דברי הימים ב

וַיַּ֨עַשׂa יֹאשִׁיָּ֧הוּ בִֽירוּשָׁלִַ֛ם פֶּ֖סַחb לַיהוָ֑ה וַיִּשְׁחֲט֣וּc הַפֶּ֔סַחd בְּאַרְבָּעָ֥ה עָשָׂ֖ר לַחֹ֥דֶשׁ הָרִאשֹֽׁון׃

2 וַיַּעֲמֵ֥דa הַכֹּהֲנִ֖ים עַל־מִשְׁמְרֹותָ֑ם וַֽיְחַזְּקֵ֔םb לַעֲבֹודַ֖ת בֵּ֥ית יְהוָֽה׃

3 וַיֹּ֣אמֶרa לַ֠לְוִיִּם המבוניםb לְכָל־יִשְׂרָאֵ֜ל הַקְּדֹושִׁ֣ים לַיהוָ֗ה תְּנ֤וּc אֶת־אֲרֹון־הַקֹּ֨דֶשׁ֙ בַּ֠בַּיִת אֲשֶׁ֨ר בָּנָ֜הd שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל אֵין־לָכֶ֥ם מַשָּׂ֖אe בַּכָּתֵ֑ף עַתָּ֗ה עִבְדוּ֙f אֶת־יְהוָ֣ה אֱלֹֽהֵיכֶ֔ם וְאֵ֖ת עַמֹּ֥ו יִשְׂרָאֵֽל׃

4 והכונוa לְבֵית־אֲבֹותֵיכֶ֖ם כְּמַחְלְקֹותֵיכֶ֑םb בִּכְתָ֗בc דָּוִיד֙ מֶ֣לֶךְ יִשְׂרָאֵ֔ל וּבְמִכְתַּ֖בd שְׁלֹמֹ֥ה בְנֹֽו׃

5 וְעִמְד֣וּa בַקֹּ֗דֶשׁ לִפְלֻגֹּות֙b בֵּ֣ית הָֽאָבֹ֔ות לַאֲחֵיכֶ֖ם בְּנֵ֣י הָעָ֑ם וַחֲלֻקַּ֥תc בֵּֽית־אָ֖ב לַלְוִיִּֽם׃

6 וְשַׁחֲט֖וּa הַפָּ֑סַחb וְהִתְקַדְּשׁוּ֙c וְהָכִ֣ינוּd לַאֲחֵיכֶ֔ם לַעֲשֹׂ֥ותe כִּדְבַר־יְהוָ֖ה בְּיַד־מֹשֶֽׁה׃ פ

7 וַיָּ֣רֶםa יֹאשִׁיָּ֣הוּ לִבְנֵ֪י הָעָ֟ם צֹ֞אן כְּבָשִׂ֣ים וּבְנֵֽי־עִזִּים֮ הַכֹּ֣ל לַפְּסָחִים֒b לְכָל־הַנִּמְצָ֗אc לְמִסְפַּר֙ שְׁלֹשִׁ֣ים אֶ֔לֶף וּבָקָ֖ר שְׁלֹ֣שֶׁת אֲלָפִ֑ים אֵ֖לֶּה מֵרְכ֥וּשׁd הַמֶּֽלֶךְ׃ ס

8 וְשָׂרָ֞יו לִנְדָבָ֥הa לָעָ֛ם לַכֹּהֲנִ֥ים וְלַלְוִיִּ֖ם הֵרִ֑ימוּb חִלְקִיָּ֨הc וּזְכַרְיָ֜הוּd וִֽיחִיאֵ֗לe נְגִידֵי֙f בֵּ֣ית הָאֱלֹהִ֔ים לַכֹּהֲנִ֞ים נָתְנ֣וּg לַפְּסָחִ֗יםh אַלְפַּ֨יִם֙ וְשֵׁ֣שׁ מֵאֹ֔ות וּבָקָ֖ר שְׁלֹ֥שׁ מֵאֹֽות׃

9 וכונניהוa וּשְׁמַֽעְיָ֨הוּb וּנְתַנְאֵ֜לc אֶחָ֗יו וַחֲשַׁבְיָ֧הוּd וִיעִיאֵ֛לe וְיֹוזָבָ֖דf שָׂרֵ֣י הַלְוִיִּ֑ם הֵרִ֨ימוּg לַלְוִיִּ֤ם לַפְּסָחִים֙h חֲמֵ֣שֶׁת אֲלָפִ֔ים וּבָקָ֖ר חֲמֵ֥שׁ מֵאֹֽות׃

10 וַתִּכֹּ֖וןa הָעֲבֹודָ֑ה וַיַּֽעַמְד֨וּb הַכֹּהֲנִ֧ים עַל־עָמְדָ֛םc וְהַלְוִיִּ֥ם עַל־מַחְלְקֹותָ֖םd כְּמִצְוַ֥ת הַמֶּֽלֶךְ׃

11 וַֽיִּשְׁחֲט֖וּa הַפָּ֑סַחb וַיִּזְרְק֤וּc הַכֹּהֲנִים֙ מִיָּדָ֔ם וְהַלְוִיִּ֖ם מַפְשִׁיטִֽיםd ׃

12 וַיָּסִ֨ירוּa הָעֹלָ֜ה לְ֠תִתָּםb לְמִפְלַגֹּ֤ותc לְבֵית־אָבֹות֙ לִבְנֵ֣י הָעָ֔ם לְהַקְרִיב֙d לַיהוָ֔ה כַּכָּת֖וּבe בְּסֵ֣פֶר מֹשֶׁ֑ה וְכֵ֖ן לַבָּקָֽר׃

13 וַֽיְבַשְּׁל֥וּa הַפֶּ֛סַחb בָּאֵ֖שׁ כַּמִּשְׁפָּ֑ט וְהַקֳּדָשִׁ֣ים בִּשְּׁל֗וּc בַּסִּירֹ֤ותd וּבַדְּוָדִים֙e וּבַצֵּ֣לָחֹ֔ותf וַיָּרִ֖יצוּg לְכָל־בְּנֵ֥י הָעָֽם׃

14 וְאַחַ֗ר הֵכִ֤ינוּa לָהֶם֙ וְלַכֹּ֣הֲנִ֔ים כִּ֤י הַכֹּהֲנִים֙ בְּנֵ֣י אַהֲרֹ֔ן בְּהַֽעֲלֹ֛ותb הָעֹולָ֥ה וְהַחֲלָבִ֖ים עַד־לָ֑יְלָה וְהַלְוִיִּם֙ הֵכִ֣ינוּc לָהֶ֔ם וְלַכֹּהֲנִ֖ים בְּנֵ֥י אַהֲרֹֽן׃

15 וְהַמְשֹֽׁרֲרִ֨ים בְּנֵי־אָסָ֜ףa עַל־מַעֲמָדָ֗םb כְּמִצְוַ֤ת דָּוִיד֙ וְאָסָ֞ףc וְהֵימָ֤ןd וִֽידֻתוּן֙e חֹוזֵ֣הf הַמֶּ֔לֶךְ וְהַשֹּׁעֲרִ֖יםg לְשַׁ֣עַר וָשָׁ֑עַר אֵ֣ין לָהֶ֗ם לָסוּר֙h מֵעַ֣ל עֲבֹֽדָתָ֔ם כִּֽי־אֲחֵיהֶ֥ם הַלְוִיִּ֖ם הֵכִ֥ינוּi לָהֶֽם׃

16 וַ֠תִּכֹּוןa כָּל־עֲבֹודַ֨ת יְהוָ֜ה בַּיֹּ֤ום הַהוּא֙ לַעֲשֹׂ֣ותb הַפֶּ֔סַחc וְהַעֲלֹ֣ותd עֹלֹ֔ות עַ֖ל מִזְבַּ֣ח יְהוָ֑ה כְּמִצְוַ֖ת הַמֶּ֥לֶךְ יֹאשִׁיָּֽהוּ׃

17 וַיַּעֲשׂ֨וּa בְנֵֽי־יִשְׂרָאֵ֧ל הַֽנִּמְצְאִ֛יםb אֶת־הַפֶּ֖סַחc בָּעֵ֣ת הַהִ֑יא וְאֶת־חַ֥ג הַמַּצֹּ֖ות שִׁבְעַ֥ת יָמִֽים׃

18 וְלֹֽא־נַעֲשָׂ֨הa פֶ֤סַחb כָּמֹ֨הוּ֙ בְּיִשְׂרָאֵ֔ל מִימֵ֖י שְׁמוּאֵ֣ל הַנָּבִ֑יא וְכָל־מַלְכֵ֣י יִשְׂרָאֵ֣ל׀ לֹֽא־עָשׂ֡וּc כַּפֶּ֣סַחd אֲשֶׁר־עָשָׂ֣הe יֹֽ֠אשִׁיָּהוּ וְהַכֹּהֲנִ֨ים וְהַלְוִיִּ֤ם וְכָל־יְהוּדָה֙ וְיִשְׂרָאֵ֣ל הַנִּמְצָ֔אf וְיֹושְׁבֵ֖י יְרוּשָׁלִָֽם׃ ס

19 בִּשְׁמֹונֶ֤ה עֶשְׂרֵה֙ שָׁנָ֔ה לְמַלְכ֖וּת יֹאשִׁיָּ֑הוּ נַעֲשָׂ֖הa הַפֶּ֥סַחb הַזֶּֽה׃

20 אַחֲרֵ֣י כָל־זֹ֗את אֲשֶׁ֨ר הֵכִ֤יןa יֹֽאשִׁיָּ֨הוּ֙ אֶת־הַבַּ֔יִת עָלָ֞הb נְכֹ֧וc מֶֽלֶךְ־מִצְרַ֛יִם לְהִלָּחֵ֥םd בְּכַרְכְּמִ֖ישׁe עַל־פְּרָ֑תf וַיֵּצֵ֥אg לִקְרָאתֹ֖וh יֹאשִׁיָּֽהוּ׃

21 וַיִּשְׁלַ֣חa אֵלָ֣יו מַלְאָכִ֣ים׀ לֵאמֹר֩b ׀ מַה־לִּ֨י וָלָ֜ךְ מֶ֣לֶךְ יְהוּדָ֗ה לֹא־עָלֶ֨יךָ אַתָּ֤ה הַיֹּום֙ כִּ֚י אֶל־בֵּ֣ית מִלְחַמְתִּ֔יc וֵאלֹהִ֖ים אָמַ֣רd לְבַֽהֲלֵ֑נִיe חֲדַלf ־לְךָ֛ מֵאֱלֹהִ֥ים אֲשֶׁר־עִמִּ֖י וְאַל־יַשְׁחִיתֶֽךָg ׃

22 וְלֹֽא־הֵסֵב֩a יֹאשִׁיָּ֨הוּ פָנָ֜יו מִמֶּ֗נּוּ כִּ֤י לְהִלָּחֵֽםb ־בֹּו֙ הִתְחַפֵּ֔שׂc וְלֹ֥א שָׁמַ֛עd אֶל־דִּבְרֵ֥י נְכֹ֖וe מִפִּ֣י אֱלֹהִ֑ים וַיָּבֹ֕אf לְהִלָּחֵ֖םg בְּבִקְעַ֥תh מְגִדֹּֽוi ׃

23 וַיֹּרוּ֙a הַיֹּרִ֔יםb לַמֶּ֖לֶךְ יֹאשִׁיָּ֑הוּ וַיֹּ֨אמֶרc הַמֶּ֤לֶךְ לַעֲבָדָיו֙ הַעֲבִיר֔וּנִיd כִּ֥י הָחֳלֵ֖יתִיe מְאֹֽד׃

24 וַיַּֽעֲבִירֻ֨הוּa עֲבָדָ֜יו מִן־הַמֶּרְכָּבָ֗הb וַֽיַּרְכִּיבֻהוּ֮c עַ֣ל רֶ֣כֶב הַמִּשְׁנֶה֮d אֲשֶׁר־לֹו֒ וַיֹּולִיכֻ֨הוּ֙e יְר֣וּשָׁלִַ֔ם וַיָּ֕מָתf וַיִּקָּבֵ֖רg בְּקִבְרֹ֣ות אֲבֹתָ֑יו וְכָל־יְהוּדָה֙ וִיר֣וּשָׁלִַ֔ם מִֽתְאַבְּלִ֖יםh עַל־יֹאשִׁיָּֽהוּ׃ פ

25 וַיְקֹונֵ֣ןa יִרְמְיָהוּ֮ עַל־יֹאשִׁיָּהוּ֒ וַיֹּאמְר֣וּb כָֽל־הַשָּׁרִ֣ים׀ וְ֠הַשָּׁרֹות בְּקִינֹ֨ותֵיהֶ֤םc עַל־יֹאשִׁיָּ֨הוּ֙ עַד־הַיֹּ֔ום וַיִּתְּנ֥וּםd לְחֹ֖ק עַל־יִשְׂרָאֵ֑ל וְהִנָּ֥ם כְּתוּבִ֖יםe עַל־הַקִּינֹֽותf ׃

26 וְיֶ֛תֶר דִּבְרֵ֥י יֹאשִׁיָּ֖הוּ וַחֲסָדָ֑יו כַּכָּת֖וּבa בְּתֹורַ֥ת יְהוָֽה׃

27 וּדְבָרָ֕יו הָרִאשֹׁנִ֖ים וְהָאַחֲרֹנִ֑ים הִנָּ֣ם כְּתוּבִ֔יםa עַל־סֵ֥פֶר מַלְכֵֽי־יִשְׂרָאֵ֖ל וִיהוּדָֽה׃