שמואל א

וּפְלִשְׁתִּ֖ים נִלְחָמִ֣יםa בְּיִשְׂרָאֵ֑ל וַיָּנֻ֜סוּb אַנְשֵׁ֤י יִשְׂרָאֵל֙ מִפְּנֵ֣י פְלִשְׁתִּ֔ים וַיִּפְּל֥וּc חֲלָלִ֖ים בְּהַ֥ר הַגִּלְבֹּֽעַd ׃

2 וַיַּדְבְּק֣וּa פְלִשְׁתִּ֔ים אֶת־שָׁא֖וּל וְאֶת־בָּנָ֑יו וַיַּכּ֣וּb פְלִשְׁתִּ֗ים אֶת־יְהֹונָתָ֧ן וְאֶת־אֲבִינָדָ֛בc וְאֶת־מַלְכִּי־שׁ֖וּעַd בְּנֵ֥י שָׁאֽוּל׃

3 וַתִּכְבַּ֤דa הַמִּלְחָמָה֙ אֶל־שָׁא֔וּל וַיִּמְצָאֻ֥הוּb הַמֹּורִ֖יםc אֲנָשִׁ֣ים בַּקָּ֑שֶׁת וַיָּ֥חֶלd מְאֹ֖ד מֵהַמֹּורִֽיםe ׃

4 וַיֹּ֣אמֶרa שָׁאוּל֩ לְנֹשֵׂ֨א כֵלָ֜יו שְׁלֹ֥ףb חַרְבְּךָ֣׀ וְדָקְרֵ֣נִיc בָ֗הּ פֶּן־יָ֠בֹואוּd הָעֲרֵלִ֨יםe הָאֵ֤לֶּה וּדְקָרֻ֨נִי֙f וְהִתְעַלְּלוּg ־בִ֔י וְלֹ֤א אָבָה֙h נֹשֵׂ֣א כֵלָ֔יו כִּ֥י יָרֵ֖אi מְאֹ֑ד וַיִּקַּ֤חj שָׁאוּל֙ אֶת־הַחֶ֔רֶב וַיִּפֹּ֖לk עָלֶֽיהָ׃

5 וַיַּ֥רְאa נֹשֵֽׂא־כֵלָ֖יו כִּ֣י מֵ֣תb שָׁא֑וּל וַיִּפֹּ֥לc גַּם־ה֛וּא עַל־חַרְבֹּ֖ו וַיָּ֥מָתd עִמֹּֽו׃

6 וַיָּ֣מָתa שָׁא֡וּל וּשְׁלֹ֣שֶׁת בָּנָיו֩ וְנֹשֵׂ֨א כֵלָ֜יו גַּ֧ם כָּל־אֲנָשָׁ֛יו בַּיֹּ֥ום הַה֖וּא יַחְדָּֽו׃

7 וַיִּרְא֣וּa אַנְשֵֽׁי־יִ֠שְׂרָאֵל אֲשֶׁר־בְּעֵ֨בֶר הָעֵ֜מֶק וַאֲשֶׁ֣ר׀ בְּעֵ֣בֶר הַיַּרְדֵּ֗ן כִּֽי־נָ֨סוּ֙b אַנְשֵׁ֣י יִשְׂרָאֵ֔ל וְכִי־מֵ֖תוּc שָׁא֣וּל וּבָנָ֑יו וַיַּעַזְב֤וּd אֶת־הֶֽעָרִים֙ וַיָּנֻ֔סוּe וַיָּבֹ֣אוּf פְלִשְׁתִּ֔ים וַיֵּֽשְׁב֖וּg בָּהֶֽן׃ ס

8 וַֽיְהִי֙a מִֽמָּחֳרָ֔תb וַיָּבֹ֣אוּc פְלִשְׁתִּ֔ים לְפַשֵּׁ֖טd אֶת־הַחֲלָלִ֑ים וַֽיִּמְצְא֤וּe אֶת־שָׁאוּל֙ וְאֶת־שְׁלֹ֣שֶׁת בָּנָ֔יו נֹפְלִ֖יםf בְּהַ֥ר הַגִּלְבֹּֽעַg ׃

9 וַֽיִּכְרְתוּ֙a אֶת־רֹאשֹׁ֔ו וַיַּפְשִׁ֖יטוּb אֶת־כֵּלָ֑יו וַיְשַׁלְּח֨וּc בְאֶֽרֶץ־פְּלִשְׁתִּ֜ים סָבִ֗יב לְבַשֵּׂ֛רd בֵּ֥ית עֲצַבֵּיהֶ֖םe וְאֶת־הָעָֽם׃

10 וַיָּשִׂ֨מוּ֙a אֶת־כֵּלָ֔יו בֵּ֖ית עַשְׁתָּרֹ֑ותb וְאֶת־גְּוִיָּתֹו֙c תָּקְע֔וּd בְּחֹומַ֖ת בֵּ֥ית שָֽׁןe ׃

11 וַיִּשְׁמְע֣וּa אֵלָ֔יו יֹשְׁבֵ֖י יָבֵ֣ישׁb גִּלְעָ֑ד אֵ֛ת אֲשֶׁר־עָשׂ֥וּc פְלִשְׁתִּ֖ים לְשָׁאֽוּל׃

12 וַיָּק֜וּמוּa כָּל־אִ֣ישׁ חַיִל֮ וַיֵּלְכ֣וּb כָל־הַלַּיְלָה֒ וַיִּקְח֞וּc אֶת־גְּוִיַּ֣תd שָׁא֗וּל וְאֵת֙ גְּוִיֹּ֣תe בָּנָ֔יו מֵחֹומַ֖ת בֵּ֣ית שָׁ֑ןf וַיָּבֹ֣אוּg יָבֵ֔שָׁהh וַיִּשְׂרְפ֥וּi אֹתָ֖ם שָֽׁם׃

13 וַיִּקְחוּ֙a אֶת־עַצְמֹ֣תֵיהֶ֔ם וַיִּקְבְּר֥וּb תַֽחַת־הָאֶ֖שֶׁלc בְּיָבֵ֑שָׁהd וַיָּצֻ֖מוּe שִׁבְעַ֥ת יָמִֽים׃ פ