דברי הימים ב

וַיִּשְׁכַּ֤בa יְהֹֽושָׁפָט֙ עִם־אֲבֹתָ֔יו וַיִּקָּבֵ֥רb עִם־אֲבֹתָ֖יו בְּעִ֣יר דָּוִ֑יד וַיִּמְלֹ֛ךְc יְהֹורָ֥םd בְּנֹ֖ו תַּחְתָּֽיו׃

2 וְלֹֽו־אַחִ֞ים בְּנֵ֣י יְהֹושָׁפָ֗ט עֲזַרְיָ֤הa וִֽיחִיאֵל֙b וּזְכַרְיָ֣הוּc וַעֲזַרְיָ֔הוּd וּמִיכָאֵ֖לe וּשְׁפַטְיָ֑הוּf כָּל־אֵ֕לֶּה בְּנֵ֥י יְהֹושָׁפָ֖ט מֶ֥לֶךְ־יִשְׂרָאֵֽל׃

3 וַיִּתֵּ֣ןa לָהֶ֣ם׀ אֲ֠בִיהֶם מַתָּנֹ֨ותb רַבֹּ֜ות לְכֶ֤סֶף וּלְזָהָב֙ וּלְמִגְדָּנֹ֔ותc עִם־עָרֵ֥י מְצֻרֹ֖ותd בִּֽיהוּדָ֑ה וְאֶת־הַמַּמְלָכָ֛ה נָתַ֥ןe לִֽיהֹורָ֖םf כִּי־ה֥וּא הַבְּכֹֽור׃ פ

4 וַיָּ֨קָםa יְהֹורָ֜םb עַל־מַמְלֶ֤כַת אָבִיו֙ וַיִּתְחַזַּ֔קc וַיַּהֲרֹ֥גd אֶת־כָּל־אֶחָ֖יו בֶּחָ֑רֶב וְגַ֖ם מִשָּׂרֵ֥י יִשְׂרָאֵֽל׃

5 בֶּן־שְׁלֹשִׁ֥ים וּשְׁתַּ֛יִם שָׁנָ֖ה יְהֹורָ֣םa בְּמָלְכֹ֑וb וּשְׁמֹונֶ֣ה שָׁנִ֔ים מָלַ֖ךְc בִּירוּשָׁלִָֽם׃

6 וַיֵּ֜לֶךְa בְּדֶ֣רֶךְ׀ מַלְכֵ֣י יִשְׂרָאֵ֗ל כַּאֲשֶׁ֤ר עָשׂוּ֙b בֵּ֣ית אַחְאָ֔ב כִּ֚י בַּת־אַחְאָ֔ב הָ֥יְתָהc לֹּ֖ו אִשָּׁ֑ה וַיַּ֥עַשׂd הָרַ֖ע בְּעֵינֵ֥י יְהוָֽה׃

7 וְלֹא־אָבָ֣הa יְהוָ֗ה לְהַשְׁחִית֙b אֶת־בֵּ֣ית דָּוִ֔יד לְמַ֣עַן הַבְּרִ֔ית אֲשֶׁ֥ר כָּרַ֖תc לְדָוִ֑יד וְכַאֲשֶׁ֣ר אָמַ֗רd לָתֵ֨תe לֹ֥ו נִ֛ירf וּלְבָנָ֖יו כָּל־הַיָּמִֽים׃

8 בְּיָמָיו֙ פָּשַׁ֣עa אֱדֹ֔ום מִתַּ֖חַת יַד־יְהוּדָ֑ה וַיַּמְלִ֥יכוּb עֲלֵיהֶ֖ם מֶֽלֶךְ׃

9 וַיַּֽעֲבֹ֤רa יְהֹורָם֙b עִם־שָׂרָ֔יו וְכָל־הָרֶ֖כֶב עִמֹּ֑ו וַיְהִי֙c קָ֣םd לַ֔יְלָה וַיַּ֗ךְe אֶת־אֱדֹום֙ הַסֹּובֵ֣בf אֵלָ֔יו וְאֵ֖ת שָׂרֵ֥י הָרָֽכֶב׃

10 וַיִּפְשַׁ֨עa אֱדֹ֜ום מִתַּ֣חַת יַד־יְהוּדָ֗ה עַ֚ד הַיֹּ֣ום הַזֶּ֔ה אָ֣ז תִּפְשַׁ֥עb לִבְנָ֛הc בָּעֵ֥ת הַהִ֖יא מִתַּ֣חַת יָדֹ֑ו כִּ֣י עָזַ֔בd אֶת־יְהוָ֖ה אֱלֹהֵ֥י אֲבֹתָֽיו׃

11 גַּם־ה֥וּא עָשָֽׂהa ־בָמֹ֖ות בְּהָרֵ֣י יְהוּדָ֑ה וַיֶּ֨זֶן֙b אֶת־יֹשְׁבֵ֣י יְרוּשָׁלִַ֔ם וַיַּדַּ֖חc אֶת־יְהוּדָֽה׃ פ

12 וַיָּבֹ֤אa אֵלָיו֙ מִכְתָּ֔בb מֵֽאֵלִיָּ֥הוּ הַנָּבִ֖יא לֵאמֹ֑רc כֹּ֣ה׀ אָמַ֣רd יְהוָ֗ה אֱלֹהֵי֙ דָּוִ֣יד אָבִ֔יךָ תַּ֗חַת אֲשֶׁ֤ר לֹֽא־הָלַ֨כְתָּ֙e בְּדַרְכֵי֙ יְהֹושָׁפָ֣ט אָבִ֔יךָ וּבְדַרְכֵ֖י אָסָ֥א מֶֽלֶךְ־יְהוּדָֽה׃

13 וַתֵּ֗לֶךְa בְּדֶ֨רֶךְ֙ מַלְכֵ֣י יִשְׂרָאֵ֔ל וַתַּזְנֶ֤הb אֶת־יְהוּדָה֙ וְאֶת־יֹשְׁבֵ֣י יְרוּשָׁלִַ֔ם כְּהַזְנֹ֖ותc בֵּ֣ית אַחְאָ֑ב וְגַ֨ם אֶת־אַחֶ֧יךָ בֵית־אָבִ֛יךָ הַטֹּובִ֥ים מִמְּךָ֖ הָרָֽגְתָּd ׃

14 הִנֵּ֣ה יְהוָ֗ה נֹגֵ֛ףa מַגֵּפָ֥הb גְדֹולָ֖ה בְּעַמֶּ֑ךָ וּבְבָנֶ֥יךָ וּבְנָשֶׁ֖יךָ וּבְכָל־רְכוּשֶֽׁךָc ׃

15 וְאַתָּ֛ה בָּחֳלָיִ֥יםa רַבִּ֖ים בְּמַחֲלֵ֣הb מֵעֶ֑יךָc עַד־יֵצְא֤וּd מֵעֶ֨יךָ֙e מִן־הַחֹ֔לִיf יָמִ֖ים עַל־יָמִֽים׃

16 וַיָּ֨עַרa יְהוָ֜ה עַל־יְהֹורָ֗םb אֵ֣ת ר֤וּחַ הַפְּלִשְׁתִּים֙ וְהָ֣עַרְבִ֔יםc אֲשֶׁ֖ר עַל־יַ֥ד כּוּשִֽׁיםd ׃

17 וַיַּעֲל֤וּa בִֽיהוּדָה֙ וַיִּבְקָע֔וּהָb וַיִּשְׁבּ֗וּc אֵ֤ת כָּל־הָרְכוּשׁ֙d הַנִּמְצָ֣אe לְבֵית־הַמֶּ֔לֶךְ וְגַם־בָּנָ֖יו וְנָשָׁ֑יו וְלֹ֤א נִשְׁאַרf ־לֹו֙ בֵּ֔ן כִּ֥י אִם־יְהֹואָחָ֖זg קְטֹ֥ן בָּנָֽיו׃

18 וְאַחֲרֵ֖י כָּל־זֹ֑את נְגָפֹ֨וa יְהוָ֧ה׀ בְּמֵעָ֛יוb לָחֳלִ֖יc לְאֵ֥ין מַרְפֵּֽאd ׃

19 וַיְהִ֣יa לְיָמִ֣ים׀ מִיָּמִ֡ים וּכְעֵת֩ צֵ֨אתb הַקֵּ֜ץ לְיָמִ֣ים שְׁנַ֗יִם יָצְא֤וּc מֵעָיו֙d עִם־חָלְיֹ֔וe וַיָּ֖מָתf בְּתַחֲלֻאִ֣יםg רָעִ֑ים וְלֹא־עָ֨שׂוּh לֹ֥ו עַמֹּ֛ו שְׂרֵפָ֖הi כִּשְׂרֵפַ֥תj אֲבֹתָֽיו׃

20 בֶּן־שְׁלֹשִׁ֤ים וּשְׁתַּ֨יִם֙ הָיָ֣הa בְמָלְכֹ֔וb וּשְׁמֹונֶ֣ה שָׁנִ֔ים מָלַ֖ךְc בִּירוּשָׁלִָ֑ם וַיֵּ֨לֶךְ֙d בְּלֹ֣א חֶמְדָּ֔הe וַֽיִּקְבְּרֻ֨הוּ֙f בְּעִ֣יר דָּוִ֔יד וְלֹ֖א בְּקִבְרֹ֥ות הַמְּלָכִֽים׃