דברי הימים ב

בֶּן־שְׁתֵּ֥ים עֶשְׂרֵ֛ה שָׁנָ֖ה מְנַשֶּׁ֣ה בְמָלְכֹ֑וa וַחֲמִשִּׁ֤ים וְחָמֵשׁ֙ שָׁנָ֔ה מָלַ֖ךְb בִּירוּשָׁלִָֽם׃

2 וַיַּ֥עַשׂa הָרַ֖ע בְּעֵינֵ֣י יְהוָ֑ה כְּתֹֽועֲבֹות֙ הַגֹּויִ֔ם אֲשֶׁר֙ הֹורִ֣ישׁb יְהוָ֔ה מִפְּנֵ֖י בְּנֵ֥י יִשְׂרָאֵֽל׃

3 וַיָּ֗שָׁבa וַיִּ֨בֶן֙b אֶת־הַבָּמֹ֔ות אֲשֶׁ֥ר נִתַּ֖ץc יְחִזְקִיָּ֣הוּd אָבִ֑יו וַיָּ֨קֶםe מִזְבְּחֹ֤ות לַבְּעָלִים֙ וַיַּ֣עַשׂf אֲשֵׁרֹ֔ותg וַיִּשְׁתַּ֨חוּ֙h לְכָל־צְבָ֣א הַשָּׁמַ֔יִם וַֽיַּעֲבֹ֖דi אֹתָֽם׃

4 וּבָנָ֥הa מִזְבְּחֹ֖ות בְּבֵ֣ית יְהוָ֑ה אֲשֶׁר֙ אָמַ֣רb יְהוָ֔ה בִּירוּשָׁלִַ֥ם יִֽהְיֶהc ־שְּׁמִ֖י לְעֹולָֽם׃

5 וַיִּ֥בֶןa מִזְבְּחֹ֖ות לְכָל־צְבָ֣א הַשָּׁמָ֑יִם בִּשְׁתֵּ֖י חַצְרֹ֥ות בֵּית־יְהוָֽה׃

6 וְהוּא֩ הֶעֱבִ֨ירa אֶת־בָּנָ֤יו בָּאֵשׁ֙ בְּגֵ֣י בֶן־הִנֹּ֔םb וְעֹונֵ֤ןc וְנִחֵשׁ֙d וְֽכִשֵּׁ֔ףe וְעָ֥שָׂהf אֹ֖ובg וְיִדְּעֹונִ֑יh הִרְבָּ֗הi לַעֲשֹׂ֥ותj הָרַ֛ע בְּעֵינֵ֥י יְהוָ֖ה לְהַכְעִיסֹֽוk ׃

7 וַיָּ֕שֶׂםa אֶת־פֶּ֥סֶלb הַסֶּ֖מֶלc אֲשֶׁ֣ר עָשָׂ֑הd בְּבֵ֣ית הָאֱלֹהִ֗ים אֲשֶׁ֨ר אָמַ֤רe אֱלֹהִים֙ אֶל־דָּוִיד֙ וְאֶל־שְׁלֹמֹ֣ה בְנֹ֔ו בַּבַּ֨יִת הַזֶּ֜ה וּבִֽירוּשָׁלִַ֗ם אֲשֶׁ֤ר בָּחַ֨רְתִּי֙f מִכֹּל֙ שִׁבְטֵ֣י יִשְׂרָאֵ֔ל אָשִׂ֥יםg אֶת־שְׁמִ֖י לְעֵילֹֽוםh ׃

8 וְלֹ֣א אֹוסִ֗יףa לְהָסִיר֙b אֶת־רֶ֣גֶל יִשְׂרָאֵ֔ל מֵעַל֙ הָֽאֲדָמָ֔ה אֲשֶׁ֥ר הֶֽעֱמַ֖דְתִּיc לַאֲבֹֽתֵיכֶ֑ם רַ֣ק׀ אִם־יִשְׁמְר֣וּd לַעֲשֹׂ֗ותe אֵ֚ת כָּל־אֲשֶׁ֣ר צִוִּיתִ֔יםf לְכָל־הַתֹּורָ֛ה וְהַֽחֻקִּ֥ים וְהַמִּשְׁפָּטִ֖ים בְּיַד־מֹשֶֽׁה׃

9 וַיֶּ֣תַעa מְנַשֶּׁ֔ה אֶת־יְהוּדָ֖ה וְיֹשְׁבֵ֣י יְרוּשָׁלִָ֑ם לַעֲשֹׂ֣ותb רָ֔ע מִן־הַ֨גֹּויִ֔ם אֲשֶׁר֙ הִשְׁמִ֣ידc יְהוָ֔ה מִפְּנֵ֖י בְּנֵ֥י יִשְׂרָאֵֽל׃ פ

10 וַיְדַבֵּ֧רa יְהוָ֛ה אֶל־מְנַשֶּׁ֥ה וְאֶל־עַמֹּ֖ו וְלֹ֥א הִקְשִֽׁיבוּb ׃

11 וַיָּבֵ֨אa יְהוָ֜ה עֲלֵיהֶ֗ם אֶת־שָׂרֵ֤י הַצָּבָא֙ אֲשֶׁר֙ לְמֶ֣לֶךְ אַשּׁ֔וּר וַיִּלְכְּד֥וּb אֶת־מְנַשֶּׁ֖ה בַּחֹחִ֑יםc וַיַּֽאַסְרֻ֨הוּ֙d בַּֽנְחֻשְׁתַּ֔יִם וַיֹּולִיכֻ֖הוּe בָּבֶֽלָה׃

12 וּכְהָצֵ֣רa לֹ֔ו חִלָּ֕הb אֶת־פְּנֵ֖י יְהוָ֣ה אֱלֹהָ֑יו וַיִּכָּנַ֣עc מְאֹ֔ד מִלִּפְנֵ֖י אֱלֹהֵ֥י אֲבֹתָֽיו׃

13 וַיִּתְפַּלֵּ֣לa אֵלָ֗יו וַיֵּעָ֤תֶרb לֹו֙ וַיִּשְׁמַ֣עc תְּחִנָּתֹ֔וd וַיְשִׁיבֵ֥הוּe יְרוּשָׁלִַ֖ם לְמַלְכוּתֹ֑ו וַיֵּ֣דַעf מְנַשֶּׁ֔ה כִּ֥י יְהוָ֖ה ה֥וּא הָֽאֱלֹהִֽים׃

14 וְאַחֲרֵי־כֵ֡ן בָּנָ֣הa חֹומָ֣ה חִֽיצֹונָ֣הb ׀ לְעִיר־דָּוִ֡יד מַעְרָבָה֩c לְגִיחֹ֨וןd בַּנַּ֜חַל וְלָבֹ֨ואe בְשַׁ֤עַר הַדָּגִים֙f וְסָבַ֣בg לָעֹ֔פֶלh וַיַּגְבִּיהֶ֖הָi מְאֹ֑ד וַיָּ֧שֶׂםj שָֽׂרֵי־חַ֛יִל בְּכָל־הֶעָרִ֥ים הַבְּצֻרֹ֖ותk בִּיהוּדָֽה׃

15 וַ֠יָּסַרa אֶת־אֱלֹהֵ֨י הַנֵּכָ֤רb וְאֶת־הַסֶּ֨מֶל֙c מִבֵּ֣ית יְהוָ֔ה וְכָל־הַֽמִּזְבְּחֹ֗ות אֲשֶׁ֥ר בָּנָ֛הd בְּהַ֥ר בֵּית־יְהוָ֖ה וּבִירוּשָׁלִָ֑ם וַיַּשְׁלֵ֖ךְe ח֥וּצָה לָעִֽיר׃

16 ויכןa אֶת־מִזְבַּ֣ח יְהוָ֔ה וַיִּזְבַּ֣חb עָלָ֔יו זִבְחֵ֥י שְׁלָמִ֖ים וְתֹודָ֑הc וַיֹּ֨אמֶר֙d לִֽיהוּדָ֔ה לַעֲבֹ֕ודe אֶת־יְהוָ֖ה אֱלֹהֵ֥י יִשְׂרָאֵֽל׃

17 אֲבָל֙a עֹ֣וד הָעָ֔ם זֹבְחִ֖יםb בַּבָּמֹ֑ות רַ֖ק לַיהוָ֥ה אֱלֹהֵיהֶֽם׃

18 וְיֶ֨תֶר דִּבְרֵ֣י מְנַשֶּׁה֮ וּתְפִלָּתֹ֣ו אֶל־אֱלֹהָיו֒ וְדִבְרֵי֙ הַֽחֹזִ֔יםa הַֽמְדַבְּרִ֣יםb אֵלָ֔יו בְּשֵׁ֥ם יְהוָ֖ה אֱלֹהֵ֣י יִשְׂרָאֵ֑ל הִנָּ֕ם עַל־דִּבְרֵ֖י מַלְכֵ֥י יִשְׂרָאֵֽל׃

19 וּתְפִלָּתֹ֣ו וְהֵֽעָתֶרa ־לֹו֮ וְכָל־חַטָּאתֹ֣ו וּמַעְלֹו֒b וְהַמְּקֹמֹ֗ות אֲשֶׁר֩ בָּנָ֨הc בָהֶ֤ם בָּמֹות֙ וְהֶעֱמִיד֙d הָאֲשֵׁרִ֣יםe וְהַפְּסִלִ֔יםf לִפְנֵ֖י הִכָּנְעֹ֑וg הִנָּ֣ם כְּתוּבִ֔יםh עַ֖ל דִּבְרֵ֥י חֹוזָֽיi ׃

20 וַיִּשְׁכַּ֤בa מְנַשֶּׁה֙ עִם־אֲבֹתָ֔יו וַֽיִּקְבְּרֻ֖הוּb בֵּיתֹ֑ו וַיִּמְלֹ֛ךְc אָמֹ֥וןd בְּנֹ֖ו תַּחְתָּֽיו׃ פ

21 בֶּן־עֶשְׂרִ֧ים וּשְׁתַּ֛יִם שָׁנָ֖ה אָמֹ֣וןa בְּמָלְכֹ֑וb וּשְׁתַּ֣יִם שָׁנִ֔ים מָלַ֖ךְc בִּֽירוּשָׁלִָֽם׃

22 וַיַּ֤עַשׂa הָרַע֙ בְּעֵינֵ֣י יְהוָ֔ה כַּאֲשֶׁ֥ר עָשָׂ֖הb מְנַשֶּׁ֣ה אָבִ֑יו וּֽלְכָל־הַפְּסִילִ֗יםc אֲשֶׁ֤ר עָשָׂה֙d מְנַשֶּׁ֣ה אָבִ֔יו זִבַּ֥חe אָמֹ֖וןf וַיַּֽעַבְדֵֽםg ׃

23 וְלֹ֤א נִכְנַע֙a מִלִּפְנֵ֣י יְהוָ֔ה כְּהִכָּנַ֖עb מְנַשֶּׁ֣ה אָבִ֑יו כִּ֛י ה֥וּא אָמֹ֖וןc הִרְבָּ֥הd אַשְׁמָֽהe ׃

24 וַיִּקְשְׁר֤וּa עָלָיו֙ עֲבָדָ֔יו וַיְמִיתֻ֖הוּb בְּבֵיתֹֽו׃

25 וַיַּכּוּ֙a עַם־הָאָ֔רֶץ אֵ֥ת כָּל־הַקֹּֽשְׁרִ֖יםb עַל־הַמֶּ֣לֶךְ אָמֹ֑וןc וַיַּמְלִ֧יכוּd עַם־הָאָ֛רֶץ אֶת־יֹאשִׁיָּ֥הוּ בְנֹ֖ו תַּחְתָּֽיו׃ פ