דברי הימים ב

בֶּן־עֶשְׂרִ֤ים שָׁנָה֙ אָחָ֣זa בְּמָלְכֹ֔וb וְשֵׁשׁ־עֶשְׂרֵ֣ה שָׁנָ֔ה מָלַ֖ךְc בִּירוּשָׁלִָ֑ם וְלֹא־עָשָׂ֧הd הַיָּשָׁ֛ר בְּעֵינֵ֥י יְהוָ֖ה כְּדָוִ֥יד אָבִֽיו׃

2 וַיֵּ֕לֶךְa בְּדַרְכֵ֖י מַלְכֵ֣י יִשְׂרָאֵ֑ל וְגַ֧ם מַסֵּכֹ֛ותb עָשָׂ֖הc לַבְּעָלִֽים׃

3 וְה֥וּא הִקְטִ֖ירa בְּגֵ֣יא בֶן־הִנֹּ֑םb וַיַּבְעֵ֤רc אֶת־בָּנָיו֙ בָּאֵ֔שׁ כְּתֹֽעֲבֹות֙ הַגֹּויִ֔ם אֲשֶׁר֙ הֹרִ֣ישׁd יְהוָ֔ה מִפְּנֵ֖י בְּנֵ֥י יִשְׂרָאֵֽל׃

4 וַיְזַבֵּ֧חַa וַיְקַטֵּ֛רb בַּבָּמֹ֖ות וְעַל־הַגְּבָעֹ֑ות וְתַ֖חַת כָּל־עֵ֥ץ רַעֲנָֽןc ׃

5 וַֽיִּתְּנֵ֜הוּa יְהוָ֣ה אֱלֹהָיו֮ בְּיַ֣ד מֶ֣לֶךְ אֲרָם֒ וַיַּ֨כּוּb ־בֹ֔ו וַיִּשְׁבּ֤וּc מִמֶּ֨נּוּ֙ שִׁבְיָ֣הd גְדֹולָ֔ה וַיָּבִ֖יאוּe דַּרְמָ֑שֶׂקf וְ֠גַם בְּיַד־מֶ֤לֶךְ יִשְׂרָאֵל֙ נִתָּ֔ןg וַיַּךְh ־בֹּ֖ו מַכָּ֥הi גְדֹולָֽה׃ ס

6 וַיַּהֲרֹג֩a פֶּ֨קַחb בֶּן־רְמַלְיָ֜הוּc בִּֽיהוּדָ֗ה מֵאָ֨ה וְעֶשְׂרִ֥ים אֶ֛לֶף בְּיֹ֥ום אֶחָ֖ד הַכֹּ֣ל בְּנֵי־חָ֑יִל בְּעָזְבָ֕םd אֶת־יְהוָ֖ה אֱלֹהֵ֥י אֲבֹותָֽם׃

7 וַֽיַּהֲרֹ֞גa זִכְרִ֣יb ׀ גִּבֹּ֣ור אֶפְרַ֗יִם אֶת־מַעֲשֵׂיָ֨הוּ֙c בֶּן־הַמֶּ֔לֶךְ וְאֶת־עַזְרִיקָ֖םd נְגִ֣ידe הַבָּ֑יִת וְאֶת־אֶלְקָנָ֖הf מִשְׁנֵ֥הg הַמֶּֽלֶךְ׃ ס

8 וַיִּשְׁבּוּ֩a בְנֵֽי־יִשְׂרָאֵ֨ל מֵֽאֲחֵיהֶ֜ם מָאתַ֣יִם אֶ֗לֶף נָשִׁים֙ בָּנִ֣ים וּבָנֹ֔ות וְגַם־שָׁלָ֥ל רָ֖ב בָּזְז֣וּb מֵהֶ֑ם וַיָּבִ֥יאוּc אֶת־הַשָּׁלָ֖ל לְשֹׁמְרֹֽון׃ ס

9 וְ֠שָׁם הָיָ֨הa נָבִ֥יא לַֽיהוָה֮ עֹדֵ֣דb שְׁמֹו֒ וַיֵּצֵ֗אc לִפְנֵ֤י הַצָּבָא֙ הַבָּ֣אd לְשֹׁמְרֹ֔ון וַיֹּ֣אמֶרe לָהֶ֗ם הִ֠נֵּה בַּחֲמַ֨ת יְהוָ֧ה אֱלֹהֵֽי־אֲבֹותֵיכֶ֛ם עַל־יְהוּדָ֖ה נְתָנָ֣םf בְּיֶדְכֶ֑ם וַתַּֽהַרְגוּg ־בָ֣ם בְזַ֔עַףh עַ֥ד לַשָּׁמַ֖יִם הִגִּֽיעַi ׃

10 וְ֠עַתָּה בְּנֵֽי־יְהוּדָ֤ה וִֽירוּשָׁלִַ֨ם֙ אַתֶּ֣ם אֹמְרִ֔יםa לִכְבֹּ֛שׁb לַעֲבָדִ֥ים וְלִשְׁפָחֹ֖ות לָכֶ֑ם הֲלֹ֤א רַק־אַתֶּם֙ עִמָּכֶ֣ם אֲשָׁמֹ֔ותc לַיהוָ֖ה אֱלֹהֵיכֶֽם׃

11 וְעַתָּ֣ה שְׁמָע֔וּנִיa וְהָשִׁ֨יבוּ֙b הַשִּׁבְיָ֔הc אֲשֶׁ֥ר שְׁבִיתֶ֖םd מֵאֲחֵיכֶ֑ם כִּ֛י חֲרֹ֥וןe אַף־יְהוָ֖ה עֲלֵיכֶֽם׃ ס

12 וַיָּקֻ֨מוּa אֲנָשִׁ֜ים מֵרָאשֵׁ֣י בְנֵֽי־אֶפְרַ֗יִם עֲזַרְיָ֤הוּb בֶן־יְהֹֽוחָנָן֙c בֶּרֶכְיָ֣הוּd בֶן־מְשִׁלֵּמֹ֔ותe וִֽיחִזְקִיָּ֨הוּ֙f בֶּן־שַׁלֻּ֔םg וַעֲמָשָׂ֖אh בֶּן־חַדְלָ֑יi עַל־הַבָּאִ֖יםj מִן־הַצָּבָֽא׃

13 וַיֹּאמְר֣וּa לָהֶ֗ם לֹא־תָבִ֤יאוּb אֶת־הַשִּׁבְיָה֙c הֵ֔נָּה כִּי֩ לְאַשְׁמַ֨תd יְהוָ֤ה עָלֵ֨ינוּ֙ אַתֶּ֣ם אֹמְרִ֔יםe לְהֹסִ֥יףf עַל־חַטֹּאתֵ֖ינוּ וְעַל־אַשְׁמָתֵ֑ינוּg כִּֽי־רַבָּ֤ה אַשְׁמָה֙h לָ֔נוּ וַחֲרֹ֥וןi אָ֖ף עַל־יִשְׂרָאֵֽל׃ ס

14 וַיַּעֲזֹ֣בa הֶֽחָל֗וּץb אֶת־הַשִּׁבְיָה֙c וְאֶת־הַבִּזָּ֔הd לִפְנֵ֥י הַשָּׂרִ֖ים וְכָל־הַקָּהָֽל׃

15 וַיָּקֻ֣מוּa הָאֲנָשִׁים֩ אֲשֶׁר־נִקְּב֨וּb בְשֵׁמֹ֜ות וַיַּחֲזִ֣יקוּc בַשִּׁבְיָ֗הd וְכָֽל־מַעֲרֻמֵּיהֶם֮e הִלְבִּ֣ישׁוּf מִן־הַשָּׁלָל֒ וַיַּלְבִּשׁ֣וּםg וַ֠יַּנְעִלוּםh וַיַּאֲכִל֨וּםi וַיַּשְׁק֜וּםj וַיְסֻכ֗וּםk וַיְנַהֲל֤וּםl בַּחֲמֹרִים֙ לְכָל־כֹּושֵׁ֔ל וַיְבִיא֛וּםm יְרֵחֹ֥ו עִיר־הַתְּמָרִ֖יםn אֵ֣צֶל אֲחֵיהֶ֑ם וַיָּשׁ֖וּבוּo שֹׁמְרֹֽון׃ פ

16 בָּעֵ֣ת הַהִ֗יא שָׁלַ֞חa הַמֶּ֧לֶךְ אָחָ֛זb עַל־מַלְכֵ֥י אַשּׁ֖וּר לַעְזֹ֥רc לֹֽו׃

17 וְעֹ֥וד אֲדֹומִ֖יםa בָּ֑אוּb וַיַּכּ֥וּc בִיהוּדָ֖ה וַיִּשְׁבּוּd ־שֶֽׁבִיe ׃

18 וּפְלִשְׁתִּ֣ים פָּשְׁט֗וּa בְּעָרֵ֨י הַשְּׁפֵלָ֣הb וְהַנֶּגֶב֮ לִֽיהוּדָה֒ וַֽ֠יִּלְכְּדוּc אֶת־בֵּֽית־שֶׁ֨מֶשׁd וְאֶת־אַיָּלֹ֜וןe וְאֶת־הַגְּדֵרֹ֗ותf וְאֶת־שֹׂוכֹ֤וg וּבְנֹותֶ֨יהָ֙ וְאֶת־תִּמְנָ֣הh וּבְנֹותֶ֔יהָ וְאֶת־גִּמְזֹ֖וi וְאֶת־בְּנֹתֶ֑יהָ וַיֵּשְׁב֖וּj שָֽׁם׃

19 כִּֽי־הִכְנִ֤יעַa יְהוָה֙ אֶת־יְהוּדָ֔ה בַּעֲב֖וּרb אָחָ֣זc מֶֽלֶךְ־יִשְׂרָאֵ֑ל כִּ֤י הִפְרִ֨יעַ֙d בִּֽיהוּדָ֔ה וּמָעֹ֥ולe מַ֖עַלf בַּיהוָֽה׃

20 וַיָּבֹ֣אa עָלָ֔יו תִּלְּגַ֥ת פִּלְנְאֶ֖סֶרb מֶ֣לֶךְ אַשּׁ֑וּר וַיָּ֥צַרc לֹ֖ו וְלֹ֥א חֲזָקֹֽוd ׃

21 כִּֽי־חָלַ֤קa אָחָז֙b אֶת־בֵּ֣ית יְהוָ֔ה וְאֶת־בֵּ֥ית הַמֶּ֖לֶךְ וְהַשָּׂרִ֑ים וַיִּתֵּן֙c לְמֶ֣לֶךְ אַשּׁ֔וּר וְלֹ֥א לְעֶזְרָ֖הd לֹֽו׃

22 וּבְעֵת֙ הָצֵ֣רa לֹ֔ו וַיֹּ֖וסֶףb לִמְעֹ֣ולc בַּיהוָ֑ה ה֖וּא הַמֶּ֥לֶךְ אָחָֽזd ׃

23 וַיִּזְבַּ֗חa לֵֽאלֹהֵ֣י דַרְמֶשֶׂק֮b הַמַּכִּ֣יםc בֹּו֒ וַיֹּ֗אמֶרd כִּ֠י אֱלֹהֵ֤י מַלְכֵֽי־אֲרָם֙ הֵ֚ם מַעְזְרִ֣יםe אֹותָ֔ם לָהֶ֥ם אֲזַבֵּ֖חַf וְיַעְזְר֑וּנִיg וְהֵ֛ם הָֽיוּh ־לֹ֥ו לְהַכְשִׁילֹ֖וi וּלְכָל־יִשְׂרָאֵֽל׃

24 וַיֶּאֱסֹ֨ףa אָחָ֜זb אֶת־כְּלֵ֣י בֵית־הָֽאֱלֹהִ֗ים וַיְקַצֵּץ֙c אֶת־כְּלֵ֣י בֵית־הָֽאֱלֹהִ֔ים וַיִּסְגֹּ֖רd אֶת־דַּלְתֹ֣ות בֵּית־יְהוָ֑ה וַיַּ֨עַשׂe לֹ֧ו מִזְבְּחֹ֛ות בְּכָל־פִּנָּ֖הf בִּירוּשָׁלִָֽם׃

25 וּבְכָל־עִ֨יר וָעִ֤יר לִֽיהוּדָה֙ עָשָׂ֣הa בָמֹ֔ות לְקַטֵּ֖רb לֵֽאלֹהִ֣ים אֲחֵרִ֑ים וַיַּכְעֵ֕סc אֶת־יְהוָ֖ה אֱלֹהֵ֥י אֲבֹתָֽיו׃

26 וְיֶ֤תֶר דְּבָרָיו֙ וְכָל־דְּרָכָ֔יו הָרִאשֹׁנִ֖ים וְהָאַחֲרֹונִ֑ים הִנָּ֣ם כְּתוּבִ֔יםa עַל־סֵ֥פֶר מַלְכֵֽי־יְהוּדָ֖ה וְיִשְׂרָאֵֽל׃

27 וַיִּשְׁכַּ֨בa אָחָ֜זb עִם־אֲבֹתָ֗יו וַֽיִּקְבְּרֻ֤הוּc בָעִיר֙ בִּיר֣וּשָׁלִַ֔ם כִּ֚י לֹ֣א הֱבִיאֻ֔הוּd לְקִבְרֵ֖י מַלְכֵ֣י יִשְׂרָאֵ֑ל וַיִּמְלֹ֛ךְe יְחִזְקִיָּ֥הֽוּf בְנֹ֖ו תַּחְתָּֽיו׃ פ