דברי הימים ב

בֶּן־עֶשְׂרִ֨ים וְחָמֵ֤שׁ שָׁנָה֙ מָלַ֣ךְa אֲמַצְיָ֔הוּb וְעֶשְׂרִ֣ים וָתֵ֨שַׁע֙ שָׁנָ֔ה מָלַ֖ךְc בִּירוּשָׁלִָ֑ם וְשֵׁ֣ם אִמֹּ֔ו יְהֹועַדָּ֖ןd מִירוּשָׁלָֽיִם׃

2 וַיַּ֥עַשׂa הַיָּשָׁ֖ר בְּעֵינֵ֣י יְהוָ֑ה רַ֕ק לֹ֖א בְּלֵבָ֥ב שָׁלֵֽםb ׃

3 וַיְהִ֕יa כַּאֲשֶׁ֛ר חָזְקָ֥הb הַמַּמְלָכָ֖ה עָלָ֑יו וַֽיַּהֲרֹג֙c אֶת־עֲבָדָ֔יו הַמַּכִּ֖יםd אֶת־הַמֶּ֥לֶךְ אָבִֽיו׃

4 וְאֶת־בְּנֵיהֶ֖ם לֹ֣א הֵמִ֑יתa כִּ֣י כַכָּת֣וּבb בַּתֹּורָ֡ה בְּסֵ֣פֶר מֹשֶׁה֩ אֲשֶׁר־צִוָּ֨הc יְהוָ֜ה לֵאמֹ֗רd לֹא־יָמ֨וּתוּe אָבֹ֤ות עַל־בָּנִים֙ וּבָנִים֙ לֹא־יָמ֣וּתוּf עַל־אָבֹ֔ות כִּ֛י אִ֥ישׁ בְּחֶטְאֹ֖וg יָמֽוּתוּh ׃ פ

5 וַיִּקְבֹּ֤ץa אֲמַצְיָ֨הוּ֙b אֶת־יְהוּדָ֔ה וַיַּֽעֲמִידֵ֣םc לְבֵית־אָבֹ֗ות לְשָׂרֵ֤י הָאֲלָפִים֙ וּלְשָׂרֵ֣י הַמֵּאֹ֔ות לְכָל־יְהוּדָ֖ה וּבִנְיָמִ֑ן וַֽיִּפְקְדֵ֗םd לְמִבֶּ֨ן עֶשְׂרִ֤ים שָׁנָה֙ וָמַ֔עְלָה וַיִּמְצָאֵ֗םe שְׁלֹשׁ־מֵאֹ֨ות אֶ֤לֶף בָּחוּר֙ יֹוצֵ֣אf צָבָ֔א אֹחֵ֖זg רֹ֥מַחh וְצִנָּֽהi ׃

6 וַיִּשְׂכֹּ֣רa מִיִּשְׂרָאֵ֗ל מֵ֥אָה אֶ֛לֶף גִּבֹּ֥ור חָ֖יִל בְּמֵאָ֥ה כִכַּר־כָּֽסֶף׃

7 וְאִ֣ישׁ הָאֱלֹהִ֗ים בָּ֤אa אֵלָיו֙ לֵאמֹ֔רb הַמֶּ֕לֶךְ אַל־יָבֹ֥אc עִמְּךָ֖ צְבָ֣א יִשְׂרָאֵ֑ל כִּ֣י אֵ֤ין יְהוָה֙ עִם־יִשְׂרָאֵ֔ל כֹּ֖ל בְּנֵ֥י אֶפְרָֽיִם׃

8 כִּ֚י אִם־בֹּ֣אa אַתָּ֔ה עֲשֵׂ֖הb חֲזַ֣קc לַמִּלְחָמָ֑ה יַכְשִֽׁילְךָ֤d הָֽאֱלֹהִים֙ לִפְנֵ֣י אֹויֵ֔ב כִּ֥י יֶשׁ־כֹּ֛חַ בֵּאלֹהִ֖ים לַעְזֹ֥ורe וּלְהַכְשִֽׁילf ׃

9 וַיֹּ֤אמֶרa אֲמַצְיָ֨הוּ֙b לְאִ֣ישׁ הָאֱלֹהִ֔ים וּמַֽה־לַּעֲשֹׂות֙c לִמְאַ֣ת הַכִּכָּ֔ר אֲשֶׁ֥ר נָתַ֖תִּיd לִגְד֣וּדe יִשְׂרָאֵ֑ל וַיֹּ֨אמֶר֙f אִ֣ישׁ הָֽאֱלֹהִ֔ים יֵ֚שׁ לַֽיהוָ֔ה לָ֥תֶתg לְךָ֖ הַרְבֵּ֥ה מִזֶּֽה׃

10 וַיַּבְדִּילֵ֣םa אֲמַצְיָ֗הוּb לְהַגְּדוּד֙c אֲשֶׁר־בָּ֤אd אֵלָיו֙ מֵֽאֶפְרַ֔יִם לָלֶ֖כֶתe לִמְקֹומָ֑ם וַיִּ֨חַרf אַפָּ֤ם מְאֹד֙ בִּֽיהוּדָ֔ה וַיָּשׁ֥וּבוּg לִמְקֹומָ֖ם בָּחֳרִיh ־אָֽף׃ פ

11 וַאֲמַצְיָ֨הוּ֙a הִתְחַזַּ֔קb וַיִּנְהַג֙c אֶת־עַמֹּ֔ו וַיֵּ֖לֶךְd גֵּ֣יא הַמֶּ֑לַחe וַיַּ֥ךְf אֶת־בְּנֵי־שֵׂעִ֖ירg עֲשֶׂ֥רֶת אֲלָפִֽים׃

12 וַעֲשֶׂ֨רֶת אֲלָפִ֜ים חַיִּ֗ים שָׁבוּ֙a בְּנֵ֣י יְהוּדָ֔ה וַיְבִיא֖וּםb לְרֹ֣אשׁ הַסָּ֑לַע וַיַּשְׁלִיכ֛וּםc מֵֽרֹאשׁ־הַסֶּ֖לַע וְכֻלָּ֥ם נִבְקָֽעוּd ׃ ס

13 וּבְנֵ֣י הַגְּד֗וּדa אֲשֶׁ֨ר הֵשִׁ֤יבb אֲמַצְיָ֨הוּ֙c מִלֶּ֤כֶתd עִמֹּו֙ לַמִּלְחָמָ֔ה וַֽיִּפְשְׁטוּ֙e בְּעָרֵ֣י יְהוּדָ֔ה מִשֹּׁמְרֹ֖ון וְעַד־בֵּ֣ית חֹורֹ֑וןf וַיַּכּ֤וּg מֵהֶם֙ שְׁלֹ֣שֶׁת אֲלָפִ֔ים וַיָּבֹ֖זּוּh בִּזָּ֥הi רַבָּֽה׃ ס

14 וַיְהִ֗יa אַחֲרֵ֨י בֹ֤ואb אֲמַצְיָ֨הוּ֙c מֵֽהַכֹּ֣ותd אֶת־אֲדֹומִ֔יםe וַיָּבֵ֗אf אֶת־אֱלֹהֵי֙ בְּנֵ֣י שֵׂעִ֔ירg וַיַּֽעֲמִידֵ֥םh לֹ֖ו לֵאלֹהִ֑ים וְלִפְנֵיהֶ֥ם יִֽשְׁתַּחֲוֶ֖הi וְלָהֶ֥ם יְקַטֵּֽרj ׃

15 וַיִּֽחַרa ־אַ֥ף יְהוָ֖ה בַּאֲמַצְיָ֑הוּb וַיִּשְׁלַ֤חc אֵלָיו֙ נָבִ֔יא וַיֹּ֣אמֶרd לֹ֗ו לָ֤מָּה דָרַ֨שְׁתָּ֙e אֶת־אֱלֹהֵ֣י הָעָ֔ם אֲשֶׁ֛ר לֹא־הִצִּ֥ילוּf אֶת־עַמָּ֖ם מִיָּדֶֽךָ׃

16 וַיְהִ֣יa ׀ בְּדַבְּרֹ֣וb אֵלָ֗יו וַיֹּ֤אמֶרc לֹו֙ הַלְיֹועֵ֤ץ לַמֶּ֨לֶךְ֙ נְתַנּ֔וּךָd חֲדַלe ־לְךָ֖ לָ֣מָּה יַכּ֑וּךָf וַיֶּחְדַּ֣לg הַנָּבִ֗יא וַיֹּ֨אמֶר֙h יָדַ֗עְתִּיi כִּֽי־יָעַ֤ץj אֱלֹהִים֙ לְהַשְׁחִיתֶ֔ךָk כִּֽי־עָשִׂ֣יתָl זֹּ֔את וְלֹ֥א שָׁמַ֖עְתָּm לַעֲצָתִֽי׃ פ

17 וַיִּוָּעַ֗ץa אֲמַצְיָ֨הוּ֙b מֶ֣לֶךְ יְהוּדָ֔ה וַ֠יִּשְׁלַחc אֶל־יֹואָ֨שׁd בֶּן־יְהֹואָחָ֧זe בֶּן־יֵה֛וּא מֶ֥לֶךְ יִשְׂרָאֵ֖ל לֵאמֹ֑רf לךg נִתְרָאֶ֥הh פָנִֽים׃

18 וַיִּשְׁלַ֞חa יֹואָ֣שׁb מֶֽלֶךְ־יִשְׂרָאֵ֗ל אֶל־אֲמַצְיָ֣הוּc מֶֽלֶךְ־יְהוּדָה֮ לֵאמֹר֒d הַחֹ֜וחַe אֲשֶׁ֣ר בַּלְּבָנֹ֗ון שָׁ֠לַחf אֶל־הָאֶ֜רֶז אֲשֶׁ֤ר בַּלְּבָנֹון֙ לֵאמֹ֔רg תְּנָֽהh ־אֶת־בִּתְּךָ֥ לִבְנִ֖י לְאִשָּׁ֑ה וַֽתַּעֲבֹ֞רi חַיַּ֤ת הַשָּׂדֶה֙ אֲשֶׁ֣ר בַּלְּבָנֹ֔ון וַתִּרְמֹ֖סj אֶת־הַחֹֽוחַk ׃

19 אָמַ֗רְתָּa הִנֵּ֤ה הִכִּ֨יתָ֙b אֶת־אֱדֹ֔ום וּנְשָׂאֲךָ֥c לִבְּךָ֖ לְהַכְבִּ֑ידd עַתָּה֙ שְׁבָ֣הe בְּבֵיתֶ֔ךָ לָ֤מָּה תִתְגָּרֶה֙f בְּרָעָ֔ה וְנָ֣פַלְתָּ֔g אַתָּ֖ה וִיהוּדָ֥ה עִמָּֽךְ׃

20 וְלֹא־שָׁמַ֣עa אֲמַצְיָ֔הוּb כִּ֤י מֵהָֽאֱלֹהִים֙ הִ֔יא לְמַ֖עַן תִּתָּ֣םc בְּיָ֑ד כִּ֣י דָֽרְשׁ֔וּd אֵ֖ת אֱלֹהֵ֥י אֱדֹֽום׃

21 וַיַּ֨עַלa יֹואָ֤שׁb מֶֽלֶךְ־יִשְׂרָאֵל֙ וַיִּתְרָא֣וּc פָנִ֔ים ה֖וּא וַאֲמַצְיָ֣הוּd מֶֽלֶךְ־יְהוּדָ֑ה בְּבֵ֥ית שֶׁ֖מֶשׁe אֲשֶׁ֥ר לִיהוּדָֽה׃

22 וַיִּנָּ֥גֶףa יְהוּדָ֖ה לִפְנֵ֣י יִשְׂרָאֵ֑ל וַיָּנֻ֖סוּb אִ֥ישׁ לְאֹהָלָֽיו׃

23 וְאֵת֩ אֲמַצְיָ֨הוּa מֶֽלֶךְ־יְהוּדָ֜ה בֶּן־יֹואָ֣שׁb בֶּן־יְהֹואָחָ֗זc תָּפַ֛שׂd יֹואָ֥שׁe מֶֽלֶךְ־יִשְׂרָאֵ֖ל בְּבֵ֣ית שָׁ֑מֶשׁf וַיְבִיאֵ֨הוּ֙g יְר֣וּשָׁלִַ֔ם וַיִּפְרֹ֞ץh בְּחֹומַ֣ת יְרוּשָׁלִַ֗ם מִשַּׁ֤עַר אֶפְרַ֨יִם֙ עַד־שַׁ֣עַר הַפֹּונֶ֔הi אַרְבַּ֥ע מֵאֹ֖ות אַמָּֽה׃

24 וְכָֽל־הַזָּהָ֣ב וְהַכֶּ֡סֶף וְאֵ֣ת כָּל־הַ֠כֵּלִים הַנִּמְצְאִ֨יםa בְּבֵית־הָאֱלֹהִ֜ים עִם־עֹבֵ֣ד אֱדֹ֗וםb וְאֶת־אֹצְרֹות֙ בֵּ֣ית הַמֶּ֔לֶךְ וְאֵ֖ת בְּנֵ֣י הַתַּֽעֲרֻבֹ֑ותc וַיָּ֖שָׁבd שֹׁמְרֹֽון׃ פ

25 וַיְחִ֨יa אֲמַצְיָ֤הוּb בֶן־יֹואָשׁ֙c מֶ֣לֶךְ יְהוּדָ֔ה אַחֲרֵ֣י מֹ֔ות יֹואָ֥שׁd בֶּן־יְהֹואָחָ֖זe מֶ֣לֶךְ יִשְׂרָאֵ֑ל חֲמֵ֥שׁ עֶשְׂרֵ֖ה שָׁנָֽה׃

26 וְיֶ֨תֶר֙ דִּבְרֵ֣י אֲמַצְיָ֔הוּa הָרִאשֹׁנִ֖ים וְהָאַחֲרֹונִ֑ים הֲלֹא֙ הִנָּ֣ם כְּתוּבִ֔יםb עַל־סֵ֥פֶר מַלְכֵי־יְהוּדָ֖ה וְיִשְׂרָאֵֽל׃

27 וּמֵעֵ֗ת אֲשֶׁר־סָ֤רa אֲמַצְיָ֨הוּ֙b מֵאַחֲרֵ֣י יְהוָ֔ה וַיִּקְשְׁר֨וּc עָלָ֥יו קֶ֛שֶׁרd בִּירוּשָׁלִַ֖ם וַיָּ֣נָסe לָכִ֑ישָׁהf וַיִּשְׁלְח֤וּg אַחֲרָיו֙ לָכִ֔ישָׁהh וַיְמִיתֻ֖הוּi שָֽׁם׃

28 וַיִּשָּׂאֻ֖הוּa עַל־הַסּוּסִ֑ים וַֽיִּקְבְּר֥וּb אֹתֹ֛ו עִם־אֲבֹתָ֖יו בְּעִ֥יר יְהוּדָֽה׃