שמואל א

וַיְהִ֕יa כַּאֲשֶׁ֥ר זָקֵ֖ןb שְׁמוּאֵ֑ל וַיָּ֧שֶׂםc אֶת־בָּנָ֛יו שֹׁפְטִ֖ים לְיִשְׂרָאֵֽל׃

2 וַיְהִ֞יa שֶׁם־בְּנֹ֤ו הַבְּכֹור֙ יֹואֵ֔לb וְשֵׁ֥ם מִשְׁנֵ֖הוּc אֲבִיָּ֑הd שֹׁפְטִ֖ים בִּבְאֵ֥ר שָֽׁבַעe ׃

3 וְלֹֽא־הָלְכ֤וּa בָנָיו֙ בדרכוb וַיִּטּ֖וּc אַחֲרֵ֣י הַבָּ֑צַעd וַיִּ֨קְחוּe ־שֹׁ֔חַדf וַיַּטּ֖וּg מִשְׁפָּֽט׃ פ

4 וַיִּֽתְקַבְּצ֔וּa כֹּ֖ל זִקְנֵ֣י יִשְׂרָאֵ֑ל וַיָּבֹ֥אוּb אֶל־שְׁמוּאֵ֖ל הָרָמָֽתָהc ׃

5 וַיֹּאמְר֣וּa אֵלָ֗יו הִנֵּה֙ אַתָּ֣ה זָקַ֔נְתָּb וּבָנֶ֕יךָ לֹ֥א הָלְכ֖וּc בִּדְרָכֶ֑יךָ עַתָּ֗ה שִֽׂימָהd ־לָּ֥נוּ מֶ֛לֶךְ לְשָׁפְטֵ֖נוּe כְּכָל־הַגֹּויִֽם׃

6 וַיֵּ֤רַעa הַדָּבָר֙ בְּעֵינֵ֣י שְׁמוּאֵ֔ל כַּאֲשֶׁ֣ר אָמְר֔וּb תְּנָהc ־לָּ֥נוּ מֶ֖לֶךְ לְשָׁפְטֵ֑נוּd וַיִּתְפַּלֵּ֥לe שְׁמוּאֵ֖ל אֶל־יְהוָֽה׃ פ

7 וַיֹּ֤אמֶרa יְהוָה֙ אֶל־שְׁמוּאֵ֔ל שְׁמַע֙b בְּקֹ֣ול הָעָ֔ם לְכֹ֥ל אֲשֶׁר־יֹאמְר֖וּc אֵלֶ֑יךָ כִּ֣י לֹ֤א אֹֽתְךָ֙ מָאָ֔סוּd כִּֽי־אֹתִ֥י מָאֲס֖וּe מִמְּלֹ֥ךְf עֲלֵיהֶֽם׃

8 כְּכָֽל־הַמַּעֲשִׂ֣ים אֲשֶׁר־עָשׂ֗וּa מִיֹּום֩ הַעֲלֹתִ֨יb אֹתָ֤ם מִמִּצְרַ֨יִם֙ וְעַד־הַיֹּ֣ום הַזֶּ֔ה וַיַּ֣עַזְבֻ֔נִיc וַיַּעַבְד֖וּd אֱלֹהִ֣ים אֲחֵרִ֑ים כֵּ֛ן הֵ֥מָּה עֹשִׂ֖יםe גַּם־לָֽךְ׃

9 וְעַתָּ֖ה שְׁמַ֣עa בְּקֹולָ֑ם אַ֗ךְ כִּֽי־הָעֵ֤דb תָּעִיד֙c בָּהֶ֔ם וְהִגַּדְתָּ֣d לָהֶ֔ם מִשְׁפַּ֣ט הַמֶּ֔לֶךְ אֲשֶׁ֥ר יִמְלֹ֖ךְe עֲלֵיהֶֽם׃ ס

10 וַיֹּ֣אמֶרa שְׁמוּאֵ֔ל אֵ֖ת כָּל־דִּבְרֵ֣י יְהוָ֑ה אֶל־הָעָ֕ם הַשֹּׁאֲלִ֥יםb מֵאִתֹּ֖ו מֶֽלֶךְ׃ ס

11 וַיֹּ֕אמֶרa זֶ֗ה יִֽהְיֶה֙b מִשְׁפַּ֣ט הַמֶּ֔לֶךְ אֲשֶׁ֥ר יִמְלֹ֖ךְc עֲלֵיכֶ֑ם אֶת־בְּנֵיכֶ֣ם יִקָּ֗חd וְשָׂ֥םe לֹו֙ בְּמֶרְכַּבְתֹּ֣וf וּבְפָרָשָׁ֔יו וְרָצ֖וּg לִפְנֵ֥י מֶרְכַּבְתֹּֽוh ׃

12 וְלָשׂ֣וּםa לֹ֔ו שָׂרֵ֥י אֲלָפִ֖ים וְשָׂרֵ֣י חֲמִשִּׁ֑ים וְלַחֲרֹ֤שׁb חֲרִישֹׁו֙c וְלִקְצֹ֣רd קְצִירֹ֔וe וְלַעֲשֹׂ֥ותf כְּלֵֽי־מִלְחַמְתֹּ֖וg וּכְלֵ֥י רִכְבֹּֽו׃

13 וְאֶת־בְּנֹותֵיכֶ֖ם יִקָּ֑חa לְרַקָּחֹ֥ותb וּלְטַבָּחֹ֖ותc וּלְאֹפֹֽותd ׃

14 וְאֶת־שְׂ֠דֹֽותֵיכֶם וְאֶת־כַּרְמֵיכֶ֧ם וְזֵיתֵיכֶ֛םa הַטֹּובִ֖ים יִקָּ֑חb וְנָתַ֖ןc לַעֲבָדָֽיו׃

15 וְזַרְעֵיכֶ֥ם וְכַרְמֵיכֶ֖ם יַעְשֹׂ֑רa וְנָתַ֥ןb לְסָרִיסָ֖יוc וְלַעֲבָדָֽיו׃

16 וְאֶת־עַבְדֵיכֶם֩ וְֽאֶת־שִׁפְחֹ֨ותֵיכֶ֜ם וְאֶת־בַּחוּרֵיכֶ֧םa הַטֹּובִ֛ים וְאֶת־חֲמֹורֵיכֶ֖ם יִקָּ֑חb וְעָשָׂ֖הc לִמְלַאכְתֹּֽו׃

17 צֹאנְכֶ֖ם יַעְשֹׂ֑רa וְאַתֶּ֖ם תִּֽהְיוּb ־לֹ֥ו לַעֲבָדִֽים׃

18 וּזְעַקְתֶּם֙a בַּיֹּ֣ום הַה֔וּא מִלִּפְנֵ֣י מַלְכְּכֶ֔ם אֲשֶׁ֥ר בְּחַרְתֶּ֖םb לָכֶ֑ם וְלֹֽא־יַעֲנֶ֧הc יְהוָ֛ה אֶתְכֶ֖ם בַּיֹּ֥ום הַהֽוּא׃

19 וַיְמָאֲנ֣וּa הָעָ֔ם לִשְׁמֹ֖עַb בְּקֹ֣ול שְׁמוּאֵ֑ל וַיֹּאמְר֣וּc לֹּ֔א כִּ֥י אִם־מֶ֖לֶךְ יִֽהְיֶ֥הd עָלֵֽינוּ׃

20 וְהָיִ֥ינוּa גַם־אֲנַ֖חְנוּ כְּכָל־הַגֹּויִ֑ם וּשְׁפָטָ֤נוּb מַלְכֵּ֨נוּ֙ וְיָצָ֣אc לְפָנֵ֔ינוּ וְנִלְחַ֖םd אֶת־מִלְחֲמֹתֵֽנוּ׃

21 וַיִּשְׁמַ֣עa שְׁמוּאֵ֔ל אֵ֖ת כָּל־דִּבְרֵ֣י הָעָ֑ם וַֽיְדַבְּרֵ֖םb בְּאָזְנֵ֥י יְהוָֽה׃ פ

22 וַיֹּ֨אמֶרa יְהוָ֤ה אֶל־שְׁמוּאֵל֙ שְׁמַ֣עb בְּקֹולָ֔ם וְהִמְלַכְתָּ֥c לָהֶ֖ם מֶ֑לֶךְ וַיֹּ֤אמֶרd שְׁמוּאֵל֙ אֶל־אַנְשֵׁ֣י יִשְׂרָאֵ֔ל לְכ֖וּe אִ֥ישׁ לְעִירֹֽו׃ פ