דברי הימים ב

וּכְכַלֹּ֤ותa שְׁלֹמֹה֙ לְהִתְפַּלֵּ֔לb וְהָאֵ֗שׁ יָֽרְדָה֙c מֵֽהַשָּׁמַ֔יִם וַתֹּ֥אכַלd הָעֹלָ֖ה וְהַזְּבָחִ֑ים וּכְבֹ֥וד יְהוָ֖ה מָלֵ֥אe אֶת־הַבָּֽיִת׃

2 וְלֹ֤א יָֽכְלוּ֙a הַכֹּ֣הֲנִ֔ים לָבֹ֖ואb אֶל־בֵּ֣ית יְהוָ֑ה כִּֽי־מָלֵ֥אc כְבֹוד־יְהוָ֖ה אֶת־בֵּ֥ית יְהוָֽה׃

3 וְכֹ֣ל׀ בְּנֵ֣י יִשְׂרָאֵ֗ל רֹאִים֙a בְּרֶ֣דֶתb הָאֵ֔שׁ וּכְבֹ֥וד יְהוָ֖ה עַל־הַבָּ֑יִת וַיִּכְרְעוּ֩c אַפַּ֨יִם אַ֤רְצָה עַל־הָרִֽצְפָה֙d וַיִּֽשְׁתַּֽחֲו֔וּe וְהֹודֹ֤ותf לַיהוָה֙ כִּ֣י טֹ֔וב כִּ֥י לְעֹולָ֖ם חַסְדֹּֽו׃

4 וְהַמֶּ֖לֶךְ וְכָל־הָעָ֑ם זֹבְחִ֥יםa זֶ֖בַח לִפְנֵ֥י יְהוָֽה׃ ס

5 וַיִּזְבַּ֞חa הַמֶּ֣לֶךְ שְׁלֹמֹה֮ אֶת־זֶ֣בַח הַבָּקָ֗ר עֶשְׂרִ֤ים וּשְׁנַ֨יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙b אֶת־בֵּ֣ית הָֽאֱלֹהִ֔ים הַמֶּ֖לֶךְ וְכָל־הָעָֽם׃

6 וְהַכֹּהֲנִ֞ים עַל־מִשְׁמְרֹותָ֣ם עֹמְדִ֗יםa וְהַלְוִיִּ֞ם בִּכְלֵי־שִׁ֤יר יְהוָה֙ אֲשֶׁ֨ר עָשָׂ֜הb דָּוִ֣יד הַמֶּ֗לֶךְ לְהֹדֹ֤ותc לַיהוָה֙ כִּֽי־לְעֹולָ֣ם חַסְדֹּ֔ו בְּהַלֵּ֥לd דָּוִ֖יד בְּיָדָ֑ם וְהַכֹּהֲנִים֙ מחצצריםe נֶגְדָּ֔ם וְכָל־יִשְׂרָאֵ֖ל עֹמְדִֽיםf ׃ ס

7 וַיְקַדֵּ֣שׁa שְׁלֹמֹ֗ה אֶת־תֹּ֤וךְ הֶֽחָצֵר֙ אֲשֶׁר֙ לִפְנֵ֣י בֵית־יְהוָ֔ה כִּֽי־עָ֤שָׂהb שָׁם֙ הָֽעֹלֹ֔ות וְאֵ֖ת חֶלְבֵ֣י הַשְּׁלָמִ֑ים כִּֽי־מִזְבַּ֤ח הַנְּחֹ֨שֶׁת֙ אֲשֶׁ֣ר עָשָׂ֣הc שְׁלֹמֹ֔ה לֹ֣א יָכֹ֗ולd לְהָכִ֛ילe אֶת־הָעֹלָ֥ה וְאֶת־הַמִּנְחָ֖ה וְאֶת־הַחֲלָבִֽים׃

8 וַיַּ֣עַשׂa שְׁלֹמֹ֣ה אֶת־הֶ֠חָג בָּעֵ֨ת הַהִ֜יא שִׁבְעַ֤ת יָמִים֙ וְכָל־יִשְׂרָאֵ֣ל עִמֹּ֔ו קָהָ֖ל גָּדֹ֣ול מְאֹ֑ד מִלְּבֹ֥ואb חֲמָ֖תc עַד־נַ֥חַל מִצְרָֽיִם׃

9 וַֽיַּעֲשׂ֛וּa בַּיֹּ֥ום הַשְּׁמִינִ֖יb עֲצָ֑רֶתc כִּ֣י׀ חֲנֻכַּ֣תd הַמִּזְבֵּ֗חַ עָשׂוּ֙e שִׁבְעַ֣ת יָמִ֔ים וְהֶחָ֖ג שִׁבְעַ֥ת יָמִֽים׃

10 וּבְיֹ֨ום עֶשְׂרִ֤ים וּשְׁלֹשָׁה֙ לַחֹ֣דֶשׁ הַשְּׁבִיעִ֔י שִׁלַּ֥חa אֶת־הָעָ֖ם לְאָהֳלֵיהֶ֑ם שְׂמֵחִים֙b וְטֹ֣ובֵי לֵ֔ב עַל־הַטֹּובָ֗ה אֲשֶׁ֨ר עָשָׂ֤הc יְהוָה֙ לְדָוִ֣יד וְלִשְׁלֹמֹ֔ה וּלְיִשְׂרָאֵ֖ל עַמֹּֽו׃

11 וַיְכַ֧לa שְׁלֹמֹ֛ה אֶת־בֵּ֥ית יְהוָ֖ה וְאֶת־בֵּ֣ית הַמֶּ֑לֶךְ וְאֵ֨ת כָּל־הַבָּ֜אb עַל־לֵ֣ב שְׁלֹמֹ֗ה לַעֲשֹׂ֧ותc בְּבֵית־יְהוָ֛ה וּבְבֵיתֹ֖ו הִצְלִֽיחַd ׃ פ

12 וַיֵּרָ֧אa יְהוָ֛ה אֶל־שְׁלֹמֹ֖ה בַּלָּ֑יְלָה וַיֹּ֣אמֶרb לֹ֗ו שָׁמַ֨עְתִּי֙c אֶת־תְּפִלָּתֶ֔ךָ וּבָחַ֜רְתִּיd בַּמָּקֹ֥ום הַזֶּ֛ה לִ֖י לְבֵ֥ית זָֽבַח׃

13 הֵ֣ן אֶֽעֱצֹ֤רa הַשָּׁמַ֨יִם֙ וְלֹֽא־יִהְיֶ֣הb מָטָ֔רc וְהֵן־אֲצַוֶּ֥הd עַל־חָגָ֖בe לֶאֱכֹ֣ולf הָאָ֑רֶץ וְאִם־אֲשַׁלַּ֥חg דֶּ֖בֶרh בְּעַמִּֽי׃

14 וְיִכָּנְע֨וּa עַמִּ֜י אֲשֶׁ֧ר נִֽקְרָאb ־שְׁמִ֣י עֲלֵיהֶ֗ם וְיִֽתְפַּֽלְלוּ֙c וִֽיבַקְשׁ֣וּd פָנַ֔י וְיָשֻׁ֖בוּe מִדַּרְכֵיהֶ֣ם הָרָעִ֑ים וַאֲנִי֙ אֶשְׁמַ֣עf מִן־הַשָּׁמַ֔יִם וְאֶסְלַח֙g לְחַטָּאתָ֔ם וְאֶרְפָּ֖אh אֶת־אַרְצָֽם׃

15 עַתָּ֗ה עֵינַי֙ יִהְי֣וּa פְתֻחֹ֔ות וְאָזְנַ֖י קַשֻּׁבֹ֑ותb לִתְפִלַּ֖ת הַמָּקֹ֥ום הַזֶּֽה׃

16 וְעַתָּ֗ה בָּחַ֤רְתִּיa וְהִקְדַּ֨שְׁתִּי֙b אֶת־הַבַּ֣יִת הַזֶּ֔ה לִהְיֹותc ־שְׁמִ֥י שָׁ֖ם עַד־עֹולָ֑ם וְהָי֨וּd עֵינַ֧י וְלִבִּ֛י שָׁ֖ם כָּל־הַיָּמִֽים׃

17 וְאַתָּ֞ה אִם־תֵּלֵ֣ךְa לְפָנַ֗י כַּאֲשֶׁ֤ר הָלַךְ֙b דָּוִ֣יד אָבִ֔יךָ וְלַעֲשֹׂ֕ותc כְּכֹ֖ל אֲשֶׁ֣ר צִוִּיתִ֑יךָd וְחֻקַּ֥י וּמִשְׁפָּטַ֖י תִּשְׁמֹֽורe ׃

18 וַהֲקִ֣ימֹותִ֔יa אֵ֖ת כִּסֵּ֣א מַלְכוּתֶ֑ךָ כַּאֲשֶׁ֣ר כָּרַ֗תִּיb לְדָוִ֤יד אָבִ֨יךָ֙ לֵאמֹ֔רc לֹֽא־יִכָּרֵ֤תd לְךָ֙ אִ֔ישׁ מֹושֵׁ֖לe בְּיִשְׂרָאֵֽל׃

19 וְאִם־תְּשׁוּב֣וּןa אַתֶּ֔ם וַעֲזַבְתֶּם֙b חֻקֹּותַ֣י וּמִצְוֹתַ֔י אֲשֶׁ֥ר נָתַ֖תִּיc לִפְנֵיכֶ֑ם וַהֲלַכְתֶּ֗םd וַעֲבַדְתֶּם֙e אֱלֹהִ֣ים אֲחֵרִ֔ים וְהִשְׁתַּחֲוִיתֶ֖םf לָהֶֽם׃

20 וּנְתַשְׁתִּ֗יםa מֵעַ֤ל אַדְמָתִי֙ אֲשֶׁ֣ר נָתַ֣תִּיb לָהֶ֔ם וְאֶת־הַבַּ֤יִת הַזֶּה֙ אֲשֶׁ֣ר הִקְדַּ֣שְׁתִּיc לִשְׁמִ֔י אַשְׁלִ֖יךְd מֵעַ֣ל פָּנָ֑י וְאֶתְּנֶ֛נּוּe לְמָשָׁ֥לf וְלִשְׁנִינָ֖הg בְּכָל־הָעַמִּֽים׃

21 וְהַבַּ֤יִת הַזֶּה֙ אֲשֶׁ֣ר הָיָ֣הa עֶלְיֹ֔ון לְכָל־עֹבֵ֥רb עָלָ֖יו יִשֹּׁ֑םc וְאָמַ֗רd בַּמֶּ֨ה עָשָׂ֤הe יְהוָה֙ כָּ֔כָהf לָאָ֥רֶץ הַזֹּ֖את וְלַבַּ֥יִת הַזֶּֽה׃

22 וְאָמְר֗וּa עַל֩ אֲשֶׁ֨ר עָֽזְב֜וּb אֶת־יְהוָ֣ה׀ אֱלֹהֵ֣י אֲבֹתֵיהֶ֗ם אֲשֶׁ֣ר הֹוצִיאָם֮c מֵאֶ֣רֶץ מִצְרַיִם֒ וַֽיַּחֲזִ֨יקוּ֙d בֵּאלֹהִ֣ים אֲחֵרִ֔ים וַיִּשְׁתַּחֲו֥וּe לָהֶ֖ם וַיַּֽעַבְד֑וּםf עַל־כֵּן֙ הֵבִ֣יאg עֲלֵיהֶ֔ם אֵ֥ת כָּל־הָרָעָ֖ה הַזֹּֽאת׃ פ