מלכים ב

בֶּן־שְׁמֹנֶ֤ה שָׁנָה֙ יֹאשִׁיָּ֣הוּ בְמָלְכֹ֔וa וּשְׁלֹשִׁ֤ים וְאַחַת֙ שָׁנָ֔ה מָלַ֖ךְb בִּירוּשָׁלִָ֑ם וְשֵׁ֣ם אִמֹּ֔ו יְדִידָ֥הc בַת־עֲדָ֖יָהd מִבָּצְקַֽתe ׃

2 וַיַּ֥עַשׂa הַיָּשָׁ֖ר בְּעֵינֵ֣י יְהוָ֑ה וַיֵּ֗לֶךְb בְּכָל־דֶּ֨רֶךְ֙ דָּוִ֣ד אָבִ֔יו וְלֹא־סָ֖רc יָמִ֥ין וּשְׂמֹֽאול׃ פ

3 וַיְהִ֗יa בִּשְׁמֹנֶ֤ה עֶשְׂרֵה֙ שָׁנָ֔ה לַמֶּ֖לֶךְ יֹאשִׁיָּ֑הוּ שָׁלַ֣חb הַ֠מֶּלֶךְ אֶת־שָׁפָ֨ןc בֶּן־אֲצַלְיָ֤הוּd בֶן־מְשֻׁלָּם֙e הַסֹּפֵ֔ר בֵּ֥ית יְהוָ֖ה לֵאמֹֽרf ׃

4 עֲלֵ֗הa אֶל־חִלְקִיָּ֨הוּ֙b הַכֹּהֵ֣ן הַגָּדֹ֔ול וְיַתֵּ֣םc אֶת־הַכֶּ֔סֶף הַמּוּבָ֖אd בֵּ֣ית יְהוָ֑ה אֲשֶׁ֥ר אָסְפ֛וּe שֹׁמְרֵ֥י הַסַּ֖ףf מֵאֵ֥ת הָעָֽם׃

5 ויתנהa עַל־יַד֙ עֹשֵׂ֣י הַמְּלָאכָ֔ה הַמֻּפְקָדִ֖יםb בביתc יְהוָ֑ה וְיִתְּנ֣וּd אֹתֹ֗ו לְעֹשֵׂ֤י הַמְּלָאכָה֙ אֲשֶׁר֙ בְּבֵ֣ית יְהוָ֔ה לְחַזֵּ֖קe בֶּ֥דֶקf הַבָּֽיִת׃

6 לֶחָ֣רָשִׁ֔יםa וְלַבֹּנִ֖ים וְלַגֹּֽדְרִ֑יםb וְלִקְנֹ֤ותc עֵצִים֙ וְאַבְנֵ֣י מַחְצֵ֔בd לְחַזֵּ֖קe אֶת־הַבָּֽיִת׃

7 אַ֚ךְ לֹא־יֵחָשֵׁ֣בa אִתָּ֔ם הַכֶּ֖סֶף הַנִּתָּ֣ןb עַל־יָדָ֑ם כִּ֥י בֶאֱמוּנָ֖הc הֵ֥ם עֹשִֽׂיםd ׃

8 וַ֠יֹּאמֶרa חִלְקִיָּ֜הוּb הַכֹּהֵ֤ן הַגָּדֹול֙ עַל־שָׁפָ֣ןc הַסֹּפֵ֔ר סֵ֧פֶר הַתֹּורָ֛ה מָצָ֖אתִיd בְּבֵ֣ית יְהוָ֑ה וַיִּתֵּ֨ןe חִלְקִיָּ֧הf אֶת־הַסֵּ֛פֶר אֶל־שָׁפָ֖ןg וַיִּקְרָאֵֽהוּh ׃

9 וַיָּבֹ֞אa שָׁפָ֤ןb הַסֹּפֵר֙ אֶל־הַמֶּ֔לֶךְ וַיָּ֥שֶׁבc אֶת־הַמֶּ֖לֶךְ דָּבָ֑ר וַיֹּ֗אמֶרd הִתִּ֤יכוּe עֲבָדֶ֨יךָ֙ אֶת־הַכֶּ֨סֶף֙ הַנִּמְצָ֣אf בַבַּ֔יִת וַֽיִּתְּנֻ֗הוּg עַל־יַד֙ עֹשֵׂ֣י הַמְּלָאכָ֔ה הַמֻּפְקָדִ֖יםh בֵּ֥ית יְהוָֽה׃

10 וַיַּגֵּ֞דa שָׁפָ֤ןb הַסֹּפֵר֙ לַמֶּ֣לֶךְ לֵאמֹ֔רc סֵ֚פֶר נָ֣תַןd לִ֔י חִלְקִיָּ֖הe הַכֹּהֵ֑ן וַיִּקְרָאֵ֥הוּf שָׁפָ֖ןg לִפְנֵ֥י הַמֶּֽלֶךְ׃

11 וַֽיְהִי֙a כִּשְׁמֹ֣עַb הַמֶּ֔לֶךְ אֶת־דִּבְרֵ֖י סֵ֣פֶר הַתֹּורָ֑ה וַיִּקְרַ֖עc אֶת־בְּגָדָֽיו׃

12 וַיְצַ֣וa הַמֶּ֡לֶךְ אֶת־חִלְקִיָּ֣הb הַכֹּהֵ֡ן וְאֶת־אֲחִיקָ֣םc בֶּן־שָׁ֠פָןd וְאֶת־עַכְבֹּ֨ורe בֶּן־מִיכָיָ֜הf וְאֵ֣ת׀ שָׁפָ֣ןg הַסֹּפֵ֗ר וְאֵ֛ת עֲשָׂיָ֥הh עֶֽבֶד־הַמֶּ֖לֶךְ לֵאמֹֽרi ׃

13 לְכוּ֩a דִרְשׁ֨וּb אֶת־יְהוָ֜ה בַּעֲדִ֣י וּבְעַד־הָעָ֗ם וּבְעַד֙ כָּל־יְהוּדָ֔ה עַל־דִּבְרֵ֛י הַסֵּ֥פֶר הַנִּמְצָ֖א הַזֶּ֑ה כִּֽי־גְדֹולָ֞ה חֲמַ֣ת יְהוָ֗ה אֲשֶׁר־הִיא֙ נִצְּתָ֣הc בָ֔נוּ עַל֩ אֲשֶׁ֨ר לֹֽא־שָׁמְע֜וּd אֲבֹתֵ֗ינוּ עַל־דִּבְרֵי֙ הַסֵּ֣פֶר הַזֶּ֔ה לַעֲשֹׂ֖ותe כְּכָל־הַכָּת֥וּבf עָלֵֽינוּ׃

14 וַיֵּ֣לֶךְa חִלְקִיָּ֣הוּb הַ֠כֹּהֵן וַאֲחִיקָ֨םc וְעַכְבֹּ֜ורd וְשָׁפָ֣ןe וַעֲשָׂיָ֗הf אֶל־חֻלְדָּ֨הg הַנְּבִיאָ֜הh אֵ֣שֶׁת׀ שַׁלֻּ֣םi בֶּן־תִּקְוָ֗הj בֶּן־חַרְחַס֙k שֹׁמֵ֣רl הַבְּגָדִ֔ים וְהִ֛יא יֹשֶׁ֥בֶתm בִּירוּשָׁלִַ֖ם בַּמִּשְׁנֶ֑הn וַֽיְדַבְּר֖וּo אֵלֶֽיהָ׃

15 וַתֹּ֣אמֶרa אֲלֵיהֶ֔ם כֹּֽה־אָמַ֥רb יְהוָ֖ה אֱלֹהֵ֣י יִשְׂרָאֵ֑ל אִמְר֣וּc לָאִ֔ישׁ אֲשֶׁר־שָׁלַ֥חd אֶתְכֶ֖ם אֵלָֽי׃

16 כֹּ֚ה אָמַ֣רa יְהוָ֔ה הִנְנִ֨י מֵבִ֥יאb רָעָ֛ה אֶל־הַמָּקֹ֥ום הַזֶּ֖ה וְעַל־יֹֽשְׁבָ֑יו אֵ֚ת כָּל־דִּבְרֵ֣י הַסֵּ֔פֶר אֲשֶׁ֥ר קָרָ֖אc מֶ֥לֶךְ יְהוּדָֽה׃

17 תַּ֣חַת׀ אֲשֶׁ֣ר עֲזָב֗וּנִיa וַֽיְקַטְּרוּ֙b לֵאלֹהִ֣ים אֲחֵרִ֔ים לְמַ֨עַן֙ הַכְעִיסֵ֔נִיc בְּכֹ֖ל מַעֲשֵׂ֣ה יְדֵיהֶ֑ם וְנִצְּתָ֧הd חֲמָתִ֛י בַּמָּקֹ֥ום הַזֶּ֖ה וְלֹ֥א תִכְבֶּֽהe ׃

18 וְאֶל־מֶ֣לֶךְ יְהוּדָ֗ה הַשֹּׁלֵ֤חַa אֶתְכֶם֙ לִדְרֹ֣שׁb אֶת־יְהוָ֔ה כֹּ֥ה תֹאמְר֖וּc אֵלָ֑יו כֹּֽה־אָמַ֤רd יְהוָה֙ אֱלֹהֵ֣י יִשְׂרָאֵ֔ל הַדְּבָרִ֖ים אֲשֶׁ֥ר שָׁמָֽעְתָּe ׃

19 יַ֠עַן רַךְa ־לְבָ֨בְךָ֜ וַתִּכָּנַ֣עb ׀ מִפְּנֵ֣י יְהוָ֗ה בְּֽשָׁמְעֲךָ֡c אֲשֶׁ֣ר דִּבַּרְתִּי֩d עַל־הַמָּקֹ֨ום הַזֶּ֜ה וְעַל־יֹשְׁבָ֗יו לִהְיֹ֤ותe לְשַׁמָּה֙f וְלִקְלָלָ֔הg וַתִּקְרַע֙h אֶת־בְּגָדֶ֔יךָ וַתִּבְכֶּ֖הi לְפָנָ֑י וְגַ֧ם אָנֹכִ֛י שָׁמַ֖עְתִּיj נְאֻם־יְהוָֽה׃

20 לָכֵן֩ הִנְנִ֨י אֹֽסִפְךָ֜a עַל־אֲבֹתֶ֗יךָ וְנֶאֱסַפְתָּ֣b אֶל־קִבְרֹתֶיךָ֮ בְּשָׁלֹום֒ וְלֹא־תִרְאֶ֣ינָהc עֵינֶ֔יךָ בְּכֹל֙ הָֽרָעָ֔ה אֲשֶׁר־אֲנִ֥י מֵבִ֖יאd עַל־הַמָּקֹ֣ום הַזֶּ֑ה וַיָּשִׁ֥יבוּe אֶת־הַמֶּ֖לֶךְ דָּבָֽר׃