דברי הימים ב

וּמַֽלְכַּתa ־שְׁבָ֗אb שָֽׁמְעָה֮c אֶת־שֵׁ֣מַעd שְׁלֹמֹה֒ וַתָּבֹ֣ואe לְנַסֹּות֩f אֶת־שְׁלֹמֹ֨ה בְחִידֹ֜ותg בִּירֽוּשָׁלִַ֗ם בְּחַ֣יִל כָּבֵ֣דh מְאֹ֡ד וּ֠גְמַלִּים נֹשְׂאִ֨יםi בְּשָׂמִ֧יםj וְזָהָ֛ב לָרֹ֖ב וְאֶ֣בֶן יְקָרָ֑הk וַתָּבֹוא֙l אֶל־שְׁלֹמֹ֔ה וַתְּדַבֵּ֣רm עִמֹּ֔ו אֵ֛ת כָּל־אֲשֶׁ֥ר הָיָ֖הn עִם־לְבָבָֽהּ׃

2 וַיַּגֶּדa ־לָ֥הּ שְׁלֹמֹ֖ה אֶת־כָּל־דְּבָרֶ֑יהָ וְלֹֽא־נֶעְלַ֤םb דָּבָר֙ מִשְּׁלֹמֹ֔ה אֲשֶׁ֧ר לֹ֦א הִגִּ֖ידc לָֽהּ׃

3 וַתֵּ֨רֶא֙a מַֽלְכַּתb ־שְׁבָ֔אc אֵ֖ת חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽהd ׃

4 וּמַאֲכַ֣לa שֻׁלְחָנֹ֡ו וּמֹושַׁ֣בb עֲבָדָיו֩ וּמַעֲמַ֨דc מְשָׁרְתָ֜יו וּמַלְבּֽוּשֵׁיהֶ֗םd וּמַשְׁקָיו֙e וּמַלְבּ֣וּשֵׁיהֶ֔םf וַעֲלִיָּתֹ֔וg אֲשֶׁ֥ר יַעֲלֶ֖הh בֵּ֣ית יְהוָ֑ה וְלֹא־הָ֥יָהi עֹ֛וד בָּ֖הּ רֽוּחַ׃

5 וַתֹּ֨אמֶר֙a אֶל־הַמֶּ֔לֶךְ אֱמֶת֙ הַדָּבָ֔ר אֲשֶׁ֥ר שָׁמַ֖עְתִּיb בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ׃

6 וְלֹֽא־הֶאֱמַ֣נְתִּיa לְדִבְרֵיהֶ֗ם עַ֤ד אֲשֶׁר־בָּ֨אתִי֙b וַתִּרְאֶ֣ינָהc עֵינַ֔י וְהִנֵּה֙ לֹ֣א הֻגַּדd ־לִ֔י חֲצִ֖י מַרְבִּ֣יתe חָכְמָתֶ֑ךָ יָסַ֕פְתָּf עַל־הַשְּׁמוּעָ֖הg אֲשֶׁ֥ר שָׁמָֽעְתִּיh ׃

7 אַשְׁרֵ֣יa אֲנָשֶׁ֔יךָ וְאַשְׁרֵ֖יb עֲבָדֶ֣יךָ אֵ֑לֶּה הָעֹמְדִ֤יםc לְפָנֶ֨יךָ֙ תָּמִ֔יד וְשֹׁמְעִ֖יםd אֶת־חָכְמָתֶֽךָ׃

8 יְהִ֨יa יְהוָ֤ה אֱלֹהֶ֨יךָ֙ בָּר֔וּךְb אֲשֶׁ֣ר׀ חָפֵ֣ץc בְּךָ֗ לְתִתְּךָ֤d עַל־כִּסְאֹו֙ לְמֶ֔לֶךְ לַיהוָ֖ה אֱלֹהֶ֑יךָ בְּאַהֲבַ֨תe אֱלֹהֶ֤יךָ אֶת־יִשְׂרָאֵל֙ לְהַעֲמִידֹ֣וf לְעֹולָ֔ם וַיִּתֶּנְךָ֤g עֲלֵיהֶם֙ לְמֶ֔לֶךְ לַעֲשֹׂ֖ותh מִשְׁפָּ֥ט וּצְדָקָֽה׃

9 וַתִּתֵּ֨ןa לַמֶּ֜לֶךְ מֵאָ֥ה וְעֶשְׂרִ֣ים׀ כִּכַּ֣ר זָהָ֗ב וּבְשָׂמִ֛יםb לָרֹ֥ב מְאֹ֖ד וְאֶ֣בֶן יְקָרָ֑הc וְלֹ֤א הָיָה֙d כַּבֹּ֣שֶׂםe הַה֔וּא אֲשֶׁר־נָתְנָ֥הf מַֽלְכַּתg ־שְׁבָ֖אh לַמֶּ֥לֶךְ שְׁלֹמֹֽה׃

10 וְגַם־עַבְדֵ֤י חירםa וְעַבְדֵ֣י שְׁלֹמֹ֔ה אֲשֶׁר־הֵבִ֥יאוּb זָהָ֖ב מֵאֹופִ֑ירc הֵבִ֛יאוּd עֲצֵ֥י אַלְגּוּמִּ֖יםe וְאֶ֥בֶן יְקָרָֽהf ׃

11 וַיַּ֣עַשׂa הַ֠מֶּלֶךְ אֶת־עֲצֵ֨י הָֽאַלְגּוּמִּ֜יםb מְסִלֹּ֤ותc לְבֵית־יְהוָה֙ וּלְבֵ֣ית הַמֶּ֔לֶךְ וְכִנֹּרֹ֥ותd וּנְבָלִ֖יםe לַשָּׁרִ֑ים וְלֹא־נִרְא֥וּf כָהֵ֛ם לְפָנִ֖ים בְּאֶ֥רֶץ יְהוּדָֽה׃

12 וְהַמֶּ֨לֶךְ שְׁלֹמֹ֜ה נָתַ֣ןa לְמַֽלְכַּתb ־שְׁבָ֗אc אֶת־כָּל־חֶפְצָהּ֙d אֲשֶׁ֣ר שָׁאָ֔לָהe מִלְּבַ֖ד אֲשֶׁר־הֵבִ֣יאָהf אֶל־הַמֶּ֑לֶךְ וַֽתַּהֲפֹ֛ךְg וַתֵּ֥לֶךְh לְאַרְצָ֖הּ הִ֥יא וַעֲבָדֶֽיהָ׃ פ

13 וַיְהִי֙a מִשְׁקַ֣לb הַזָּהָ֔ב אֲשֶׁר־בָּ֥אc לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵאֹ֛ות וְשִׁשִּׁ֥ים וָשֵׁ֖שׁ כִּכְּרֵ֥י זָהָֽב׃

14 לְבַ֞ד מֵאַנְשֵׁ֧י הַתָּרִ֛יםa וְהַסֹּחֲרִ֖יםb מְבִיאִ֑יםc וְכָל־מַלְכֵ֤י עֲרַב֙d וּפַחֹ֣ותe הָאָ֔רֶץ מְבִיאִ֛יםf זָהָ֥ב וָכֶ֖סֶף לִשְׁלֹמֹֽה׃

15 וַיַּ֨עַשׂa הַמֶּ֧לֶךְ שְׁלֹמֹ֛ה מָאתַ֥יִם צִנָּ֖הb זָהָ֣ב שָׁח֑וּטc שֵׁ֤שׁ מֵאֹות֙ זָהָ֣ב שָׁח֔וּטd יַעֲלֶ֖הe עַל־הַצִּנָּ֥הf הָאֶחָֽת׃

16 וּשְׁלֹשׁ־מֵאֹ֤ות מָֽגִנִּים֙ זָהָ֣ב שָׁח֔וּטa שְׁלֹ֤שׁ מֵאֹות֙ זָהָ֔ב יַעֲלֶ֖הb עַל־הַמָּגֵ֣ן הָאֶחָ֑ת וַיִּתְּנֵ֣םc הַמֶּ֔לֶךְ בְּבֵ֖ית יַ֥עַר הַלְּבָנֹֽון׃ פ

17 וַיַּ֧עַשׂa הַמֶּ֛לֶךְ כִּסֵּא־שֵׁ֖ן גָּדֹ֑ול וַיְצַפֵּ֖הוּb זָהָ֥ב טָהֹֽור׃

18 וְשֵׁ֣שׁ מַעֲלֹ֣ותa לַ֠כִּסֵּא וְכֶ֨בֶשׁb בַּזָּהָ֤ב לַכִּסֵּא֙ מָאֳחָזִ֔יםc וְיָדֹ֛ות מִזֶּ֥ה וּמִזֶּ֖ה עַל־מְקֹ֣ום הַשָּׁ֑בֶתd וּשְׁנַ֣יִם אֲרָיֹ֔ותe עֹמְדִ֖יםf אֵ֥צֶל הַיָּדֹֽות׃

19 וּשְׁנֵ֧ים עָשָׂ֣ר אֲרָיֹ֗ותa עֹמְדִ֥יםb שָׁ֛ם עַל־שֵׁ֥שׁ הַֽמַּעֲלֹ֖ותc מִזֶּ֣ה וּמִזֶּ֑ה לֹא־נַעֲשָׂ֥הd כֵ֖ן לְכָל־מַמְלָכָֽה׃

20 וְ֠כֹל כְּלֵ֞י מַשְׁקֵ֨הa הַמֶּ֤לֶךְ שְׁלֹמֹה֙ זָהָ֔ב וְכֹ֗ל כְּלֵ֛י בֵּֽית־יַ֥עַר הַלְּבָנֹ֖ון זָהָ֣ב סָג֑וּרb אֵ֣ין כֶּ֗סֶף נֶחְשָׁ֛בc בִּימֵ֥י שְׁלֹמֹ֖ה לִמְאֽוּמָהd ׃

21 כִּֽי־אֳנִיֹּ֤ותa לַמֶּ֨לֶךְ֙ הֹלְכֹ֣ותb תַּרְשִׁ֔ישׁc עִ֖ם עַבְדֵ֣י חוּרָ֑םd אַחַת֩ לְשָׁלֹ֨ושׁ שָׁנִ֜ים תָּבֹ֣ואנָהe ׀ אֳנִיֹּ֣ותf תַּרְשִׁ֗ישׁg נֹֽשְׂאֹות֙h זָהָ֣ב וָכֶ֔סֶף שֶׁנְהַבִּ֥יםi וְקֹופִ֖יםj וְתוּכִּיִּֽיםk ׃ פ

22 וַיִּגְדַּל֙a הַמֶּ֣לֶךְ שְׁלֹמֹ֔ה מִכֹּ֖ל מַלְכֵ֣י הָאָ֑רֶץ לְעֹ֖שֶׁרb וְחָכְמָֽה׃

23 וְכֹל֙ מַלְכֵ֣י הָאָ֔רֶץ מְבַקְשִׁ֖יםa אֶת־פְּנֵ֣י שְׁלֹמֹ֑ה לִשְׁמֹ֨עַ֙b אֶת־חָכְמָתֹ֔ו אֲשֶׁר־נָתַ֥ןc הָאֱלֹהִ֖ים בְּלִבֹּֽו׃

24 וְהֵ֣ם מְבִיאִ֣יםa אִ֣ישׁ מִנְחָתֹ֡ו כְּלֵ֣י כֶסֶף֩ וּכְלֵ֨י זָהָ֤ב וּשְׂלָמֹות֙b נֵ֣שֶׁקc וּבְשָׂמִ֔יםd סוּסִ֖ים וּפְרָדִ֑יםe דְּבַר־שָׁנָ֖ה בְּשָׁנָֽה׃ פ

25 וַיְהִ֨יa לִשְׁלֹמֹ֜ה אַרְבַּעַת֩ אֲלָפִ֨ים אֻֽרְיֹ֤ותb סוּסִים֙ וּמַרְכָּבֹ֔ותc וּשְׁנֵים־עָשָׂ֥ר אֶ֖לֶף פָּרָשִׁ֑ים וַיַּנִּיחֵם֙d בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלִָֽם׃

26 וַיְהִ֥יa מֹושֵׁ֖ל בְּכָל־הַמְּלָכִ֑ים מִן־הַנָּהָר֙ וְעַד־אֶ֣רֶץ פְּלִשְׁתִּ֔ים וְעַ֖ד גְּב֥וּל מִצְרָֽיִם׃

27 וַיִּתֵּ֨ןa הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ןb כַּשִּׁקְמִ֥יםc אֲשֶׁר־בַּשְּׁפֵלָ֖הd לָרֹֽב׃

28 וּמֹוצִיאִ֨יםa סוּסִ֧ים מִמִּצְרַ֛יִם לִשְׁלֹמֹ֖ה וּמִכָּל־הָאֲרָצֹֽות׃

29 וּשְׁאָר֙a דִּבְרֵ֣י שְׁלֹמֹ֔ה הָרִאשֹׁנִ֖ים וְהָאֲחֲרֹונִ֑ים הֲלֹא־הֵ֣ם כְּתוּבִ֗יםb עַל־דִּבְרֵי֙ נָתָ֣ןc הַנָּבִ֔יא וְעַל־נְבוּאַ֞תd אֲחִיָּ֣הe הַשִּֽׁילֹונִ֗יf וּבַחֲזֹות֙g יעדיh הַחֹזֶ֔הi עַל־יָרָבְעָ֖ם בֶּן־נְבָֽטj ׃

30 וַיִּמְלֹ֨ךְa שְׁלֹמֹ֧ה בִֽירוּשָׁלִַ֛ם עַל־כָּל־יִשְׂרָאֵ֖ל אַרְבָּעִ֥ים שָׁנָֽה׃

31 וַיִּשְׁכַּ֤בa שְׁלֹמֹה֙ עִם־אֲבֹתָ֔יו וַֽיִּקְבְּרֻ֔הוּb בְּעִ֖יר דָּוִ֣יד אָבִ֑יו וַיִּמְלֹ֛ךְc רְחַבְעָ֥ם בְּנֹ֖ו תַּחְתָּֽיו׃ פ