דברי הימים ב

וַיְהִ֞יa מִקֵּ֣ץ׀ עֶשְׂרִ֣ים שָׁנָ֗ה אֲשֶׁ֨ר בָּנָ֧הb שְׁלֹמֹ֛ה אֶת־בֵּ֥ית יְהוָ֖ה וְאֶת־בֵּיתֹֽו׃

2 וְהֶעָרִ֗ים אֲשֶׁ֨ר נָתַ֤ןa חוּרָם֙b לִשְׁלֹמֹ֔ה בָּנָ֥הc שְׁלֹמֹ֖ה אֹתָ֑ם וַיֹּ֥ושֶׁבd שָׁ֖ם אֶת־בְּנֵ֥י יִשְׂרָאֵֽל׃

3 וַיֵּ֤לֶךְa שְׁלֹמֹה֙ חֲמָ֣ת צֹובָ֔הb וַיֶּחֱזַ֖קc עָלֶֽיהָ׃

4 וַיִּ֥בֶןa אֶת־תַּדְמֹ֖רb בַּמִּדְבָּ֑ר וְאֵת֙ כָּל־עָרֵ֣י הַֽמִּסְכְּנֹ֔ותc אֲשֶׁ֥ר בָּנָ֖הd בַּחֲמָֽתe ׃

5 וַיִּ֜בֶןa אֶת־בֵּ֤ית חֹורֹון֙b הָֽעֶלְיֹ֔ון וְאֶת־בֵּ֥ית חֹורֹ֖וןc הַתַּחְתֹּ֑וןd עָרֵ֣י מָצֹ֔ורe חֹומֹ֖ות דְּלָתַ֥יִם וּבְרִֽיחַf ׃

6 וְאֶֽת־בַּעֲלָ֗תa וְאֵ֨ת כָּל־עָרֵ֤י הַֽמִּסְכְּנֹות֙b אֲשֶׁ֣ר הָי֣וּc לִשְׁלֹמֹ֔ה וְאֵת֙ כָּל־עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת׀ כָּל־חֵ֣שֶׁקd שְׁלֹמֹ֗ה אֲשֶׁ֤ר חָשַׁק֙e לִבְנֹ֤ותf בִּירֽוּשָׁלִַ֨ם֙ וּבַלְּבָנֹ֔ון וּבְכֹ֖ל אֶ֥רֶץ מֶמְשַׁלְתֹּֽוg ׃

7 כָּל־הָ֠עָם הַנֹּותָ֨רa מִן־הַחִתִּ֜יb וְהָאֱמֹרִ֤י וְהַפְּרִזִּי֙c וְהַחִוִּ֣יd וְהַיְבוּסִ֔יe אֲשֶׁ֛ר לֹ֥א מִיִּשְׂרָאֵ֖ל הֵֽמָּה׃

8 מִן־בְּנֵיהֶ֗ם אֲשֶׁ֨ר נֹותְר֤וּa אַחֲרֵיהֶם֙ בָּאָ֔רֶץ אֲשֶׁ֥ר לֹֽא־כִלּ֖וּםb בְּנֵ֣י יִשְׂרָאֵ֑ל וַיַּעֲלֵ֤םc שְׁלֹמֹה֙ לְמַ֔סd עַ֖ד הַיֹּ֥ום הַזֶּֽה׃

9 וּמִן־בְּנֵי֙ יִשְׂרָאֵ֔ל אֲ֠שֶׁר לֹא־נָתַ֧ןa שְׁלֹמֹ֛ה לַעֲבָדִ֖ים לִמְלַאכְתֹּ֑ו כִּי־הֵ֜מָּה אַנְשֵׁ֤י מִלְחָמָה֙ וְשָׂרֵ֣י שָׁלִישָׁ֔יוb וְשָׂרֵ֥י רִכְבֹּ֖ו וּפָרָשָֽׁיו׃ פ

10 וְאֵ֨לֶּה שָׂרֵ֤י הנציביםa אֲשֶׁר־לַמֶּ֥לֶךְ שְׁלֹמֹ֖ה חֲמִשִּׁ֣ים וּמָאתָ֑יִם הָרֹדִ֖יםb בָּעָֽם׃

11 וְאֶת־בַּת־פַּרְעֹ֗ה הֶעֱלָ֤הa שְׁלֹמֹה֙ מֵעִ֣יר דָּוִ֔יד לַבַּ֖יִת אֲשֶׁ֣ר בָּֽנָהb ־לָ֑הּ כִּ֣י אָמַ֗רc לֹא־תֵשֵׁ֨בd אִשָּׁ֥ה לִי֙ בְּבֵית֙ דָּוִ֣יד מֶֽלֶךְ־יִשְׂרָאֵ֔ל כִּי־קֹ֣דֶשׁ הֵ֔מָּה אֲשֶׁר־בָּֽאָ֥הe אֲלֵיהֶ֖ם אֲרֹ֥ון יְהוָֽה׃ פ

12 אָ֣ז הֶעֱלָ֧הa שְׁלֹמֹ֛ה עֹלֹ֖ות לַיהוָ֑ה עַ֚ל מִזְבַּ֣ח יְהוָ֔ה אֲשֶׁ֥ר בָּנָ֖הb לִפְנֵ֥י הָאוּלָֽםc ׃

13 וּבִדְבַר־יֹ֣ום בְּיֹ֗ום לְהַעֲלֹות֙a כְּמִצְוַ֣ת מֹשֶׁ֔ה לַשַּׁבָּתֹות֙ וְלֶ֣חֳדָשִׁ֔ים וְלַמֹּ֣ועֲדֹ֔ות שָׁלֹ֥ושׁ פְּעָמִ֖ים בַּשָּׁנָ֑ה בְּחַ֧ג הַמַּצֹּ֛ות וּבְחַ֥ג הַשָּׁבֻעֹ֖ותb וּבְחַ֥ג הַסֻּכֹּֽותc ׃

14 וַיַּעֲמֵ֣דa כְּמִשְׁפַּ֣ט דָּֽוִיד־אָ֠בִיו אֶת־מַחְלְקֹ֨ותb הַכֹּהֲנִ֜ים עַל־עֲבֹדָתָ֗ם וְהַלְוִיִּ֣ם עַל־מִ֠שְׁמְרֹותָם לְהַלֵּ֨לc וּלְשָׁרֵ֜תd נֶ֤גֶד הַכֹּֽהֲנִים֙ לִדְבַר־יֹ֣ום בְּיֹומֹ֔ו וְהַשֹּׁועֲרִ֥יםe בְּמַחְלְקֹותָ֖םf לְשַׁ֣עַר וָשָׁ֑עַר כִּ֣י כֵ֔ן מִצְוַ֖ת דָּוִ֥יד אִישׁ־הָאֱלֹהִֽים׃

15 וְלֹ֣א סָרוּ֩a מִצְוַ֨ת הַמֶּ֜לֶךְ עַל־הַכֹּהֲנִ֧ים וְהַלְוִיִּ֛ם לְכָל־דָּבָ֖ר וְלָאֹצָרֹֽות׃

16 וַתִּכֹּן֙a כָּל־מְלֶ֣אכֶת שְׁלֹמֹ֔ה עַד־הַיֹּ֛ום מוּסַ֥דb בֵּית־יְהוָ֖ה וְעַד־כְּלֹתֹ֑וc שָׁלֵ֖םd בֵּ֥ית יְהוָֽה׃ ס

17 אָז֩ הָלַ֨ךְa שְׁלֹמֹ֜ה לְעֶצְיֹֽון־גֶּ֧בֶרb וְאֶל־אֵילֹ֛ותc עַל־שְׂפַ֥ת הַיָּ֖ם בְּאֶ֥רֶץ אֱדֹֽום׃

18 וַיִּֽשְׁלַֽחa ־לֹו֩ חוּרָ֨םb בְּיַד־עֲבָדָ֜יו אוניותc וַעֲבָדִים֮ יֹ֣ודְעֵיd יָם֒ וַיָּבֹ֜אוּe עִם־עַבְדֵ֤י שְׁלֹמֹה֙ אֹופִ֔ירָהf וַיִּקְח֣וּg מִשָּׁ֔ם אַרְבַּע־מֵאֹ֥ות וַחֲמִשִּׁ֖ים כִּכַּ֣ר זָהָ֑ב וַיָּבִ֖יאוּh אֶל־הַמֶּ֥לֶךְ שְׁלֹמֹֽה׃ פ