דברי הימים ב

אַחֲרֵ֨י הַדְּבָרִ֤ים וְהָאֱמֶת֙ הָאֵ֔לֶּה בָּ֖אa סַנְחֵרִ֣יבb מֶֽלֶךְ־אַשּׁ֑וּר וַיָּבֹ֣אc בִֽיהוּדָ֗ה וַיִּ֨חַן֙d עַל־הֶעָרִ֣ים הַבְּצֻרֹ֔ותe וַיֹּ֖אמֶרf לְבִקְעָ֥םg אֵלָֽיו׃

2 וַיַּרְא֙a יְחִזְקִיָּ֔הוּb כִּי־בָ֖אc סַנְחֵרִ֑יבd וּפָנָ֕יו לַמִּלְחָמָ֖ה עַל־יְרוּשָׁלִָֽם׃

3 וַיִּוָּעַ֗ץa עִם־שָׂרָיו֙ וְגִבֹּרָ֔יו לִסְתֹּום֙b אֶת־מֵימֵ֣י הָעֲיָנֹ֔ות אֲשֶׁ֖ר מִח֣וּץ לָעִ֑יר וַֽיַּעְזְרֽוּהוּc ׃

4 וַיִּקָּבְצ֣וּa עַם־רָ֔ב וַֽיִּסְתְּמוּ֙b אֶת־כָּל־הַמַּעְיָנֹ֔ותc וְאֶת־הַנַּ֛חַל הַשֹּׁוטֵ֥ףd בְּתֹוךְ־הָאָ֖רֶץ לֵאמֹ֑רe לָ֤מָּה יָבֹ֨ואוּ֙f מַלְכֵ֣י אַשּׁ֔וּר וּמָצְא֖וּg מַ֥יִם רַבִּֽים׃

5 וַיִּתְחַזַּ֡קa וַיִּבֶן֩b אֶת־כָּל־הַחֹומָ֨ה הַפְּרוּצָ֜הc וַיַּ֣עַלd עַל־הַמִּגְדָּלֹ֗ותe וְלַח֨וּצָה֙ הַחֹומָ֣ה אַחֶ֔רֶת וַיְחַזֵּ֥קf אֶת־הַמִּלֹּ֖ואg עִ֣יר דָּוִ֑יד וַיַּ֥עַשׂh שֶׁ֛לַחi לָרֹ֖ב וּמָגִנִּֽים׃

6 וַיִּתֵּ֛ןa שָׂרֵ֥י מִלְחָמֹ֖ות עַל־הָעָ֑ם וַיִּקְבְּצֵ֣םb אֵלָ֗יו אֶל־רְחֹוב֙c שַׁ֣עַר הָעִ֔יר וַיְדַבֵּ֥רd עַל־לְבָבָ֖ם לֵאמֹֽרe ׃

7 חִזְק֣וּa וְאִמְצ֔וּb אַל־תִּֽירְא֣וּc וְאַל־תֵּחַ֗תּוּd מִפְּנֵי֙ מֶ֣לֶךְ אַשּׁ֔וּר וּמִלִּפְנֵ֖י כָּל־הֶהָמֹ֣ון אֲשֶׁר־עִמֹּ֑ו כִּֽי־עִמָּ֥נוּ רַ֖ב מֵעִמֹּֽו׃

8 עִמֹּו֙ זְרֹ֣ועַ בָּשָׂ֔ר וְעִמָּ֜נוּ יְהוָ֤ה אֱלֹהֵ֨ינוּ֙ לְעָזְרֵ֔נוּa וּלְהִלָּחֵ֖םb מִלְחֲמֹתֵ֑נוּ וַיִּסָּמְכ֣וּc הָעָ֔ם עַל־דִּבְרֵ֖י יְחִזְקִיָּ֥הוּd מֶֽלֶךְ־יְהוּדָֽה׃ פ

9 אַ֣חַר זֶ֗ה שָׁ֠לַחa סַנְחֵרִ֨יבb מֶֽלֶךְ־אַשּׁ֤וּר עֲבָדָיו֙ יְר֣וּשָׁלַ֔יְמָה וְהוּא֙ עַל־לָכִ֔ישׁc וְכָל־מֶמְשַׁלְתֹּ֖וd עִמֹּ֑ו עַל־יְחִזְקִיָּ֨הוּ֙e מֶ֣לֶךְ יְהוּדָ֔ה וְעַל־כָּל־יְהוּדָ֛ה אֲשֶׁ֥ר בִּירוּשָׁלִַ֖ם לֵאמֹֽרf ׃

10 כֹּ֣ה אָמַ֔רa סַנְחֵרִ֖יבb מֶ֣לֶךְ אַשּׁ֑וּר עַל־מָה֙ אַתֶּ֣ם בֹּטְחִ֔יםc וְיֹשְׁבִ֥יםd בְּמָצֹ֖ורe בִּירוּשָׁלִָֽם׃

11 הֲלֹ֤א יְחִזְקִיָּ֨הוּ֙a מַסִּ֣יתb אֶתְכֶ֔ם לָתֵ֣תc אֶתְכֶ֔ם לָמ֛וּתd בְּרָעָ֥ב וּבְצָמָ֖אe לֵאמֹ֑רf יְהוָ֣ה אֱלֹהֵ֔ינוּ יַצִּילֵ֕נוּg מִכַּ֖ף מֶ֥לֶךְ אַשּֽׁוּר׃

12 הֲלֹא־הוּא֙ יְחִזְקִיָּ֔הוּa הֵסִ֥ירb אֶת־בָּמֹתָ֖יו וְאֶת־מִזְבְּחֹתָ֑יו וַיֹּ֨אמֶרc לִֽיהוּדָ֤ה וְלִֽירוּשָׁלִַ֨ם֙ לֵאמֹ֔רd לִפְנֵ֨י מִזְבֵּ֧חַ אֶחָ֛ד תִּֽשְׁתַּחֲו֖וּe וְעָלָ֥יו תַּקְטִֽירוּf ׃

13 הֲלֹ֣א תֵדְע֗וּa מֶ֤ה עָשִׂ֨יתִי֙b אֲנִ֣י וַאֲבֹותַ֔י לְכֹ֖ל עַמֵּ֣י הָאֲרָצֹ֑ות הֲיָכֹ֣ול יָֽכְל֗וּc אֱלֹהֵי֙ גֹּויֵ֣ הָאֲרָצֹ֔ות לְהַצִּ֥ילd אֶת־אַרְצָ֖ם מִיָּדִֽי׃

14 מִ֠י בְּֽכָל־אֱלֹהֵ֞י הַגֹּויִ֤ם הָאֵ֨לֶּה֙ אֲשֶׁ֣ר הֶחֱרִ֣ימוּa אֲבֹותַ֔י אֲשֶׁ֣ר יָכֹ֔ולb לְהַצִּ֥ילc אֶת־עַמֹּ֖ו מִיָּדִ֑י כִּ֤י יוּכַל֙d אֱלֹ֣הֵיכֶ֔ם לְהַצִּ֥ילe אֶתְכֶ֖ם מִיָּדִֽי׃

15 וְעַתָּ֡ה אַל־יַשִּׁיא֩a אֶתְכֶ֨ם חִזְקִיָּ֜הוּ וְאַל־יַסִּ֨יתb אֶתְכֶ֣ם כָּזֹאת֮ וְאַל־תַּאֲמִ֣ינוּc לֹו֒ כִּי־לֹ֣א יוּכַ֗לd כָּל־אֱלֹ֨והַ֙ כָּל־גֹּ֣וי וּמַמְלָכָ֔ה לְהַצִּ֥ילe עַמֹּ֛ו מִיָּדִ֖י וּמִיַּ֣ד אֲבֹותָ֑י אַ֚ף כִּ֣י אֱֽלֹהֵיכֶ֔ם לֹא־יַצִּ֥ילוּf אֶתְכֶ֖ם מִיָּדִֽי׃

16 וְעֹוד֙ דִּבְּר֣וּa עֲבָדָ֔יו עַל־יְהוָ֖ה הָאֱלֹהִ֑ים וְעַ֖ל יְחִזְקִיָּ֥הוּb עַבְדֹּֽו׃

17 וּסְפָרִ֣ים כָּתַ֔בa לְחָרֵ֕ףb לַיהוָ֖ה אֱלֹהֵ֣י יִשְׂרָאֵ֑ל וְלֵֽאמֹ֨רc עָלָ֜יו לֵאמֹ֗רd כֵּֽאלֹהֵ֞י גֹּויֵ֤ הָאֲרָצֹות֙ אֲשֶׁ֨ר לֹא־הִצִּ֤ילוּe עַמָּם֙ מִיָּדִ֔י כֵּ֣ן לֹֽא־יַצִּ֞ילf אֱלֹהֵ֧י יְחִזְקִיָּ֛הוּg עַמֹּ֖ו מִיָּדִֽי׃

18 וַיִּקְרְא֨וּa בְקֹול־גָּדֹ֜ול יְהוּדִ֗ית עַל־עַ֤ם יְרוּשָׁלִַ֨ם֙ אֲשֶׁ֣ר עַל־הַֽחֹומָ֔ה לְיָֽרְאָ֖םb וּֽלְבַהֲלָ֑םc לְמַ֖עַן יִלְכְּד֥וּd אֶת־הָעִֽיר׃

19 וַֽיְדַבְּר֔וּa אֶל־אֱלֹהֵ֖י יְרוּשָׁלִָ֑ם כְּעַ֗ל אֱלֹהֵי֙ עַמֵּ֣י הָאָ֔רֶץ מַעֲשֵׂ֖ה יְדֵ֥י הָאָדָֽם׃ ס

20 וַיִּתְפַּלֵּ֞לa יְחִזְקִיָּ֣הוּb הַמֶּ֗לֶךְ וִֽישַֽׁעְיָ֧הוּc בֶן־אָמֹ֛וץd הַנָּבִ֖יא עַל־זֹ֑את וַֽיִּזְעֲק֖וּe הַשָּׁמָֽיִם׃ פ

21 וַיִּשְׁלַ֤חa יְהוָה֙ מַלְאָ֔ךְ וַיַּכְחֵ֞דb כָּל־גִּבֹּ֥ור חַ֨יִל֙ וְנָגִ֣ידc וְשָׂ֔ר בְּמַחֲנֵ֖ה מֶ֣לֶךְ אַשּׁ֑וּר וַיָּשָׁב֩d בְּבֹ֨שֶׁתe פָּנִ֜ים לְאַרְצֹ֗ו וַיָּבֹא֙f בֵּ֣ית אֱלֹהָ֔יו ומיציאוg מֵעָ֔יוh שָׁ֖ם הִפִּילֻ֥הוּi בֶחָֽרֶב׃

22 וַיֹּושַׁע֩a יְהוָ֨ה אֶת־יְחִזְקִיָּ֜הוּb וְאֵ֣ת׀ יֹשְׁבֵ֣י יְרוּשָׁלִַ֗ם מִיַּ֛ד סַנְחֵרִ֥יבc מֶֽלֶךְ־אַשּׁ֖וּר וּמִיַּד־כֹּ֑ל וַֽיְנַהֲלֵ֖םd מִסָּבִֽיב׃

23 וְ֠רַבִּים מְבִיאִ֨יםa מִנְחָ֤ה לַיהוָה֙ לִיר֣וּשָׁלִַ֔ם וּמִ֨גְדָּנֹ֔ותb לִֽיחִזְקִיָּ֖הוּc מֶ֣לֶךְ יְהוּדָ֑ה וַיִּנַּשֵּׂ֛אd לְעֵינֵ֥י כָל־הַגֹּויִ֖ם מֵאַֽחֲרֵי־כֵֽן׃ ס

24 בַּיָּמִ֣ים הָהֵ֔ם חָלָ֥הa יְחִזְקִיָּ֖הוּb עַד־לָמ֑וּתc וַיִּתְפַּלֵּל֙d אֶל־יְהוָ֔ה וַיֹּ֣אמֶרe לֹ֔ו וּמֹופֵ֖תf נָ֥תַןg לֹֽו׃

25 וְלֹא־כִגְמֻ֤לa עָלָיו֙ הֵשִׁ֣יבb יְחִזְקִיָּ֔הוּc כִּ֥י גָבַ֖הּd לִבֹּ֑ו וַיְהִ֤יe עָלָיו֙ קֶ֔צֶףf וְעַל־יְהוּדָ֖ה וִירוּשָׁלִָֽם׃

26 וַיִּכָּנַ֤עa יְחִזְקִיָּ֨הוּ֙b בְּגֹ֣בַהּc לִבֹּ֔ו ה֖וּא וְיֹשְׁבֵ֣י יְרוּשָׁלִָ֑ם וְלֹא־בָ֤אd עֲלֵיהֶם֙ קֶ֣צֶףe יְהוָ֔ה בִּימֵ֖י יְחִזְקִיָּֽהוּf ׃

27 וַיְהִ֧יa לִֽיחִזְקִיָּ֛הוּb עֹ֥שֶׁרc וְכָבֹ֖וד הַרְבֵּ֣ה מְאֹ֑ד וְאֹֽצָרֹ֣ות עָֽשָׂהd ־לֹ֠ו לְכֶ֨סֶף וּלְזָהָ֜ב וּלְאֶ֣בֶן יְקָרָ֗הe וְלִבְשָׂמִים֙f וּלְמָ֣גִנִּ֔ים וּלְכֹ֖ל כְּלֵ֥י חֶמְדָּֽהg ׃

28 וּמִ֨סְכְּנֹ֔ותa לִתְבוּאַ֥תb דָּגָ֖ןc וְתִירֹ֣ושׁd וְיִצְהָ֑רe וְאֻֽרָוֹת֙f לְכָל־בְּהֵמָ֣ה וּבְהֵמָ֔ה וַעֲדָרִ֖יםg לָאֲוֵרֹֽותh ׃

29 וְעָרִים֙ עָ֣שָׂהa לֹ֔ו וּמִקְנֵה־צֹ֥אן וּבָקָ֖ר לָרֹ֑ב כִּ֤י נָֽתַןb ־לֹו֙ אֱלֹהִ֔ים רְכ֖וּשׁc רַ֥ב מְאֹֽד׃

30 וְה֣וּא יְחִזְקִיָּ֗הוּa סָתַם֙b אֶת־מֹוצָ֞אc מֵימֵ֤י גִיחֹון֙d הָֽעֶלְיֹ֔ון וַֽיַּישְּׁרֵ֥םe לְמַֽטָּהf ־מַּעְרָ֖בָהg לְעִ֣יר דָּוִ֑יד וַיַּצְלַ֥חh יְחִזְקִיָּ֖הוּi בְּכָֽל־מַעֲשֵֽׂהוּ׃

31 וְכֵ֞ן בִּמְלִיצֵ֣יa ׀ שָׂרֵ֣י בָּבֶ֗ל הַֽמְשַׁלְּחִ֤יםb עָלָיו֙ לִדְרֹ֗שׁc הַמֹּופֵת֙d אֲשֶׁ֣ר הָיָ֣הe בָאָ֔רֶץ עֲזָבֹ֖וf הָֽאֱלֹהִ֑ים לְנַ֨סֹּותֹ֔וg לָדַ֖עַתh כָּל־בִּלְבָבֹֽו׃

32 וְיֶ֛תֶר דִּבְרֵ֥י יְחִזְקִיָּ֖הוּa וַחֲסָדָ֑יו הִנָּ֣ם כְּתוּבִ֗יםb בַּחֲזֹ֞וןc יְשַֽׁעְיָ֤הוּd בֶן־אָמֹוץ֙e הַנָּבִ֔יא עַל־סֵ֥פֶר מַלְכֵי־יְהוּדָ֖ה וְיִשְׂרָאֵֽל׃

33 וַיִּשְׁכַּ֨בa יְחִזְקִיָּ֜הוּb עִם־אֲבֹתָ֗יו וַֽיִּקְבְּרֻהוּ֮c בְּֽמַעֲלֵה֮d קִבְרֵ֣י בְנֵי־דָוִיד֒ וְכָבֹוד֙ עָֽשׂוּe ־לֹ֣ו בְמֹותֹ֔ו כָּל־יְהוּדָ֖ה וְיֹשְׁבֵ֣י יְרוּשָׁלִָ֑ם וַיִּמְלֹ֛ךְf מְנַשֶּׁ֥ה בְנֹ֖ו תַּחְתָּֽיו׃ פ