דברי הימים ב

בִּשְׁנַ֨ת שְׁלֹשִׁ֤ים וָשֵׁשׁ֙ לְמַלְכ֣וּת אָסָ֔א עָלָ֞הa בַּעְשָׁ֤אb מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶןc אֶת־הָרָמָ֑הd לְבִלְתִּ֗י תֵּ֚תe יֹוצֵ֣א וָבָ֔א לְאָסָ֖א מֶ֥לֶךְ יְהוּדָֽה׃

2 וַיֹּצֵ֨אa אָסָ֜א כֶּ֣סֶף וְזָהָ֗ב מֵאֹֽצְרֹ֛ות בֵּ֥ית יְהוָ֖ה וּבֵ֣ית הַמֶּ֑לֶךְ וַיִּשְׁלַ֗חb אֶל־בֶּן־הֲדַד֙c מֶ֣לֶךְ אֲרָ֔ם הַיֹּושֵׁ֥בd בְּדַרְמֶ֖שֶׂקe לֵאמֹֽרf ׃

3 בְּרִית֙ בֵּינִ֣י וּבֵינֶ֔ךָ וּבֵ֥ין אָבִ֖י וּבֵ֣ין אָבִ֑יךָ הִנֵּ֨ה שָׁלַ֤חְתִּֽיa לְךָ֙ כֶּ֣סֶף וְזָהָ֔ב לֵ֞ךְb הָפֵ֣רc בְּרִֽיתְךָ֗ אֶת־בַּעְשָׁא֙d מֶ֣לֶךְ יִשְׂרָאֵ֔ל וְיַעֲלֶ֖הe מֵעָלָֽי׃

4 וַיִּשְׁמַ֨עa בֶּן הֲדַ֜דb אֶל־הַמֶּ֣לֶךְ אָסָ֗א וַ֠יִּשְׁלַחc אֶת־שָׂרֵ֨י הַחֲיָלִ֤ים אֲשֶׁר־לֹו֙ אֶל־עָרֵ֣י יִשְׂרָאֵ֔ל וַיַּכּוּ֙d אֶת־עִיֹּ֣וןe וְאֶת־דָּ֔ן וְאֵ֖ת אָבֵ֣ל מָ֑יִםf וְאֵ֥ת כָּֽל־מִסְכְּנֹ֖ותg עָרֵ֥י נַפְתָּלִֽי׃

5 וַיְהִי֙a כִּשְׁמֹ֣עַb בַּעְשָׁ֔אc וַיֶּחְדַּ֕לd מִבְּנֹ֖ותe אֶת־הָרָמָ֑הf וַיַּשְׁבֵּ֖תg אֶת־מְלַאכְתֹּֽו׃ ס

6 וְאָסָ֣א הַמֶּ֗לֶךְ לָקַח֙a אֶת־כָּל־יְהוּדָ֔ה וַיִּשְׂא֞וּb אֶת־אַבְנֵ֤י הָֽרָמָה֙c וְאֶת־עֵצֶ֔יהָ אֲשֶׁ֥ר בָּנָ֖הd בַּעְשָׁ֑אe וַיִּ֣בֶןf בָּהֶ֔ם אֶת־גֶּ֖בַעg וְאֶת־הַמִּצְפָּֽהh ׃ ס

7 וּבָעֵ֣ת הַהִ֗יא בָּ֚אa חֲנָ֣נִיb הָרֹאֶ֔הc אֶל־אָסָ֖א מֶ֣לֶךְ יְהוּדָ֑ה וַיֹּ֣אמֶרd אֵלָ֗יו בְּהִשָּׁ֨עֶנְךָ֜e עַל־מֶ֤לֶךְ אֲרָם֙ וְלֹ֤א נִשְׁעַ֨נְתָּ֙f עַל־יְהוָ֣ה אֱלֹהֶ֔יךָ עַל־כֵּ֗ן נִמְלַ֛טg חֵ֥יל מֶֽלֶךְ־אֲרָ֖ם מִיָּדֶֽךָ׃

8 הֲלֹ֧א הַכּוּשִׁ֣יםa וְהַלּוּבִ֗יםb הָי֨וּc לְחַ֧יִל׀ לָרֹ֛ב לְרֶ֥כֶב וּלְפָרָשִׁ֖ים לְהַרְבֵּ֣הd מְאֹ֑ד וּבְהִשָּֽׁעֶנְךָ֥e עַל־יְהוָ֖ה נְתָנָ֥םf בְּיָדֶֽךָ׃

9 כִּ֣י יְהוָ֗ה עֵינָ֞יו מְשֹׁטְטֹ֤ותa בְּכָל־הָאָ֨רֶץ֙ לְ֠הִתְחַזֵּקb עִם־לְבָבָ֥ם שָׁלֵ֛םc אֵלָ֖יו נִסְכַּ֣לְתָּd עַל־זֹ֑את כִּ֣י מֵעַ֔תָּה יֵ֥שׁ עִמְּךָ֖ מִלְחָמֹֽות׃

10 וַיִּכְעַ֨סa אָסָ֜א אֶל־הָרֹאֶ֗הb וַֽיִּתְּנֵ֨הוּ֙c בֵּ֣ית הַמַּהְפֶּ֔כֶתd כִּֽי־בְזַ֥עַףe עִמֹּ֖ו עַל־זֹ֑את וַיְרַצֵּ֥ץf אָסָ֛א מִן־הָעָ֖ם בָּעֵ֥ת הַהִֽיא׃

11 וְהִנֵּה֙ דִּבְרֵ֣י אָסָ֔א הָרִאשֹׁונִ֖ים וְהָאַחֲרֹונִ֑ים הִנָּ֤ם כְּתוּבִים֙a עַל־סֵ֣פֶר הַמְּלָכִ֔ים לִיהוּדָ֖ה וְיִשְׂרָאֵֽל׃

12 וַיֶּחֱלֶ֣אa אָסָ֡א בִּשְׁנַת֩ שְׁלֹושִׁ֨ים וָתֵ֤שַׁע לְמַלְכוּתֹו֙ בְּרַגְלָ֔יו עַד־לְמַ֖עְלָה חָלְיֹ֑וb וְגַם־בְּחָלְיֹו֙c לֹא־דָרַ֣שׁd אֶת־יְהוָ֔ה כִּ֖י בָּרֹפְאִֽים׃

13 וַיִּשְׁכַּ֥בa אָסָ֖א עִם־אֲבֹתָ֑יו וַיָּ֕מָתb בִּשְׁנַ֛ת אַרְבָּעִ֥ים וְאַחַ֖ת לְמָלְכֹֽוc ׃

14 וַיִּקְבְּרֻ֣הוּa בְקִבְרֹתָ֗יו אֲשֶׁ֣ר כָּֽרָהb ־לֹו֮ בְּעִ֣יר דָּוִיד֒ וַיַּשְׁכִּיבֻ֗הוּc בַּמִּשְׁכָּב֙d אֲשֶׁ֤ר מִלֵּא֙e בְּשָׂמִ֣יםf וּזְנִ֔יםg מְרֻקָּחִ֖יםh בְּמִרְקַ֣חַתi מַעֲשֶׂ֑ה וַיִּשְׂרְפוּj ־לֹ֥ו שְׂרֵפָ֖הk גְּדֹולָ֥ה עַד־לִמְאֹֽד׃ פ