שמואל א

וַֽיְהִי֙a בַּיָּמִ֣ים הָהֵ֔ם וַיִּקְבְּצ֨וּb פְלִשְׁתִּ֤ים אֶת־מַֽחֲנֵיהֶם֙ לַצָּבָ֔א לְהִלָּחֵ֖םc בְּיִשְׂרָאֵ֑ל וַיֹּ֤אמֶרd אָכִישׁ֙e אֶל־דָּוִ֔ד יָדֹ֣עַ תֵּדַ֗עf כִּ֤י אִתִּי֙ תֵּצֵ֣אg בַֽמַּחֲנֶ֔ה אַתָּ֖ה וַאֲנָשֶֽׁיךָ׃

2 וַיֹּ֤אמֶרa דָּוִד֙ אֶל־אָכִ֔ישׁb לָכֵן֙ אַתָּ֣ה תֵדַ֔עc אֵ֥ת אֲשֶׁר־יַעֲשֶׂ֖הd עַבְדֶּ֑ךָ וַיֹּ֤אמֶרe אָכִישׁ֙f אֶל־דָּוִ֔ד לָכֵ֗ן שֹׁמֵ֧ר לְרֹאשִׁ֛י אֲשִֽׂימְךָ֖g כָּל־הַיָּמִֽים׃ פ

3 וּשְׁמוּאֵ֣ל מֵ֔תa וַיִּסְפְּדוּb ־לֹו֙ כָּל־יִשְׂרָאֵ֔ל וַיִּקְבְּרֻ֥הוּc בָרָמָ֖הd וּבְעִירֹ֑ו וְשָׁא֗וּל הֵסִ֛ירe הָאֹבֹ֥ותf וְאֶת־הַיִּדְּעֹנִ֖יםg מֵהָאָֽרֶץ׃

4 וַיִּקָּבְצ֣וּa פְלִשְׁתִּ֔ים וַיָּבֹ֖אוּb וַיַּחֲנ֣וּc בְשׁוּנֵ֑םd וַיִּקְבֹּ֤ץe שָׁאוּל֙ אֶת־כָּל־יִשְׂרָאֵ֔ל וַֽיַּחֲנ֖וּf בַּגִּלְבֹּֽעַg ׃

5 וַיַּ֥רְאa שָׁא֖וּל אֶת־מַחֲנֵ֣ה פְלִשְׁתִּ֑ים וַיִּרָ֕אb וַיֶּחֱרַ֥דc לִבֹּ֖ו מְאֹֽד׃

6 וַיִּשְׁאַ֤לa שָׁאוּל֙ בַּֽיהוָ֔ה וְלֹ֥א עָנָ֖הוּb יְהוָ֑ה גַּ֧ם בַּחֲלֹמֹ֛ות גַּ֥ם בָּאוּרִ֖יםc גַּ֥ם בַּנְּבִיאִֽם׃

7 וַיֹּ֨אמֶרa שָׁא֜וּל לַעֲבָדָ֗יו בַּקְּשׁוּb ־לִי֙ אֵ֣שֶׁת בַּעֲלַתc ־אֹ֔ובd וְאֵלְכָ֥הe אֵלֶ֖יהָ וְאֶדְרְשָׁהf ־בָּ֑הּ וַיֹּאמְר֤וּg עֲבָדָיו֙ אֵלָ֔יו הִנֵּ֛ה אֵ֥שֶׁת בַּֽעֲלַתh ־אֹ֖ובi בְּעֵ֥ין דֹּֽורj ׃

8 וַיִּתְחַפֵּ֣שׂa שָׁא֗וּל וַיִּלְבַּשׁ֙b בְּגָדִ֣ים אֲחֵרִ֔ים וַיֵּ֣לֶךְc ה֗וּא וּשְׁנֵ֤י אֲנָשִׁים֙ עִמֹּ֔ו וַיָּבֹ֥אוּd אֶל־הָאִשָּׁ֖ה לָ֑יְלָה וַיֹּ֗אמֶרe קסומיf ־נָ֥א לִי֙ בָּאֹ֔ובg וְהַ֣עֲלִיh לִ֔י אֵ֥ת אֲשֶׁר־אֹמַ֖רi אֵלָֽיִךְ׃

9 וַתֹּ֨אמֶרa הָֽאִשָּׁ֜ה אֵלָ֗יו הִנֵּ֨ה אַתָּ֤ה יָדַ֨עְתָּ֙b אֵ֣ת אֲשֶׁר־עָשָׂ֣הc שָׁא֔וּל אֲשֶׁ֥ר הִכְרִ֛יתd אֶת־הָאֹבֹ֥ותe וְאֶת־הַיִּדְּעֹנִ֖יf מִן־הָאָ֑רֶץ וְלָמָ֥ה אַתָּ֛ה מִתְנַקֵּ֥שׁg בְּנַפְשִׁ֖י לַהֲמִיתֵֽנִיh ׃

10 וַיִּשָּׁ֤בַֽעa לָהּ֙ שָׁא֔וּל בַּֽיהוָ֖ה לֵאמֹ֑רb חַי־יְהוָ֕ה אִֽם־יִקְּרֵ֥ךְc עָוֹ֖ן בַּדָּבָ֥ר הַזֶּֽה׃

11 וַתֹּ֨אמֶר֙a הָֽאִשָּׁ֔ה אֶת־מִ֖י אַֽעֲלֶהb ־לָּ֑ךְ וַיֹּ֕אמֶרc אֶת־שְׁמוּאֵ֖ל הַֽעֲלִיd ־לִֽי׃

12 וַתֵּ֤רֶאa הָֽאִשָּׁה֙ אֶת־שְׁמוּאֵ֔ל וַתִּזְעַ֖קb בְּקֹ֣ול גָּדֹ֑ול וַתֹּאמֶר֩c הָאִשָּׁ֨ה אֶל־שָׁא֧וּל לֵאמֹ֛רd לָ֥מָּה רִמִּיתָ֖נִיe וְאַתָּ֥ה שָׁאֽוּל׃

13 וַיֹּ֨אמֶרa לָ֥הּ הַמֶּ֛לֶךְ אַל־תִּֽירְאִ֖יb כִּ֣י מָ֣ה רָאִ֑יתc וַתֹּ֤אמֶרd הָֽאִשָּׁה֙ אֶל־שָׁא֔וּל אֱלֹהִ֥ים רָאִ֖יתִיe עֹלִ֥יםf מִן־הָאָֽרֶץ׃

14 וַיֹּ֤אמֶרa לָהּ֙ מַֽה־תָּאֳרֹ֔וb וַתֹּ֗אמֶרc אִ֤ישׁ זָקֵן֙ עֹלֶ֔ה וְה֥וּא עֹטֶ֖הd מְעִ֑ילe וַיֵּ֤דַעf שָׁאוּל֙ כִּֽי־שְׁמוּאֵ֣ל ה֔וּא וַיִּקֹּ֥דg אַפַּ֛יִם אַ֖רְצָה וַיִּשְׁתָּֽחוּh ׃ ס

15 וַיֹּ֤אמֶרa שְׁמוּאֵל֙ אֶל־שָׁא֔וּל לָ֥מָּה הִרְגַּזְתַּ֖נִיb לְהַעֲלֹ֣ותc אֹתִ֑י וַיֹּ֣אמֶרd שָׁ֠אוּל צַרe ־לִ֨י מְאֹ֜ד וּפְלִשְׁתִּ֣ים׀ נִלְחָמִ֣יםf בִּ֗י וֵֽאלֹהִ֞ים סָ֤רg מֵֽעָלַי֙ וְלֹֽא־עָנָ֣נִיh עֹ֗וד גַּ֤ם בְּיַֽד־הַנְּבִיאִם֙ גַּם־בַּ֣חֲלֹמֹ֔ות וָאֶקְרָאֶ֣הi לְךָ֔ לְהֹודִיעֵ֖נִיj מָ֥ה אֶעֱשֶֽׂהk ׃ ס

16 וַיֹּ֣אמֶרa שְׁמוּאֵ֔ל וְלָ֖מָּה תִּשְׁאָלֵ֑נִיb וַיהוָ֛ה סָ֥רc מֵעָלֶ֖יךָ וַיְהִ֥יd עָרֶֽךָe ׃

17 וַיַּ֤עַשׂa יְהוָה֙ לֹ֔ו כַּאֲשֶׁ֖ר דִּבֶּ֣רb בְּיָדִ֑י וַיִּקְרַ֨עc יְהוָ֤ה אֶת־הַמַּמְלָכָה֙ מִיָּדֶ֔ךָ וַֽיִּתְּנָ֖הּd לְרֵעֲךָ֥ לְדָוִֽד׃

18 כַּאֲשֶׁ֤ר לֹֽא־שָׁמַ֨עְתָּ֙a בְּקֹ֣ול יְהוָ֔ה וְלֹֽא־עָשִׂ֥יתָb חֲרֹוןc ־אַפֹּ֖ו בַּעֲמָלֵ֑קd עַל־כֵּן֙ הַדָּבָ֣ר הַזֶּ֔ה עָשָֽׂהe ־לְךָ֥ יְהוָ֖ה הַיֹּ֥ום הַזֶּֽה׃

19 וְיִתֵּ֣ןa יְ֠הוָה גַּ֣ם אֶת־יִשְׂרָאֵ֤ל עִמְּךָ֙ בְּיַד־פְּלִשְׁתִּ֔ים וּמָחָ֕ר אַתָּ֥ה וּבָנֶ֖יךָ עִמִּ֑י גַּ֚ם אֶת־מַחֲנֵ֣ה יִשְׂרָאֵ֔ל יִתֵּ֥ןb יְהוָ֖ה בְּיַד־פְּלִשְׁתִּֽים׃

20 וַיְמַהֵ֣רa שָׁא֗וּל וַיִּפֹּ֤לb מְלֹאc ־קֹֽומָתֹו֙d אַ֔רְצָה וַיִּרָ֥אe מְאֹ֖ד מִדִּבְרֵ֣י שְׁמוּאֵ֑ל גַּם־כֹּ֨חַ֙ לֹא־הָ֣יָהf בֹ֔ו כִּ֣י לֹ֤א אָכַל֙g לֶ֔חֶם כָּל־הַיֹּ֖ום וְכָל־הַלָּֽיְלָה׃

21 וַתָּבֹ֤ואa הָֽאִשָּׁה֙ אֶל־שָׁא֔וּל וַתֵּ֖רֶאb כִּי־נִבְהַ֣לc מְאֹ֑ד וַתֹּ֣אמֶרd אֵלָ֗יו הִנֵּ֨ה שָׁמְעָ֤הe שִׁפְחָֽתְךָ֙ בְּקֹולֶ֔ךָ וָאָשִׂ֤יםf נַפְשִׁי֙ בְּכַפִּ֔י וָֽאֶשְׁמַע֙g אֶת־דְּבָרֶ֔יךָ אֲשֶׁ֥ר דִּבַּ֖רְתָּh אֵלָֽי׃

22 וְעַתָּ֗ה שְׁמַֽעa ־נָ֤א גַם־אַתָּה֙ בְּקֹ֣ול שִׁפְחָתֶ֔ךָ וְאָשִׂ֧מָהb לְפָנֶ֛יךָ פַּתc ־לֶ֖חֶם וֶאֱכֹ֑ולd וִיהִ֤יe בְךָ֙ כֹּ֔חַ כִּ֥י תֵלֵ֖ךְf בַּדָּֽרֶךְ׃

23 וַיְמָאֵ֗ןa וַיֹּ֨אמֶר֙b לֹ֣א אֹכַ֔לc וַיִּפְרְצוּd ־בֹ֤ו עֲבָדָיו֙ וְגַם־הָ֣אִשָּׁ֔ה וַיִּשְׁמַ֖עe לְקֹלָ֑ם וַיָּ֨קָם֙f מֵֽהָאָ֔רֶץ וַיֵּ֖שֶׁבg אֶל־הַמִּטָּֽהh ׃

24 וְלָאִשָּׁ֤ה עֵֽגֶלa ־מַרְבֵּק֙b בַּבַּ֔יִת וַתְּמַהֵ֖רc וַתִּזְבָּחֵ֑הוּd וַתִּקַּחe ־קֶ֣מַחf וַתָּ֔לָשׁg וַתֹּפֵ֖הוּh מַצֹּֽות׃

25 וַתַּגֵּ֧שׁa לִפְנֵֽי־שָׁא֛וּל וְלִפְנֵ֥י עֲבָדָ֖יו וַיֹּאכֵ֑לוּb וַיָּקֻ֥מוּc וַיֵּלְכ֖וּd בַּלַּ֥יְלָה הַהֽוּא׃ פ