מלכים ב

וַיִּשְׁלַ֖חa הַמֶּ֑לֶךְ וַיַּאַסְפ֣וּb אֵלָ֔יו כָּל־זִקְנֵ֥י יְהוּדָ֖ה וִירוּשָׁלִָֽם׃

2 וַיַּ֣עַלa הַמֶּ֣לֶךְ בֵּית־יְהוָ֡ה וְכָל־אִ֣ישׁ יְהוּדָה֩ וְכָל־יֹשְׁבֵ֨י יְרוּשָׁלִַ֜ם אִתֹּ֗ו וְהַכֹּֽהֲנִים֙ וְהַנְּבִיאִ֔ים וְכָל־הָעָ֖ם לְמִקָּטֹ֣ן וְעַד־גָּדֹ֑ול וַיִּקְרָ֣אb בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖אc בְּבֵ֥ית יְהוָֽה׃

3 וַיַּעֲמֹ֣דa הַ֠מֶּלֶךְ עַֽל־הָ֨עַמּ֜וּד וַיִּכְרֹ֥תb אֶֽת־הַבְּרִ֣ית׀ לִפְנֵ֣י יְהוָ֗ה לָלֶ֜כֶתc אַחַ֤ר יְהוָה֙ וְלִשְׁמֹ֨רd מִצְוֹתָ֜יו וְאֶת־עֵדְוֹתָ֤יו וְאֶת־חֻקֹּתָיו֙ בְּכָל־לֵ֣ב וּבְכָל־נֶ֔פֶשׁ לְהָקִ֗יםe אֶת־דִּבְרֵי֙ הַבְּרִ֣ית הַזֹּ֔את הַכְּתֻבִ֖יםf עַל־הַסֵּ֣פֶר הַזֶּ֑ה וַיַּעֲמֹ֥דg כָּל־הָעָ֖ם בַּבְּרִֽית׃

4 וַיְצַ֣וa הַמֶּ֡לֶךְ אֶת־חִלְקִיָּהוּ֩b הַכֹּהֵ֨ן הַגָּדֹ֜ול וְאֶת־כֹּהֲנֵ֣י הַמִּשְׁנֶה֮c וְאֶת־שֹׁמְרֵ֣י הַסַּף֒d לְהֹוצִיא֙e מֵהֵיכַ֣ל יְהוָ֔ה אֵ֣ת כָּל־הַכֵּלִ֗ים הָֽעֲשׂוּיִם֙f לַבַּ֣עַל וְלָֽאֲשֵׁרָ֔הg וּלְכֹ֖ל צְבָ֣א הַשָּׁמָ֑יִם וַֽיִּשְׂרְפֵ֞םh מִח֤וּץ לִירוּשָׁלִַ֨ם֙ בְּשַׁדְמֹ֣ותi קִדְרֹ֔וןj וְנָשָׂ֥אk אֶת־עֲפָרָ֖ם בֵּֽית־אֵֽל׃

5 וְהִשְׁבִּ֣יתa אֶת־הַכְּמָרִ֗יםb אֲשֶׁ֤ר נָֽתְנוּ֙c מַלְכֵ֣י יְהוּדָ֔ה וַיְקַטֵּ֤רd בַּבָּמֹות֙ בְּעָרֵ֣י יְהוּדָ֔ה וּמְסִבֵּ֖יe יְרוּשָׁלִָ֑ם וְאֶת־הַֽמְקַטְּרִ֣ים לַבַּ֗עַל לַשֶּׁ֤מֶשׁ וְלַיָּרֵ֨חַ֙f וְלַמַּזָּלֹ֔ותg וּלְכֹ֖ל צְבָ֥א הַשָּׁמָֽיִם׃

6 וַיֹּצֵ֣אa אֶת־הָאֲשֵׁרָה֩b מִבֵּ֨ית יְהוָ֜ה מִח֤וּץ לִירוּשָׁלִַ֨ם֙ אֶל־נַ֣חַל קִדְרֹ֔וןc וַיִּשְׂרֹ֥ףd אֹתָ֛הּ בְּנַ֥חַל קִדְרֹ֖וןe וַיָּ֣דֶקf לְעָפָ֑ר וַיַּשְׁלֵךְ֙g אֶת־עֲפָרָ֔הּ עַל־קֶ֖בֶר בְּנֵ֥י הָעָֽם׃

7 וַיִּתֹּץ֙a אֶת־בָּתֵּ֣י הַקְּדֵשִׁ֔יםb אֲשֶׁ֖ר בְּבֵ֣ית יְהוָ֑ה אֲשֶׁ֣ר הַנָּשִׁ֗ים אֹרְגֹ֥ותc שָׁ֛ם בָּתִּ֖ים לָאֲשֵׁרָֽהd ׃

8 וַיָּבֵ֤אa אֶת־כָּל־הַכֹּֽהֲנִים֙ מֵעָרֵ֣י יְהוּדָ֔ה וַיְטַמֵּ֣אb אֶת־הַבָּמֹ֗ות אֲשֶׁ֤ר קִטְּרוּc ־שָׁ֨מָּה֙ הַכֹּ֣הֲנִ֔ים מִגֶּ֖בַעd עַד־בְּאֵ֣ר שָׁ֑בַעe וְנָתַ֞ץf אֶת־בָּמֹ֣ות הַשְּׁעָרִ֗ים אֲשֶׁר־פֶּ֜תַח שַׁ֤עַר יְהֹושֻׁ֨עַ֙ שַׂר־הָעִ֔יר אֲשֶֽׁר־עַל־שְׂמֹ֥אול אִ֖ישׁ בְּשַׁ֥עַר הָעִֽיר׃

9 אַ֗ךְ לֹ֤א יַֽעֲלוּ֙a כֹּהֲנֵ֣י הַבָּמֹ֔ות אֶל־מִזְבַּ֥ח יְהוָ֖ה בִּירוּשָׁלִָ֑ם כִּ֛י אִם־אָכְל֥וּb מַצֹּ֖ות בְּתֹ֥וךְ אֲחֵיהֶֽם׃

10 וְטִמֵּ֣אa אֶת־הַתֹּ֔פֶתb אֲשֶׁ֖ר בְּגֵ֣י בניc ־הִנֹּ֑םd לְבִלְתִּ֗י לְהַעֲבִ֨ירe אִ֜ישׁ אֶת־בְּנֹ֧ו וְאֶת־בִּתֹּ֛ו בָּאֵ֖שׁ לַמֹּֽלֶךְf ׃

11 וַיַּשְׁבֵּ֣תa אֶת־הַסּוּסִ֗ים אֲשֶׁ֣ר נָתְנוּ֩b מַלְכֵ֨י יְהוּדָ֤ה לַשֶּׁ֨מֶשׁ֙ מִבֹּ֣אc בֵית־יְהוָ֔ה אֶל־לִשְׁכַּת֙d נְתַן־מֶ֣לֶךְe הַסָּרִ֔יסf אֲשֶׁ֖ר בַּפַּרְוָרִ֑יםg וְאֶת־מַרְכְּבֹ֥ותh הַשֶּׁ֖מֶשׁ שָׂרַ֥ףi בָּאֵֽשׁ׃

12 וְאֶֽת־הַֽמִּזְבְּחֹ֡ות אֲשֶׁ֣ר עַל־הַגָּג֩a עֲלִיַּ֨תb אָחָ֜זc אֲשֶׁר־עָשׂ֣וּd ׀ מַלְכֵ֣י יְהוּדָ֗ה וְאֶת־הַֽמִּזְבְּחֹות֙ אֲשֶׁר־עָשָׂ֣הe מְנַשֶּׁ֔ה בִּשְׁתֵּ֛י חַצְרֹ֥ות בֵּית־יְהוָ֖ה נָתַ֣ץf הַמֶּ֑לֶךְ וַיָּ֣רָץg מִשָּׁ֔ם וְהִשְׁלִ֥יךְh אֶת־עֲפָרָ֖ם אֶל־נַ֥חַל קִדְרֹֽוןi ׃

13 וְֽאֶת־הַבָּמֹ֞ות אֲשֶׁ֣ר׀ עַל־פְּנֵ֣י יְרוּשָׁלִַ֗ם אֲשֶׁר֮ מִימִ֣ין לְהַר־הַמַּשְׁחִית֒a אֲשֶׁ֣ר בָּ֠נָהb שְׁלֹמֹ֨ה מֶֽלֶךְ־יִשְׂרָאֵ֜ל לְעַשְׁתֹּ֣רֶתc ׀ שִׁקֻּ֣ץd צִידֹנִ֗יםe וְלִכְמֹושׁ֙f שִׁקֻּ֣ץg מֹואָ֔ב וּלְמִלְכֹּ֖םh תֹּועֲבַ֣ת בְּנֵֽי־עַמֹּ֑ון טִמֵּ֖אi הַמֶּֽלֶךְ׃

14 וְשִׁבַּר֙a אֶת־הַמַּצֵּבֹ֔ותb וַיִּכְרֹ֖תc אֶת־הָאֲשֵׁרִ֑יםd וַיְמַלֵּ֥אe אֶת־מְקֹומָ֖ם עַצְמֹ֥ות אָדָֽם׃

15 וְגַ֨ם אֶת־הַמִּזְבֵּ֜חַ אֲשֶׁ֣ר בְּבֵֽית־אֵ֗ל הַבָּמָה֙ אֲשֶׁ֨ר עָשָׂ֜הa יָרָבְעָ֤ם בֶּן־נְבָט֙b אֲשֶׁ֣ר הֶחֱטִ֣יאc אֶת־יִשְׂרָאֵ֔ל גַּ֣ם אֶת־הַמִּזְבֵּ֧חַ הַה֛וּא וְאֶת־הַבָּמָ֖ה נָתָ֑ץd וַיִּשְׂרֹ֧ףe אֶת־הַבָּמָ֛ה הֵדַ֥קf לְעָפָ֖ר וְשָׂרַ֥ףg אֲשֵׁרָֽהh ׃

16 וַיִּ֣פֶןa יֹאשִׁיָּ֗הוּ וַיַּ֨רְאb אֶת־הַקְּבָרִ֤ים אֲשֶׁר־שָׁם֙ בָּהָ֔ר וַיִּשְׁלַ֗חc וַיִּקַּ֤חd אֶת־הָֽעֲצָמֹות֙ מִן־הַקְּבָרִ֔ים וַיִּשְׂרֹ֥ףe עַל־הַמִּזְבֵּ֖חַ וַֽיְטַמְּאֵ֑הוּf כִּדְבַ֣ר יְהוָ֗ה אֲשֶׁ֤ר קָרָא֙g אִ֣ישׁ הָאֱלֹהִ֔ים אֲשֶׁ֣ר קָרָ֔אh אֶת־הַדְּבָרִ֖ים הָאֵֽלֶּה׃

17 וַיֹּ֕אמֶרa מָ֚ה הַצִּיּ֣וּןb הַלָּ֔זc אֲשֶׁ֖ר אֲנִ֣י רֹאֶ֑הd וַיֹּאמְר֨וּe אֵלָ֜יו אַנְשֵׁ֣י הָעִ֗יר הַקֶּ֤בֶר אִישׁ־הָֽאֱלֹהִים֙ אֲשֶׁר־בָּ֣אf מִֽיהוּדָ֔ה וַיִּקְרָ֗אg אֶת־הַדְּבָרִ֤ים הָאֵ֨לֶּה֙ אֲשֶׁ֣ר עָשִׂ֔יתָh עַ֖ל הַמִּזְבַּ֥ח בֵּֽית־אֵֽל׃

18 וַיֹּ֨אמֶר֙a הַנִּ֣יחוּb לֹ֔ו אִ֖ישׁ אַל־יָנַ֣עc עַצְמֹתָ֑יו וַֽיְמַלְּטוּ֙d עַצְמֹתָ֔יו אֵ֚ת עַצְמֹ֣ות הַנָּבִ֔יא אֲשֶׁר־בָּ֖אe מִשֹּׁמְרֹֽון׃

19 וְגַם֩ אֶת־כָּל־בָּתֵּ֨י הַבָּמֹ֜ות אֲשֶׁ֣ר׀ בְּעָרֵ֣י שֹׁמְרֹ֗ון אֲשֶׁ֨ר עָשׂ֜וּa מַלְכֵ֤י יִשְׂרָאֵל֙ לְהַכְעִ֔יסb הֵסִ֖ירc יֹֽאשִׁיָּ֑הוּ וַיַּ֣עַשׂd לָהֶ֔ם כְּכָל־הַֽמַּעֲשִׂ֔ים אֲשֶׁ֥ר עָשָׂ֖הe בְּבֵֽית־אֵֽל׃

20 וַ֠יִּזְבַּחa אֶת־כָּל־כֹּהֲנֵ֨י הַבָּמֹ֤ות אֲשֶׁר־שָׁם֙ עַל־הַֽמִּזְבְּחֹ֔ות וַיִּשְׂרֹ֛ףb אֶת־עַצְמֹ֥ות אָדָ֖ם עֲלֵיהֶ֑ם וַיָּ֖שָׁבc יְרוּשָׁלִָֽם׃

21 וַיְצַ֤וa הַמֶּ֨לֶךְ֙ אֶת־כָּל־הָעָ֣ם לֵאמֹ֔רb עֲשׂ֣וּc פֶ֔סַחd לַֽיהוָ֖ה אֱלֹֽהֵיכֶ֑ם כַּכָּת֕וּבe עַ֛ל סֵ֥פֶר הַבְּרִ֖ית הַזֶּֽה׃

22 כִּ֣י לֹ֤א נַֽעֲשָׂה֙a כַּפֶּ֣סַחb הַזֶּ֔ה מִימֵי֙ הַשֹּׁ֣פְטִ֔ים אֲשֶׁ֥ר שָׁפְט֖וּc אֶת־יִשְׂרָאֵ֑ל וְכֹ֗ל יְמֵ֛י מַלְכֵ֥י יִשְׂרָאֵ֖ל וּמַלְכֵ֥י יְהוּדָֽה׃

23 כִּ֗י אִם־בִּשְׁמֹנֶ֤ה עֶשְׂרֵה֙ שָׁנָ֔ה לַמֶּ֖לֶךְ יֹֽאשִׁיָּ֑הוּ נַעֲשָׂ֞הa הַפֶּ֧סַחb הַזֶּ֛ה לַיהוָ֖ה בִּירוּשָׁלִָֽם׃

24 וְגַ֣ם אֶת־הָאֹבֹ֣ותa וְאֶת־הַ֠יִּדְּעֹנִיםb וְאֶת־הַתְּרָפִ֨יםc וְאֶת־הַגִּלֻּלִ֜יםd וְאֵ֣ת כָּל־הַשִּׁקֻּצִ֗יםe אֲשֶׁ֤ר נִרְאוּ֙f בְּאֶ֤רֶץ יְהוּדָה֙ וּבִיר֣וּשָׁלִַ֔ם בִּעֵ֖רg יֹֽאשִׁיָּ֑הוּ לְ֠מַעַן הָקִ֞יםh אֶת־דִּבְרֵ֤י הַתֹּורָה֙ הַכְּתֻבִ֣יםi עַל־הַסֵּ֔פֶר אֲשֶׁ֥ר מָצָ֛אj חִלְקִיָּ֥הוּk הַכֹּהֵ֖ן בֵּ֥ית יְהוָֽה׃

25 וְכָמֹהוּ֩ לֹֽא־הָיָ֨הa לְפָנָ֜יו מֶ֗לֶךְ אֲשֶׁר־שָׁ֤בb אֶל־יְהוָה֙ בְּכָל־לְבָבֹ֤ו וּבְכָל־נַפְשֹׁו֙ וּבְכָל־מְאֹדֹ֔ו כְּכֹ֖ל תֹּורַ֣ת מֹשֶׁ֑ה וְאַחֲרָ֖יו לֹֽא־קָ֥םc כָּמֹֽהוּ׃

26 אַ֣ךְ׀ לֹֽא־שָׁ֣בa יְהוָ֗ה מֵחֲרֹ֤וןb אַפֹּו֙ הַגָּדֹ֔ול אֲשֶׁר־חָרָ֥הc אַפֹּ֖ו בִּֽיהוּדָ֑ה עַ֚ל כָּל־הַכְּעָסִ֔יםd אֲשֶׁ֥ר הִכְעִיסֹ֖וe מְנַשֶּֽׁה׃

27 וַיֹּ֣אמֶרa יְהוָ֗ה גַּ֤ם אֶת־יְהוּדָה֙ אָסִיר֙b מֵעַ֣ל פָּנַ֔י כַּאֲשֶׁ֥ר הֲסִרֹ֖תִיc אֶת־יִשְׂרָאֵ֑ל וּ֠מָאַסְתִּיd אֶת־הָעִ֨יר הַזֹּ֤את אֲשֶׁר־בָּחַ֨רְתִּי֙e אֶת־יְר֣וּשָׁלִַ֔ם וְאֶת־הַבַּ֔יִת אֲשֶׁ֣ר אָמַ֔רְתִּיf יִהְיֶ֥הg שְׁמִ֖י שָֽׁם׃

28 וְיֶ֛תֶר דִּבְרֵ֥י יֹאשִׁיָּ֖הוּ וְכָל־אֲשֶׁ֣ר עָשָׂ֑הa הֲלֹא־הֵ֣ם כְּתוּבִ֗יםb עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

29 בְּיָמָ֡יו עָלָה֩a פַרְעֹ֨ה נְכֹ֧הb מֶֽלֶךְ־מִצְרַ֛יִם עַל־מֶ֥לֶךְ אַשּׁ֖וּר עַל־נְהַר־פְּרָ֑תc וַיֵּ֨לֶךְd הַמֶּ֤לֶךְ יֹאשִׁיָּ֨הוּ֙ לִקְרָאתֹ֔וe וַיְמִיתֵ֨הוּ֙f בִּמְגִדֹּ֔וg כִּרְאֹתֹ֖וh אֹתֹֽו׃

30 וַיַּרְכִּבֻ֨הוּa עֲבָדָ֥יו מֵת֙ מִמְּגִדֹּ֔וb וַיְבִאֻ֨הוּ֙c יְר֣וּשָׁלִַ֔ם וַֽיִּקְבְּרֻ֖הוּd בִּקְבֻֽרָתֹ֑וe וַיִּקַּ֣חf עַם־הָאָ֗רֶץ אֶת־יְהֹֽואָחָז֙g בֶּן־יֹ֣אשִׁיָּ֔הוּ וַיִּמְשְׁח֥וּh אֹתֹ֛ו וַיַּמְלִ֥יכוּi אֹתֹ֖ו תַּ֥חַת אָבִֽיו׃ פ

31 בֶּן־עֶשְׂרִ֨ים וְשָׁלֹ֤שׁ שָׁנָה֙ יְהֹואָחָ֣זa בְּמָלְכֹ֔וb וּשְׁלֹשָׁ֣ה חֳדָשִׁ֔ים מָלַ֖ךְc בִּירוּשָׁלִָ֑ם וְשֵׁ֣ם אִמֹּ֔ו חֲמוּטַ֥לd בַּֽת־יִרְמְיָ֖הוּ מִלִּבְנָֽהe ׃

32 וַיַּ֥עַשׂa הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשׂ֖וּb אֲבֹתָֽיו׃

33 וַיַּאַסְרֵהוּ֩a פַרְעֹ֨ה נְכֹ֤הb בְרִבְלָה֙c בְּאֶ֣רֶץ חֲמָ֔תd במלךe בִּירוּשָׁלִָ֑ם וַיִּתֶּןf ־עֹ֨נֶשׁ֙g עַל־הָאָ֔רֶץ מֵאָ֥ה כִכַּר־כֶּ֖סֶף וְכִכַּ֥ר זָהָֽב׃

34 וַיַּמְלֵךְ֩a פַּרְעֹ֨ה נְכֹ֜הb אֶת־אֶלְיָקִ֣יםc בֶּן־יֹאשִׁיָּ֗הוּ תַּ֚חַת יֹאשִׁיָּ֣הוּ אָבִ֔יו וַיַּסֵּ֥בd אֶת־שְׁמֹ֖ו יְהֹויָקִ֑יםe וְאֶת־יְהֹואָחָ֣זf לָקָ֔חg וַיָּבֹ֥אh מִצְרַ֖יִם וַיָּ֥מָתi שָֽׁם׃

35 וְהַכֶּ֣סֶף וְהַזָּהָ֗ב נָתַ֤ןa יְהֹויָקִים֙b לְפַרְעֹ֔ה אַ֚ךְ הֶעֱרִ֣יךְc אֶת־הָאָ֔רֶץ לָתֵ֥תd אֶת־הַכֶּ֖סֶף עַל־פִּ֣י פַרְעֹ֑ה אִ֣ישׁ כְּעֶרְכֹּ֗וe נָגַ֞שׂf אֶת־הַכֶּ֤סֶף וְאֶת־הַזָּהָב֙ אֶת־עַ֣ם הָאָ֔רֶץ לָתֵ֖תg לְפַרְעֹ֥ה נְכֹֽהh ׃ ס

36 בֶּן־עֶשְׂרִ֨ים וְחָמֵ֤שׁ שָׁנָ֨ה יְהֹויָקִ֣יםa בְּמָלְכֹ֔וb וְאַחַ֤ת עֶשְׂרֵה֙ שָׁנָ֔ה מָלַ֖ךְc בִּירוּשָׁלִָ֑ם וְשֵׁ֣ם אִמֹּ֔ו זבידהd בַת־פְּדָיָ֖הe מִן־רוּמָֽהf ׃

37 וַיַּ֥עַשׂa הָרַ֖ע בְּעֵינֵ֣י יְהוָ֑ה כְּכֹ֥ל אֲשֶׁר־עָשׂ֖וּb אֲבֹתָֽיו׃