שמואל א

וְהַנַּ֧עַר שְׁמוּאֵ֛ל מְשָׁרֵ֥תa אֶת־יְהוָ֖ה לִפְנֵ֣י עֵלִ֑יb וּדְבַר־יְהוָ֗ה הָיָ֤הc יָקָר֙d בַּיָּמִ֣ים הָהֵ֔ם אֵ֥ין חָזֹ֖וןe נִפְרָֽץf ׃ ס

2 וַֽיְהִי֙a בַּיֹּ֣ום הַה֔וּא וְעֵלִ֖יb שֹׁכֵ֣בc בִּמְקֹמֹ֑ו ועינוd הֵחֵ֣לּוּe כֵהֹ֔ותf לֹ֥א יוּכַ֖לg לִרְאֹֽותh ׃

3 וְנֵ֤רa אֱלֹהִים֙ טֶ֣רֶם יִכְבֶּ֔הb וּשְׁמוּאֵ֖ל שֹׁכֵ֑בc בְּהֵיכַ֣ל יְהוָ֔ה אֲשֶׁר־שָׁ֖ם אֲרֹ֥ון אֱלֹהִֽים׃ פ

4 וַיִּקְרָ֧אa יְהוָ֛ה אֶל־שְׁמוּאֵ֖ל וַיֹּ֥אמֶרb הִנֵּֽנִי׃

5 וַיָּ֣רָץa אֶל־עֵלִ֗יb וַיֹּ֤אמֶרc הִנְנִי֙ כִּֽי־קָרָ֣אתָd לִּ֔י וַיֹּ֥אמֶרe לֹֽא־קָרָ֖אתִיf שׁ֣וּבg שְׁכָ֑בh וַיֵּ֖לֶךְi וַיִּשְׁכָּֽבj ׃ ס

6 וַיֹּ֣סֶףa יְהוָ֗ה קְרֹ֣אb עֹוד֮ שְׁמוּאֵל֒ וַיָּ֤קָםc שְׁמוּאֵל֙ וַיֵּ֣לֶךְd אֶל־עֵלִ֔יe וַיֹּ֣אמֶרf הִנְנִ֔י כִּ֥י קָרָ֖אתָg לִ֑י וַיֹּ֛אמֶרh לֹֽא־קָרָ֥אתִיi בְנִ֖י שׁ֥וּבj שְׁכָֽבk ׃

7 וּשְׁמוּאֵ֕ל טֶ֖רֶם יָדַ֣עa אֶת־יְהוָ֑ה וְטֶ֛רֶם יִגָּלֶ֥הb אֵלָ֖יו דְּבַר־יְהוָֽה׃

8 וַיֹּ֨סֶףa יְהוָ֥ה קְרֹאb ־שְׁמוּאֵל֮ בַּשְּׁלִשִׁית֒ וַיָּ֨קָם֙c וַיֵּ֣לֶךְd אֶל־עֵלִ֔יe וַיֹּ֣אמֶרf הִנְנִ֔י כִּ֥י קָרָ֖אתָg לִ֑י וַיָּ֣בֶןh עֵלִ֔יi כִּ֥י יְהוָ֖ה קֹרֵ֥אj לַנָּֽעַר׃

9 וַיֹּ֨אמֶרa עֵלִ֣יb לִשְׁמוּאֵל֮ לֵ֣ךְc שְׁכָב֒d וְהָיָה֙e אִם־יִקְרָ֣אf אֵלֶ֔יךָ וְאָֽמַרְתָּ֙g דַּבֵּ֣רh יְהוָ֔ה כִּ֥י שֹׁמֵ֖עַi עַבְדֶּ֑ךָ וַיֵּ֣לֶךְj שְׁמוּאֵ֔ל וַיִּשְׁכַּ֖בk בִּמְקֹומֹֽו׃

10 וַיָּבֹ֤אa יְהוָה֙ וַיִּתְיַצַּ֔בb וַיִּקְרָ֥אc כְפַֽעַם־בְּפַ֖עַם שְׁמוּאֵ֣ל׀ שְׁמוּאֵ֑ל וַיֹּ֤אמֶרd שְׁמוּאֵל֙ דַּבֵּ֔רe כִּ֥י שֹׁמֵ֖עַf עַבְדֶּֽךָ׃ פ

11 וַיֹּ֤אמֶרa יְהוָה֙ אֶל־שְׁמוּאֵ֔ל הִנֵּ֧ה אָנֹכִ֛י עֹשֶׂ֥הb דָבָ֖ר בְּיִשְׂרָאֵ֑ל אֲשֶׁר֙ כָּל־שֹׁ֣מְעֹ֔וc תְּצִלֶּ֖ינָהd שְׁתֵּ֥י אָזְנָֽיו׃

12 בַּיֹּ֤ום הַהוּא֙ אָקִ֣יםa אֶל־עֵלִ֔יb אֵ֛ת כָּל־אֲשֶׁ֥ר דִּבַּ֖רְתִּיc אֶל־בֵּיתֹ֑ו הָחֵ֖לd וְכַלֵּֽהe ׃

13 וְהִגַּ֣דְתִּיa לֹ֔ו כִּֽי־שֹׁפֵ֥טb אֲנִ֛י אֶת־בֵּיתֹ֖ו עַד־עֹולָ֑ם בַּעֲוֹ֣ן אֲשֶׁר־יָדַ֗עc כִּֽי־מְקַֽלְלִ֤יםd לָהֶם֙ בָּנָ֔יו וְלֹ֥א כִהָ֖הe בָּֽם׃

14 וְלָכֵ֥ן נִשְׁבַּ֖עְתִּיa לְבֵ֣ית עֵלִ֑יb אִֽם־יִתְכַּפֵּ֞רc עֲוֹ֧ן בֵּית־עֵלִ֛יd בְּזֶ֥בַח וּבְמִנְחָ֖ה עַד־עֹולָֽם׃

15 וַיִּשְׁכַּ֤בa שְׁמוּאֵל֙ עַד־הַבֹּ֔קֶר וַיִּפְתַּ֖חb אֶת־דַּלְתֹ֣ות בֵּית־יְהוָ֑ה וּשְׁמוּאֵ֣ל יָרֵ֔אc מֵהַגִּ֥ידd אֶת־הַמַּרְאָ֖הe אֶל־עֵלִֽיf ׃

16 וַיִּקְרָ֤אa עֵלִי֙b אֶת־שְׁמוּאֵ֔ל וַיֹּ֖אמֶרc שְׁמוּאֵ֣ל בְּנִ֑י וַיֹּ֖אמֶרd הִנֵּֽנִי׃

17 וַיֹּ֗אמֶרa מָ֤ה הַדָּבָר֙ אֲשֶׁ֣ר דִּבֶּ֣רb אֵלֶ֔יךָ אַל־נָ֥א תְכַחֵ֖דc מִמֶּ֑נִּי כֹּ֣ה יַעֲשֶׂהd ־לְּךָ֤ אֱלֹהִים֙ וְכֹ֣ה יֹוסִ֔יףe אִם־תְּכַחֵ֤דf מִמֶּ֨נִּי֙ דָּבָ֔ר מִכָּל־הַדָּבָ֖ר אֲשֶׁר־דִּבֶּ֥רg אֵלֶֽיךָ׃

18 וַיַּגֶּדa ־לֹ֤ו שְׁמוּאֵל֙ אֶת־כָּל־הַדְּבָרִ֔ים וְלֹ֥א כִחֵ֖דb מִמֶּ֑נּוּ וַיֹּאמַ֕רc יְהוָ֣ה ה֔וּא הַטֹּ֥וב בעינוd יַעֲשֶֽׂהe ׃ פ

19 וַיִּגְדַּ֖לa שְׁמוּאֵ֑ל וַֽיהוָה֙ הָיָ֣הb עִמֹּ֔ו וְלֹֽא־הִפִּ֥ילc מִכָּל־דְּבָרָ֖יו אָֽרְצָה׃

20 וַיֵּ֨דַע֙a כָּל־יִשְׂרָאֵ֔ל מִדָּ֖ן וְעַד־בְּאֵ֣ר שָׁ֑בַעb כִּ֚י נֶאֱמָ֣ןc שְׁמוּאֵ֔ל לְנָבִ֖יא לַיהוָֽה׃

21 וַיֹּ֥סֶףa יְהוָ֖ה לְהֵרָאֹ֣הb בְשִׁלֹ֑הc כִּֽי־נִגְלָ֨הd יְהוָ֧ה אֶל־שְׁמוּאֵ֛ל בְּשִׁלֹ֖וe בִּדְבַ֥ר יְהוָֽה׃ פ