דברי הימים ב

בֶּן־שְׁמֹונֶ֥ה שָׁנִ֖ים יֹאשִׁיָּ֣הוּ בְמָלְכֹ֑וa וּשְׁלֹשִׁ֤ים וְאַחַת֙ שָׁנָ֔ה מָלַ֖ךְb בִּירוּשָׁלִָֽם׃

2 וַיַּ֥עַשׂa הַיָּשָׁ֖ר בְּעֵינֵ֣י יְהוָ֑ה וַיֵּ֗לֶךְb בְּדַרְכֵי֙ דָּוִ֣יד אָבִ֔יו וְלֹא־סָ֖רc יָמִ֥ין וּשְׂמֹֽאול׃

3 וּבִשְׁמֹונֶ֨ה שָׁנִ֜ים לְמָלְכֹ֗וa וְהוּא֙ עֹודֶ֣נּוּ נַ֔עַר הֵחֵ֕לb לִדְרֹ֕ושׁc לֵאלֹהֵ֖י דָּוִ֣יד אָבִ֑יו וּבִשְׁתֵּ֧ים עֶשְׂרֵ֣ה שָׁנָ֗ה הֵחֵל֙d לְטַהֵ֔רe אֶת־יְהוּדָה֙ וִיר֣וּשָׁלִַ֔ם מִן־הַבָּמֹות֙ וְהָ֣אֲשֵׁרִ֔יםf וְהַפְּסִלִ֖יםg וְהַמַּסֵּכֹֽותh ׃

4 וַיְנַתְּצ֣וּa לְפָנָ֗יו אֵ֚ת מִזְבְּחֹ֣ות הַבְּעָלִ֔ים וְהַֽחַמָּנִ֛יםb אֲשֶׁר־לְמַ֥עְלָה מֵעֲלֵיהֶ֖ם גִּדֵּ֑עַc וְ֠הָאֲשֵׁרִיםd וְהַפְּסִלִ֤יםe וְהַמַּסֵּכֹות֙f שִׁבַּ֣רg וְהֵדַ֔קh וַיִּזְרֹק֙i עַל־פְּנֵ֣י הַקְּבָרִ֔ים הַזֹּבְחִ֖יםj לָהֶֽם׃

5 וְעַצְמֹות֙ כֹּֽהֲנִ֔ים שָׂרַ֖ףa עַל־מזבחותיםb וַיְטַהֵ֥רc אֶת־יְהוּדָ֖ה וְאֶת־יְרוּשָׁלִָֽם׃

6 וּבְעָרֵ֨י מְנַשֶּׁ֧ה וְאֶפְרַ֛יִם וְשִׁמְעֹ֖וןa וְעַד־נַפְתָּלִ֑י בהר בתיהםb סָבִֽיב׃

7 וַיְנַתֵּ֣ץa אֶת־הַֽמִּזְבְּחֹ֗ות וְאֶת־הָאֲשֵׁרִ֤יםb וְהַפְּסִלִים֙c כִּתַּ֣תd לְהֵדַ֔קe וְכָל־הַֽחַמָּנִ֥יםf גִּדַּ֖עg בְּכָל־אֶ֣רֶץ יִשְׂרָאֵ֑ל וַיָּ֖שָׁבh לִירוּשָׁלִָֽם׃ ס

8 וּבִשְׁנַ֨ת שְׁמֹונֶ֤ה עֶשְׂרֵה֙ לְמָלְכֹ֔וa לְטַהֵ֥רb הָאָ֖רֶץ וְהַבָּ֑יִת שָׁ֠לַחc אֶת־שָׁפָ֨ןd בֶּן־אֲצַלְיָ֜הוּe וְאֶת־מַעֲשֵׂיָ֣הוּf שַׂר־הָעִ֗יר וְ֠אֵת יֹואָ֤חg בֶּן־יֹֽואָחָז֙h הַמַּזְכִּ֔יר לְחַזֵּ֕קi אֶת־בֵּ֖ית יְהוָ֥ה אֱלֹהָֽיו׃

9 וַיָּבֹ֜אוּa אֶל־חִלְקִיָּ֣הוּb ׀ הַכֹּהֵ֣ן הַגָּדֹ֗ול וַֽיִּתְּנוּ֮c אֶת־הַכֶּסֶף֮ הַמּוּבָ֣אd בֵית־אֱלֹהִים֒ אֲשֶׁ֣ר אָסְפֽוּe ־הַלְוִיִּם֩ שֹׁמְרֵ֨י הַסַּ֜ףf מִיַּ֧ד מְנַשֶּׁ֣ה וְאֶפְרַ֗יִם וּמִכֹּל֙ שְׁאֵרִ֣ית יִשְׂרָאֵ֔ל וּמִכָּל־יְהוּדָ֖ה וּבִנְיָמִ֑ן וישׁביg יְרֽוּשָׁלִָֽם׃

10 וַֽיִּתְּנ֗וּa עַל־יַד֙ עֹשֵׂ֣ה הַמְּלָאכָ֔ה הַמֻּפְקָדִ֖יםb בְּבֵ֣ית יְהוָ֑ה וַיִּתְּנ֨וּc אֹתֹ֜ו עֹושֵׂ֣י הַמְּלָאכָ֗ה אֲשֶׁ֤ר עֹשִׂים֙d בְּבֵ֣ית יְהוָ֔ה לִבְדֹּ֥וקe וּלְחַזֵּ֖קf הַבָּֽיִת׃

11 וַֽיִּתְּנ֗וּa לֶחָֽרָשִׁים֙b וְלַבֹּנִ֔ים לִקְנֹות֙c אַבְנֵ֣י מַחְצֵ֔בd וְעֵצִ֖ים לַֽמְחַבְּרֹ֑ותe וּלְקָרֹות֙f אֶת־הַבָּ֣תִּ֔ים אֲשֶׁ֥ר הִשְׁחִ֖יתוּg מַלְכֵ֥י יְהוּדָֽה׃

12 וְהָאֲנָשִׁים֩ עֹשִׂ֨יםa בֶּאֱמוּנָ֜הb בַּמְּלָאכָ֗ה וַעֲלֵיהֶ֣ם׀ מֻ֠פְקָדִיםc יַ֣חַתd וְעֹבַדְיָ֤הוּe הַלְוִיִּם֙ מִן־בְּנֵ֣י מְרָרִ֔יf וּזְכַרְיָ֧הg וּמְשֻׁלָּ֛םh מִן־בְּנֵ֥י הַקְּהָתִ֖יםi לְנַצֵּ֑חַj וְהַ֨לְוִיִּ֔ם כָּל־מֵבִ֖יןk בִּכְלֵי־שִֽׁיר׃

13 וְעַ֣ל הַסַּבָּלִ֗יםa וּֽמְנַצְּחִים֙b לְכֹל֙ עֹשֵׂ֣ה מְלָאכָ֔ה לַעֲבֹודָ֖ה וַעֲבֹודָ֑ה וּמֵֽהַלְוִיִּ֔ם סֹופְרִ֥ים וְשֹׁטְרִ֖יםc וְשֹׁועֲרִֽיםd ׃

14 וּבְהֹוצִיאָ֣םa אֶת־הַכֶּ֔סֶף הַמּוּבָ֖אb בֵּ֣ית יְהוָ֑ה מָצָא֙c חִלְקִיָּ֣הוּd הַכֹּהֵ֔ן אֶת־סֵ֥פֶר תֹּֽורַת־יְהוָ֖ה בְּיַד־מֹשֶֽׁה׃

15 וַיַּ֣עַןa חִלְקִיָּ֗הוּb וַיֹּ֨אמֶר֙c אֶל־שָׁפָ֣ןd הַסֹּופֵ֔ר סֵ֧פֶר הַתֹּורָ֛ה מָצָ֖אתִיe בְּבֵ֣ית יְהוָ֑ה וַיִּתֵּ֧ןf חִלְקִיָּ֛הוּg אֶת־הַסֵּ֖פֶר אֶל־שָׁפָֽןh ׃

16 וַיָּבֵ֨אa שָׁפָ֤ןb אֶת־הַסֵּ֨פֶר֙ אֶל־הַמֶּ֔לֶךְ וַיָּ֨שֶׁבc עֹ֧וד אֶת־הַמֶּ֛לֶךְ דָּבָ֖ר לֵאמֹ֑רd כֹּ֛ל אֲשֶׁר־נִתַּ֥ןe בְּיַד־עֲבָדֶ֖יךָ הֵ֥ם עֹשִֽׂיםf ׃

17 וַיַּתִּ֕יכוּa אֶת־הַכֶּ֖סֶף הַנִּמְצָ֣אb בְּבֵית־יְהוָ֑ה וַֽיִּתְּנ֗וּהוּc עַל־יַד֙ הַמֻּפְקָדִ֔ים וְעַל־יַ֖ד עֹושֵׂ֥י הַמְּלָאכָֽה׃

18 וַיַּגֵּ֞דa שָׁפָ֤ןb הַסֹּופֵר֙ לַמֶּ֣לֶךְ לֵאמֹ֔רc סֵ֚פֶר נָ֣תַןd לִ֔י חִלְקִיָּ֖הוּe הַכֹּהֵ֑ן וַיִּקְרָאf ־בֹ֥ו שָׁפָ֖ןg לִפְנֵ֥י הַמֶּֽלֶךְ׃

19 וַיְהִי֙a כִּשְׁמֹ֣עַb הַמֶּ֔לֶךְ אֵ֖ת דִּבְרֵ֣י הַתֹּורָ֑ה וַיִּקְרַ֖עc אֶת־בְּגָדָֽיו׃

20 וַיְצַ֣וa הַמֶּ֡לֶךְ אֶת־חִלְקִיָּ֡הוּb וְאֶת־אֲחִיקָ֣םc בֶּן־שָׁ֠פָןd וְאֶת־עַבְדֹּ֨וןe בֶּן־מִיכָ֜הf וְאֵ֣ת׀ שָׁפָ֣ןg הַסֹּופֵ֗ר וְאֵ֛ת עֲשָׂיָ֥הh עֶֽבֶד־הַמֶּ֖לֶךְ לֵאמֹֽרi ׃

21 לְכוּ֩a דִרְשׁ֨וּb אֶת־יְהוָ֜ה בַּעֲדִ֗י וּבְעַד֙ הַנִּשְׁאָר֙c בְּיִשְׂרָאֵ֣ל וּבִֽיהוּדָ֔ה עַל־דִּבְרֵ֥י הַסֵּ֖פֶר אֲשֶׁ֣ר נִמְצָ֑אd כִּֽי־גְדֹולָ֤ה חֲמַת־יְהוָה֙ אֲשֶׁ֣ר נִתְּכָ֣הe בָ֔נוּ עַל֩ אֲשֶׁ֨ר לֹא־שָׁמְר֤וּf אֲבֹותֵ֨ינוּ֙ אֶת־דְּבַ֣ר יְהוָ֔ה לַעֲשֹׂ֕ותg כְּכָל־הַכָּת֖וּבh עַל־הַסֵּ֥פֶר הַזֶּֽה׃ פ

22 וַיֵּ֨לֶךְa חִלְקִיָּ֜הוּb וַאֲשֶׁ֣ר הַמֶּ֗לֶךְ אֶל־חֻלְדָּ֨הc הַנְּבִיאָ֜הd אֵ֣שֶׁת׀ שַׁלֻּ֣םe בֶּן־תוקהתf בֶּן־חַסְרָה֙g שֹׁומֵ֣רh הַבְּגָדִ֔ים וְהִ֛יא יֹושֶׁ֥בֶתi בִּירוּשָׁלִַ֖ם בַּמִּשְׁנֶ֑הj וַיְדַבְּר֥וּk אֵלֶ֖יהָ כָּזֹֽאת׃ ס

23 וַתֹּ֣אמֶרa לָהֶ֔ם כֹּה־אָמַ֥רb יְהוָ֖ה אֱלֹהֵ֣י יִשְׂרָאֵ֑ל אִמְר֣וּc לָאִ֔ישׁ אֲשֶׁר־שָׁלַ֥חd אֶתְכֶ֖ם אֵלָֽי׃ ס

24 כֹּ֚ה אָמַ֣רa יְהוָ֔ה הִנְנִ֨י מֵבִ֥יאb רָעָ֛ה עַל־הַמָּקֹ֥ום הַזֶּ֖ה וְעַל־יֹושְׁבָ֑יו אֵ֤ת כָּל־הָאָלֹות֙c הַכְּתוּבֹ֣ותd עַל־הַסֵּ֔פֶר אֲשֶׁ֣ר קָֽרְא֔וּe לִפְנֵ֖י מֶ֥לֶךְ יְהוּדָֽה׃

25 תַּ֣חַת׀ אֲשֶׁ֣ר עֲזָב֗וּנִיa ויקטירוb לֵֽאלֹהִ֣ים אֲחֵרִ֔ים לְמַ֨עַן֙ הַכְעִיסֵ֔נִיc בְּכֹ֖ל מַעֲשֵׂ֣י יְדֵיהֶ֑ם וְתִתַּ֧ךְd חֲמָתִ֛י בַּמָּקֹ֥ום הַזֶּ֖ה וְלֹ֥א תִכְבֶּֽהe ׃

26 וְאֶל־מֶ֣לֶךְ יְהוּדָ֗ה הַשֹּׁלֵ֤חַa אֶתְכֶם֙ לִדְרֹ֣ושׁb בַּֽיהוָ֔ה כֹּ֥ה תֹאמְר֖וּc אֵלָ֑יו ס כֹּֽה־אָמַ֤רd יְהוָה֙ אֱלֹהֵ֣י יִשְׂרָאֵ֔ל הַדְּבָרִ֖ים אֲשֶׁ֥ר שָׁמָֽעְתָּe ׃

27 יַ֠עַן רַךְa ־לְבָ֨בְךָ֜ וַתִּכָּנַ֣עb ׀ מִלִּפְנֵ֣י אֱלֹהִ֗ים בְּשָׁמְעֲךָ֤c אֶת־דְּבָרָיו֙ עַל־הַמָּקֹ֤ום הַזֶּה֙ וְעַל־יֹ֣שְׁבָ֔יו וַתִּכָּנַ֣עd לְפָנַ֔י וַתִּקְרַ֥עe אֶת־בְּגָדֶ֖יךָ וַתֵּ֣בְךְּf לְפָנָ֑י וְגַם־אֲנִ֥י שָׁמַ֖עְתִּיg נְאֻם־יְהוָֽה׃

28 הִנְנִ֨י אֹֽסִפְךָ֜a אֶל־אֲבֹתֶ֗יךָ וְנֶאֱסַפְתָּ֣b אֶל־קִבְרֹתֶיךָ֮ בְּשָׁלֹום֒ וְלֹא־תִרְאֶ֣ינָהc עֵינֶ֔יךָ בְּכֹל֙ הָֽרָעָ֔ה אֲשֶׁ֨ר אֲנִ֥י מֵבִ֛יאd עַל־הַמָּקֹ֥ום הַזֶּ֖ה וְעַל־יֹשְׁבָ֑יו וַיָּשִׁ֥יבוּe אֶת־הַמֶּ֖לֶךְ דָּבָֽר׃ פ

29 וַיִּשְׁלַ֖חa הַמֶּ֑לֶךְ וַיֶּאֱסֹ֕ףb אֶת־כָּל־זִקְנֵ֥י יְהוּדָ֖ה וִירוּשָׁלִָֽם׃

30 וַיַּ֣עַלa הַמֶּ֣לֶךְ בֵּית־יְ֠הוָה וְכָל־אִ֨ישׁ יְהוּדָ֜ה וְיֹשְׁבֵ֣י יְרוּשָׁלִַ֗ם וְהַכֹּֽהֲנִים֙ וְהַלְוִיִּ֔ם וְכָל־הָעָ֖ם מִגָּדֹ֣ול וְעַד־קָטָ֑ןb וַיִּקְרָ֣אc בְאָזְנֵיהֶ֗ם אֶת־כָּל־דִּבְרֵי֙ סֵ֣פֶר הַבְּרִ֔ית הַנִּמְצָ֖אd בֵּ֥ית יְהוָֽה׃

31 וַיַּעֲמֹ֨דa הַמֶּ֜לֶךְ עַל־עָמְדֹ֗וb וַיִּכְרֹ֣תc אֶֽת־הַבְּרִית֮ לִפְנֵ֣י יְהוָה֒ לָלֶ֜כֶתd אַחֲרֵ֣י יְהוָ֗ה וְלִשְׁמֹ֤ורe אֶת־מִצְוֹתָיו֙ וְעֵֽדְוֹתָ֣יו וְחֻקָּ֔יו בְּכָל־לְבָבֹ֖ו וּבְכָל־נַפְשֹׁ֑ו לַעֲשֹׂות֙f אֶת־דִּבְרֵ֣י הַבְּרִ֔ית הַכְּתוּבִ֖יםg עַל־הַסֵּ֥פֶר הַזֶּֽה׃

32 וַיַּעֲמֵ֕דa אֵ֛ת כָּל־הַנִּמְצָ֥אb בִירוּשָׁלִַ֖ם וּבִנְיָמִ֑ן וַֽיַּעֲשׂוּ֙c יֹשְׁבֵ֣י יְרוּשָׁלִַ֔ם כִּבְרִ֥ית אֱלֹהִ֖ים אֱלֹהֵ֥י אֲבֹותֵיהֶֽם׃

33 וַיָּ֨סַרa יֹֽאשִׁיָּ֜הוּ אֶת־כָּל־הַתֹּועֵבֹ֗ות מִֽכָּל־הָאֲרָצֹות֮ אֲשֶׁ֣ר לִבְנֵ֣י יִשְׂרָאֵל֒ וַֽיַּעֲבֵ֗דb אֵ֤ת כָּל־הַנִּמְצָא֙c בְּיִשְׂרָאֵ֔ל לַעֲבֹ֖ודd אֶת־יְהוָ֣ה אֱלֹהֵיהֶ֑ם כָּל־יָמָ֕יו לֹ֣א סָ֔רוּe מֵֽאַחֲרֵ֕י יְהוָ֖ה אֱלֹהֵ֥י אֲבֹותֵיהֶֽם׃ פ