דברי הימים ב

וַיָּבֹ֣אa רְחַבְעָם֮ יְרוּשָׁלִַם֒ וַיַּקְהֵל֩b אֶת־בֵּ֨ית יְהוּדָ֜ה וּבִנְיָמִ֗ן מֵאָ֨ה וּשְׁמֹונִ֥ים אֶ֛לֶף בָּח֖וּר עֹשֵׂ֣הc מִלְחָמָ֑ה לְהִלָּחֵם֙d עִם־יִשְׂרָאֵ֔ל לְהָשִׁ֥יבe אֶת־הַמַּמְלָכָ֖ה לִרְחַבְעָֽם׃ פ

2 וַיְהִי֙a דְּבַר־יְהוָ֔ה אֶל־שְׁמַֽעְיָ֥הוּb אִישׁ־הָאֱלֹהִ֖ים לֵאמֹֽרc ׃

3 אֱמֹ֕רa אֶל־רְחַבְעָ֥ם בֶּן־שְׁלֹמֹ֖ה מֶ֣לֶךְ יְהוּדָ֑ה וְאֶל֙ כָּל־יִשְׂרָאֵ֔ל בִּיהוּדָ֥ה וּבִנְיָמִ֖ן לֵאמֹֽרb ׃

4 כֹּ֣ה אָמַ֣רa יְהוָ֡ה לֹא־תַעֲלוּ֩b וְלֹא־תִלָּ֨חֲמ֜וּc עִם־אֲחֵיכֶ֗ם שׁ֚וּבוּd אִ֣ישׁ לְבֵיתֹ֔ו כִּ֧י מֵֽאִתִּ֛י נִהְיָ֖הe הַדָּבָ֣ר הַזֶּ֑ה וַֽיִּשְׁמְעוּ֙f אֶת־דִּבְרֵ֣י יְהוָ֔ה וַיָּשֻׁ֖בוּg מִלֶּ֥כֶתh אֶל־יָרָבְעָֽם׃ פ

5 וַיֵּ֥שֶׁבa רְחַבְעָ֖ם בִּירוּשָׁלִָ֑ם וַיִּ֧בֶןb עָרִ֛ים לְמָצֹ֖ורc בִּיהוּדָֽה׃

6 וַיִּ֧בֶןa אֶת־בֵּֽית־לֶ֛חֶםb וְאֶת־עֵיטָ֖םc וְאֶת־תְּקֹֽועַd ׃

7 וְאֶת־בֵּֽית־צ֥וּרa וְאֶת־שֹׂוכֹ֖וb וְאֶת־עֲדֻלָּֽםc ׃

8 וְאֶת־גַּ֥תa וְאֶת־מָרֵשָׁ֖הb וְאֶת־זִֽיףc ׃

9 וְאֶת־אֲדֹורַ֥יִםa וְאֶת־לָכִ֖ישׁb וְאֶת־עֲזֵקָֽהc ׃

10 וְאֶת־צָרְעָה֙a וְאֶת־אַיָּלֹ֔וןb וְאֶת־חֶבְרֹ֔ון אֲשֶׁ֥ר בִּיהוּדָ֖ה וּבְבִנְיָמִ֑ן עָרֵ֖י מְצֻרֹֽותc ׃

11 וַיְחַזֵּ֖קa אֶת־הַמְּצֻרֹ֑ותb וַיִּתֵּ֤ןc בָּהֶם֙ נְגִידִ֔יםd וְאֹצְרֹ֥ות מַאֲכָ֖לe וְשֶׁ֥מֶן וָיָֽיִן׃

12 וּבְכָל־עִ֤יר וָעִיר֙ צִנֹּ֣ותa וּרְמָחִ֔יםb וַֽיְחַזְּקֵ֖םc לְהַרְבֵּ֣הd מְאֹ֑ד וַיְהִיe ־לֹ֖ו יְהוּדָ֥ה וּבִנְיָמִֽן׃ ס

13 וְהַכֹּהֲנִים֙ וְהַלְוִיִּ֔ם אֲשֶׁ֖ר בְּכָל־יִשְׂרָאֵ֑ל הִֽתְיַצְּב֥וּa עָלָ֖יו מִכָּל־גְּבוּלָֽם׃

14 כִּֽי־עָזְב֣וּa הַלְוִיִּ֗ם אֶת־מִגְרְשֵׁיהֶם֙ וַאֲחֻזָּתָ֔ם וַיֵּלְכ֥וּb לִיהוּדָ֖ה וְלִֽירוּשָׁלִָ֑ם כִּֽי־הִזְנִיחָ֤םc יָֽרָבְעָם֙ וּבָנָ֔יו מִכַּהֵ֖ןd לַיהוָֽה׃

15 וַיַּֽעֲמֶדa ־לֹו֙ כֹּֽהֲנִ֔ים לַבָּמֹ֖ות וְלַשְּׂעִירִ֑יםb וְלָעֲגָלִ֖יםc אֲשֶׁ֥ר עָשָֽׂהd ׃

16 וְאַחֲרֵיהֶ֗ם מִכֹּל֙ שִׁבְטֵ֣י יִשְׂרָאֵ֔ל הַנֹּֽתְנִים֙a אֶת־לְבָבָ֔ם לְבַקֵּ֕שׁb אֶת־יְהוָ֖ה אֱלֹהֵ֣י יִשְׂרָאֵ֑ל בָּ֚אוּc יְר֣וּשָׁלִַ֔ם לִזְבֹּ֕וחַd לַיהוָ֖ה אֱלֹהֵ֥י אֲבֹותֵיהֶֽם׃

17 וַֽיְחַזְּקוּ֙a אֶת־מַלְכ֣וּת יְהוּדָ֔ה וַֽיְאַמְּצ֛וּb אֶת־רְחַבְעָ֥ם בֶּן־שְׁלֹמֹ֖ה לְשָׁנִ֣ים שָׁלֹ֑ושׁ כִּ֣י הָֽלְכ֗וּc בְּדֶ֧רֶךְ דָּוִ֛יד וּשְׁלֹמֹ֖ה לְשָׁנִ֥ים שָׁלֹֽושׁ׃

18 וַיִּֽקַּֽחa ־לֹ֤ו רְחַבְעָם֙ אִשָּׁ֔ה אֶת־מָ֣חֲלַ֔תb בןc ־יְרִימֹ֖ותd בֶּן־דָּוִ֑יד אֲבִיהַ֕יִלe בַּת־אֱלִיאָ֖בf בֶּן־יִשָֽׁיg ׃

19 וַתֵּ֥לֶדa לֹ֖ו בָּנִ֑ים אֶת־יְע֥וּשׁb וְאֶת־שְׁמַרְיָ֖הc וְאֶת־זָֽהַםd ׃

20 וְאַחֲרֶ֣יהָ לָקַ֔חa אֶֽת־מַעֲכָ֖הb בַּת־אַבְשָׁלֹ֑ום וַתֵּ֣לֶדc לֹ֗ו אֶת־אֲבִיָּה֙d וְאֶת־עַתַּ֔יe וְאֶת־זִיזָ֖אf וְאֶת־שְׁלֹמִֽיתg ׃

21 וַיֶּאֱהַ֨בa רְחַבְעָ֜ם אֶת־מַעֲכָ֣הb בַת־אַבְשָׁלֹ֗ום מִכָּל־נָשָׁיו֙ וּפִ֣ילַגְשָׁ֔יוc כִּ֠י נָשִׁ֤ים שְׁמֹונֶֽה־עֶשְׂרֵה֙ נָשָׂ֔אd וּפִֽילַגְשִׁ֖יםe שִׁשִּׁ֑ים וַיֹּ֗ולֶדf עֶשְׂרִ֧ים וּשְׁמֹונָ֛ה בָּנִ֖ים וְשִׁשִּׁ֥ים בָּנֹֽות׃

22 וַיַּֽעֲמֵ֨דa לָרֹ֧אשׁ רְחַבְעָ֛ם אֶת־אֲבִיָּ֥הb בֶֽן־מַעֲכָ֖הc לְנָגִ֣ידd בְּאֶחָ֑יו כִּ֖י לְהַמְלִיכֹֽוe ׃

23 וַיָּבֶן֩a וַיִּפְרֹ֨ץb מִכָּל־בָּנָ֜יו לְֽכָל־אַרְצֹ֧ות יְהוּדָ֣ה וּבִנְיָמִ֗ן לְכֹל֙ עָרֵ֣י הַמְּצֻרֹ֔ותc וַיִּתֵּ֥ןd לָהֶ֛ם הַמָּזֹ֖וןe לָרֹ֑ב וַיִּשְׁאַ֖לf הֲמֹ֥ון נָשִֽׁים׃