מלכים ב

בִּשְׁנַ֨ת עֶשְׂרִ֤ים וְשָׁלֹשׁ֙ שָׁנָ֔ה לְיֹואָ֥שׁa בֶּן־אֲחַזְיָ֖הוּb מֶ֣לֶךְ יְהוּדָ֑ה מָ֠לַךְc יְהֹואָחָ֨זd בֶּן־יֵה֤וּא עַל־יִשְׂרָאֵל֙ בְּשֹׁ֣מְרֹ֔ון שְׁבַ֥ע עֶשְׂרֵ֖ה שָׁנָֽה׃

2 וַיַּ֥עַשׂa הָרַ֖ע בְּעֵינֵ֣י יְהוָ֑ה וַ֠יֵּלֶךְb אַחַ֨ר חַטֹּ֜את יָרָבְעָ֧ם בֶּן־נְבָ֛טc אֲשֶׁר־הֶחֱטִ֥יאd אֶת־יִשְׂרָאֵ֖ל לֹא־סָ֥רe מִמֶּֽנָּה׃

3 וַיִּֽחַרa ־אַ֥ף יְהוָ֖ה בְּיִשְׂרָאֵ֑ל וַֽיִּתְּנֵ֞םb בְּיַ֣ד׀ חֲזָאֵ֣לc מֶֽלֶךְ־אֲרָ֗ם וּבְיַ֛ד בֶּן־הֲדַ֥דd בֶּן־חֲזָאֵ֖לe כָּל־הַיָּמִֽים׃

4 וַיְחַ֥לa יְהֹואָחָ֖זb אֶת־פְּנֵ֣י יְהוָ֑ה וַיִּשְׁמַ֤עc אֵלָיו֙ יְהוָ֔ה כִּ֤י רָאָה֙d אֶת־לַ֣חַץe יִשְׂרָאֵ֔ל כִּֽי־לָחַ֥ץf אֹתָ֖ם מֶ֥לֶךְ אֲרָֽם׃

5 וַיִּתֵּ֨ןa יְהוָ֤ה לְיִשְׂרָאֵל֙ מֹושִׁ֔יעַ וַיֵּ֣צְא֔וּb מִתַּ֖חַת יַד־אֲרָ֑ם וַיֵּשְׁב֧וּc בְנֵֽי־יִשְׂרָאֵ֛ל בְּאָהֳלֵיהֶ֖ם כִּתְמֹ֥ולd שִׁלְשֹֽׁוםe ׃

6 אַ֠ךְ לֹֽא־סָ֜רוּa מֵחַטֹּ֧אות בֵּית־יָרָבְעָ֛ם אֲשֶׁר־החטיb אֶת־יִשְׂרָאֵ֖ל בָּ֣הּ הָלָ֑ךְc וְגַם֙ הָאֲשֵׁרָ֔הd עָמְדָ֖הe בְּשֹׁמְרֹֽון׃

7 כִּ֣י לֹא֩ הִשְׁאִ֨ירa לִיהֹואָחָ֜זb עָ֗ם כִּ֣י אִם־חֲמִשִּׁ֤ים פָּֽרָשִׁים֙ וַעֲשָׂ֣רָה רֶ֔כֶב וַעֲשֶׂ֥רֶת אֲלָפִ֖ים רַגְלִ֑יc כִּ֤י אִבְּדָם֙d מֶ֣לֶךְ אֲרָ֔ם וַיְשִׂמֵ֥םe כֶּֽעָפָ֖ר לָדֻֽשׁf ׃

8 וְיֶ֨תֶר דִּבְרֵ֧י יְהֹואָחָ֛זa וְכָל־אֲשֶׁ֥ר עָשָׂ֖הb וּגְבוּרָתֹ֑ו הֲלֹוא־הֵ֣ם כְּתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

9 וַיִּשְׁכַּ֤בa יְהֹֽואָחָז֙b עִם־אֲבֹתָ֔יו וַֽיִּקְבְּרֻ֖הוּc בְּשֹׁמְרֹ֑ון וַיִּמְלֹ֛ךְd יֹואָ֥שׁe בְּנֹ֖ו תַּחְתָּֽיו׃ פ

10 בִּשְׁנַ֨ת שְׁלֹשִׁ֤ים וָשֶׁ֨בַע֙ שָׁנָ֔ה לְיֹואָ֖שׁa מֶ֣לֶךְ יְהוּדָ֑ה מָ֠לַךְb יְהֹואָ֨שׁc בֶּן־יְהֹואָחָ֤זd עַל־יִשְׂרָאֵל֙ בְּשֹׁ֣מְרֹ֔ון שֵׁ֥שׁ עֶשְׂרֵ֖ה שָׁנָֽה׃

11 וַיַּֽעֲשֶׂ֥הa הָרַ֖ע בְּעֵינֵ֣י יְהוָ֑ה לֹ֣א סָ֗רb מִכָּל־חַטֹּ֞אות יָרָבְעָ֧ם בֶּן־נְבָ֛טc אֲשֶׁר־הֶחֱטִ֥יאd אֶת־יִשְׂרָאֵ֖ל בָּ֥הּ הָלָֽךְe ׃

12 וְיֶ֨תֶר דִּבְרֵ֤י יֹואָשׁ֙a וְכָל־אֲשֶׁ֣ר עָשָׂ֔הb וּגְב֣וּרָתֹ֔ו אֲשֶׁ֣ר נִלְחַ֔םc עִ֖ם אֲמַצְיָ֣הd מֶֽלֶךְ־יְהוּדָ֑ה הֲלֹֽוא־הֵ֣ם כְּתוּבִ֗יםe עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

13 וַיִּשְׁכַּ֤בa יֹואָשׁ֙b עִם־אֲבֹתָ֔יו וְיָרָבְעָ֖ם יָשַׁ֣בc עַל־כִּסְאֹ֑ו וַיִּקָּבֵ֤רd יֹואָשׁ֙e בְּשֹׁ֣מְרֹ֔ון עִ֖ם מַלְכֵ֥י יִשְׂרָאֵֽל׃ פ

14 וֶֽאֱלִישָׁע֙ חָלָ֣הa אֶת־חָלְיֹ֔וb אֲשֶׁ֥ר יָמ֖וּתc בֹּ֑ו וַיֵּ֨רֶדd אֵלָ֜יו יֹואָ֣שׁe מֶֽלֶךְ־יִשְׂרָאֵ֗ל וַיֵּ֤בְךְּf עַל־פָּנָיו֙ וַיֹּאמַ֔רg אָבִ֣י׀ אָבִ֔י רֶ֥כֶב יִשְׂרָאֵ֖ל וּפָרָשָֽׁיו׃

15 וַיֹּ֤אמֶרa לֹו֙ אֱלִישָׁ֔ע קַ֖חb קֶ֣שֶׁת וְחִצִּ֑ים וַיִּקַּ֥חc אֵלָ֖יו קֶ֥שֶׁת וְחִצִּֽים׃

16 וַיֹּ֣אמֶרa ׀ לְמֶ֣לֶךְ יִשְׂרָאֵ֗ל הַרְכֵּ֤בb יָֽדְךָ֙ עַל־הַקֶּ֔שֶׁת וַיַּרְכֵּ֖בc יָדֹ֑ו וַיָּ֧שֶׂםd אֱלִישָׁ֛ע יָדָ֖יו עַל־יְדֵ֥י הַמֶּֽלֶךְ׃

17 וַיֹּ֗אמֶרa פְּתַ֧חb הַחַלֹּ֛וןc קֵ֖דְמָה וַיִּפְתָּ֑חd וַיֹּ֤אמֶרe אֱלִישָׁ֤ע יְרֵה֙f וַיֹּ֔ורg וַיֹּ֗אמֶרh חֵץ־תְּשׁוּעָ֤הi לַֽיהוָה֙ וְחֵ֣ץ תְּשׁוּעָ֣הj בַֽאֲרָ֔ם וְהִכִּיתָ֧k אֶת־אֲרָ֛ם בַּאֲפֵ֖קl עַד־כַּלֵּֽהm ׃

18 וַיֹּ֛אמֶרa קַ֥חb הַחִצִּ֖ים וַיִּקָּ֑חc וַיֹּ֤אמֶרd לְמֶֽלֶךְ־יִשְׂרָאֵל֙ הַךְe ־אַ֔רְצָה וַיַּ֥ךְf שָֽׁלֹשׁ־פְּעָמִ֖ים וַֽיַּעֲמֹֽדg ׃

19 וַיִּקְצֹ֨ףa עָלָ֜יו אִ֣ישׁ הָאֱלֹהִ֗ים וַיֹּ֨אמֶר֙b לְהַכֹּ֨ותc חָמֵ֤שׁ אֹו־שֵׁשׁ֙ פְּעָמִ֔ים אָ֛ז הִכִּ֥יתָd אֶת־אֲרָ֖ם עַד־כַּלֵּ֑הe וְעַתָּ֕ה שָׁלֹ֥שׁ פְּעָמִ֖ים תַּכֶּ֥הf אֶת־אֲרָֽם׃ ס

20 וַיָּ֥מָתa אֱלִישָׁ֖ע וַֽיִּקְבְּרֻ֑הוּb וּגְדוּדֵ֥יc מֹואָ֛ב יָבֹ֥אוּd בָאָ֖רֶץ בָּ֥אe שָׁנָֽה׃

21 וַיְהִ֞יa הֵ֣ם׀ קֹבְרִ֣יםb אִ֗ישׁ וְהִנֵּה֙ רָא֣וּc אֶֽת־הַגְּד֔וּדd וַיַּשְׁלִ֥יכוּe אֶת־הָאִ֖ישׁ בְּקֶ֣בֶר אֱלִישָׁ֑ע וַיֵּ֜לֶךְf וַיִּגַּ֤עg הָאִישׁ֙ בְּעַצְמֹ֣ות אֱלִישָׁ֔ע וַיְחִ֖יh וַיָּ֥קָםi עַל־רַגְלָֽיו׃ פ

22 וַֽחֲזָאֵל֙a מֶ֣לֶךְ אֲרָ֔ם לָחַ֖ץb אֶת־יִשְׂרָאֵ֑ל כֹּ֖ל יְמֵ֥י יְהֹואָחָֽזc ׃

23 וַיָּחָן֩a יְהוָ֨ה אֹתָ֤ם וַֽיְרַחֲמֵם֙b וַיִּ֣פֶןc אֲלֵיהֶ֔ם לְמַ֣עַן בְּרִיתֹ֔ו אֶת־אַבְרָהָ֖ם יִצְחָ֣ק וְיַֽעֲקֹ֑ב וְלֹ֤א אָבָה֙d הַשְׁחִיתָ֔םe וְלֹֽא־הִשְׁלִיכָ֥םf מֵֽעַל־פָּנָ֖יו עַד־עָֽתָּה׃

24 וַיָּ֖מָתa חֲזָאֵ֣לb מֶֽלֶךְ־אֲרָ֑ם וַיִּמְלֹ֛ךְc בֶּן־הֲדַ֥דd בְּנֹ֖ו תַּחְתָּֽיו׃

25 וַיָּ֜שָׁבa יְהֹואָ֣שׁb בֶּן־יְהֹואָחָ֗זc וַיִּקַּ֤חd אֶת־הֶֽעָרִים֙ מִיַּד֙ בֶּן־הֲדַ֣דe בֶּן־חֲזָאֵ֔לf אֲשֶׁ֣ר לָקַ֗חg מִיַּ֛ד יְהֹואָחָ֥זh אָבִ֖יו בַּמִּלְחָמָ֑ה שָׁלֹ֤שׁ פְּעָמִים֙ הִכָּ֣הוּi יֹואָ֔שׁj וַיָּ֖שֶׁבk אֶת־עָרֵ֥י יִשְׂרָאֵֽל׃ פ