דברי הימים ב

וַ֠יָּשָׁבa יְהֹושָׁפָ֨ט מֶֽלֶךְ־יְהוּדָ֧ה אֶל־בֵּיתֹ֛ו בְּשָׁלֹ֖ום לִֽירוּשָׁלִָֽם׃

2 וַיֵּצֵ֣אa אֶל־פָּנָ֗יו יֵה֣וּא בֶן־חֲנָ֘נִי֮b הַחֹזֶה֒c וַיֹּ֨אמֶר֙d אֶל־הַמֶּ֣לֶךְ יְהֹושָׁפָ֔ט הֲלָרָשָׁ֣ע לַעְזֹ֔רe וּלְשֹׂנְאֵ֥יf יְהוָ֖ה תֶּאֱהָ֑בg וּבָזֹאת֙ עָלֶ֣יךָ קֶּ֔צֶףh מִלִּפְנֵ֖י יְהוָֽה׃

3 אֲבָ֕לa דְּבָרִ֥ים טֹובִ֖ים נִמְצְא֣וּb עִמָּ֑ךְ כִּֽי־בִעַ֤רְתָּc הָאֲשֵׁרֹות֙d מִן־הָאָ֔רֶץ וַהֲכִינֹ֥ותָe לְבָבְךָ֖ לִדְרֹ֥שׁf הָֽאֱלֹהִֽים׃

4 וַיֵּ֥שֶׁבa יְהֹושָׁפָ֖ט בִּירוּשָׁלִָ֑ם ס וַיָּ֜שָׁבb וַיֵּצֵ֣אc בָעָ֗ם מִבְּאֵ֥ר שֶׁ֨בַע֙d עַד־הַ֣ר אֶפְרַ֔יִם וַיְשִׁיבֵ֕םe אֶל־יְהוָ֖ה אֱלֹהֵ֥י אֲבֹותֵיהֶֽם׃

5 וַיַּעֲמֵ֨דa שֹֽׁפְטִ֜ים בָּאָ֗רֶץ בְּכָל־עָרֵ֧י יְהוּדָ֛ה הַבְּצֻרֹ֖ותb לְעִ֥יר וָעִֽיר׃

6 וַיֹּ֣אמֶרa אֶל־הַשֹּֽׁפְטִ֗ים רְאוּ֙b מָֽה־אַתֶּ֣ם עֹשִׂ֔יםc כִּ֣י לֹ֧א לְאָדָ֛ם תִּשְׁפְּט֖וּd כִּ֣י לַיהוָ֑ה וְעִמָּכֶ֖ם בִּדְבַ֥ר מִשְׁפָּֽט׃

7 וְעַתָּ֕ה יְהִ֥יa פַֽחַדb ־יְהוָ֖ה עֲלֵיכֶ֑ם שִׁמְר֣וּc וַעֲשׂ֔וּd כִּֽי־אֵ֞ין עִם־יְהוָ֣ה אֱלֹהֵ֗ינוּ עַוְלָ֛הe וּמַשֹּׂ֥אf פָנִ֖ים וּמִקַּחg ־שֹֽׁחַדh ׃

8 וְגַ֣ם בִּ֠ירוּשָׁלִַם הֶעֱמִ֨ידa יְהֹושָׁפָ֜ט מִן־הַלְוִיִּ֣ם וְהַכֹּהֲנִ֗ים וּמֵרָאשֵׁ֤י הָאָבֹות֙ לְיִשְׂרָאֵ֔ל לְמִשְׁפַּ֥ט יְהוָ֖ה וְלָרִ֑יב וַיָּשֻׁ֖בוּb יְרוּשָׁלִָֽם׃

9 וַיְצַ֥וa עֲלֵיהֶ֖ם לֵאמֹ֑רb כֹּ֤ה תַעֲשׂוּן֙c בְּיִרְאַ֣תd יְהוָ֔ה בֶּאֱמוּנָ֖הe וּבְלֵבָ֥ב שָׁלֵֽםf ׃

10 וְכָל־רִיב֩ אֲשֶׁר־יָבֹ֨ואa עֲלֵיכֶ֜ם מֵאֲחֵיכֶ֣ם׀ הַיֹּשְׁבִ֣יםb בְּעָרֵיהֶ֗ם בֵּֽין־דָּ֣ם׀ לְדָם֮ בֵּין־תֹּורָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣םc אֹתָ֔ם וְלֹ֤א יֶאְשְׁמוּ֙d לַיהוָ֔ה וְהָֽיָהe ־קֶ֥צֶףf עֲלֵיכֶ֖ם וְעַל־אֲחֵיכֶ֑ם כֹּ֥ה תַעֲשׂ֖וּןg וְלֹ֥א תֶאְשָֽׁמוּh ׃

11 וְהִנֵּ֡ה אֲמַרְיָ֣הוּa כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר־יְהוָ֗ה וּזְבַדְיָ֨הוּb בֶן־יִשְׁמָעֵ֜אלc הַנָּגִ֤ידd לְבֵית־יְהוּדָה֙ לְכֹ֣ל דְּבַר־הַמֶּ֔לֶךְ וְשֹׁטְרִ֥יםe הַלְוִיִּ֖ם לִפְנֵיכֶ֑ם חִזְק֣וּf וַעֲשׂ֔וּg וִיהִ֥יh יְהוָ֖ה עִם־הַטֹּֽוב׃ פ