דברי הימים ב

אָ֖ז אָמַ֣רa שְׁלֹמֹ֑ה יְהוָ֣ה אָמַ֔רb לִשְׁכֹּ֖וןc בָּעֲרָפֶֽלd ׃

2 וַֽאֲנִ֛י בָּנִ֥יתִיa בֵית־זְבֻ֖לb לָ֑ךְ וּמָכֹ֥וןc לְשִׁבְתְּךָ֖d עֹולָמִֽים׃

3 וַיַּסֵּ֤בa הַמֶּ֨לֶךְ֙ אֶת־פָּנָ֔יו וַיְבָ֕רֶךְb אֵ֖ת כָּל־קְהַ֣ל יִשְׂרָאֵ֑ל וְכָל־קְהַ֥ל יִשְׂרָאֵ֖ל עֹומֵֽדc ׃

4 וַיֹּ֗אמֶרa בָּר֤וּךְb יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ דִּבֶּ֣רc בְּפִ֔יו אֵ֖ת דָּוִ֣יד אָבִ֑י וּבְיָדָ֥יו מִלֵּ֖אd לֵאמֹֽרe ׃

5 מִן־הַיֹּ֗ום אֲשֶׁ֨ר הֹוצֵ֣אתִיa אֶת־עַמִּי֮ מֵאֶ֣רֶץ מִצְרַיִם֒ לֹא־בָחַ֣רְתִּֽיb בְעִ֗יר מִכֹּל֙ שִׁבְטֵ֣י יִשְׂרָאֵ֔ל לִבְנֹ֣ותc בַּ֔יִת לִהְיֹ֥ותd שְׁמִ֖י שָׁ֑ם וְלֹא־בָחַ֣רְתִּֽיe בְאִ֔ישׁ לִהְיֹ֥ותf נָגִ֖ידg עַל־עַמִּ֥י יִשְׂרָאֵֽל׃

6 וָאֶבְחַר֙a בִּיר֣וּשָׁלִַ֔ם לִהְיֹ֥ותb שְׁמִ֖י שָׁ֑ם וָאֶבְחַ֣רc בְּדָוִ֔יד לִהְיֹ֖ותd עַל־עַמִּ֥י יִשְׂרָאֵֽל׃

7 וַיְהִ֕יa עִם־לְבַ֖ב דָּוִ֣יד אָבִ֑י לִבְנֹ֣ותb בַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

8 וַיֹּ֤אמֶרa יְהוָה֙ אֶל־דָּוִ֣יד אָבִ֔י יַ֗עַן אֲשֶׁ֤ר הָיָה֙b עִם־לְבָ֣בְךָ֔ לִבְנֹ֥ותc בַּ֖יִת לִשְׁמִ֑י הֱֽטִיבֹ֔ותָd כִּ֥י הָיָ֖הe עִם־לְבָבֶֽךָ׃

9 רַ֣ק אַתָּ֔ה לֹ֥א תִבְנֶ֖הa הַבָּ֑יִת כִּ֤י בִנְךָ֙ הַיֹּוצֵ֣אb מֵֽחֲלָצֶ֔יךָc הֽוּא־יִבְנֶ֥הd הַבַּ֖יִת לִשְׁמִֽי׃

10 וַיָּ֣קֶםa יְהוָ֔ה אֶת־דְּבָרֹ֖ו אֲשֶׁ֣ר דִּבֵּ֑רb וָאָק֡וּםc תַּחַת֩ דָּוִ֨יד אָבִ֜י וָאֵשֵׁ֣בd ׀ עַל־כִּסֵּ֣א יִשְׂרָאֵ֗ל כַּאֲשֶׁר֙ דִּבֶּ֣רe יְהוָ֔ה וָאֶבְנֶ֣הf הַבַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃

11 וָאָשִׂ֥יםa שָׁם֙ אֶת־הָ֣אָרֹ֔ון אֲשֶׁר־שָׁ֖ם בְּרִ֣ית יְהוָ֑ה אֲשֶׁ֥ר כָּרַ֖תb עִם־בְּנֵ֥י יִשְׂרָאֵֽל׃

12 וַֽיַּעֲמֹ֗דa לִפְנֵי֙ מִזְבַּ֣ח יְהוָ֔ה נֶ֖גֶד כָּל־קְהַ֣ל יִשְׂרָאֵ֑ל וַיִּפְרֹ֖שׂb כַּפָּֽיו׃

13 כִּֽי־עָשָׂ֨הa שְׁלֹמֹ֜ה כִּיֹּ֣ורb נְחֹ֗שֶׁת וַֽיִּתְּנֵהוּ֮c בְּתֹ֣וךְ הָעֲזָרָה֒d חָמֵ֨שׁ אַמֹּ֜ות אָרְכֹּ֗ו וְחָמֵ֤שׁ אַמֹּות֙ רָחְבֹּ֔ו וְאַמֹּ֥ות שָׁלֹ֖ושׁ קֹומָתֹ֑וe וַיַּעֲמֹ֣דf עָלָ֗יו וַיִּבְרַ֤ךְg עַל־בִּרְכָּיו֙h נֶ֚גֶד כָּל־קְהַ֣ל יִשְׂרָאֵ֔ל וַיִּפְרֹ֥שׂi כַּפָּ֖יו הַשָּׁמָֽיְמָה׃

14 וַיֹּאמַ֗רa יְהוָ֞ה אֱלֹהֵ֤י יִשְׂרָאֵל֙ אֵין־כָּמֹ֣וךָ אֱלֹהִ֔ים בַּשָּׁמַ֖יִם וּבָאָ֑רֶץ שֹׁמֵ֤רb הַבְּרִית֙ וְֽהַחֶ֔סֶד לַעֲבָדֶ֕יךָ הַהֹלְכִ֥יםc לְפָנֶ֖יךָ בְּכָל־לִבָּֽם׃

15 אֲשֶׁ֣ר שָׁמַ֗רְתָּa לְעַבְדְּךָ֙ דָּוִ֣יד אָבִ֔י אֵ֥ת אֲשֶׁר־דִּבַּ֖רְתָּb לֹ֑ו וַתְּדַבֵּ֥רc בְּפִ֛יךָ וּבְיָדְךָ֥ מִלֵּ֖אתָd כַּיֹּ֥ום הַזֶּֽה׃

16 וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל שְׁ֠מֹרa לְעַבְדְּךָ֙ דָוִ֤יד אָבִי֙ אֵת֩ אֲשֶׁ֨ר דִּבַּ֤רְתָּb לֹּו֙ לֵאמֹ֔רc לֹא־יִכָּרֵ֨תd לְךָ֥ אִישׁ֙ מִלְּפָנַ֔י יֹושֵׁ֖בe עַל־כִּסֵּ֣א יִשְׂרָאֵ֑ל רַ֠ק אִם־יִשְׁמְר֨וּf בָנֶ֜יךָ אֶת־דַּרְכָּ֗ם לָלֶ֨כֶת֙g בְּתֹ֣ורָתִ֔י כַּאֲשֶׁ֥ר הָלַ֖כְתָּh לְפָנָֽי׃

17 וְעַתָּ֕ה יְהוָ֖ה אֱלֹהֵ֣י יִשְׂרָאֵ֑ל יֵֽאָמֵן֙a דְּבָ֣רְךָ֔ אֲשֶׁ֥ר דִּבַּ֖רְתָּb לְעַבְדְּךָ֥ לְדָוִֽיד׃

18 כִּ֚י הַֽאֻמְנָ֔םa יֵשֵׁ֧בb אֱלֹהִ֛ים אֶת־הָאָדָ֖ם עַל־הָאָ֑רֶץ הִ֠נֵּה שָׁמַ֜יִם וּשְׁמֵ֤י הַשָּׁמַ֨יִם֙ לֹ֣א יְכַלְכְּל֔וּךָc אַ֕ף כִּֽי־הַבַּ֥יִת הַזֶּ֖ה אֲשֶׁ֥ר בָּנִֽיתִיd ׃

19 וּפָנִ֜יתָa אֶל־תְּפִלַּ֧ת עַבְדְּךָ֛ וְאֶל־תְּחִנָּתֹ֖וb יְהוָ֣ה אֱלֹהָ֑י לִשְׁמֹ֤עַc אֶל־הָרִנָּה֙d וְאֶל־הַתְּפִלָּ֔ה אֲשֶׁ֥ר עַבְדְּךָ֖ מִתְפַּלֵּ֥לe לְפָנֶֽיךָ׃

20 לִהְיֹות֩a עֵינֶ֨יךָ פְתֻחֹ֜ותb אֶל־הַבַּ֤יִת הַזֶּה֙ יֹומָ֣ם וָלַ֔יְלָה אֶל־הַ֨מָּקֹ֔ום אֲשֶׁ֣ר אָמַ֔רְתָּc לָשׂ֥וּםd שִׁמְךָ֖ שָׁ֑ם לִשְׁמֹ֨ועַ֙e אֶל־הַתְּפִלָּ֔ה אֲשֶׁ֣ר יִתְפַּלֵּ֣לf עַבְדְּךָ֔ אֶל־הַמָּקֹ֖ום הַזֶּֽה׃

21 וְשָׁ֨מַעְתָּ֜a אֶל־תַּחֲנוּנֵ֤יb עַבְדְּךָ֙ וְעַמְּךָ֣ יִשְׂרָאֵ֔ל אֲשֶׁ֥ר יִֽתְפַּֽלְל֖וּc אֶל־הַמָּקֹ֣ום הַזֶּ֑ה וְ֠אַתָּה תִּשְׁמַ֞עd מִמְּקֹ֤ום שִׁבְתְּךָ֙ מִן־הַשָּׁמַ֔יִם וְשָׁמַעְתָּ֖e וְסָלָֽחְתָּf ׃

22 אִם־יֶחֱטָ֥אa אִישׁ֙ לְרֵעֵ֔הוּ וְנָֽשָׁאb ־בֹ֥ו אָלָ֖הc לְהַֽאֲלֹתֹ֑וd וּבָ֗אe אָלָ֛הf לִפְנֵ֥י מִֽזְבַּחֲךָ֖ בַּבַּ֥יִת הַזֶּֽה׃

23 וְאַתָּ֣ה׀ תִּשְׁמַ֣עa מִן־הַשָּׁמַ֗יִם וְעָשִׂ֨יתָ֙b וְשָׁפַטְתָּ֣c אֶת־עֲבָדֶ֔יךָ לְהָשִׁ֣יבd לְרָשָׁ֔ע לָתֵ֥תe דַּרְכֹּ֖ו בְּרֹאשֹׁ֑ו וּלְהַצְדִּ֣יקf צַדִּ֔יק לָ֥תֶתg לֹ֖ו כְּצִדְקָתֹֽו׃ ס

24 וְֽאִם־יִנָּגֵ֞ףa עַמְּךָ֧ יִשְׂרָאֵ֛ל לִפְנֵ֥י אֹויֵ֖ב כִּ֣י יֶֽחֶטְאוּb ־לָ֑ךְ וְשָׁ֨בוּ֙c וְהֹוד֣וּd אֶת־שְׁמֶ֔ךָ וְהִתְפַּֽלְל֧וּe וְהִֽתְחַנְּנ֛וּf לְפָנֶ֖יךָ בַּבַּ֥יִת הַזֶּֽה׃

25 וְאַתָּה֙ תִּשְׁמַ֣עa מִן־הַשָּׁמַ֔יִם וְסָ֣לַחְתָּ֔b לְחַטַּ֖את עַמְּךָ֣ יִשְׂרָאֵ֑ל וַהֲשֵׁיבֹותָם֙c אֶל־הָ֣אֲדָמָ֔ה אֲשֶׁר־נָתַ֥תָּהd לָהֶ֖ם וְלַאֲבֹתֵיהֶֽם׃ פ

26 בְּהֵעָצֵ֧רa הַשָּׁמַ֛יִם וְלֹֽא־יִהְיֶ֥הb מָטָ֖רc כִּ֣י יֶֽחֶטְאוּd ־לָ֑ךְ וְהִֽתְפַּלְל֞וּe אֶל־הַמָּקֹ֤ום הַזֶּה֙ וְהֹוד֣וּf אֶת־שְׁמֶ֔ךָ מֵחַטָּאתָ֥ם יְשׁוּב֖וּןg כִּ֥י תַעֲנֵֽםh ׃

27 וְאַתָּ֣ה׀ תִּשְׁמַ֣עa הַשָּׁמַ֗יִם וְסָ֨לַחְתָּ֜b לְחַטַּ֤את עֲבָדֶ֨יךָ֙ וְעַמְּךָ֣ יִשְׂרָאֵ֔ל כִּ֥י תֹורֵ֛םc אֶל־הַדֶּ֥רֶךְ הַטֹּובָ֖ה אֲשֶׁ֣ר יֵֽלְכוּd ־בָ֑הּ וְנָתַתָּ֤הe מָטָר֙f עַֽל־אַרְצְךָ֔ אֲשֶׁר־נָתַ֥תָּהg לְעַמְּךָ֖ לְנַחֲלָֽה׃ ס

28 רָעָ֞ב כִּֽי־יִהְיֶ֣הa בָאָ֗רֶץ דֶּ֣בֶרb כִּֽי־יִֽ֠הְיֶהc שִׁדָּפֹ֨וןd וְיֵרָקֹ֜וןe אַרְבֶּ֤הf וְחָסִיל֙g כִּ֣י יִהְיֶ֔הh כִּ֧י יָֽצַרi ־לֹ֛ו אֹויְבָ֖יו בְּאֶ֣רֶץ שְׁעָרָ֑יו כָּל־נֶ֖גַע וְכָֽל־מַחֲלָֽהj ׃

29 כָּל־תְּפִלָּ֣ה כָל־תְּחִנָּ֗הa אֲשֶׁ֤ר יִהְיֶה֙b לְכָל־הָ֣אָדָ֔ם וּלְכֹ֖ל עַמְּךָ֣ יִשְׂרָאֵ֑ל אֲשֶׁ֣ר יֵדְע֗וּc אִ֤ישׁ נִגְעֹו֙ וּמַכְאֹבֹ֔וd וּפָרַ֥שׂe כַּפָּ֖יו אֶל־הַבַּ֥יִת הַזֶּֽה׃

30 וְ֠אַתָּה תִּשְׁמַ֨עa מִן־הַשָּׁמַ֜יִם מְכֹ֤וןb שִׁבְתֶּ֨ךָ֙ וְסָ֣לַחְתָּ֔c וְנָתַתָּ֤הd לָאִישׁ֙ כְּכָל־דְּרָכָ֔יו אֲשֶׁ֥ר תֵּדַ֖עe אֶת־לְבָבֹ֑ו כִּ֤י אַתָּה֙ לְבַדְּךָ֣ יָדַ֔עְתָּf אֶת־לְבַ֖ב בְּנֵ֥י הָאָדָֽם׃

31 לְמַ֣עַן יִֽירָא֗וּךָa לָלֶ֨כֶת֙b בִּדְרָכֶ֔יךָ כָּל־הַ֨יָּמִ֔ים אֲשֶׁר־הֵ֥ם חַיִּ֖ים עַל־פְּנֵ֣י הָאֲדָמָ֑ה אֲשֶׁ֥ר נָתַ֖תָּהc לַאֲבֹתֵֽינוּ׃ ס

32 וְגַ֣ם אֶל־הַנָּכְרִ֗יa אֲ֠שֶׁר לֹ֥א מֵעַמְּךָ֣ יִשְׂרָאֵל֮ הוּא֒ וּבָ֣אb ׀ מֵאֶ֣רֶץ רְחֹוקָ֗ה לְמַ֨עַן שִׁמְךָ֤ הַגָּדֹול֙ וְיָדְךָ֣ הַחֲזָקָ֔ה וּֽזְרֹֽועֲךָ֖ הַנְּטוּיָ֑ה וּבָ֥אוּc וְהִֽתְפַּלְל֖וּd אֶל־הַבַּ֥יִת הַזֶּֽה׃

33 וְאַתָּ֞ה תִּשְׁמַ֤עa מִן־הַשָּׁמַ֨יִם֙ מִמְּכֹ֣וןb שִׁבְתֶּ֔ךָ וְעָשִׂ֕יתָc כְּכֹ֛ל אֲשֶׁר־יִקְרָ֥אd אֵלֶ֖יךָ הַנָּכְרִ֑יe לְמַ֣עַן יֵדְעוּ֩f כָל־עַמֵּ֨י הָאָ֜רֶץ אֶת־שְׁמֶ֗ךָ וּלְיִרְאָ֤הg אֹֽתְךָ֙ כְּעַמְּךָ֣ יִשְׂרָאֵ֔ל וְלָדַ֕עַתh כִּֽי־שִׁמְךָ֣ נִקְרָ֔אi עַל־הַבַּ֥יִת הַזֶּ֖ה אֲשֶׁ֥ר בָּנִֽיתִיj ׃

34 כִּֽי־יֵצֵ֨אa עַמְּךָ֤ לַמִּלְחָמָה֙ עַל־אֹ֣ויְבָ֔יו בַּדֶּ֖רֶךְ אֲשֶׁ֣ר תִּשְׁלָחֵ֑םb וְהִתְפַּֽלְל֣וּc אֵלֶ֗יךָ דֶּ֣רֶךְ הָעִ֤יר הַזֹּאת֙ אֲשֶׁ֣ר בָּחַ֣רְתָּd בָּ֔הּ וְהַבַּ֖יִת אֲשֶׁר־בָּנִ֥יתִיe לִשְׁמֶֽךָ׃

35 וְשָׁמַעְתָּ֙a מִן־הַשָּׁמַ֔יִם אֶת־תְּפִלָּתָ֖ם וְאֶת־תְּחִנָּתָ֑םb וְעָשִׂ֖יתָc מִשְׁפָּטָֽם׃

36 כִּ֣י יֶחֶטְאוּa ־לָ֗ךְ כִּ֣י אֵ֤ין אָדָם֙ אֲשֶׁ֣ר לֹא־יֶחֱטָ֔אb וְאָנַפְתָּ֣c בָ֔ם וּנְתַתָּ֖םd לִפְנֵ֣י אֹויֵ֑ב וְשָׁב֧וּםe שֹׁובֵיהֶ֛םf אֶל־אֶ֥רֶץ רְחֹוקָ֖ה אֹ֥ו קְרֹובָֽה׃

37 וְהֵשִׁ֨יבוּ֙a אֶל־לְבָבָ֔ם בָּאָ֖רֶץ אֲשֶׁ֣ר נִשְׁבּוּb ־שָׁ֑ם וְשָׁ֣בוּc ׀ וְהִֽתְחַנְּנ֣וּd אֵלֶ֗יךָ בְּאֶ֤רֶץ שִׁבְיָם֙e לֵאמֹ֔רf חָטָ֥אנוּg הֶעֱוִ֖ינוּh וְרָשָֽׁעְנוּi ׃

38 וְשָׁ֣בוּa אֵלֶ֗יךָ בְּכָל־לִבָּם֙ וּבְכָל־נַפְשָׁ֔ם בְּאֶ֥רֶץ שִׁבְיָ֖םb אֲשֶׁר־שָׁב֣וּc אֹתָ֑ם וְהִֽתְפַּֽלְל֗וּd דֶּ֤רֶךְ אַרְצָם֙ אֲשֶׁ֣ר נָתַ֣תָּהe לַאֲבֹותָ֔ם וְהָעִיר֙ אֲשֶׁ֣ר בָּחַ֔רְתָּf וְלַבַּ֖יִת אֲשֶׁר־בָּנִ֥יתִיg לִשְׁמֶֽךָ׃

39 וְשָׁמַעְתָּ֙a מִן־הַשָּׁמַ֜יִם מִמְּכֹ֣וןb שִׁבְתְּךָ֗ אֶת־תְּפִלָּתָם֙ וְאֶת־תְּחִנֹּ֣תֵיהֶ֔םc וְעָשִׂ֖יתָd מִשְׁפָּטָ֑ם וְסָלַחְתָּ֥e לְעַמְּךָ֖ אֲשֶׁ֥ר חָֽטְאוּf ־לָֽךְ׃

40 עַתָּ֣ה אֱלֹהַ֗י יִֽהְיוּa ־נָ֤א עֵינֶ֨יךָ֙ פְּתֻחֹ֔ותb וְאָזְנֶ֖יךָ קַשֻּׁבֹ֑ותc לִתְפִלַּ֖ת הַמָּקֹ֥ום הַזֶּֽה׃ ס

41 וְעַתָּ֗ה קוּמָ֞הa יְהוָ֤ה אֱלֹהִים֙ לְֽנוּחֶ֔ךָb אַתָּ֖ה וַאֲרֹ֣ון עֻזֶּ֑ךָ כֹּהֲנֶ֜יךָ יְהוָ֤ה אֱלֹהִים֙ יִלְבְּשׁ֣וּc תְשׁוּעָ֔הd וַחֲסִידֶ֖יךָe יִשְׂמְח֥וּf בַטֹּֽוב׃

42 יְהוָ֣ה אֱלֹהִ֔ים אַל־תָּשֵׁ֖בa פְּנֵ֣י מְשִׁיחֶ֑יךָb זָכְרָ֕הc לְחַֽסְדֵ֖י דָּוִ֥יד עַבְדֶּֽךָ׃ פ