דברי הימים ב

וַיַּ֤עַשׂa אָסָא֙ הַטֹּ֣וב וְהַיָּשָׁ֔ר בְּעֵינֵ֖י יְהוָ֥ה אֱלֹהָֽיו׃

2 וַיָּ֛סַרa אֶת־מִזְבְּחֹ֥ות הַנֵּכָ֖רb וְהַבָּמֹ֑ות וַיְשַׁבֵּר֙c אֶת־הַמַּצֵּבֹ֔ותd וַיְגַדַּ֖עe אֶת־הָאֲשֵׁרִֽיםf ׃

3 וַיֹּ֨אמֶר֙a לִֽיהוּדָ֔ה לִדְרֹ֕ושׁb אֶת־יְהוָ֖ה אֱלֹהֵ֣י אֲבֹותֵיהֶ֑ם וְלַעֲשֹׂ֖ותc הַתֹּורָ֥ה וְהַמִּצְוָֽה׃

4 וַיָּ֨סַר֙a מִכָּל־עָרֵ֣י יְהוּדָ֔ה אֶת־הַבָּמֹ֖ות וְאֶת־הַֽחַמָּנִ֑יםb וַתִּשְׁקֹ֥טc הַמַּמְלָכָ֖ה לְפָנָֽיו׃

5 וַיִּ֛בֶןa עָרֵ֥י מְצוּרָ֖הb בִּיהוּדָ֑ה כִּֽי־שָׁקְטָ֣הc הָאָ֗רֶץ וְאֵין־עִמֹּ֤ו מִלְחָמָה֙ בַּשָּׁנִ֣ים הָאֵ֔לֶּה כִּֽי־הֵנִ֥יחַd יְהוָ֖ה לֹֽו׃

6 וַיֹּ֨אמֶרa לִֽיהוּדָ֜ה נִבְנֶ֣הb ׀ אֶת־הֶעָרִ֣ים הָאֵ֗לֶּה וְנָסֵ֨בc חֹומָ֣ה וּמִגְדָּלִים֮d דְּלָתַ֣יִם וּבְרִיחִים֒e עֹודֶ֨נּוּ הָאָ֜רֶץ לְפָנֵ֗ינוּ כִּ֤י דָרַ֨שְׁנוּ֙f אֶת־יְהוָ֣ה אֱלֹהֵ֔ינוּ דָּרַ֕שְׁנוּg וַיָּ֥נַֽחh לָ֖נוּ מִסָּבִ֑יב וַיִּבְנ֖וּi וַיַּצְלִֽיחוּj ׃ פ

7 וַיְהִ֣יa לְאָסָ֗א חַיִל֮ נֹשֵׂ֣אb צִנָּ֣הc וָרֹמַח֒d מִֽיהוּדָה֙ שְׁלֹ֣שׁ מֵאֹ֣ות אֶ֔לֶף ס וּמִבִּנְיָמִ֗ן נֹשְׂאֵ֤י מָגֵן֙ וְדֹ֣רְכֵי קֶ֔שֶׁת מָאתַ֥יִם וּשְׁמֹונִ֖ים אָ֑לֶף כָּל־אֵ֖לֶּה גִּבֹּ֥ורֵי חָֽיִל׃

8 וַיֵּצֵ֨אa אֲלֵיהֶ֜ם זֶ֣רַחb הַכּוּשִׁ֗יc בְּחַ֨יִל֙ אֶ֣לֶף אֲלָפִ֔ים וּמַרְכָּבֹ֖ותd שְׁלֹ֣שׁ מֵאֹ֑ות וַיָּבֹ֖אe עַד־מָרֵשָֽׁהf ׃

9 וַיֵּצֵ֥אa אָסָ֖א לְפָנָ֑יו וַיַּֽעַרְכוּ֙b מִלְחָמָ֔ה בְּגֵ֥יא צְפַ֖תָהc לְמָרֵשָֽׁהd ׃

10 וַיִּקְרָ֨אa אָסָ֜א אֶל־יְהוָ֣ה אֱלֹהָיו֮ וַיֹּאמַר֒b יְהוָ֗ה אֵֽין־עִמְּךָ֤ לַעְזֹור֙c בֵּ֥ין רַב֙ לְאֵ֣ין כֹּ֔חַ עָזְרֵ֜נוּd יְהוָ֤ה אֱלֹהֵ֨ינוּ֙ כִּֽי־עָלֶ֣יךָ נִשְׁעַ֔נּוּe וּבְשִׁמְךָ֣ בָ֔אנוּf עַל־הֶהָמֹ֖ון הַזֶּ֑ה יְהוָ֤ה אֱלֹהֵ֨ינוּ֙ אַ֔תָּה אַל־יַעְצֹ֥רg עִמְּךָ֖ אֱנֹֽושׁh ׃ ס

11 וַיִּגֹּ֤ףa יְהוָה֙ אֶת־הַכּוּשִׁ֔יםb לִפְנֵ֥י אָסָ֖א וְלִפְנֵ֣י יְהוּדָ֑ה וַיָּנֻ֖סוּc הַכּוּשִֽׁיםd ׃

12 וַיִּרְדְּפֵ֨םa אָסָ֜א וְהָעָ֣ם אֲשֶׁר־עִמֹּו֮ עַד־לִגְרָר֒b וַיִּפֹּ֤לc מִכּוּשִׁים֙d לְאֵ֣ין לָהֶ֣ם מִֽחְיָ֔הe כִּֽי־נִשְׁבְּר֥וּf לִפְנֵֽי־יְהוָ֖ה וְלִפְנֵ֣י מַחֲנֵ֑הוּ וַיִּשְׂא֥וּg שָׁלָ֖ל הַרְבֵּ֥ה מְאֹֽד׃

13 וַיַּכּ֗וּa אֵ֤ת כָּל־הֶֽעָרִים֙ סְבִיבֹ֣ות גְּרָ֔רb כִּי־הָיָ֥הc פַֽחַדd ־יְהוָ֖ה עֲלֵיהֶ֑ם וַיָּבֹ֨זּוּ֙e אֶת־כָּל־הֶ֣עָרִ֔ים כִּֽי־בִזָּ֥הf רַבָּ֖ה הָיְתָ֥הg בָהֶֽם׃

14 וְגַם־אָהֳלֵ֥י מִקְנֶ֖ה הִכּ֑וּa וַיִּשְׁבּ֨וּb צֹ֤אן לָרֹב֙ וּגְמַלִּ֔ים וַיָּשֻׁ֖בוּc יְרוּשָׁלִָֽם׃ ס