דברי הימים ב

וַיַּ֨עַשׂ֙a מִזְבַּ֣ח נְחֹ֔שֶׁת עֶשְׂרִ֤ים אַמָּה֙ אָרְכֹּ֔ו וְעֶשְׂרִ֥ים אַמָּ֖ה רָחְבֹּ֑ו וְעֶ֥שֶׂר אַמֹּ֖ות קֹומָתֹֽוb ׃ ס

2 וַיַּ֥עַשׂa אֶת־הַיָּ֖ם מוּצָ֑ק עֶ֣שֶׂר בָּֽ֠אַמָּה מִשְּׂפָתֹ֨ו אֶל־שְׂפָתֹ֜ו עָגֹ֣ולb ׀ סָבִ֗יב וְחָמֵ֤שׁ בָּֽאַמָּה֙ קֹֽומָתֹ֔וc וְקָו֙d שְׁלֹשִׁ֣ים בָּֽאַמָּ֔ה יָסֹ֥בe אֹתֹ֖ו סָבִֽיב׃

3 וּדְמ֣וּתa בְּקָרִים֩ תַּ֨חַת לֹ֜ו סָבִ֤יב׀ סָבִיב֙ סֹובְבִ֣יםb אֹתֹ֔ו עֶ֚שֶׂר בָּֽאַמָּ֔ה מַקִּיפִ֥יםc אֶת־הַיָּ֖ם סָבִ֑יב שְׁנַ֤יִם טוּרִים֙d הַבָּקָ֔ר יְצוּקִ֖יםe בְּמֻֽצַקְתֹּֽוf ׃

4 עֹומֵ֞דa עַל־שְׁנֵ֧ים עָשָׂ֣ר בָּקָ֗ר שְׁלֹשָׁ֣ה פֹנִ֣יםb ׀ צָפֹ֡ונָה וּשְׁלֹושָׁה֩ פֹנִ֨יםc ׀ יָ֜מָּה וּשְׁלֹשָׁ֣ה׀ פֹּנִ֣יםd נֶ֗גְבָּה וּשְׁלֹשָׁה֙ פֹּנִ֣יםe מִזְרָ֔חָה וְהַיָּ֥ם עֲלֵיהֶ֖ם מִלְמָ֑עְלָה וְכָל־אֲחֹרֵיהֶ֖םf בָּֽיְתָה׃

5 וְעָבְיֹ֣וa טֶ֔פַחb וּשְׂפָתֹו֙ כְּמַעֲשֵׂ֣ה שְׂפַת־כֹּ֔וסc פֶּ֖רַחd שֹֽׁושַׁנָּ֑הe מַחֲזִ֣יקf בַּתִּ֔יםg שְׁלֹ֥שֶׁת אֲלָפִ֖ים יָכִֽילh ׃ ס

6 וַיַּ֣עַשׂa כִּיֹּורִים֮b עֲשָׂרָה֒ וַ֠יִּתֵּןc חֲמִשָּׁ֨ה מִיָּמִ֜ין וַחֲמִשָּׁ֤ה מִשְּׂמֹאול֙ לְרָחְצָ֣הd בָהֶ֔ם אֶת־מַעֲשֵׂ֥ה הָעֹולָ֖ה יָדִ֣יחוּe בָ֑ם וְהַיָּ֕ם לְרָחְצָ֥הf לַכֹּהֲנִ֖ים בֹּֽו׃ ס

7 וַ֠יַּעַשׂa אֶת־מְנֹרֹ֧ותb הַזָּהָ֛ב עֶ֖שֶׂר כְּמִשְׁפָּטָ֑ם וַיִּתֵּן֙c בַּֽהֵיכָ֔ל חָמֵ֥שׁ מִיָּמִ֖ין וְחָמֵ֥שׁ מִשְּׂמֹֽאול׃ ס

8 וַיַּ֣עַשׂa שֻׁלְחָנֹות֮ עֲשָׂרָה֒ וַיַּנַּח֙b בַּֽהֵיכָ֔ל חֲמִשָּׁ֥ה מִיָּמִ֖ין וַחֲמִשָּׁ֣ה מִשְּׂמֹ֑אול וַיַּ֛עַשׂc מִזְרְקֵ֥יd זָהָ֖ב מֵאָֽה׃

9 וַיַּ֨עַשׂ֙a חֲצַ֣ר הַכֹּהֲנִ֔ים וְהָעֲזָרָ֖הb הַגְּדֹולָ֑ה וּדְלָתֹ֧ות לָעֲזָרָ֛הc וְדַלְתֹותֵיהֶ֖ם צִפָּ֥הd נְחֹֽשֶׁת׃

10 וְאֶת־הַיָּ֗ם נָתַ֞ןa מִכֶּ֧תֶף הַיְמָנִ֛יתb קֵ֖דְמָה מִמּ֥וּלc נֶֽגְבָּה׃

11 וַיַּ֣עַשׂa חוּרָ֔םb אֶת־הַ֨סִּירֹ֔ותc וְאֶת־הַיָּעִ֖יםd וְאֶת־הַמִּזְרָקֹ֑ותe ס וַיְכַ֣לf חירםg לַעֲשֹׂות֙h אֶת־הַמְּלָאכָ֔ה אֲשֶׁ֥ר עָשָׂ֛הi לַמֶּ֥לֶךְ שְׁלֹמֹ֖ה בְּבֵ֥ית הָאֱלֹהִֽים׃

12 עַמּוּדִ֣ים שְׁנַ֔יִם וְהַגֻּלֹּ֧ותa וְהַכֹּתָרֹ֛ותb עַל־רֹ֥אשׁ הָעַמּוּדִ֖ים שְׁתָּ֑יִם וְהַשְּׂבָכֹ֣ותc שְׁתַּ֔יִם לְכַסֹּ֗ותd אֶת־שְׁתֵּי֙ גֻּלֹּ֣ותe הַכֹּֽתָרֹ֔ותf אֲשֶׁ֖ר עַל־רֹ֥אשׁ הָֽעַמּוּדִֽים׃

13 וְאֶת־הָֽרִמֹּונִ֛יםa אַרְבַּ֥ע מֵאֹ֖ות לִשְׁתֵּ֣י הַשְּׂבָכֹ֑ותb שְׁנַ֨יִם טוּרִ֤יםc רִמֹּונִים֙d לַשְּׂבָכָ֣הe הָאֶחָ֔ת לְכַסֹּ֗ותf אֶת־שְׁתֵּי֙ גֻּלֹּ֣ותg הַכֹּֽתָרֹ֔ותh אֲשֶׁ֖ר עַל־פְּנֵ֥י הָעַמּוּדִֽים׃

14 וְאֶת־הַמְּכֹנֹ֖ותa עָשָׂ֑הb וְאֶת־הַכִּיֹּרֹ֥ותc עָשָׂ֖הd עַל־הַמְּכֹנֹֽותe ׃

15 אֶת־הַיָּ֖ם אֶחָ֑ד וְאֶת־הַבָּקָ֥ר שְׁנֵים־עָשָׂ֖ר תַּחְתָּֽיו׃

16 וְאֶת־הַ֠סִּירֹותa וְאֶת־הַיָּעִ֤יםb וְאֶת־הַמִּזְלָגֹות֙c וְאֶת־כָּל־כְּלֵיהֶ֔ם עָשָׂ֞הd חוּרָ֥םe אָבִ֛יו לַמֶּ֥לֶךְ שְׁלֹמֹ֖ה לְבֵ֣ית יְהוָ֑ה נְחֹ֖שֶׁת מָרֽוּקf ׃

17 בְּכִכַּ֤ר הַיַּרְדֵּן֙ יְצָקָ֣םa הַמֶּ֔לֶךְ בַּעֲבִ֖יb הָאֲדָמָ֑הc בֵּ֥ין סֻכֹּ֖ותd וּבֵ֥ין צְרֵדָֽתָהe ׃

18 וַיַּ֧עַשׂa שְׁלֹמֹ֛ה כָּל־הַכֵּלִ֥ים הָאֵ֖לֶּה לָרֹ֣ב מְאֹ֑ד כִּ֛י לֹ֥א נֶחְקַ֖רb מִשְׁקַ֥לc הַנְּחֹֽשֶׁת׃ פ

19 וַיַּ֣עַשׂa שְׁלֹמֹ֔ה אֵ֚ת כָּל־הַכֵּלִ֔ים אֲשֶׁ֖ר בֵּ֣ית הָאֱלֹהִ֑ים וְאֵת֙ מִזְבַּ֣ח הַזָּהָ֔ב וְאֶת־הַשֻּׁלְחָנֹ֔ות וַעֲלֵיהֶ֖ם לֶ֥חֶם הַפָּנִֽים׃

20 וְאֶת־הַמְּנֹרֹ֞ותa וְנֵרֹתֵיהֶ֗םb לְבַעֲרָ֧םc כַּמִּשְׁפָּ֛ט לִפְנֵ֥י הַדְּבִ֖ירd זָהָ֥ב סָגֽוּרe ׃

21 וְהַפֶּ֧רַחa וְהַנֵּרֹ֛ותb וְהַמֶּלְקַחַ֖יִםc זָהָ֑ב ה֖וּא מִכְלֹ֥ותd זָהָֽב׃

22 וְהַֽמְזַמְּרֹ֧ותa וְהַמִּזְרָקֹ֛ותb וְהַכַּפֹּ֥ות וְהַמַּחְתֹּ֖ותc זָהָ֣ב סָג֑וּרd וּפֶ֣תַח הַ֠בַּיִת דַּלְתֹותָ֨יו הַפְּנִימִיֹּ֜ותe לְקֹ֣דֶשׁ הַקֳּדָשִׁ֗ים וְדַלְתֵ֥י הַבַּ֛יִת לַהֵיכָ֖ל זָהָֽב׃