שמואל א

וַיֹּ֤אמֶרa דָּוִד֙ אֶל־לִבֹּ֔ו עַתָּ֛ה אֶסָּפֶ֥הb יֹום־אֶחָ֖ד בְּיַד־שָׁא֑וּל אֵֽין־לִ֨י טֹ֜וב כִּ֣י הִמָּלֵ֥ט אִמָּלֵ֣טc ׀ אֶל־אֶ֣רֶץ פְּלִשְׁתִּ֗ים וְנֹואַ֨שׁd מִמֶּ֤נִּי שָׁאוּל֙ לְבַקְשֵׁ֤נִיe עֹוד֙ בְּכָל־גְּב֣וּל יִשְׂרָאֵ֔ל וְנִמְלַטְתִּ֖יf מִיָּדֹֽו׃

2 וַיָּ֣קָםa דָּוִ֔ד וַיַּעֲבֹ֣רb ה֔וּא וְשֵׁשׁ־מֵאֹ֥ות אִ֖ישׁ אֲשֶׁ֣ר עִמֹּ֑ו אֶל־אָכִ֥ישׁc בֶּן־מָעֹ֖וךְd מֶ֥לֶךְ גַּֽתe ׃

3 וַיֵּשֶׁב֩a דָּוִ֨ד עִם־אָכִ֥ישׁb בְּגַ֛תc ה֥וּא וַאֲנָשָׁ֖יו אִ֣ישׁ וּבֵיתֹ֑ו דָּוִד֙ וּשְׁתֵּ֣י נָשָׁ֔יו אֲחִינֹ֨עַם֙d הַיִּזְרְעֵאלִ֔יתe וַאֲבִיגַ֥יִלf אֵֽשֶׁת־נָבָ֖לg הַֽכַּרְמְלִֽיתh ׃

4 וַיֻּגַּ֣דa לְשָׁא֔וּל כִּֽי־בָרַ֥חb דָּוִ֖ד גַּ֑תc וְלֹֽא־יוסףd עֹ֖וד לְבַקְשֹֽׁוe ׃ ס

5 וַיֹּ֨אמֶרa דָּוִ֜ד אֶל־אָכִ֗ישׁb אִם־נָא֩ מָצָ֨אתִיc חֵ֤ן בְּעֵינֶ֨יךָ֙ יִתְּנוּd ־לִ֣י מָקֹ֗ום בְּאַחַ֛ת עָרֵ֥י הַשָּׂדֶ֖ה וְאֵ֣שְׁבָהe שָּׁ֑ם וְלָ֨מָּה יֵשֵׁ֧בf עַבְדְּךָ֛ בְּעִ֥יר הַמַּמְלָכָ֖ה עִמָּֽךְ׃

6 וַיִּתֶּןa ־לֹ֥ו אָכִ֛ישׁb בַּיֹּ֥ום הַה֖וּא אֶת־צִֽקְלָ֑גc לָכֵ֞ן הָיְתָ֤הd צִֽקְלַג֙e לְמַלְכֵ֣י יְהוּדָ֔ה עַ֖ד הַיֹּ֥ום הַזֶּֽה׃ פ

7 וַֽיְהִי֙a מִסְפַּ֣ר הַיָּמִ֔ים אֲשֶׁר־יָשַׁ֥בb דָּוִ֖ד בִּשְׂדֵ֣ה פְלִשְׁתִּ֑ים יָמִ֖ים וְאַרְבָּעָ֥ה חֳדָשִֽׁים׃

8 וַיַּ֤עַלa דָּוִד֙ וַֽאֲנָשָׁ֔יו וַֽיִּפְשְׁט֛וּb אֶל־הַגְּשׁוּרִ֥יc והגרזיd וְהָעֲמָלֵקִ֑יe כִּ֣י הֵ֜נָּהf יֹשְׁבֹ֤ותg הָאָ֨רֶץ֙ אֲשֶׁ֣ר מֵֽעֹולָ֔ם בֹּואֲךָ֥h שׁ֖וּרָהi וְעַד־אֶ֥רֶץ מִצְרָֽיִם׃

9 וְהִכָּ֤הa דָוִד֙ אֶת־הָאָ֔רֶץ וְלֹ֥א יְחַיֶּ֖הb אִ֣ישׁ וְאִשָּׁ֑ה וְלָקַח֩c צֹ֨אן וּבָקָ֜ר וַחֲמֹרִ֤ים וּגְמַלִּים֙ וּבְגָדִ֔ים וַיָּ֖שָׁבd וַיָּבֹ֥אe אֶל־אָכִֽישׁf ׃

10 וַיֹּ֣אמֶרa אָכִ֔ישׁb אַלc ־פְּשַׁטְתֶּ֖םd הַיֹּ֑ום וַיֹּ֣אמֶרe דָּוִ֗ד עַל־נֶ֤גֶב יְהוּדָה֙ וְעַל־נֶ֣גֶב הַיַּרְחְמְאֵלִ֔יf וְאֶל־נֶ֖גֶב הַקֵּינִֽיg ׃

11 וְאִ֨ישׁ וְאִשָּׁ֜ה לֹֽא־יְחַיֶּ֣הa דָוִ֗ד לְהָבִ֥יאb גַת֙c לֵאמֹ֔רd פֶּן־יַגִּ֥דוּe עָלֵ֖ינוּ לֵאמֹ֑רf כֹּֽה־עָשָׂ֤הg דָוִד֙ וְכֹ֣ה מִשְׁפָּטֹ֔ו כָּל־הַ֨יָּמִ֔ים אֲשֶׁ֥ר יָשַׁ֖בh בִּשְׂדֵ֥ה פְלִשְׁתִּֽים׃

12 וַיַּאֲמֵ֥ןa אָכִ֖ישׁb בְּדָוִ֣ד לֵאמֹ֑רc הַבְאֵ֤שׁd הִבְאִישׁ֙e בְּעַמֹּ֣ו בְיִשְׂרָאֵ֔ל וְהָ֥יָהf לִ֖י לְעֶ֥בֶד עֹולָֽם׃ פ