דברי הימים ב

וַיִּסְפֹּ֨רa שְׁלֹמֹ֜ה שִׁבְעִ֥ים אֶ֨לֶף֙ אִ֣ישׁ סַבָּ֔לb וּשְׁמֹונִ֥ים אֶ֛לֶף אִ֖ישׁ חֹצֵ֣בc בָּהָ֑ר וּמְנַצְּחִ֣ים עֲלֵיהֶ֔ם שְׁלֹ֥שֶׁת אֲלָפִ֖ים וְשֵׁ֥שׁ מֵאֹֽות׃ פ

2 וַיִּשְׁלַ֣חa שְׁלֹמֹ֔ה אֶל־חוּרָ֥םb מֶֽלֶךְ־צֹ֖רc לֵאמֹ֑רd כַּאֲשֶׁ֤ר עָשִׂ֨יתָ֙e עִם־דָּוִ֣יד אָבִ֔י וַתִּֽשְׁלַֽחf ־לֹ֣ו אֲרָזִ֔ים לִבְנֹֽותg ־לֹ֥ו בַ֖יִת לָשֶׁ֥בֶתh בֹּֽו׃

3 הִנֵּה֩ אֲנִ֨י בֹֽונֶהa ־בַּ֜יִת לְשֵׁ֣ם׀ יְהוָ֣ה אֱלֹהָ֗י לְהַקְדִּ֣ישׁb לֹ֡ו לְהַקְטִ֣ירc לְפָנָ֣יו קְטֹֽרֶת־סַמִּים֩d וּמַעֲרֶ֨כֶתe תָּמִ֤יד וְעֹלֹות֙ לַבֹּ֣קֶר וְלָעֶ֔רֶב לַשַּׁבָּתֹות֙ וְלֶ֣חֳדָשִׁ֔ים וּֽלְמֹועֲדֵ֖י יְהוָ֣ה אֱלֹהֵ֑ינוּ לְעֹולָ֖ם זֹ֥את עַל־יִשְׂרָאֵֽל׃

4 וְהַבַּ֛יִת אֲשֶׁר־אֲנִ֥י בֹונֶ֖הa גָּדֹ֑ול כִּֽי־גָדֹ֥ול אֱלֹהֵ֖ינוּ מִכָּל־הָאֱלֹהִֽים׃

5 וּמִ֤י יַעֲצָרa ־כֹּ֨חַ֙ לִבְנֹֽותb ־לֹ֣ו בַ֔יִת כִּ֧י הַשָּׁמַ֛יִם וּשְׁמֵ֥י הַשָּׁמַ֖יִם לֹ֣א יְכַלְכְּלֻ֑הוּc וּמִ֤י אֲנִי֙ אֲשֶׁ֣ר אֶבְנֶהd ־לֹּ֣ו בַ֔יִת כִּ֖י אִם־לְהַקְטִ֥ירe לְפָנָֽיו׃

6 וְעַתָּ֡ה שְֽׁלַֽחa ־לִ֣י אִישׁ־חָכָ֡ם לַעֲשֹׂות֩b בַּזָּהָ֨ב וּבַכֶּ֜סֶף וּבַנְּחֹ֣שֶׁת וּבַבַּרְזֶ֗ל וּבָֽאַרְגְּוָן֙c וְכַרְמִ֣ילd וּתְכֵ֔לֶתe וְיֹדֵ֖עַ לְפַתֵּ֣חַf פִּתּוּחִ֑יםg עִם־הַֽחֲכָמִ֗ים אֲשֶׁ֤ר עִמִּי֙ בִּֽיהוּדָ֣ה וּבִֽירוּשָׁלִַ֔ם אֲשֶׁ֥ר הֵכִ֖יןh דָּוִ֥יד אָבִֽי׃

7 וּֽשְׁלַֽחa ־לִי֩ עֲצֵ֨י אֲרָזִ֜ים בְּרֹושִׁ֣יםb וְאַלְגּוּמִּים֮c מֵֽהַלְּבָנֹון֒ כִּ֚י אֲנִ֣י יָדַ֔עְתִּיd אֲשֶׁ֤ר עֲבָדֶ֨יךָ֙ יֹֽודְעִ֔יםe לִכְרֹ֖ותf עֲצֵ֣י לְבָנֹ֑ון וְהִנֵּ֥ה עֲבָדַ֖י עִם־עֲבָדֶֽיךָ׃

8 וּלְהָכִ֥יןa לִ֛י עֵצִ֖ים לָרֹ֑ב כִּ֥י הַבַּ֛יִת אֲשֶׁר־אֲנִ֥י בֹונֶ֖הb גָּדֹ֥ול וְהַפְלֵֽא׃

9 וְהִנֵּ֣ה לַֽחֹטְבִ֣יםa ׀ לְֽכֹרְתֵ֣י׀ הָעֵצִ֡ים נָתַתִּי֩b חִטִּ֨יםc ׀ מַכֹּ֜ותd לַעֲבָדֶ֗יךָ כֹּרִים֙e עֶשְׂרִ֣ים אֶ֔לֶף וּשְׂעֹרִ֕יםf כֹּרִ֖יםg עֶשְׂרִ֣ים אָ֑לֶף וְיַ֗יִן בַּתִּים֙h עֶשְׂרִ֣ים אֶ֔לֶף וְשֶׁ֕מֶן בַּתִּ֖יםi עֶשְׂרִ֥ים אָֽלֶף׃ פ

10 וַיֹּ֨אמֶרa חוּרָ֤םb מֶֽלֶךְ־צֹר֙c בִּכְתָ֔בd וַיִּשְׁלַ֖חe אֶל־שְׁלֹמֹ֑ה בְּאַהֲבַ֤תf יְהוָה֙ אֶת־עַמֹּ֔ו נְתָנְךָ֥g עֲלֵיהֶ֖ם מֶֽלֶךְ׃

11 וַיֹּאמֶר֮a חוּרָם֒b בָּר֤וּךְc יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר עָשָׂ֔הd אֶת־הַשָּׁמַ֖יִם וְאֶת־הָאָ֑רֶץ אֲשֶׁ֣ר נָתַן֩e לְדָוִ֨יד הַמֶּ֜לֶךְ בֵּ֣ן חָכָ֗ם יֹודֵ֨עַ֙f שֵׂ֣כֶלg וּבִינָ֔הh אֲשֶׁ֤ר יִבְנֶהi ־בַּ֨יִת֙ לַיהוָ֔ה וּבַ֖יִת לְמַלְכוּתֹֽו׃

12 וְעַתָּ֗ה שָׁלַ֧חְתִּיa אִישׁ־חָכָ֛ם יֹודֵ֥עַb בִּינָ֖הc לְחוּרָ֥םd אָבִֽי׃

13 בֶּן־אִשָּׁ֞ה מִן־בְּנֹ֣ות דָּ֗ן וְאָבִ֣יו אִישׁ־צֹרִ֡יa יֹודֵ֡עַb לַעֲשֹׂ֣ותc בַּזָּֽהָב־וּ֠בַכֶּסֶף בַּנְּחֹ֨שֶׁת בַּבַּרְזֶ֜ל בָּאֲבָנִ֣ים וּבָעֵצִ֗ים בָּאַרְגָּמָ֤ןd בַּתְּכֵ֨לֶת֙e וּבַבּ֣וּץf וּבַכַּרְמִ֔ילg וּלְפַתֵּ֨חַ֙h כָּל־פִּתּ֔וּחַi וְלַחְשֹׁ֖בj כָּל־מַחֲשָׁ֑בֶתk אֲשֶׁ֤ר יִנָּֽתֶןl ־לֹו֙ עִם־חֲכָמֶ֔יךָ וְֽחַכְמֵ֔י אֲדֹנִ֖י דָּוִ֥יד אָבִֽיךָ׃

14 וְ֠עַתָּה הַחִטִּ֨יםa וְהַשְּׂעֹרִ֜יםb הַשֶּׁ֤מֶן וְהַיַּ֨יִן֙ אֲשֶׁ֣ר אָמַ֣רc אֲדֹנִ֔י יִשְׁלַ֖חd לַעֲבָדָֽיו׃

15 וַ֠אֲנַחְנוּ נִכְרֹ֨תa עֵצִ֤ים מִן־הַלְּבָנֹון֙ כְּכָל־צָרְכֶּ֔ךָb וּנְבִיאֵ֥םc לְךָ֛ רַפְסֹדֹ֖ותd עַל־יָ֣ם יָפֹ֑וe וְאַתָּ֛ה תַּעֲלֶ֥הf אֹתָ֖ם יְרוּשָׁלִָֽם׃ פ

16 וַיִּסְפֹּ֣רa שְׁלֹמֹ֗ה כָּל־הָאֲנָשִׁ֤ים הַגֵּירִים֙ אֲשֶׁר֙ בְּאֶ֣רֶץ יִשְׂרָאֵ֔ל אַחֲרֵ֣י הַסְּפָ֔רb אֲשֶׁ֥ר סְפָרָ֖םc דָּוִ֣יד אָבִ֑יו וַיִּמָּצְא֗וּd מֵאָ֤ה וַחֲמִשִּׁים֙ אֶ֔לֶף וּשְׁלֹ֥שֶׁת אֲלָפִ֖ים וְשֵׁ֥שׁ מֵאֹֽות׃

17 וַיַּ֨עַשׂa מֵהֶ֜ם שִׁבְעִ֥ים אֶ֨לֶף֙ סַבָּ֔לb וּשְׁמֹנִ֥ים אֶ֖לֶף חֹצֵ֣בc בָּהָ֑ר וּשְׁלֹ֤שֶׁת אֲלָפִים֙ וְשֵׁ֣שׁ מֵאֹ֔ות מְנַצְּחִ֖ים לְהַעֲבִ֥ידd אֶת־הָעָֽם׃