שמואל א

וַיְהִ֧יa אֲרֹון־יְהוָ֛ה בִּשְׂדֵ֥ה פְלִשְׁתִּ֖ים שִׁבְעָ֥ה חֳדָשִֽׁים׃

2 וַיִּקְרְא֣וּa פְלִשְׁתִּ֗ים לַכֹּהֲנִ֤ים וְלַקֹּֽסְמִים֙b לֵאמֹ֔רc מַֽה־נַּעֲשֶׂ֖הd לַאֲרֹ֣ון יְהוָ֑ה הֹודִעֻ֕נוּe בַּמֶּ֖ה נְשַׁלְּחֶ֥נּוּf לִמְקֹומֹֽו׃

3 וַיֹּאמְר֗וּa אִֽם־מְשַׁלְּחִ֞יםb אֶת־אֲרֹ֨ון אֱלֹהֵ֤י יִשְׂרָאֵל֙ אַל־תְּשַׁלְּח֤וּc אֹתֹו֙ רֵיקָ֔םd כִּֽי־הָשֵׁ֥ב תָּשִׁ֛יבוּe לֹ֖ו אָשָׁ֑םf אָ֤ז תֵּרָֽפְאוּ֙g וְנֹודַ֣עh לָכֶ֔ם לָ֛מָּה לֹא־תָס֥וּרi יָדֹ֖ו מִכֶּֽם׃

4 וַיֹּאמְר֗וּa מָ֣ה הָאָשָׁם֮b אֲשֶׁ֣ר נָשִׁ֣יבc לֹו֒ וַיֹּאמְר֗וּd מִסְפַּר֙ סַרְנֵ֣יe פְלִשְׁתִּ֔ים חֲמִשָּׁה֙ עפליf זָהָ֔ב וַחֲמִשָּׁ֖ה עַכְבְּרֵ֣יg זָהָ֑ב כִּֽי־מַגֵּפָ֥הh אַחַ֛ת לְכֻלָּ֖ם וּלְסַרְנֵיכֶֽםi ׃

5 וַעֲשִׂיתֶם֩a צַלְמֵ֨יb עפליכםc וְצַלְמֵ֣יd עַכְבְּרֵיכֶ֗םe הַמַּשְׁחִיתִם֙f אֶת־הָאָ֔רֶץ וּנְתַתֶּ֛םg לֵאלֹהֵ֥י יִשְׂרָאֵ֖ל כָּבֹ֑וד אוּלַ֗יh יָקֵ֤לi אֶת־יָדֹו֙ מֵֽעֲלֵיכֶ֔ם וּמֵעַ֥ל אֱלֹהֵיכֶ֖ם וּמֵעַ֥ל אַרְצְכֶֽם׃

6 וְלָ֤מָּה תְכַבְּדוּ֙a אֶת־לְבַבְכֶ֔ם כַּאֲשֶׁ֧ר כִּבְּד֛וּb מִצְרַ֥יִם וּפַרְעֹ֖ה אֶת־לִבָּ֑ם הֲלֹוא֙ כַּאֲשֶׁ֣ר הִתְעַלֵּ֣לc בָּהֶ֔ם וַֽיְשַׁלְּח֖וּםd וַיֵּלֵֽכוּe ׃

7 וְעַתָּ֗ה קְח֨וּa וַעֲשׂ֜וּb עֲגָלָ֤הc חֲדָשָׁה֙ אֶחָ֔ת וּשְׁתֵּ֤י פָרֹות֙d עָלֹ֔ותe אֲשֶׁ֛ר לֹא־עָלָ֥הf עֲלֵיהֶ֖ם עֹ֑לg וַאֲסַרְתֶּ֤םh אֶת־הַפָּרֹות֙i בָּעֲגָלָ֔הj וַהֲשֵׁיבֹתֶ֧םk בְּנֵיהֶ֛ם מֵאַחֲרֵיהֶ֖ם הַבָּֽיְתָה׃

8 וּלְקַחְתֶּ֞םa אֶת־אֲרֹ֣ון יְהוָ֗ה וּנְתַתֶּ֤םb אֹתֹו֙ אֶל־הָ֣עֲגָלָ֔הc וְאֵ֣ת׀ כְּלֵ֣י הַזָּהָ֗ב אֲשֶׁ֨ר הֲשֵׁבֹתֶ֥םd לֹו֙ אָשָׁ֔םe תָּשִׂ֥ימוּf בָאַרְגַּ֖זg מִצִּדֹּ֑וh וְשִׁלַּחְתֶּ֥םi אֹתֹ֖ו וְהָלָֽךְj ׃

9 וּרְאִיתֶ֗םa אִם־דֶּ֨רֶךְ גְּבוּלֹ֤ו יַֽעֲלֶה֙b בֵּ֣ית שֶׁ֔מֶשׁc ה֚וּא עָ֣שָׂהd לָ֔נוּ אֶת־הָרָעָ֥ה הַגְּדֹולָ֖ה הַזֹּ֑את וְאִם־לֹ֗א וְיָדַ֨עְנוּ֙e כִּ֣י לֹ֤א יָדֹו֙ נָ֣גְעָהf בָּ֔נוּ מִקְרֶ֥הg ה֖וּא הָ֥יָהh לָֽנוּ׃

10 וַיַּעֲשׂ֤וּa הָאֲנָשִׁים֙ כֵּ֔ן וַיִּקְח֗וּb שְׁתֵּ֤י פָרֹות֙c עָלֹ֔ותd וַיַּאַסְר֖וּםe בָּעֲגָלָ֑הf וְאֶת־בְּנֵיהֶ֖ם כָּל֥וּg בַבָּֽיִת׃

11 וַיָּשִׂ֛מוּa אֶת־אֲרֹ֥ון יְהוָ֖ה אֶל־הָעֲגָלָ֑הb וְאֵ֣ת הָאַרְגַּ֗זc וְאֵת֙ עַכְבְּרֵ֣יd הַזָּהָ֔ב וְאֵ֖ת צַלְמֵ֥יe טְחֹרֵיהֶֽםf ׃

12 וַיִשַּׁ֨רְנָהa הַפָּרֹ֜ותb בַּדֶּ֗רֶךְ עַל־דֶּ֨רֶךְ֙ בֵּ֣ית שֶׁ֔מֶשׁc בִּמְסִלָּ֣הd אַחַ֗ת הָלְכ֤וּe הָלֹךְ֙ וְגָעֹ֔וf וְלֹא־סָ֖רוּg יָמִ֣ין וּשְׂמֹ֑אול וְסַרְנֵ֤יh פְלִשְׁתִּים֙ הֹלְכִ֣יםi אַחֲרֵיהֶ֔ם עַד־גְּב֖וּל בֵּ֥ית שָֽׁמֶשׁj ׃

13 וּבֵ֣ית שֶׁ֔מֶשׁa קֹצְרִ֥יםb קְצִירc ־חִטִּ֖יםd בָּעֵ֑מֶק וַיִּשְׂא֣וּe אֶת־עֵינֵיהֶ֗ם וַיִּרְאוּ֙f אֶת־הָ֣אָרֹ֔ון וַֽיִּשְׂמְח֖וּg לִרְאֹֽותh ׃

14 וְהָעֲגָלָ֡הa בָּ֠אָהb אֶל־שְׂדֵ֨ה יְהֹושֻׁ֤עַ בֵּֽית־הַשִּׁמְשִׁי֙c וַתַּעֲמֹ֣דd שָׁ֔ם וְשָׁ֖ם אֶ֣בֶן גְּדֹולָ֑ה וַֽיְבַקְּעוּ֙e אֶת־עֲצֵ֣י הָעֲגָלָ֔הf וְאֶת־הַ֨פָּרֹ֔ותg הֶעֱל֥וּh עֹלָ֖ה לַיהוָֽה׃ ס

15 וְהַלְוִיִּ֞ם הֹורִ֣ידוּa ׀ אֶת־אֲרֹ֣ון יְהוָ֗ה וְאֶת־הָאַרְגַּ֤זb אֲשֶׁר־אִתֹּו֙ אֲשֶׁר־בֹּ֣ו כְלֵֽי־זָהָ֔ב וַיָּשִׂ֖מוּc אֶל־הָאֶ֣בֶן הַגְּדֹולָ֑ה וְאַנְשֵׁ֣י בֵֽית־שֶׁ֗מֶשׁd הֶעֱל֨וּe עֹלֹ֜ות וַֽיִּזְבְּח֧וּf זְבָחִ֛ים בַּיֹּ֥ום הַה֖וּא לַֽיהוָֽה׃

16 וַחֲמִשָּׁ֥ה סַרְנֵֽיa ־פְלִשְׁתִּ֖ים רָא֑וּb וַיָּשֻׁ֥בוּc עֶקְרֹ֖וןd בַּיֹּ֥ום הַהֽוּא׃ ס

17 וְאֵ֨לֶּה֙ טְחֹרֵ֣יa הַזָּהָ֔ב אֲשֶׁ֨ר הֵשִׁ֧יבוּb פְלִשְׁתִּ֛ים אָשָׁ֖םc לַֽיהוָ֑ה לְאַשְׁדֹּ֨ודd אֶחָ֔ד לְעַזָּ֤הe אֶחָד֙ לְאַשְׁקְלֹ֣וןf אֶחָ֔ד לְגַ֥תg אֶחָ֖ד לְעֶקְרֹ֥וןh אֶחָֽד׃ ס

18 וְעַכְבְּרֵ֣יa הַזָּהָ֗ב מִסְפַּ֞ר כָּל־עָרֵ֤י פְלִשְׁתִּים֙ לַחֲמֵ֣שֶׁת הַסְּרָנִ֔יםb מֵעִ֣יר מִבְצָ֔רc וְעַ֖ד כֹּ֣פֶרd הַפְּרָזִ֑יe וְעַ֣ד׀ אָבֵ֣לf הַגְּדֹולָ֗ה אֲשֶׁ֨ר הִנִּ֤יחוּg עָלֶ֨יהָ֙ אֵ֚ת אֲרֹ֣ון יְהוָ֔ה עַ֚ד הַיֹּ֣ום הַזֶּ֔ה בִּשְׂדֵ֥ה יְהֹושֻׁ֖עַ בֵּֽית־הַשִּׁמְשִֽׁיh ׃

19 וַיַּ֞ךְa בְּאַנְשֵׁ֣י בֵֽית־שֶׁ֗מֶשׁb כִּ֤י רָאוּ֙c בַּאֲרֹ֣ון יְהוָ֔ה וַיַּ֤ךְd בָּעָם֙ שִׁבְעִ֣ים אִ֔ישׁ חֲמִשִּׁ֥ים אֶ֖לֶף אִ֑ישׁ וַיִּֽתְאַבְּל֣וּe הָעָ֔ם כִּֽי־הִכָּ֧הf יְהוָ֛ה בָּעָ֖ם מַכָּ֥הg גְדֹולָֽה׃

20 וַיֹּֽאמְרוּ֙a אַנְשֵׁ֣י בֵֽית־שֶׁ֔מֶשׁb מִ֚י יוּכַ֣לc לַעֲמֹ֔דd לִפְנֵ֨י יְהוָ֧ה הָאֱלֹהִ֛ים הַקָּדֹ֖ושׁ הַזֶּ֑ה וְאֶל־מִ֖י יַעֲלֶ֥הe מֵעָלֵֽינוּ׃ ס

21 וַֽיִּשְׁלְחוּ֙a מַלְאָכִ֔ים אֶל־יֹושְׁבֵ֥י קִרְיַת־יְעָרִ֖יםb לֵאמֹ֑רc הֵשִׁ֤בוּd פְלִשְׁתִּים֙ אֶת־אֲרֹ֣ון יְהוָ֔ה רְד֕וּe הַעֲל֥וּf אֹתֹ֖ו אֲלֵיכֶֽם׃