מלכים ב

וּלְאַחְאָ֛ב שִׁבְעִ֥ים בָּנִ֖ים בְּשֹׁמְרֹ֑ון וַיִּכְתֹּב֩a יֵה֨וּא סְפָרִ֜ים וַיִּשְׁלַ֣חb שֹׁמְרֹ֗ון אֶל־שָׂרֵ֤י יִזְרְעֶאל֙c הַזְּקֵנִ֔ים וְאֶל־הָאֹמְנִ֥יםd אַחְאָ֖ב לֵאמֹֽרe ׃

2 וְעַתָּ֗ה כְּבֹ֨אa הַסֵּ֤פֶר הַזֶּה֙ אֲלֵיכֶ֔ם וְאִתְּכֶ֖ם בְּנֵ֣י אֲדֹנֵיכֶ֑ם וְאִתְּכֶם֙ הָרֶ֣כֶב וְהַסּוּסִ֔ים וְעִ֥יר מִבְצָ֖רb וְהַנָּֽשֶׁקc ׃

3 וּרְאִיתֶ֞םa הַטֹּ֤וב וְהַיָּשָׁר֙ מִבְּנֵ֣י אֲדֹנֵיכֶ֔ם וְשַׂמְתֶּ֖םb עַל־כִּסֵּ֣א אָבִ֑יו וְהִֽלָּחֲמ֖וּc עַל־בֵּ֥ית אֲדֹנֵיכֶֽם׃

4 וַיִּֽרְאוּ֙a מְאֹ֣ד מְאֹ֔ד וַיֹּ֣אמְר֔וּb הִנֵּה֙ שְׁנֵ֣י הַמְּלָכִ֔ים לֹ֥א עָמְד֖וּc לְפָנָ֑יו וְאֵ֖יךְ נַעֲמֹ֥דd אֲנָֽחְנוּ׃

5 וַיִּשְׁלַ֣חa אֲשֶׁר־עַל־הַבַּ֣יִת וַאֲשֶׁ֪ר עַל־הָעִ֟יר וְהַזְּקֵנִים֩ וְהָאֹמְנִ֨ים אֶל־יֵה֤וּא׀ לֵאמֹר֙b עֲבָדֶ֣יךָ אֲנַ֔חְנוּ וְכֹ֛ל אֲשֶׁר־תֹּאמַ֥רc אֵלֵ֖ינוּ נַעֲשֶׂ֑הd לֹֽא־נַמְלִ֣יךְe אִ֔ישׁ הַטֹּ֥וב בְּעֵינֶ֖יךָ עֲשֵֽׂהf ׃

6 וַיִּכְתֹּ֣בa אֲלֵיהֶם֩ סֵ֨פֶר׀ שֵׁנִ֜ית לֵאמֹ֗רb אִם־לִ֨י אַתֶּ֜ם וּלְקֹלִ֣י׀ אַתֶּ֣ם שֹׁמְעִ֗יםc קְחוּ֙d אֶת־רָאשֵׁי֙ אַנְשֵׁ֣י בְנֵֽי־אֲדֹנֵיכֶ֔ם וּבֹ֧אוּe אֵלַ֛י כָּעֵ֥ת מָחָ֖ר יִזְרְעֶ֑אלָהf וּבְנֵ֤י הַמֶּ֨לֶךְ֙ שִׁבְעִ֣ים אִ֔ישׁ אֶת־גְּדֹלֵ֥י הָעִ֖יר מְגַדְּלִ֥יםg אֹותָֽם׃

7 וַיְהִ֗יa כְּבֹ֤אb הַסֵּ֨פֶר֙ אֲלֵיהֶ֔ם וַיִּקְחוּ֙c אֶת־בְּנֵ֣י הַמֶּ֔לֶךְ וַֽיִּשְׁחֲט֖וּd שִׁבְעִ֣ים אִ֑ישׁ וַיָּשִׂ֤ימוּe אֶת־רָֽאשֵׁיהֶם֙ בַּדּוּדִ֔יםf וַיִּשְׁלְח֥וּg אֵלָ֖יו יִזְרְעֶֽאלָהh ׃

8 וַיָּבֹ֤אa הַמַּלְאָךְ֙ וַיַּגֶּדb ־לֹ֣ו לֵאמֹ֔רc הֵבִ֖יאוּd רָאשֵׁ֣י בְנֵֽי־הַמֶּ֑לֶךְ וַיֹּ֗אמֶרe שִׂ֣ימוּf אֹתָ֞ם שְׁנֵ֧י צִבֻּרִ֛יםg פֶּ֥תַח הַשַּׁ֖עַר עַד־הַבֹּֽקֶר׃

9 וַיְהִ֤יa בַבֹּ֨קֶר֙ וַיֵּצֵ֣אb וַֽיַּעֲמֹ֔דc וַיֹּ֨אמֶר֙d אֶל־כָּל־הָעָ֔ם צַדִּקִ֖ים אַתֶּ֑ם הִנֵּ֨ה אֲנִ֜י קָשַׁ֤רְתִּיe עַל־אֲדֹנִי֙ וָאֶהְרְגֵ֔הוּf וּמִ֥י הִכָּ֖הg אֶת־כָּל־אֵֽלֶּה׃

10 דְּע֣וּa אֵפֹ֗ואb כִּי֩ לֹ֨א יִפֹּ֜לc מִדְּבַ֤ר יְהוָה֙ אַ֔רְצָה אֲשֶׁר־דִּבֶּ֥רd יְהוָ֖ה עַל־בֵּ֣ית אַחְאָ֑ב וַיהוָ֣ה עָשָׂ֔הe אֵ֚ת אֲשֶׁ֣ר דִּבֶּ֔רf בְּיַ֖ד עַבְדֹּ֥ו אֵלִיָּֽהוּ׃

11 וַיַּ֣ךְa יֵה֗וּא אֵ֣ת כָּל־הַנִּשְׁאָרִ֤יםb לְבֵית־אַחְאָב֙ בְּיִזְרְעֶ֔אלc וְכָל־גְּדֹלָ֖יו וּמְיֻדָּעָ֣יו וְכֹהֲנָ֑יו עַד־בִּלְתִּ֥י הִשְׁאִֽירd ־לֹ֖ו שָׂרִֽידe ׃

12 וַיָּ֨קָם֙a וַיָּבֹ֔אb וַיֵּ֖לֶךְc שֹׁמְרֹ֑ון ה֛וּא בֵּֽית־עֵ֥קֶד הָרֹעִ֖יםd בַּדָּֽרֶךְ׃

13 וְיֵה֗וּא מָצָא֙a אֶת־אֲחֵי֙ אֲחַזְיָ֣הוּb מֶֽלֶךְ־יְהוּדָ֔ה וַיֹּ֖אמֶרc מִ֣י אַתֶּ֑ם וַיֹּאמְר֗וּd אֲחֵ֤י אֲחַזְיָ֨הוּ֙e אֲנַ֔חְנוּ וַנֵּ֛רֶדf לִשְׁלֹ֥ום בְּנֵֽי־הַמֶּ֖לֶךְ וּבְנֵ֥י הַגְּבִירָֽהg ׃

14 וַיֹּ֨אמֶר֙a תִּפְשׂ֣וּםb חַיִּ֔ים וַֽיִּתְפְּשׂ֖וּםc חַיִּ֑ים וַֽיִּשְׁחָט֞וּםd אֶל־בֹּ֣ור בֵּֽית־עֵ֗קֶדe אַרְבָּעִ֤ים וּשְׁנַ֨יִם֙ אִ֔ישׁ וְלֹֽא־הִשְׁאִ֥ירf אִ֖ישׁ מֵהֶֽם׃ ס

15 וַיֵּ֣לֶךְa מִשָּׁ֡ם וַיִּמְצָ֣אb אֶת־יְהֹונָדָב֩c בֶּן־רֵכָ֨בd לִקְרָאתֹ֜וe וַֽיְבָרְכֵ֗הוּf וַיֹּ֨אמֶרg אֵלָ֜יו הֲיֵ֧שׁ אֶת־לְבָבְךָ֣ יָשָׁ֗ר כַּאֲשֶׁ֤ר לְבָבִי֙ עִם־לְבָבֶ֔ךָ וַיֹּ֨אמֶרh יְהֹונָדָ֥בi יֵ֛שׁ וָיֵ֖שׁ תְּנָ֣הj אֶת־יָדֶ֑ךָ וַיִּתֵּ֣ןk יָדֹ֔ו וַיַּעֲלֵ֥הוּl אֵלָ֖יו אֶל־הַמֶּרְכָּבָֽהm ׃

16 וַיֹּ֨אמֶר֙a לְכָ֣הb אִתִּ֔י וּרְאֵ֖הc בְּקִנְאָתִ֣יd לַיהוָ֑ה וַיַּרְכִּ֥בוּe אֹתֹ֖ו בְּרִכְבֹּֽו׃

17 וַיָּבֹא֙a שֹֽׁמְרֹ֔ון וַ֠יַּךְb אֶת־כָּל־הַנִּשְׁאָרִ֧יםc לְאַחְאָ֛ב בְּשֹׁמְרֹ֖ון עַד־הִשְׁמִידֹ֑וd כִּדְבַ֣ר יְהוָ֔ה אֲשֶׁ֥ר דִּבֶּ֖רe אֶל־אֵלִיָּֽהוּ׃ פ

18 וַיִּקְבֹּ֤ץa יֵהוּא֙ אֶת־כָּל־הָעָ֔ם וַיֹּ֣אמֶרb אֲלֵהֶ֔ם אַחְאָ֕ב עָבַ֥דc אֶת־הַבַּ֖עַל מְעָ֑ט יֵה֖וּא יַעַבְדֶ֥נּוּd הַרְבֵּֽה׃

19 וְעַתָּ֣ה כָל־נְבִיאֵ֣י הַבַּ֡עַל כָּל־עֹבְדָ֣יו וְכָל־כֹּהֲנָיו֩ קִרְא֨וּa אֵלַ֜י אִ֣ישׁ אַל־יִפָּקֵ֗דb כִּי֩ זֶ֨בַח גָּדֹ֥ול לִי֙ לַבַּ֔עַל כֹּ֥ל אֲשֶׁר־יִפָּקֵ֖דc לֹ֣א יִֽחְיֶ֑הd וְיֵהוּא֙ עָשָׂ֣הe בְעָקְבָּ֔הf לְמַ֥עַן הַאֲבִ֖ידg אֶת־עֹבְדֵ֥י הַבָּֽעַל׃

20 וַיֹּ֣אמֶרa יֵה֗וּא קַדְּשׁ֧וּb עֲצָרָ֛הc לַבַּ֖עַל וַיִּקְרָֽאוּd ׃

21 וַיִּשְׁלַ֤חa יֵהוּא֙ בְּכָל־יִשְׂרָאֵ֔ל וַיָּבֹ֨אוּ֙b כָּל־עֹבְדֵ֣י הַבַּ֔עַל וְלֹֽא־נִשְׁאַ֥רc אִ֖ישׁ אֲשֶׁ֣ר לֹֽא־בָ֑אd וַיָּבֹ֨אוּ֙e בֵּ֣ית הַבַּ֔עַל וַיִּמָּלֵ֥אf בֵית־הַבַּ֖עַל פֶּ֥ה לָפֶֽה׃

22 וַיֹּ֗אמֶרa לַֽאֲשֶׁר֙ עַל־הַמֶּלְתָּחָ֔הb הֹוצֵ֣אc לְב֔וּשׁd לְכֹ֖ל עֹבְדֵ֣י הַבָּ֑עַל וַיֹּצֵ֥אe לָהֶ֖ם הַמַּלְבּֽוּשׁf ׃

23 וַיָּבֹ֥אa יֵה֛וּא וִיהֹונָדָ֥בb בֶּן־רֵכָ֖בc בֵּ֣ית הַבָּ֑עַל וַיֹּ֜אמֶרd לְעֹבְדֵ֣י הַבַּ֗עַל חַפְּשׂ֤וּe וּרְאוּ֙f פֶּן־יֶשׁ־פֹּ֤ה עִמָּכֶם֙ מֵעַבְדֵ֣י יְהוָ֔ה כִּ֛י אִם־עֹבְדֵ֥י הַבַּ֖עַל לְבַדָּֽם׃

24 וַיָּבֹ֕אוּa לַעֲשֹׂ֖ותb זְבָחִ֣ים וְעֹלֹ֑ות וְיֵה֞וּא שָׂםc ־לֹ֤ו בַחוּץ֙ שְׁמֹנִ֣ים אִ֔ישׁ וַיֹּ֗אמֶרd הָאִ֤ישׁ אֲשֶׁר־יִמָּלֵט֙e מִן־הָאֲנָשִׁ֗ים אֲשֶׁ֤ר אֲנִי֙ מֵבִ֣יאf עַל־יְדֵיכֶ֔ם נַפְשֹׁ֖ו תַּ֥חַת נַפְשֹֽׁו׃

25 וַיְהִ֞יa כְּכַלֹּתֹ֣וb ׀ לַעֲשֹׂ֣ותc הָעֹלָ֗ה וַיֹּ֣אמֶרd יֵ֠הוּא לָרָצִ֨ים וְלַשָּׁלִשִׁ֜יםe בֹּ֤אוּf הַכּוּם֙g אִ֣ישׁ אַל־יֵצֵ֔אh וַיַּכּ֖וּםi לְפִי־חָ֑רֶב וַיַּשְׁלִ֗כוּj הָֽרָצִים֙ וְהַשָּׁ֣לִשִׁ֔יםk וַיֵּלְכ֖וּl עַד־עִ֥יר בֵּית־הַבָּֽעַל׃

26 וַיֹּצִ֛אוּa אֶת־מַצְּבֹ֥ותb בֵּית־הַבַּ֖עַל וַֽיִּשְׂרְפֽוּהָc ׃

27 וַֽיִּתְּצ֔וּa אֵ֖ת מַצְּבַ֣תb הַבָּ֑עַל וַֽיִּתְּצוּ֙c אֶת־בֵּ֣ית הַבַּ֔עַל וַיְשִׂמֻ֥הוּd למחראותe עַד־הַיֹּֽום׃

28 וַיַּשְׁמֵ֥דa יֵה֛וּא אֶת־הַבַּ֖עַל מִיִּשְׂרָאֵֽל׃

29 רַ֠ק חֲטָאֵ֞יa יָרָבְעָ֤ם בֶּן־נְבָט֙b אֲשֶׁ֣ר הֶחֱטִ֣יאc אֶת־יִשְׂרָאֵ֔ל לֹֽא־סָ֥רd יֵה֖וּא מֵאַֽחֲרֵיהֶ֑ם עֶגְלֵי֙e הַזָּהָ֔ב אֲשֶׁ֥ר בֵּֽית־אֵ֖ל וַאֲשֶׁ֥ר בְּדָֽן׃ ס

30 וַיֹּ֨אמֶרa יְהוָ֜ה אֶל־יֵה֗וּא יַ֤עַן אֲשֶׁר־הֱטִיבֹ֨תָ֙b לַעֲשֹׂ֤ותc הַיָּשָׁר֙ בְּעֵינַ֔י כְּכֹל֙ אֲשֶׁ֣ר בִּלְבָבִ֔י עָשִׂ֖יתָd לְבֵ֣ית אַחְאָ֑ב בְּנֵ֣י רְבִעִ֔ים יֵשְׁב֥וּe לְךָ֖ עַל־כִּסֵּ֥א יִשְׂרָאֵֽל׃

31 וְיֵה֗וּא לֹ֥א שָׁמַ֛רa לָלֶ֛כֶתb בְּתֹֽורַת־יְהוָ֥ה אֱלֹהֵֽי־יִשְׂרָאֵ֖ל בְּכָל־לְבָבֹ֑ו לֹ֣א סָ֗רc מֵעַל֙ חַטֹּ֣אות יָֽרָבְעָ֔ם אֲשֶׁ֥ר הֶחֱטִ֖יאd אֶת־יִשְׂרָאֵֽל׃

32 בַּיָּמִ֣ים הָהֵ֔ם הֵחֵ֣לa יְהוָ֔ה לְקַצֹּ֖ותb בְּיִשְׂרָאֵ֑ל וַיַּכֵּ֥םc חֲזָאֵ֖לd בְּכָל־גְּב֥וּל יִשְׂרָאֵֽל׃

33 מִן־הַיַּרְדֵּן֙ מִזְרַ֣ח הַשֶּׁ֔מֶשׁ אֵ֚ת כָּל־אֶ֣רֶץ הַגִּלְעָ֔ד הַגָּדִ֥יa וְהָרֻאובֵנִ֖יb וְהַֽמְנַשִּׁ֑יc מֵעֲרֹעֵר֙d אֲשֶׁ֣ר עַל־נַ֣חַל אַרְנֹ֔ןe וְהַגִּלְעָ֖ד וְהַבָּשָֽׁן׃

34 וְיֶ֨תֶר דִּבְרֵ֥י יֵה֛וּא וְכָל־אֲשֶׁ֥ר עָשָׂ֖הa וְכָל־גְּבוּרָתֹ֑ו הֲלֹֽוא־הֵ֣ם כְּתוּבִ֗יםb עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

35 וַיִּשְׁכַּ֤בa יֵהוּא֙ עִם־אֲבֹתָ֔יו וַיִּקְבְּר֥וּb אֹתֹ֖ו בְּשֹׁמְרֹ֑ון וַיִּמְלֹ֛ךְc יְהֹואָחָ֥זd בְּנֹ֖ו תַּחְתָּֽיו׃

36 וְהַיָּמִ֗ים אֲשֶׁ֨ר מָלַ֤ךְa יֵהוּא֙ עַל־יִשְׂרָאֵ֔ל עֶשְׂרִ֥ים וּשְׁמֹנֶֽה־שָׁנָ֖ה בְּשֹׁמְרֹֽון׃ פ