מלכים ב

בִּשְׁנַ֣ת שְׁתַּ֔יִם לְיֹואָ֥שׁa בֶּן־יֹואָחָ֖זb מֶ֣לֶךְ יִשְׂרָאֵ֑ל מָלַ֛ךְc אֲמַצְיָ֥הוּd בֶן־יֹואָ֖שׁe מֶ֥לֶךְ יְהוּדָֽה׃

2 בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣הa בְמָלְכֹ֔וb וְעֶשְׂרִ֤ים וָתֵ֨שַׁע֙ שָׁנָ֔ה מָלַ֖ךְc בִּירוּשָׁלִָ֑ם וְשֵׁ֣ם אִמֹּ֔ו יהועדיןd מִן־יְרוּשָׁלִָֽם׃

3 וַיַּ֤עַשׂa הַיָּשָׁר֙ בְּעֵינֵ֣י יְהוָ֔ה רַ֕ק לֹ֖א כְּדָוִ֣ד אָבִ֑יו כְּכֹ֧ל אֲשֶׁר־עָשָׂ֛הb יֹואָ֥שׁc אָבִ֖יו עָשָֽׂהd ׃

4 רַ֥ק הַבָּמֹ֖ות לֹא־סָ֑רוּa עֹ֥וד הָעָ֛ם מְזַבְּחִ֥יםb וּֽמְקַטְּרִ֖יםc בַּבָּמֹֽות׃

5 וַיְהִ֕יa כַּאֲשֶׁ֛ר חָזְקָ֥הb הַמַּמְלָכָ֖ה בְּיָדֹ֑ו וַיַּךְ֙c אֶת־עֲבָדָ֔יו הַמַּכִּ֖יםd אֶת־הַמֶּ֥לֶךְ אָבִֽיו׃

6 וְאֶת־בְּנֵ֥י הַמַּכִּ֖ים לֹ֣א הֵמִ֑יתa כַּכָּת֣וּבb בְּסֵ֣פֶר תֹּֽורַת־מֹ֠שֶׁה אֲשֶׁר־צִוָּ֨הc יְהוָ֜ה לֵאמֹ֗רd לֹא־יוּמְת֨וּe אָבֹ֤ות עַל־בָּנִים֙ וּבָנִים֙ לֹא־יוּמְת֣וּf עַל־אָבֹ֔ות כִּ֛י אִם־אִ֥ישׁ בְּחֶטְאֹ֖וg ימותh ׃

7 הוּא־הִכָּ֨הa אֶת־אֱדֹ֤ום בְּגֵיא־המלחb עֲשֶׂ֣רֶת אֲלָפִ֔ים וְתָפַ֥שׂc אֶת־הַסֶּ֖לַעd בַּמִּלְחָמָ֑ה וַיִּקְרָ֤אe אֶת־שְׁמָהּ֙ יָקְתְאֵ֔לf עַ֖ד הַיֹּ֥ום הַזֶּֽה׃ פ

8 אָ֣ז שָׁלַ֤חa אֲמַצְיָה֙b מַלְאָכִ֔ים אֶל־יְהֹואָ֨שׁc בֶּן־יְהֹואָחָ֧זd בֶּן־יֵה֛וּא מֶ֥לֶךְ יִשְׂרָאֵ֖ל לֵאמֹ֑רe לְכָ֖הf נִתְרָאֶ֥הg פָנִֽים׃

9 וַיִּשְׁלַ֞חa יְהֹואָ֣שׁb מֶֽלֶךְ־יִשְׂרָאֵ֗ל אֶל־אֲמַצְיָ֣הוּc מֶֽלֶךְ־יְהוּדָה֮ לֵאמֹר֒d הַחֹ֜וחַe אֲשֶׁ֣ר בַּלְּבָנֹ֗ון שָׁ֠לַחf אֶל־הָאֶ֜רֶז אֲשֶׁ֤ר בַּלְּבָנֹון֙ לֵאמֹ֔רg תְּנָֽהh ־אֶת־בִּתְּךָ֥ לִבְנִ֖י לְאִשָּׁ֑ה וַֽתַּעֲבֹ֞רi חַיַּ֤ת הַשָּׂדֶה֙ אֲשֶׁ֣ר בַּלְּבָנֹ֔ון וַתִּרְמֹ֖סj אֶת־הַחֹֽוחַk ׃

10 הַכֵּ֤ה הִכִּ֨יתָ֙a אֶת־אֱדֹ֔ום וּֽנְשָׂאֲךָ֖b לִבֶּ֑ךָ הִכָּבֵד֙c וְשֵׁ֣בd בְּבֵיתֶ֔ךָ וְלָ֤מָּה תִתְגָּרֶה֙e בְּרָעָ֔ה וְנָ֣פַלְתָּ֔הf אַתָּ֖ה וִיהוּדָ֥ה עִמָּֽךְ׃

11 וְלֹא־שָׁמַ֣עa אֲמַצְיָ֔הוּb וַיַּ֨עַלc יְהֹואָ֤שׁd מֶֽלֶךְ־יִשְׂרָאֵל֙ וַיִּתְרָא֣וּe פָנִ֔ים ה֖וּא וַאֲמַצְיָ֣הוּf מֶֽלֶךְ־יְהוּדָ֑ה בְּבֵ֥ית שֶׁ֖מֶשׁg אֲשֶׁ֥ר לִיהוּדָֽה׃

12 וַיִּנָּ֥גֶףa יְהוּדָ֖ה לִפְנֵ֣י יִשְׂרָאֵ֑ל וַיָּנֻ֖סוּb אִ֥ישׁ לאהלוc ׃

13 וְאֵת֩ אֲמַצְיָ֨הוּa מֶֽלֶךְ־יְהוּדָ֜ה בֶּן־יְהֹואָ֣שׁb בֶּן־אֲחַזְיָ֗הוּc תָּפַ֛שׂd יְהֹואָ֥שׁe מֶֽלֶךְ־יִשְׂרָאֵ֖ל בְּבֵ֣ית שָׁ֑מֶשׁf ויבאוg יְר֣וּשָׁלִַ֔ם וַיִּפְרֹץ֩h בְּחֹומַ֨ת יְרוּשָׁלִַ֜ם בְּשַׁ֤עַר אֶפְרַ֨יִם֙ עַד־שַׁ֣עַר הַפִּנָּ֔הi אַרְבַּ֥ע מֵאֹ֖ות אַמָּֽה׃

14 וְלָקַ֣חa אֶת־כָּל־הַזָּהָב־וְ֠הַכֶּסֶף וְאֵ֨ת כָּל־הַכֵּלִ֜ים הַנִּמְצְאִ֣יםb בֵּית־יְהוָ֗ה וּבְאֹֽצְרֹות֙ בֵּ֣ית הַמֶּ֔לֶךְ וְאֵ֖ת בְּנֵ֣י הַתַּֽעֲרֻבֹ֑ותc וַיָּ֖שָׁבd שֹׁמְרֹֽונָה׃

15 וְיֶתֶר֩ דִּבְרֵ֨י יְהֹואָ֜שׁa אֲשֶׁ֤ר עָשָׂה֙b וּגְב֣וּרָתֹ֔ו וַאֲשֶׁ֣ר נִלְחַ֔םc עִ֖ם אֲמַצְיָ֣הוּd מֶֽלֶךְ־יְהוּדָ֑ה הֲלֹא־הֵ֣ם כְּתוּבִ֗יםe עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

16 וַיִּשְׁכַּ֤בa יְהֹואָשׁ֙b עִם־אֲבֹתָ֔יו וַיִּקָּבֵר֙c בְּשֹׁ֣מְרֹ֔ון עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְd יָרָבְעָ֥ם בְּנֹ֖ו תַּחְתָּֽיו׃ פ

17 וַיְחִ֨יa אֲמַצְיָ֤הוּb בֶן־יֹואָשׁ֙c מֶ֣לֶךְ יְהוּדָ֔ה אַֽחֲרֵ֣י מֹ֔ות יְהֹואָ֥שׁd בֶּן־יְהֹֽואָחָ֖זe מֶ֣לֶךְ יִשְׂרָאֵ֑ל חֲמֵ֥שׁ עֶשְׂרֵ֖ה שָׁנָֽה׃

18 וְיֶ֖תֶר דִּבְרֵ֣י אֲמַצְיָ֑הוּa הֲלֹא־הֵ֣ם כְּתוּבִ֗יםb עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

19 וַיִּקְשְׁר֨וּa עָלָ֥יו קֶ֛שֶׁרb בִּירוּשָׁלִַ֖ם וַיָּ֣נָסc לָכִ֑ישָׁהd וַיִּשְׁלְח֤וּe אַֽחֲרָיו֙ לָכִ֔ישָׁהf וַיְמִתֻ֖הוּg שָֽׁם׃

20 וַיִּשְׂא֥וּa אֹתֹ֖ו עַל־הַסּוּסִ֑ים וַיִּקָּבֵ֧רb בִּירוּשָׁלִַ֛ם עִם־אֲבֹתָ֖יו בְּעִ֥יר דָּוִֽד׃

21 וַיִּקְח֞וּa כָּל־עַ֤ם יְהוּדָה֙ אֶת־עֲזַרְיָ֔הb וְה֕וּא בֶּן־שֵׁ֥שׁ עֶשְׂרֵ֖ה שָׁנָ֑ה וַיַּמְלִ֣כוּc אֹתֹ֔ו תַּ֖חַת אָבִ֥יו אֲמַצְיָֽהוּd ׃

22 ה֚וּא בָּנָ֣הa אֶת־אֵילַ֔תb וַיְשִׁבֶ֖הָc לִֽיהוּדָ֑ה אַחֲרֵ֥י שְׁכַֽבd ־הַמֶּ֖לֶךְ עִם־אֲבֹתָֽיו׃ פ

23 בִּשְׁנַת֙ חֲמֵשׁ־עֶשְׂרֵ֣ה שָׁנָ֔ה לַאֲמַצְיָ֥הוּa בֶן־יֹואָ֖שׁb מֶ֣לֶךְ יְהוּדָ֑ה מָ֠לַךְc יָרָבְעָ֨ם בֶּן־יֹואָ֤שׁd מֶֽלֶךְ־יִשְׂרָאֵל֙ בְּשֹׁ֣מְרֹ֔ון אַרְבָּעִ֥ים וְאַחַ֖ת שָׁנָֽה׃

24 וַיַּ֥עַשׂa הָרַ֖ע בְּעֵינֵ֣י יְהוָ֑ה לֹ֣א סָ֗רb מִכָּל־חַטֹּאות֙ יָרָבְעָ֣ם בֶּן־נְבָ֔טc אֲשֶׁ֥ר הֶחֱטִ֖יאd אֶת־יִשְׂרָאֵֽל׃

25 ה֗וּא הֵשִׁיב֙a אֶת־גְּב֣וּל יִשְׂרָאֵ֔ל מִלְּבֹ֥ואb חֲמָ֖תc עַד־יָ֣ם הָעֲרָבָ֑ה כִּדְבַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר דִּבֶּ֗רd בְּיַד־עַבְדֹּ֞ו יֹונָ֤הe בֶן־אֲמִתַּי֙f הַנָּבִ֔יא אֲשֶׁ֖ר מִגַּ֥ת הַחֵֽפֶרg ׃

26 כִּי־רָאָ֧הa יְהוָ֛ה אֶת־עֳנִ֥יb יִשְׂרָאֵ֖ל מֹרֶ֣הc מְאֹ֑ד וְאֶ֤פֶסd עָצוּר֙e וְאֶ֣פֶסf עָז֔וּב וְאֵ֥ין עֹזֵ֖ר לְיִשְׂרָאֵֽל׃

27 וְלֹא־דִבֶּ֣רa יְהוָ֔ה לִמְחֹות֙b אֶת־שֵׁ֣ם יִשְׂרָאֵ֔ל מִתַּ֖חַת הַשָּׁמָ֑יִם וַיֹּ֣ושִׁיעֵ֔םc בְּיַ֖ד יָרָבְעָ֥ם בֶּן־יֹואָֽשׁd ׃

28 וְיֶתֶר֩ דִּבְרֵ֨י יָרָבְעָ֜ם וְכָל־אֲשֶׁ֤ר עָשָׂה֙a וּגְבוּרָתֹ֣ו אֲשֶׁר־נִלְחָ֔םb וַאֲשֶׁ֨ר הֵשִׁ֜יבc אֶת־דַּמֶּ֧שֶׂקd וְאֶת־חֲמָ֛תe לִיהוּדָ֖ה בְּיִשְׂרָאֵ֑ל הֲלֹא־הֵ֣ם כְּתוּבִ֗יםf עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

29 וַיִּשְׁכַּ֤בa יָֽרָבְעָם֙ עִם־אֲבֹתָ֔יו עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְb זְכַרְיָ֥הc בְנֹ֖ו תַּחְתָּֽיו׃ פ