מלכים ב

בֶּן־שְׁתֵּ֨ים עֶשְׂרֵ֤ה שָׁנָה֙ מְנַשֶּׁ֣ה בְמָלְכֹ֔וa וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְb בִּירוּשָׁלִָ֑ם וְשֵׁ֥ם אִמֹּ֖ו חֶפְצִי־בָֽהּc ׃

2 וַיַּ֥עַשׂa הָרַ֖ע בְּעֵינֵ֣י יְהוָ֑ה כְּתֹֽועֲבֹת֙ הַגֹּויִ֔ם אֲשֶׁר֙ הֹורִ֣ישׁb יְהוָ֔ה מִפְּנֵ֖י בְּנֵ֥י יִשְׂרָאֵֽל׃

3 וַיָּ֗שָׁבa וַיִּ֨בֶן֙b אֶת־הַבָּמֹ֔ות אֲשֶׁ֥ר אִבַּ֖דc חִזְקִיָּ֣הוּ אָבִ֑יו וַיָּ֨קֶםd מִזְבְּחֹ֜ת לַבַּ֗עַל וַיַּ֤עַשׂe אֲשֵׁרָה֙f כַּאֲשֶׁ֣ר עָשָׂ֗הg אַחְאָב֙ מֶ֣לֶךְ יִשְׂרָאֵ֔ל וַיִּשְׁתַּ֨חוּ֙h לְכָל־צְבָ֣א הַשָּׁמַ֔יִם וַֽיַּעֲבֹ֖דi אֹתָֽם׃

4 וּבָנָ֥הa מִזְבְּחֹ֖ת בְּבֵ֣ית יְהוָ֑ה אֲשֶׁר֙ אָמַ֣רb יְהוָ֔ה בִּירוּשָׁלִַ֖ם אָשִׂ֥יםc אֶת־שְׁמִֽי׃

5 וַיִּ֥בֶןa מִזְבְּחֹ֖ות לְכָל־צְבָ֣א הַשָּׁמָ֑יִם בִּשְׁתֵּ֖י חַצְרֹ֥ות בֵּית־יְהוָֽה׃

6 וְהֶעֱבִ֤ירa אֶת־בְּנֹו֙ בָּאֵ֔שׁ וְעֹונֵ֣ןb וְנִחֵ֔שׁc וְעָ֥שָׂהd אֹ֖ובe וְיִדְּעֹנִ֑יםf הִרְבָּ֗הg לַעֲשֹׂ֥ותh הָרַ֛ע בְּעֵינֵ֥י יְהוָ֖ה לְהַכְעִֽיסi ׃

7 וַיָּ֕שֶׂםa אֶת־פֶּ֥סֶלb הָאֲשֵׁרָ֖הc אֲשֶׁ֣ר עָשָׂ֑הd בַּבַּ֗יִת אֲשֶׁ֨ר אָמַ֤רe יְהוָה֙ אֶל־דָּוִד֙ וְאֶל־שְׁלֹמֹ֣ה בְנֹ֔ו בַּבַּ֨יִת הַזֶּ֜ה וּבִירוּשָׁלִַ֗ם אֲשֶׁ֤ר בָּחַ֨רְתִּי֙f מִכֹּל֙ שִׁבְטֵ֣י יִשְׂרָאֵ֔ל אָשִׂ֥יםg אֶת־שְׁמִ֖י לְעֹולָֽם׃

8 וְלֹ֣א אֹסִ֗יףa לְהָנִיד֙b רֶ֣גֶל יִשְׂרָאֵ֔ל מִן־הָ֣אֲדָמָ֔ה אֲשֶׁ֥ר נָתַ֖תִּיc לַֽאֲבֹותָ֑ם רַ֣ק׀ אִם־יִשְׁמְר֣וּd לַעֲשֹׂ֗ותe כְּכֹל֙ אֲשֶׁ֣ר צִוִּיתִ֔יםf וּלְכָל־הַ֨תֹּורָ֔ה אֲשֶׁר־צִוָּ֥הg אֹתָ֖ם עַבְדִּ֥י מֹשֶֽׁה׃

9 וְלֹ֖א שָׁמֵ֑עוּa וַיַּתְעֵ֤םb מְנַשֶּׁה֙ לַעֲשֹׂ֣ותc אֶת־הָרָ֔ע מִן־הַ֨גֹּויִ֔ם אֲשֶׁר֙ הִשְׁמִ֣ידd יְהוָ֔ה מִפְּנֵ֖י בְּנֵ֥י יִשְׂרָאֵֽל׃

10 וַיְדַבֵּ֧רa יְהוָ֛ה בְּיַד־עֲבָדָ֥יו הַנְּבִיאִ֖ים לֵאמֹֽרb ׃

11 יַעַן֩ אֲשֶׁ֨ר עָשָׂ֜הa מְנַשֶּׁ֤ה מֶֽלֶךְ־יְהוּדָה֙ הַתֹּעֵבֹ֣ות הָאֵ֔לֶּה הֵרַ֕עb מִכֹּ֛ל אֲשֶׁר־עָשׂ֥וּc הָאֱמֹרִ֖י אֲשֶׁ֣ר לְפָנָ֑יו וַיַּחֲטִ֥אd גַֽם־אֶת־יְהוּדָ֖ה בְּגִלּוּלָֽיוe ׃ פ

12 לָכֵ֗ן כֹּֽה־אָמַ֤רa יְהוָה֙ אֱלֹהֵ֣י יִשְׂרָאֵ֔ל הִנְנִי֙ מֵבִ֣יאb רָעָ֔ה עַל־יְרוּשָׁלִַ֖ם וִֽיהוּדָ֑ה אֲשֶׁר֙ כָּל־שׁמעיוc תִּצַּ֖לְנָהd שְׁתֵּ֥י אָזְנָֽיו׃

13 וְנָטִ֣יתִיa עַל־יְרוּשָׁלִַ֗ם אֵ֚ת קָ֣וb שֹֽׁמְרֹ֔ון וְאֶת־מִשְׁקֹ֖לֶתc בֵּ֣ית אַחְאָ֑ב וּמָחִ֨יתִיd אֶת־יְרוּשָׁלִַ֜ם כַּֽאֲשֶׁר־יִמְחֶ֤הe אֶת־הַצַּלַּ֨חַת֙f מָחָ֔הg וְהָפַ֖ךְh עַל־פָּנֶֽיהָ׃

14 וְנָטַשְׁתִּ֗יa אֵ֚ת שְׁאֵרִ֣ית נַחֲלָתִ֔י וּנְתַתִּ֖יםb בְּיַ֣ד אֹֽיְבֵיהֶ֑ם וְהָי֥וּc לְבַ֛זd וְלִמְשִׁסָּ֖הe לְכָל־אֹיְבֵיהֶֽם׃

15 יַ֗עַן אֲשֶׁ֨ר עָשׂ֤וּa אֶת־הָרַע֙ בְּעֵינַ֔י וַיִּהְי֥וּb מַכְעִסִ֖יםc אֹתִ֑י מִן־הַיֹּ֗ום אֲשֶׁ֨ר יָצְא֤וּd אֲבֹותָם֙ מִמִּצְרַ֔יִם וְעַ֖ד הַיֹּ֥ום הַזֶּֽה׃

16 וְגַם֩ דָּ֨ם נָקִ֜יa שָׁפַ֤ךְb מְנַשֶּׁה֙ הַרְבֵּ֣ה מְאֹ֔ד עַ֛ד אֲשֶׁר־מִלֵּ֥אc אֶת־יְרוּשָׁלִַ֖ם פֶּ֣ה לָפֶ֑ה לְבַ֤ד מֵֽחַטָּאתֹו֙ אֲשֶׁ֣ר הֶחֱטִ֣יאd אֶת־יְהוּדָ֔ה לַעֲשֹׂ֥ותe הָרַ֖ע בְּעֵינֵ֥י יְהוָֽה׃

17 וְיֶ֨תֶר דִּבְרֵ֤י מְנַשֶּׁה֙ וְכָל־אֲשֶׁ֣ר עָשָׂ֔הa וְחַטָּאתֹ֖ו אֲשֶׁ֣ר חָטָ֑אb הֲלֹא־הֵ֣ם כְּתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

18 וַיִּשְׁכַּ֤בa מְנַשֶּׁה֙ עִם־אֲבֹתָ֔יו וַיִּקָּבֵ֥רb בְּגַןc ־בֵּיתֹ֖ו בְּגַןd ־עֻזָּ֑אe וַיִּמְלֹ֛ךְf אָמֹ֥וןg בְּנֹ֖ו תַּחְתָּֽיו׃ פ

19 בֶּן־עֶשְׂרִ֨ים וּשְׁתַּ֤יִם שָׁנָה֙ אָמֹ֣וןa בְּמָלְכֹ֔וb וּשְׁתַּ֣יִם שָׁנִ֔ים מָלַ֖ךְc בִּירוּשָׁלִָ֑ם וְשֵׁ֣ם אִמֹּ֔ו מְשֻׁלֶּ֥מֶתd בַּת־חָר֖וּץe מִן־יָטְבָֽהf ׃

20 וַיַּ֥עַשׂa הָרַ֖ע בְּעֵינֵ֣י יְהוָ֑ה כַּאֲשֶׁ֥ר עָשָׂ֖הb מְנַשֶּׁ֥ה אָבִֽיו׃

21 וַיֵּ֕לֶךְa בְּכָל־הַדֶּ֖רֶךְ אֲשֶׁר־הָלַ֣ךְb אָבִ֑יו וַֽיַּעֲבֹ֗דc אֶת־הַגִּלֻּלִים֙d אֲשֶׁ֣ר עָבַ֣דe אָבִ֔יו וַיִּשְׁתַּ֖חוּf לָהֶֽם׃

22 וַיַּעֲזֹ֕בa אֶת־יְהוָ֖ה אֱלֹהֵ֣י אֲבֹתָ֑יו וְלֹ֥א הָלַ֖ךְb בְּדֶ֥רֶךְ יְהוָֽה׃

23 וַיִּקְשְׁר֥וּa עַבְדֵֽי־אָמֹ֖וןb עָלָ֑יו וַיָּמִ֥יתוּc אֶת־הַמֶּ֖לֶךְ בְּבֵיתֹֽו׃

24 וַיַּךְ֙a עַם־הָאָ֔רֶץ אֵ֥ת כָּל־הַקֹּשְׁרִ֖יםb עַל־הַמֶּ֣לֶךְ אָמֹ֑וןc וַיַּמְלִ֧יכוּd עַם־הָאָ֛רֶץ אֶת־יֹאשִׁיָּ֥הוּ בְנֹ֖ו תַּחְתָּֽיו׃

25 וְיֶ֛תֶר דִּבְרֵ֥י אָמֹ֖וןa אֲשֶׁ֣ר עָשָׂ֑הb הֲלֹא־הֵ֣ם כְּתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

26 וַיִּקְבְֹּ֥רa אֹתֹ֛ו בִּקְבֻרָתֹ֖וb בְּגַןc ־עֻזָּ֑אd וַיִּמְלֹ֛ךְe יֹאשִׁיָּ֥הוּ בְנֹ֖ו תַּחְתָּֽיו׃ פ