דברי הימים ב

וַיִּתְחַזֵּ֛קa שְׁלֹמֹ֥ה בֶן־דָּוִ֖יד עַל־מַלְכוּתֹ֑ו וַיהוָ֤ה אֱלֹהָיו֙ עִמֹּ֔ו וַֽיְגַדְּלֵ֖הוּb לְמָֽעְלָה׃

2 וַיֹּ֣אמֶרa שְׁלֹמֹ֣ה לְכָל־יִשְׂרָאֵ֡ל לְשָׂרֵי֩ הָאֲלָפִ֨ים וְהַמֵּאֹ֜ות וְלַשֹּֽׁפְטִ֗ים וּלְכֹ֛ל נָשִׂ֥יא לְכָל־יִשְׂרָאֵ֖ל רָאשֵׁ֥י הָאָבֹֽות׃

3 וַיֵּלְכ֗וּa שְׁלֹמֹה֙ וְכָל־הַקָּהָ֣ל עִמֹּ֔ו לַבָּמָ֖ה אֲשֶׁ֣ר בְּגִבְעֹ֑וןb כִּי־שָׁ֣ם הָיָ֗הc אֹ֤הֶל מֹועֵד֙ הָֽאֱלֹהִ֔ים אֲשֶׁ֥ר עָשָׂ֛הd מֹשֶׁ֥ה עֶֽבֶד־יְהוָ֖ה בַּמִּדְבָּֽר׃

4 אֲבָ֗לa אֲרֹ֤ון הָאֱלֹהִים֙ הֶעֱלָ֤הb דָוִיד֙ מִקִּרְיַ֣ת יְעָרִ֔יםc בַּֽהֵכִ֥יןd לֹ֖ו דָּוִ֑יד כִּ֧י נָֽטָהe ־לֹ֛ו אֹ֖הֶל בִּירוּשָׁלִָֽם׃

5 וּמִזְבַּ֣ח הַנְּחֹ֗שֶׁת אֲשֶׁ֤ר עָשָׂה֙a בְּצַלְאֵל֙b בֶּן־אוּרִ֣יc בֶן־ח֔וּרd שָׂ֕םe לִפְנֵ֖י מִשְׁכַּ֣ן יְהוָ֑ה וַיִּדְרְשֵׁ֥הוּf שְׁלֹמֹ֖ה וְהַקָּהָֽל׃

6 וַיַּעַל֩a שְׁלֹמֹ֨ה שָׁ֜ם עַל־מִזְבַּ֤ח הַנְּחֹ֨שֶׁת֙ לִפְנֵ֣י יְהוָ֔ה אֲשֶׁ֖ר לְאֹ֣הֶל מֹועֵ֑ד וַיַּ֧עַלb עָלָ֛יו עֹלֹ֖ות אָֽלֶף׃

7 בַּלַּ֣יְלָה הַה֔וּא נִרְאָ֥הa אֱלֹהִ֖ים לִשְׁלֹמֹ֑ה וַיֹּ֣אמֶרb לֹ֔ו שְׁאַ֖לc מָ֥ה אֶתֶּןd ־לָֽךְ׃

8 וַיֹּ֤אמֶרa שְׁלֹמֹה֙ לֵֽאלֹהִ֔ים אַתָּ֗ה עָשִׂ֛יתָb עִם־דָּוִ֥יד אָבִ֖י חֶ֣סֶד גָּדֹ֑ול וְהִמְלַכְתַּ֖נִיc תַּחְתָּֽיו׃

9 עַתָּה֙ יְהוָ֣ה אֱלֹהִ֔ים יֵֽאָמֵן֙a דְּבָ֣רְךָ֔ עִ֖ם דָּוִ֣יד אָבִ֑י כִּ֤י אַתָּה֙ הִמְלַכְתַּ֔נִיb עַל־עַ֕ם רַ֖ב כַּעֲפַ֥ר הָאָֽרֶץ׃

10 עַתָּ֗ה חָכְמָ֤ה וּמַדָּע֙a תֶּןb ־לִ֔י וְאֵֽצְאָ֛הc לִפְנֵ֥י הָֽעָם־הַזֶּ֖ה וְאָבֹ֑ואָהd כִּֽי־מִ֣י יִשְׁפֹּ֔טe אֶת־עַמְּךָ֥ הַזֶּ֖ה הַגָּדֹֽול׃ ס

11 וַיֹּ֣אמֶרa ־אֱלֹהִ֣ים׀ לִשְׁלֹמֹ֡ה יַ֣עַן אֲשֶׁר֩ הָיְתָ֨הb זֹ֜את עִם־לְבָבֶ֗ךָ וְלֹֽא־שָׁ֠אַלְתָּc עֹ֣שֶׁרd נְכָסִ֤יםe וְכָבֹוד֙ וְאֵת֙ נֶ֣פֶשׁ שֹׂנְאֶ֔יךָ וְגַם־יָמִ֥ים רַבִּ֖ים לֹ֣א שָׁאָ֑לְתָּf וַתִּֽשְׁאַלg ־לְךָ֙ חָכְמָ֣ה וּמַדָּ֔עh אֲשֶׁ֤ר תִּשְׁפֹּוט֙i אֶת־עַמִּ֔י אֲשֶׁ֥ר הִמְלַכְתִּ֖יךָj עָלָֽיו׃

12 הַֽחָכְמָ֥ה וְהַמַּדָּ֖עa נָת֣וּןb לָ֑ךְ וְעֹ֨שֶׁרc וּנְכָסִ֤יםd וְכָבֹוד֙ אֶתֶּןe ־לָ֔ךְ אֲשֶׁ֣ר׀ לֹא־הָ֣יָהf כֵ֗ן לַמְּלָכִים֙ אֲשֶׁ֣ר לְפָנֶ֔יךָ וְאַחֲרֶ֖יךָ לֹ֥א יִֽהְיֶהg ־כֵּֽן׃

13 וַיָּבֹ֨אa שְׁלֹמֹ֜ה לַבָּמָ֤ה אֲשֶׁר־בְּגִבְעֹון֙b יְר֣וּשָׁלִַ֔ם מִלִּפְנֵ֖י אֹ֣הֶל מֹועֵ֑ד וַיִּמְלֹ֖ךְc עַל־יִשְׂרָאֵֽל׃ פ

14 וַיֶּאֱסֹ֣ףa שְׁלֹמֹה֮ רֶ֣כֶב וּפָרָשִׁים֒ וַֽיְהִיb ־לֹ֗ו אֶ֤לֶף וְאַרְבַּע־מֵאֹות֙ רֶ֔כֶב וּשְׁנֵים־עָשָׂ֥ר אֶ֖לֶף פָּרָשִׁ֑ים וַיַּנִּיחֵם֙c בְּעָרֵ֣י הָרֶ֔כֶב וְעִם־הַמֶּ֖לֶךְ בִּירֽוּשָׁלִָֽם׃

15 וַיִּתֵּ֨ןa הַמֶּ֜לֶךְ אֶת־הַכֶּ֧סֶף וְאֶת־הַזָּהָ֛ב בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ןb כַּשִּׁקְמִ֥יםc אֲשֶׁר־בַּשְּׁפֵלָ֖הd לָרֹֽב׃

16 וּמֹוצָ֧אa הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕אb סֹחֲרֵ֣יc הַמֶּ֔לֶךְ מִקְוֵ֥אd יִקְח֖וּe בִּמְחִֽירf ׃

17 וַֽ֠יַּעֲלוּa וַיֹּוצִ֨יאוּb מִמִּצְרַ֤יִם מֶרְכָּבָה֙c בְּשֵׁ֣שׁ מֵאֹ֣ות כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵן לְכָל־מַלְכֵ֧י הַֽחִתִּ֛יםd וּמַלְכֵ֥י אֲרָ֖ם בְּיָדָ֥ם יֹוצִֽיאוּe ׃

18 וַיֹּ֣אמֶרa שְׁלֹמֹ֗ה לִבְנֹ֥ותb בַּ֨יִת֙ לְשֵׁ֣ם יְהוָ֔ה וּבַ֖יִת לְמַלְכוּתֹֽו׃