דברי הימים ב

וַיִּקְחוּ֙a עַם־הָאָ֔רֶץ אֶת־יְהֹואָחָ֖זb בֶּן־יֹאשִׁיָּ֑הוּ וַיַּמְלִיכֻ֥הוּc תַֽחַת־אָבִ֖יו בִּירוּשָׁלִָֽם׃

2 בֶּן־שָׁלֹ֧ושׁ וְעֶשְׂרִ֛ים שָׁנָ֖ה יֹואָחָ֣זa בְּמָלְכֹ֑וb וּשְׁלֹשָׁ֣ה חֳדָשִׁ֔ים מָלַ֖ךְc בִּירוּשָׁלִָֽם׃

3 וַיְסִירֵ֥הוּa מֶֽלֶךְ־מִצְרַ֖יִם בִּֽירוּשָׁלִָ֑ם וַֽיַּעֲנֹשׁ֙b אֶת־הָאָ֔רֶץ מֵאָ֥ה כִכַּר־כֶּ֖סֶף וְכִכַּ֥ר זָהָֽב׃

4 וַיַּמְלֵ֨ךְa מֶֽלֶךְ־מִצְרַ֜יִם אֶת־אֶלְיָקִ֣יםb אָחִ֗יו עַל־יְהוּדָה֙ וִיר֣וּשָׁלִַ֔ם וַיַּסֵּ֥בc אֶת־שְׁמֹ֖ו יְהֹויָקִ֑יםd וְאֶת־יֹואָחָ֤זe אָחִיו֙ לָקַ֣חf נְכֹ֔וg וַיְבִיאֵ֖הוּh מִצְרָֽיְמָה׃ פ

5 בֶּן־עֶשְׂרִ֨ים וְחָמֵ֤שׁ שָׁנָה֙ יְהֹויָקִ֣יםa בְּמָלְכֹ֔וb וְאַחַ֤ת עֶשְׂרֵה֙ שָׁנָ֔ה מָלַ֖ךְc בִּירוּשָׁלִָ֑ם וַיַּ֣עַשׂd הָרַ֔ע בְּעֵינֵ֖י יְהוָ֥ה אֱלֹהָֽיו׃

6 עָלָ֣יו עָלָ֔הa נְבוּכַדְנֶאצַּ֖רb מֶ֣לֶךְ בָּבֶ֑ל וַיַּֽאַסְרֵ֨הוּ֙c בַּֽנְחֻשְׁתַּ֔יִם לְהֹלִיכֹ֖וd בָּבֶֽלָה׃

7 וּמִכְּלֵי֙ בֵּ֣ית יְהוָ֔ה הֵבִ֥יאa נְבוּכַדְנֶאצַּ֖רb לְבָבֶ֑ל וַיִּתְּנֵ֥םc בְּהֵיכָלֹ֖ו בְּבָבֶֽל׃

8 וְיֶתֶר֩ דִּבְרֵ֨י יְהֹֽויָקִ֜יםa וְתֹֽעֲבֹתָ֤יו אֲשֶׁר־עָשָׂה֙b וְהַנִּמְצָ֣אc עָלָ֔יו הִנָּ֣ם כְּתוּבִ֗יםd עַל־סֵ֛פֶר מַלְכֵ֥י יִשְׂרָאֵ֖ל וִֽיהוּדָ֑ה וַיִּמְלֹ֛ךְe יְהֹויָכִ֥יןf בְּנֹ֖ו תַּחְתָּֽיו׃ פ

9 בֶּן־שְׁמֹונֶ֤ה שָׁנִים֙ יְהֹויָכִ֣יןa בְּמָלְכֹ֔וb וּשְׁלֹשָׁ֤ה חֳדָשִׁים֙ וַעֲשֶׂ֣רֶת יָמִ֔ים מָלַ֖ךְc בִּירוּשָׁלִָ֑ם וַיַּ֥עַשׂd הָרַ֖ע בְּעֵינֵ֥י יְהוָֽה׃

10 וְלִתְשׁוּבַ֣תa הַשָּׁנָ֗ה שָׁלַח֙b הַמֶּ֣לֶךְ נְבֽוּכַדְנֶאצַּ֔רc וַיְבִאֵ֣הוּd בָבֶ֔לָה עִם־כְּלֵ֖י חֶמְדַּ֣תe בֵּית־יְהוָ֑ה וַיַּמְלֵךְ֙f אֶת־צִדְקִיָּ֣הוּ אָחִ֔יו עַל־יְהוּדָ֖ה וִֽירוּשָׁלִָֽם׃ פ

11 בֶּן־עֶשְׂרִ֧ים וְאַחַ֛ת שָׁנָ֖ה צִדְקִיָּ֣הוּ בְמָלְכֹ֑וa וְאַחַ֤ת עֶשְׂרֵה֙ שָׁנָ֔ה מָלַ֖ךְb בִּירוּשָׁלִָֽם׃

12 וַיַּ֣עַשׂa הָרַ֔ע בְּעֵינֵ֖י יְהוָ֣ה אֱלֹהָ֑יו לֹ֣א נִכְנַ֗עb מִלִּפְנֵ֛י יִרְמְיָ֥הוּ הַנָּבִ֖יא מִפִּ֥י יְהוָֽה׃

13 וְ֠גַם בַּמֶּ֤לֶךְ נְבֽוּכַדְנֶאצַּר֙a מָרָ֔דb אֲשֶׁ֥ר הִשְׁבִּיעֹ֖וc בֵּֽאלֹהִ֑ים וַיֶּ֤קֶשׁd אֶת־עָרְפֹּו֙e וַיְאַמֵּ֣ץf אֶת־לְבָבֹ֔ו מִשּׁ֕וּבg אֶל־יְהוָ֖ה אֱלֹהֵ֥י יִשְׂרָאֵֽל׃

14 גַּ֠ם כָּל־שָׂרֵ֨י הַכֹּהֲנִ֤ים וְהָעָם֙ הִרְבּ֣וּa למעולb ־מַ֔עַלc כְּכֹ֖ל תֹּעֲבֹ֣ות הַגֹּויִ֑ם וַֽיְטַמְּאוּ֙d אֶת־בֵּ֣ית יְהוָ֔ה אֲשֶׁ֥ר הִקְדִּ֖ישׁe בִּירוּשָׁלִָֽם׃

15 וַיִּשְׁלַ֡חa יְהוָה֩ אֱלֹהֵ֨י אֲבֹותֵיהֶ֧ם עֲלֵיהֶ֛ם בְּיַ֥ד מַלְאָכָ֖יו הַשְׁכֵּ֣ם וְשָׁלֹ֑וחַ כִּֽי־חָמַ֥לb עַל־עַמֹּ֖ו וְעַל־מְעֹונֹֽוc ׃

16 וַיִּֽהְי֤וּa מַלְעִבִים֙b בְּמַלְאֲכֵ֣י הָאֱלֹהִ֔ים וּבֹוזִ֣יםc דְּבָרָ֔יו וּמִֽתַּעְתְּעִ֖יםd בִּנְבִאָ֑יו עַ֠ד עֲלֹ֧ותe חֲמַת־יְהוָ֛ה בְּעַמֹּ֖ו עַד־לְאֵ֥ין מַרְפֵּֽאf ׃

17 וַיַּ֨עַלa עֲלֵיהֶ֜ם אֶת־מֶ֣לֶךְ כשׂדייםb וַיַּהֲרֹ֨גc בַּחוּרֵיהֶ֤םd בַּחֶ֨רֶב֙ בְּבֵ֣ית מִקְדָּשָׁ֔ם וְלֹ֥א חָמַ֛לe עַל־בָּח֥וּרf וּבְתוּלָ֖ה זָקֵ֣ן וְיָשֵׁ֑שׁg הַכֹּ֖ל נָתַ֥ןh בְּיָדֹֽו׃

18 וְ֠כֹל כְּלֵ֞י בֵּ֤ית הָאֱלֹהִים֙ הַגְּדֹלִ֣ים וְהַקְּטַנִּ֔יםa וְאֹֽצְרֹות֙ בֵּ֣ית יְהוָ֔ה וְאֹצְרֹ֥ות הַמֶּ֖לֶךְ וְשָׂרָ֑יו הַכֹּ֖ל הֵבִ֥יאb בָבֶֽל׃

19 וַֽיִּשְׂרְפוּ֙a אֶת־בֵּ֣ית הָאֱלֹהִ֔ים וַֽיְנַתְּצ֔וּb אֵ֖ת חֹומַ֣ת יְרוּשָׁלִָ֑ם וְכָל־אַרְמְנֹותֶ֨יהָ֙c שָׂרְפ֣וּd בָאֵ֔שׁ וְכָל־כְּלֵ֥י מַחֲמַדֶּ֖יהָe לְהַשְׁחִֽיתf ׃ ס

20 וַיֶּ֛גֶלa הַשְּׁאֵרִ֥ית מִן־הַחֶ֖רֶב אֶל־בָּבֶ֑ל וַֽיִּהְיוּb ־לֹ֤ו וּלְבָנָיו֙ לַעֲבָדִ֔ים עַד־מְלֹ֖ךְc מַלְכ֥וּת פָּרָֽסd ׃

21 לְמַלֹּ֤אותa דְּבַר־יְהוָה֙ בְּפִ֣י יִרְמְיָ֔הוּ עַד־רָצְתָ֥הb הָאָ֖רֶץ אֶת־שַׁבְּתֹותֶ֑יהָ כָּל־יְמֵ֤י הָשַּׁמָּה֙c שָׁבָ֔תָהd לְמַלֹּ֖אותe שִׁבְעִ֥ים שָׁנָֽה׃ פ

22 וּבִשְׁנַ֣ת אַחַ֗ת לְכֹ֨ורֶשׁ֙a מֶ֣לֶךְ פָּרַ֔סb לִכְלֹ֥ותc דְּבַר־יְהוָ֖ה בְּפִ֣י יִרְמְיָ֑הוּ הֵעִ֣ירd יְהוָ֗ה אֶת־ר֨וּחַ֙ כֹּ֣ורֶשׁe מֶֽלֶךְ־פָּרַ֔סf וַיַּֽעֲבֶרg ־קֹול֙ בְּכָל־מַלְכוּתֹ֔ו וְגַם־בְּמִכְתָּ֖בh לֵאמֹֽרi ׃ ס

23 כֹּה־אָמַ֞רa כֹּ֣ורֶשׁb ׀ מֶ֣לֶךְ פָּרַ֗סc כָּל־מַמְלְכֹ֤ות הָאָ֨רֶץ֙ נָ֣תַןd לִ֗י יְהוָה֙ אֱלֹהֵ֣י הַשָּׁמַ֔יִם וְהֽוּא־פָקַ֤דe עָלַי֙ לִבְנֹֽותf ־לֹ֣ו בַ֔יִת בִּירוּשָׁלִַ֖ם אֲשֶׁ֣ר בִּֽיהוּדָ֑ה מִֽי־בָכֶ֣ם מִכָּל־עַמֹּ֗ו יְהוָ֧ה אֱלֹהָ֛יו עִמֹּ֖ו וְיָֽעַלg ׃