דברי הימים ב

וַיְהִ֗יa כְּהָכִ֞יןb מַלְכ֤וּת רְחַבְעָם֙ וּכְחֶזְקָתֹ֔וc עָזַ֖בd אֶת־תֹּורַ֣ת יְהוָ֑ה וְכָל־יִשְׂרָאֵ֖ל עִמֹּֽו׃ פ

2 וַיְהִ֞יa בַּשָּׁנָ֤ה הַֽחֲמִישִׁית֙b לַמֶּ֣לֶךְ רְחַבְעָ֔ם עָלָ֛הc שִׁישַׁ֥קd מֶֽלֶךְ־מִצְרַ֖יִם עַל־יְרוּשָׁלִָ֑ם כִּ֥י מָעֲל֖וּe בַּיהוָֽה׃

3 בְּאֶ֤לֶף וּמָאתַ֨יִם֙ רֶ֔כֶב וּבְשִׁשִּׁ֥ים אֶ֖לֶף פָּרָשִׁ֑ים וְאֵ֣ין מִסְפָּ֗ר לָעָ֞ם אֲשֶׁר־בָּ֤אוּa עִמֹּו֙ מִמִּצְרַ֔יִם לוּבִ֥יםb סֻכִּיִּ֖יםc וְכוּשִֽׁיםd ׃

4 וַיִּלְכֹּ֛דa אֶת־עָרֵ֥י הַמְּצֻרֹ֖ותb אֲשֶׁ֣ר לִֽיהוּדָ֑ה וַיָּבֹ֖אc עַד־יְרוּשָׁלִָֽם׃ ס

5 וּֽשְׁמַֽעְיָ֤הa הַנָּבִיא֙ בָּ֣אb אֶל־רְחַבְעָ֔ם וְשָׂרֵ֣י יְהוּדָ֔ה אֲשֶׁר־נֶאֶסְפ֥וּc אֶל־יְרוּשָׁלִַ֖ם מִפְּנֵ֣י שִׁישָׁ֑קd וַיֹּ֨אמֶרe לָהֶ֜ם כֹּה־אָמַ֣רf יְהוָ֗ה אַתֶּם֙ עֲזַבְתֶּ֣םg אֹתִ֔י וְאַף־אֲנִ֛י עָזַ֥בְתִּיh אֶתְכֶ֖ם בְּיַד־שִׁישָֽׁקi ׃

6 וַיִּכָּנְע֥וּa שָׂרֵֽי־יִשְׂרָאֵ֖ל וְהַמֶּ֑לֶךְ וַיֹּאמְר֖וּb צַדִּ֥יק׀ יְהוָֽה׃

7 וּבִרְאֹ֤ותa יְהוָה֙ כִּ֣י נִכְנָ֔עוּb הָיָה֩c דְבַר־יְהוָה֙ אֶל־שְׁמַֽעְיָ֧הd ׀ לֵאמֹ֛רe נִכְנְע֖וּf לֹ֣א אַשְׁחִיתֵ֑םg וְנָתַתִּ֨יh לָהֶ֤ם כִּמְעַט֙ לִפְלֵיטָ֔הi וְלֹא־תִתַּ֧ךְj חֲמָתִ֛י בִּירוּשָׁלִַ֖ם בְּיַד־שִׁישָֽׁקk ׃

8 כִּ֥י יִהְיוּa ־לֹ֖ו לַעֲבָדִ֑ים וְיֵדְעוּ֙b עֲבֹ֣ודָתִ֔י וַעֲבֹודַ֖ת מַמְלְכֹ֥ות הָאֲרָצֹֽות׃ ס

9 וַיַּ֨עַלa שִׁישַׁ֥קb מֶֽלֶךְ־מִצְרַיִם֮ עַל־יְרוּשָׁלִַם֒ וַיִּקַּ֞חc אֶת־אֹצְרֹ֣ות בֵּית־יְהוָ֗ה וְאֶת־אֹֽצְרֹות֙ בֵּ֣ית הַמֶּ֔לֶךְ אֶת־הַכֹּ֖ל לָקָ֑חd וַיִּקַּח֙e אֶת־מָגִנֵּ֣י הַזָּהָ֔ב אֲשֶׁ֥ר עָשָׂ֖הf שְׁלֹמֹֽה׃

10 וַיַּ֨עַשׂa הַמֶּ֤לֶךְ רְחַבְעָם֙ תַּחְתֵּיהֶ֔ם מָגִנֵּ֖י נְחֹ֑שֶׁת וְהִפְקִ֗ידb עַל־יַד֙ שָׂרֵ֣י הָרָצִ֔ים הַשֹּׁ֣מְרִ֔יםc פֶּ֖תַח בֵּ֥ית הַמֶּֽלֶךְ׃

11 וַיְהִ֛יa מִדֵּיb ־בֹ֥ואc הַמֶּ֖לֶךְ בֵּ֣ית יְהוָ֑ה בָּ֤אוּd הָרָצִים֙ וּנְשָׂא֔וּםe וֶהֱשִׁב֖וּםf אֶל־תָּ֥אg הָרָצִֽים׃

12 וּבְהִכָּֽנְעֹ֗וa שָׁ֤בb מִמֶּ֨נּוּ֙ אַף־יְהוָ֔ה וְלֹ֥א לְהַשְׁחִ֖יתc לְכָלָ֑הd וְגַם֙ בִּֽיהוּדָ֔ה הָיָ֖הe דְּבָרִ֥ים טֹובִֽים׃ ס

13 וַיִּתְחַזֵּ֞קa הַמֶּ֧לֶךְ רְחַבְעָ֛ם בִּירוּשָׁלִַ֖ם וַיִּמְלֹ֑ךְb כִּ֣י בֶן־אַרְבָּעִ֣ים וְאַחַ֣ת שָׁנָה֩ רְחַבְעָ֨ם בְּמָלְכֹ֜וc וּֽשֲׁבַ֨ע עֶשְׂרֵ֥ה שָׁנָ֣ה׀ מָלַ֣ךְd בִּֽירוּשָׁלִַ֗ם הָ֠עִיר אֲשֶׁר־בָּחַ֨רe יְהוָ֜ה לָשׂ֨וּםf אֶת־שְׁמֹ֥ו שָׁם֙ מִכֹּל֙ שִׁבְטֵ֣י יִשְׂרָאֵ֔ל וְשֵׁ֣ם אִמֹּ֔ו נַעֲמָ֖הg הָֽעַמֹּנִֽיתh ׃

14 וַיַּ֖עַשׂa הָרָ֑ע כִּ֣י לֹ֤א הֵכִין֙b לִבֹּ֔ו לִדְרֹ֖ושׁc אֶת־יְהוָֽה׃ ס

15 וְדִבְרֵ֣י רְחַבְעָ֗ם הָרִאשֹׁנִים֙ וְהָאֲ֣חַרֹונִ֔ים הֲלֹא־הֵ֨ם כְּתוּבִ֜יםa בְּדִבְרֵ֨י שְׁמַֽעְיָ֧הb הַנָּבִ֛יא וְעִדֹּ֥וc הַחֹזֶ֖הd לְהִתְיַחֵ֑שׂe וּמִלְחֲמֹ֧ות רְחַבְעָ֛ם וְיָרָבְעָ֖ם כָּל־הַיָּמִֽים׃

16 וַיִּשְׁכַּ֤בa רְחַבְעָם֙ עִם־אֲבֹתָ֔יו וַיִּקָּבֵ֖רb בְּעִ֣יר דָּוִ֑יד וַיִּמְלֹ֛ךְc אֲבִיָּ֥הd בְנֹ֖ו תַּחְתָּֽיו׃ פ