ֥לְתִּיb בֵ֖ן מֵאֵ֣ת אֲדֹנִ֑י הֲלֹ֣א אָמַ֔רְתִּיc לֹ֥א תַשְׁלֶ֖הd אֹתִֽי׃

29 וַיֹּ֨אמֶרa לְגֵיחֲזִ֜יb חֲגֹ֣רc מָתְנֶ֗יךָd וְקַ֨חe מִשְׁעַנְתִּ֣יf בְיָדְךָ֮ וָלֵךְ֒g כִּֽי־תִמְצָ֥אh אִישׁ֙ לֹ֣א תְבָרְכֶ֔נּוּi וְכִֽי־יְבָרֶכְךָ֥j אִ֖ישׁ לֹ֣א תַעֲנֶנּ֑וּk וְשַׂמְתָּ֥l מִשְׁעַנְתִּ֖יm עַל־פְּנֵ֥י הַנָּֽעַר׃

30 וַתֹּ֨אמֶר֙a אֵ֣ם הַנַּ֔עַר חַי־יְהוָ֥ה וְחֵֽי־נַפְשְׁךָ֖ אִם־אֶעֶזְבֶ֑ךָּb וַיָּ֖קָםc וַיֵּ֥לֶךְd אַחֲרֶֽיהָ׃

31 וְגֵחֲזִ֞יa עָבַ֣רb לִפְנֵיהֶ֗ם וַיָּ֤שֶׂםc אֶת־הַמִּשְׁעֶ֨נֶת֙d עַל־פְּנֵ֣י הַנַּ֔עַר וְאֵ֥ין קֹ֖ול וְאֵ֣ין קָ֑שֶׁבe וַיָּ֤שָׁבf לִקְרָאתֹו֙g וַיַּגֶּדh ־לֹ֣ו לֵאמֹ֔רi לֹ֥א הֵקִ֖יץj הַנָּֽעַר׃

32 וַיָּבֹ֥אa אֱלִישָׁ֖ע הַבָּ֑יְתָה וְהִנֵּ֤ה הַנַּ֨עַר֙ מֵ֔תb מֻשְׁכָּ֖בc עַל־מִטָּתֹֽוd ׃

33 וַיָּבֹ֕אa וַיִּסְגֹּ֥רb הַדֶּ֖לֶת בְּעַ֣ד שְׁנֵיהֶ֑ם וַיִּתְפַּלֵּ֖לc אֶל־יְהוָֽה׃

34 וַיַּ֜עַלa וַיִּשְׁכַּ֣בb עַל־הַיֶּ֗לֶד וַיָּשֶׂם֩c פִּ֨יו עַל־פִּ֜יו וְעֵינָ֤יו עַל־עֵינָיו֙ וְכַפָּ֣יו עַל־כפוd וַיִּגְהַ֖רe עָלָ֑יו וַיָּ֖חָםf בְּשַׂ֥ר הַיָּֽלֶד׃

35 וַיָּ֜שָׁבa וַיֵּ֣לֶךְb בַּבַּ֗יִת אַחַ֥ת הֵ֨נָּה֙ וְאַחַ֣ת הֵ֔נָּה וַיַּ֖עַלc וַיִּגְהַ֣רd עָלָ֑יו וַיְזֹורֵ֤רe הַנַּ֨עַר֙ עַד־שֶׁ֣בַע פְּעָמִ֔ים וַיִּפְקַ֥חf הַנַּ֖עַר אֶת־עֵינָֽיו׃

36 וַיִּקְרָ֣אa אֶל־גֵּיחֲזִ֗יb וַיֹּ֨אמֶר֙c קְרָא֙d אֶל־הַשֻּׁנַמִּ֣יתe הַזֹּ֔את וַיִּקְרָאֶ֖הָf וַתָּבֹ֣ואg אֵלָ֑יו וַיֹּ֖אמֶרh שְׂאִ֥יi בְנֵֽךְ׃

37 וַתָּבֹא֙a וַתִּפֹּ֣לb עַל־רַגְלָ֔יו וַתִּשְׁתַּ֖חוּc אָ֑רְצָה וַתִּשָּׂ֥אd אֶת־בְּנָ֖הּ וַתֵּצֵֽאe ׃ פ

38 וֶאֱלִישָׁ֞ע שָׁ֤בa הַגִּלְגָּ֨לָה֙b וְהָרָעָ֣ב בָּאָ֔רֶץ וּבְנֵי֙ הַנְּבִיאִ֔ים יֹשְׁבִ֖יםc לְפָנָ֑יו וַיֹּ֣אמֶרd לְנַעֲרֹ֗ו שְׁפֹת֙e הַסִּ֣ירf הַגְּדֹולָ֔ה וּבַשֵּׁ֥לg נָזִ֖ידh לִבְנֵ֥י הַנְּבִיאִֽים׃

39 וַיֵּצֵ֨אa אֶחָ֣ד אֶל־הַשָּׂדֶה֮ לְלַקֵּ֣טb אֹרֹת֒c וַיִּמְצָא֙d גֶּ֣פֶן שָׂדֶ֔ה וַיְלַקֵּ֥טe מִמֶּ֛נּוּ פַּקֻּעֹ֥תf שָׂדֶ֖ה מְלֹ֣אg בִגְדֹ֑ו וַיָּבֹ֗אh וַיְפַלַּ֛חi אֶל־סִ֥ירj הַנָּזִ֖ידk כִּֽי־לֹ֥א יָדָֽעוּl ׃

40 וַיִּֽצְק֥וּa לַאֲנָשִׁ֖ים לֶאֱכֹ֑ולb וַ֠יְהִיc כְּאָכְלָ֨םd מֵהַנָּזִ֜ידe וְהֵ֣מָּה צָעָ֗קוּf וַיֹּֽאמְרוּ֙g מָ֤וֶת בַּסִּיר֙h אִ֣ישׁ הָאֱלֹהִ֔ים וְלֹ֥א יָכְל֖וּi לֶאֱכֹֽלj ׃

41 וַיֹּ֨אמֶר֙a וּקְחוּb ־קֶ֔מַחc וַיַּשְׁלֵ֖ךְd אֶל־הַסִּ֑ירe וַיֹּ֗אמֶרf צַ֤קg לָעָם֙ וְיֹאכֵ֔לוּh וְלֹ֥א הָיָ֛הi דָּבָ֥ר רָ֖ע בַּסִּֽירj ׃ ס

42 וְאִ֨ישׁ בָּ֜אa מִבַּ֣עַל שָׁלִ֗שָׁהb וַיָּבֵא֩c לְאִ֨ישׁ הָאֱלֹהִ֜ים לֶ֤חֶם בִּכּוּרִים֙d עֶשְׂרִֽים־לֶ֣חֶם שְׂעֹרִ֔יםe וְכַרְמֶ֖לf בְּצִקְלֹנֹ֑וg וַיֹּ֕אמֶרh תֵּ֥ןi לָעָ֖ם וְיֹאכֵֽלוּj ׃

43 וַיֹּ֨אמֶר֙a מְשָׁ֣רְתֹ֔ו מָ֚ה אֶתֵּ֣ןb זֶ֔ה לִפְנֵ֖י מֵ֣אָה אִ֑ישׁ וַיֹּ֗אמֶרc תֵּ֤ןd לָעָם֙ וְיֹאכֵ֔לוּe כִּ֣י כֹ֥ה אָמַ֛רf יְהוָ֖ה אָכֹ֥לg וְהֹותֵֽרh ׃

44 וַיִּתֵּ֧ןa לִפְנֵיהֶ֛ם וַיֹּאכְל֥וּb וַיֹּותִ֖רוּc כִּדְבַ֥ר יְהוָֽה׃ פ