שמואל א

וַיִּקְבְּצ֧וּa פְלִשְׁתִּ֛ים אֶת־כָּל־מַחֲנֵיהֶ֖ם אֲפֵ֑קָהb וְיִשְׂרָאֵ֣ל חֹנִ֔יםc בַּעַ֖יִן אֲשֶׁ֥ר בְּיִזְרְעֶֽאלd ׃

2 וְסַרְנֵ֤יa פְלִשְׁתִּים֙ עֹֽבְרִ֔יםb לְמֵאֹ֖ות וְלַאֲלָפִ֑ים וְדָוִ֣ד וַאֲנָשָׁ֗יו עֹֽבְרִ֛יםc בָּאַחֲרֹנָ֖ה עִם־אָכִֽישׁd ׃

3 וַיֹּֽאמְרוּ֙a שָׂרֵ֣י פְלִשְׁתִּ֔ים מָ֖ה הָעִבְרִ֣יםb הָאֵ֑לֶּה וַיֹּ֨אמֶרc אָכִ֜ישׁd אֶל־שָׂרֵ֣י פְלִשְׁתִּ֗ים הֲלֹֽוא־זֶ֨ה דָוִ֜ד עֶ֣בֶד׀ שָׁא֣וּל מֶֽלֶךְ־יִשְׂרָאֵ֗ל אֲשֶׁ֨ר הָיָ֤הe אִתִּי֙ זֶ֤ה יָמִים֙ אֹו־זֶ֣ה שָׁנִ֔ים וְלֹֽא־מָצָ֤אתִיf בֹו֙ מְא֔וּמָהg מִיֹּ֥ום נָפְלֹ֖וh עַד־הַיֹּ֥ום הַזֶּֽה׃ פ

4 וַיִּקְצְפ֨וּa עָלָ֜יו שָׂרֵ֣י פְלִשְׁתִּ֗ים וַיֹּ֣אמְרוּb לֹו֩ שָׂרֵ֨י פְלִשְׁתִּ֜ים הָשֵׁ֣בc אֶת־הָאִ֗ישׁ וְיָשֹׁב֙d אֶל־מְקֹומֹו֙ אֲשֶׁ֣ר הִפְקַדְתֹּ֣וe שָׁ֔ם וְלֹֽא־יֵרֵ֤דf עִמָּ֨נוּ֙ בַּמִּלְחָמָ֔ה וְלֹא־יִֽהְיֶהg ־לָּ֥נוּ לְשָׂטָ֖ןh בַּמִּלְחָמָ֑ה וּבַמֶּ֗ה יִתְרַצֶּ֥הi זֶה֙ אֶל־אֲדֹנָ֔יו הֲלֹ֕וא בְּרָאשֵׁ֖י הָאֲנָשִׁ֥ים הָהֵֽם׃

5 הֲלֹוא־זֶ֣ה דָוִ֔ד אֲשֶׁ֧ר יַעֲנוּa ־לֹ֛ו בַּמְּחֹלֹ֖ותb לֵאמֹ֑רc הִכָּ֤הd שָׁאוּל֙ בַּֽאֲלָפָ֔יו וְדָוִ֖ד ברבבתוe ׃

6 וַיִּקְרָ֨אa אָכִ֜ישׁb אֶל־דָּוִ֗ד וַיֹּ֣אמֶרc אֵ֠לָיו חַי־יְהוָ֞ה כִּי־יָשָׁ֣ר אַתָּ֗ה וְטֹ֣וב בְּ֠עֵינַי צֵאתְךָ֙d וּבֹאֲךָ֤e אִתִּי֙ בַּֽמַּחֲנֶ֔ה כִּ֠י לֹֽא־מָצָ֤אתִֽיf בְךָ֙ רָעָ֔ה מִיֹּ֛ום בֹּאֲךָ֥g אֵלַ֖י עַד־הַיֹּ֣ום הַזֶּ֑ה וּבְעֵינֵ֥י הַסְּרָנִ֖יםh לֹֽא־טֹ֥וב אָֽתָּה׃

7 וְעַתָּ֥ה שׁ֖וּבa וְלֵ֣ךְb בְּשָׁלֹ֑ום וְלֹֽא־תַעֲשֶׂ֣הc רָ֔ע בְּעֵינֵ֖י סַרְנֵ֥יd פְלִשְׁתִּֽים׃ ס

8 וַיֹּ֨אמֶרa דָּוִ֜ד אֶל־אָכִ֗ישׁb כִּ֣י מֶ֤ה עָשִׂ֨יתִי֙c וּמַה־מָּצָ֣אתָd בְעַבְדְּךָ֔ מִיֹּום֙ אֲשֶׁ֣ר הָיִ֣יתִיe לְפָנֶ֔יךָ עַ֖ד הַיֹּ֣ום הַזֶּ֑ה כִּ֣י לֹ֤א אָבֹוא֙f וְנִלְחַ֔מְתִּיg בְּאֹיְבֵ֖י אֲדֹנִ֥י הַמֶּֽלֶךְ׃

9 וַיַּ֣עַןa אָכִישׁ֮b וַיֹּ֣אמֶרc אֶל־דָּוִד֒ יָדַ֕עְתִּיd כִּ֣י טֹ֥וב אַתָּ֛ה בְּעֵינַ֖י כְּמַלְאַ֣ךְ אֱלֹהִ֑ים אַ֣ךְ שָׂרֵ֤י פְלִשְׁתִּים֙ אָֽמְר֔וּe לֹֽא־יַעֲלֶ֥הf עִמָּ֖נוּ בַּמִּלְחָמָֽה׃

10 וְעַתָּה֙ הַשְׁכֵּ֣םa בַּבֹּ֔קֶר וְעַבְדֵ֥י אֲדֹנֶ֖יךָ אֲשֶׁר־בָּ֣אוּb אִתָּ֑ךְ וְהִשְׁכַּמְתֶּ֣םc בַּבֹּ֔קֶר וְאֹ֥ורd לָכֶ֖ם וָלֵֽכוּe ׃

11 וַיַּשְׁכֵּ֨םa דָּוִ֜ד ה֤וּא וַֽאֲנָשָׁיו֙ לָלֶ֣כֶתb בַּבֹּ֔קֶר לָשׁ֖וּבc אֶל־אֶ֣רֶץ פְּלִשְׁתִּ֑ים וּפְלִשְׁתִּ֖ים עָל֥וּd יִזְרְעֶֽאלe ׃ ס