מלכים ב

בַּיָּמִ֣ים הָהֵ֔ם חָלָ֥הa חִזְקִיָּ֖הוּ לָמ֑וּתb וַיָּבֹ֣אc אֵ֠לָיו יְשַׁעְיָ֨הוּd בֶן־אָמֹ֜וץe הַנָּבִ֗יא וַיֹּ֨אמֶרf אֵלָ֜יו כֹּֽה־אָמַ֤רg יְהוָה֙ צַ֣וh לְבֵיתֶ֔ךָ כִּ֛י מֵ֥תi אַתָּ֖ה וְלֹ֥א תִֽחְיֶֽהj ׃

2 וַיַּסֵּ֥בa אֶת־פָּנָ֖יו אֶל־הַקִּ֑יר וַיִּ֨תְפַּלֵּ֔לb אֶל־יְהוָ֖ה לֵאמֹֽרc ׃

3 אָנָּ֣הa יְהוָ֗ה זְכָרb ־נָ֞א אֵ֣ת אֲשֶׁ֧ר הִתְהַלַּ֣כְתִּיc לְפָנֶ֗יךָ בֶּֽאֱמֶת֙ וּבְלֵבָ֣ב שָׁלֵ֔םd וְהַטֹּ֥וב בְּעֵינֶ֖יךָ עָשִׂ֑יתִיe וַיֵּ֥בְךְּf חִזְקִיָּ֖הוּ בְּכִ֥יg גָדֹֽול׃ ס

4 וַיְהִ֣יa יְשַׁעְיָ֔הוּb לֹ֣א יָצָ֔אc העירd הַתִּֽיכֹנָ֑הe וּדְבַר־יְהוָ֔ה הָיָ֥הf אֵלָ֖יו לֵאמֹֽרg ׃

5 שׁ֣וּבa וְאָמַרְתָּ֞b אֶל־חִזְקִיָּ֣הוּ נְגִידc ־עַמִּ֗י כֹּֽה־אָמַ֤רd יְהוָה֙ אֱלֹהֵי֙ דָּוִ֣ד אָבִ֔יךָ שָׁמַ֨עְתִּי֙e אֶת־תְּפִלָּתֶ֔ךָ רָאִ֖יתִיf אֶת־דִּמְעָתֶ֑ךָg הִנְנִי֙ רֹ֣פֶאh לָ֔ךְ בַּיֹּום֙ הַשְּׁלִישִׁ֔י תַּעֲלֶ֖הi בֵּ֥ית יְהוָֽה׃

6 וְהֹסַפְתִּ֣יa עַל־יָמֶ֗יךָ חֲמֵ֤שׁ עֶשְׂרֵה֙ שָׁנָ֔ה וּמִכַּ֤ף מֶֽלֶךְ־אַשּׁוּר֙ אַצִּ֣ילְךָ֔b וְאֵ֖ת הָעִ֣יר הַזֹּ֑את וְגַנֹּותִי֙c עַל־הָעִ֣יר הַזֹּ֔את לְמַֽעֲנִ֔י וּלְמַ֖עַן דָּוִ֥ד עַבְדִּֽי׃

7 וַיֹּ֣אמֶרa יְשַֽׁעְיָ֔הוּb קְח֖וּc דְּבֶ֣לֶתd תְּאֵנִ֑יםe וַיִּקְח֛וּf וַיָּשִׂ֥ימוּg עַֽל־הַשְּׁחִ֖יןh וַיֶּֽחִיi ׃

8 וַיֹּ֤אמֶרa חִזְקִיָּ֨הוּ֙ אֶֽל־יְשַׁעְיָ֔הוּb מָ֣ה אֹ֔ות כִּֽי־יִרְפָּ֥אc יְהוָ֖ה לִ֑י וְעָלִ֛יתִיd בַּיֹּ֥ום הַשְּׁלִישִׁ֖י בֵּ֥ית יְהוָֽה׃

9 וַיֹּ֣אמֶרa יְשַׁעְיָ֗הוּb זֶה־לְּךָ֤ הָאֹות֙ מֵאֵ֣ת יְהוָ֔ה כִּ֚י יַעֲשֶׂ֣הc יְהוָ֔ה אֶת־הַדָּבָ֖ר אֲשֶׁ֣ר דִּבֵּ֑רd הָלַ֤ךְe הַצֵּל֙ עֶ֣שֶׂר מַֽעֲלֹ֔ותf אִם־יָשׁ֖וּבg עֶ֥שֶׂר מַעֲלֹֽותh ׃

10 וַיֹּ֨אמֶר֙a יְחִזְקִיָּ֔הוּb נָקֵ֣לc לַצֵּ֔ל לִנְטֹ֖ותd עֶ֣שֶׂר מַעֲלֹ֑ותe לֹ֣א כִ֔י יָשׁ֥וּבf הַצֵּ֛ל אֲחֹרַנִּ֖יתg עֶ֥שֶׂר מַעֲלֹֽותh ׃

11 וַיִּקְרָ֛אa יְשַׁעְיָ֥הוּb הַנָּבִ֖יא אֶל־יְהוָ֑ה וַיָּ֣שֶׁבc אֶת־הַצֵּ֗ל בַּֽ֠מַּעֲלֹותd אֲשֶׁ֨ר יָרְדָ֜הe בְּמַעֲלֹ֥ותf אָחָ֛זg אֲחֹֽרַנִּ֖יתh עֶ֥שֶׂר מַעֲלֹֽותi ׃ פ

12 בָּעֵ֣ת הַהִ֡יא שָׁלַ֡חa בְּרֹאדַ֣ךְ ֠בַּלְאֲדָןb בֶּֽן־בַּלְאֲדָ֧ןc מֶֽלֶךְ־בָּבֶ֛ל סְפָרִ֥ים וּמִנְחָ֖ה אֶל־חִזְקִיָּ֑הוּ כִּ֣י שָׁמַ֔עd כִּ֥י חָלָ֖הe חִזְקִיָּֽהוּ׃

13 וַיִּשְׁמַ֣עa עֲלֵיהֶם֮ חִזְקִיָּהוּ֒ וַיַּרְאֵ֣םb אֶת־כָּל־בֵּ֣ית נכתהc אֶת־הַכֶּסֶף֩ וְאֶת־הַזָּהָ֨ב וְאֶת־הַבְּשָׂמִ֜יםd וְאֵ֣ת׀ שֶׁ֣מֶן הַטֹּ֗ובe וְאֵת֙ בֵּ֣ית כֵּלָ֔יו וְאֵ֛ת כָּל־אֲשֶׁ֥ר נִמְצָ֖אf בְּאֹֽוצְרֹתָ֑יו לֹֽא־הָיָ֣הg דָבָ֗ר אֲ֠שֶׁר לֹֽא־הֶרְאָ֧םh חִזְקִיָּ֛הוּ בְּבֵיתֹ֖ו וּבְכָל־מֶמְשַׁלְתֹּֽוi ׃

14 וַיָּבֹא֙a יְשַֽׁעְיָ֣הוּb הַנָּבִ֔יא אֶל־הַמֶּ֖לֶךְ חִזְקִיָּ֑הוּ וַיֹּ֨אמֶרc אֵלָ֜יו מָ֥ה אָמְר֣וּd ׀ הָאֲנָשִׁ֣ים הָאֵ֗לֶּה וּמֵאַ֨יִן֙e יָבֹ֣אוּf אֵלֶ֔יךָ וַיֹּ֨אמֶר֙g חִזְקִיָּ֔הוּ מֵאֶ֧רֶץ רְחֹוקָ֛ה בָּ֖אוּh מִבָּבֶֽל׃

15 וַיֹּ֕אמֶרa מָ֥ה רָא֖וּb בְּבֵיתֶ֑ךָ וַיֹּ֣אמֶרc חִזְקִיָּ֗הוּ אֵ֣ת כָּל־אֲשֶׁ֤ר בְּבֵיתִי֙ רָא֔וּd לֹא־הָיָ֥הe דָבָ֛ר אֲשֶׁ֥ר לֹֽא־הִרְאִיתִ֖םf בְּאֹצְרֹתָֽי׃

16 וַיֹּ֥אמֶרa יְשַׁעְיָ֖הוּb אֶל־חִזְקִיָּ֑הוּ שְׁמַ֖עc דְּבַר־יְהוָֽה׃

17 הִנֵּה֮ יָמִ֣ים בָּאִים֒a וְנִשָּׂ֣אb ׀ כָּל־אֲשֶׁ֣ר בְּבֵיתֶ֗ךָ וַאֲשֶׁ֨ר אָצְר֧וּc אֲבֹתֶ֛יךָ עַד־הַיֹּ֥ום הַזֶּ֖ה בָּבֶ֑לָה לֹֽא־יִוָּתֵ֥רd דָּבָ֖ר אָמַ֥רe יְהוָֽה׃

18 וּמִבָּנֶ֜יךָ אֲשֶׁ֨ר יֵצְא֧וּa מִמְּךָ֛ אֲשֶׁ֥ר תֹּולִ֖ידb יקחc וְהָיוּ֙d סָֽרִיסִ֔יםe בְּהֵיכַ֖ל מֶ֥לֶךְ בָּבֶֽל׃

19 וַיֹּ֤אמֶרa חִזְקִיָּ֨הוּ֙ אֶֽל־יְשַֽׁעְיָ֔הוּb טֹ֥וב דְּבַר־יְהוָ֖ה אֲשֶׁ֣ר דִּבַּ֑רְתָּc וַיֹּ֕אמֶרd הֲלֹ֛וא אִם־שָׁלֹ֥ום וֶאֱמֶ֖ת יִהְיֶ֥הe בְיָמָֽי׃

20 וְיֶ֨תֶר דִּבְרֵ֤י חִזְקִיָּ֨הוּ֙ וְכָל־גְּב֣וּרָתֹ֔ו וַאֲשֶׁ֣ר עָשָׂ֗הa אֶת־הַבְּרֵכָה֙b וְאֶת־הַתְּעָלָ֔הc וַיָּבֵ֥אd אֶת־הַמַּ֖יִם הָעִ֑ירָה הֲלֹא־הֵ֣ם כְּתוּבִ֗יםe עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

21 וַיִּשְׁכַּ֥בa חִזְקִיָּ֖הוּ עִם־אֲבֹתָ֑יו וַיִּמְלֹ֛ךְb מְנַשֶּׁ֥ה בְנֹ֖ו תַּחְתָּֽיו׃ פ