שמואל א

וַיָּ֣מָתa שְׁמוּאֵ֔ל וַיִּקָּבְצ֤וּb כָל־יִשְׂרָאֵל֙ וַיִּסְפְּדוּc ־לֹ֔ו וַיִּקְבְּרֻ֥הוּd בְּבֵיתֹ֖ו בָּרָמָ֑הe וַיָּ֣קָםf דָּוִ֔ד וַיֵּ֖רֶדg אֶל־מִדְבַּ֥ר פָּארָֽןh ׃ ס

2 וְאִ֨ישׁ בְּמָעֹ֜וןa וּמַעֲשֵׂ֣הוּ בַכַּרְמֶ֗לb וְהָאִישׁ֙ גָּדֹ֣ול מְאֹ֔ד וְלֹ֛ו צֹ֥אן שְׁלֹֽשֶׁת־אֲלָפִ֖ים וְאֶ֣לֶף עִזִּ֑ים וַיְהִ֛יc בִּגְזֹ֥זd אֶת־צֹאנֹ֖ו בַּכַּרְמֶֽלe ׃

3 וְשֵׁ֤ם הָאִישׁ֙ נָבָ֔לa וְשֵׁ֥ם אִשְׁתֹּ֖ו אֲבִגָ֑יִלb וְהָאִשָּׁ֤ה טֹֽובַת־שֶׂ֨כֶל֙c וִ֣יפַתd תֹּ֔אַרe וְהָאִ֥ישׁ קָשֶׁ֛הf וְרַ֥ע מַעֲלָלִ֖יםg וְה֥וּא כלבוh ׃

4 וַיִּשְׁמַ֥עa דָּוִ֖ד בַּמִּדְבָּ֑ר כִּֽי־גֹזֵ֥זb נָבָ֖לc אֶת־צֹאנֹֽו׃

5 וַיִּשְׁלַ֥חa דָּוִ֖ד עֲשָׂרָ֣ה נְעָרִ֑ים וַיֹּ֨אמֶרb דָּוִ֜ד לַנְּעָרִ֗ים עֲל֤וּc כַרְמֶ֨לָה֙d וּבָאתֶ֣םe אֶל־נָבָ֔לf וּשְׁאֶלְתֶּםg ־לֹ֥ו בִשְׁמִ֖י לְשָׁלֹֽום׃

6 וַאֲמַרְתֶּ֥םa כֹּ֖ה לֶחָ֑י וְאַתָּ֤ה שָׁלֹום֙ וּבֵיתְךָ֣ שָׁלֹ֔ום וְכֹ֥ל אֲשֶׁר־לְךָ֖ שָׁלֹֽום׃

7 וְעַתָּ֣ה שָׁמַ֔עְתִּיa כִּ֥י גֹזְזִ֖יםb לָ֑ךְ עַתָּ֗ה הָרֹעִ֤ים אֲשֶׁר־לְךָ֙ הָי֣וּc עִמָּ֔נוּ לֹ֣א הֶכְלַמְנ֗וּםd וְלֹֽא־נִפְקַ֤דe לָהֶם֙ מְא֔וּמָהf כָּל־יְמֵ֖י הֱיֹותָ֥םg בַּכַּרְמֶֽלh ׃

8 שְׁאַ֨לa אֶת־נְעָרֶ֜יךָ וְיַגִּ֣ידוּb לָ֗ךְ וְיִמְצְא֨וּc הַנְּעָרִ֥ים חֵן֙ בְּעֵינֶ֔יךָ כִּֽי־עַל־יֹ֥ום טֹ֖וב בָּ֑נוּd תְּנָהe ־נָּ֗א אֵת֩ אֲשֶׁ֨ר תִּמְצָ֤אf יָֽדְךָ֙ לַעֲבָדֶ֔יךָ וּלְבִנְךָ֖ לְדָוִֽד׃

9 וַיָּבֹ֨אוּ֙a נַעֲרֵ֣י דָוִ֔ד וַיְדַבְּר֧וּb אֶל־נָבָ֛לc כְּכָל־הַדְּבָרִ֥ים הָאֵ֖לֶּה בְּשֵׁ֣ם דָּוִ֑ד וַיָּנֽוּחוּd ׃

10 וַיַּ֨עַןa נָבָ֜לb אֶת־עַבְדֵ֤י דָוִד֙ וַיֹּ֔אמֶרc מִ֥י דָוִ֖ד וּמִ֣י בֶן־יִשָׁ֑יd הַיֹּום֙ רַבּ֣וּe עֲבָדִ֔ים הַמִּתְפָּ֣רְצִ֔יםf אִ֖ישׁ מִפְּנֵ֥י אֲדֹנָֽיו׃

11 וְלָקַחְתִּ֤יa אֶת־לַחְמִי֙ וְאֶת־מֵימַ֔י וְאֵת֙ טִבְחָתִ֔יb אֲשֶׁ֥ר טָבַ֖חְתִּיc לְגֹֽזְזָ֑יd וְנָֽתַתִּי֙e לַֽאֲנָשִׁ֔ים אֲשֶׁר֙ לֹ֣א יָדַ֔עְתִּיf אֵ֥יg מִזֶּ֖ה הֵֽמָּה׃

12 וַיַּהַפְכ֥וּa נַעֲרֵֽי־דָוִ֖ד לְדַרְכָּ֑ם וַיָּשֻׁ֨בוּ֙b וַיָּבֹ֔אוּc וַיַּגִּ֣דוּd לֹ֔ו כְּכֹ֖ל הַדְּבָרִ֥ים הָאֵֽלֶּה׃

13 וַיֹּאמֶר֩a דָּוִ֨ד לַאֲנָשָׁ֜יו חִגְר֣וּb ׀ אִ֣ישׁ אֶת־חַרְבֹּ֗ו וַֽיַּחְגְּרוּ֙c אִ֣ישׁ אֶת־חַרְבֹּ֔ו וַיַּחְגֹּ֥רd גַּם־דָּוִ֖ד אֶת־חַרְבֹּ֑ו וַֽיַּעֲל֣וּe ׀ אַחֲרֵ֣י דָוִ֗ד כְּאַרְבַּ֤ע מֵאֹות֙ אִ֔ישׁ וּמָאתַ֖יִם יָשְׁב֥וּf עַל־הַכֵּלִֽים׃

14 וְלַאֲבִיגַ֨יִל֙a אֵ֣שֶׁת נָבָ֔לb הִגִּ֧ידc נַֽעַר־אֶחָ֛ד מֵהַנְּעָרִ֖ים לֵאמֹ֑רd הִנֵּ֣ה שָׁלַח֩e דָּוִ֨ד מַלְאָכִ֧ים׀ מֵֽהַמִּדְבָּ֛ר לְבָרֵ֥ךְf אֶת־אֲדֹנֵ֖ינוּ וַיָּ֥עַטg בָּהֶֽם׃

15 וְהָ֣אֲנָשִׁ֔ים טֹבִ֥ים לָ֖נוּ מְאֹ֑ד וְלֹ֤א הָכְלַ֨מְנוּ֙a וְלֹֽא־פָקַ֣דְנוּb מְא֔וּמָהc כָּל־יְמֵי֙ הִתְהַלַּ֣כְנוּd אִתָּ֔ם בִּֽהְיֹותֵ֖נוּe בַּשָּׂדֶֽה׃

16 חֹומָה֙ הָי֣וּa עָלֵ֔ינוּ גַּם־לַ֖יְלָה גַּם־יֹומָ֑ם כָּל־יְמֵ֛י הֱיֹותֵ֥נוּb עִמָּ֖ם רֹעִ֥יםc הַצֹּֽאן׃

17 וְעַתָּ֗ה דְּעִ֤יa וּרְאִי֙b מַֽה־תַּעֲשִׂ֔יc כִּֽי־כָלְתָ֧הd הָרָעָ֛ה אֶל־אֲדֹנֵ֖ינוּ וְעַ֣ל כָּל־בֵּיתֹ֑ו וְהוּא֙ בֶּן־בְּלִיַּ֔עַלe מִדַּבֵּ֖רf אֵלָֽיו׃

18 וַתְּמַהֵ֣רa אבוגילb וַתִּקַּח֩c מָאתַ֨יִם לֶ֜חֶם וּשְׁנַ֣יִם נִבְלֵיd ־יַ֗יִן וְחָמֵ֨שׁ צֹ֤אן עשׂוותe וְחָמֵ֤שׁ סְאִים֙f קָלִ֔יg וּמֵאָ֥ה צִמֻּקִ֖יםh וּמָאתַ֣יִם דְּבֵלִ֑יםi וַתָּ֖שֶׂםj עַל־הַחֲמֹרִֽים׃

19 וַתֹּ֤אמֶרa לִנְעָרֶ֨יהָ֙ עִבְר֣וּb לְפָנַ֔י הִנְנִ֖י אַחֲרֵיכֶ֣ם בָּאָ֑הc וּלְאִישָׁ֥הּ נָבָ֖לd לֹ֥א הִגִּֽידָהe ׃

20 וְהָיָ֞הa הִ֣יא׀ רֹכֶ֣בֶתb עַֽל־הַחֲמֹ֗ור וְיֹרֶ֨דֶת֙c בְּסֵ֣תֶרd הָהָ֔ר וְהִנֵּ֤ה דָוִד֙ וַאֲנָשָׁ֔יו יֹרְדִ֖יםe לִקְרָאתָ֑הּf וַתִּפְגֹּ֖שׁg אֹתָֽם׃

21 וְדָוִ֣ד אָמַ֗רa אַךְ֩ לַשֶּׁ֨קֶר שָׁמַ֜רְתִּיb אֶֽת־כָּל־אֲשֶׁ֤ר לָזֶה֙ בַּמִּדְבָּ֔ר וְלֹא־נִפְקַ֥דc מִכָּל־אֲשֶׁר־לֹ֖ו מְא֑וּמָהd וַיָּֽשֶׁבe ־לִ֥י רָעָ֖ה תַּ֥חַת טֹובָֽה׃

22 כֹּה־יַעֲשֶׂ֧הa אֱלֹהִ֛ים לְאֹיְבֵ֥י דָוִ֖ד וְכֹ֣ה יֹסִ֑יףb אִם־אַשְׁאִ֧ירc מִכָּל־אֲשֶׁר־לֹ֛ו עַד־הַבֹּ֖קֶר מַשְׁתִּ֥יןd בְּקִֽיר׃

23 וַתֵּ֤רֶאa אֲבִיגַ֨יִל֙b אֶת־דָּוִ֔ד וַתְּמַהֵ֕רc וַתֵּ֖רֶדd מֵעַ֣ל הַחֲמֹ֑ור וַתִּפֹּ֞לe לְאַפֵּ֤י דָוִד֙ עַל־פָּנֶ֔יהָ וַתִּשְׁתַּ֖חוּf אָֽרֶץ׃

24 וַתִּפֹּל֙a עַל־רַגְלָ֔יו וַתֹּ֕אמֶרb בִּי־אֲנִ֥י אֲדֹנִ֖י הֶֽעָוֹ֑ן וּֽתְדַבֶּרc ־נָ֤א אֲמָֽתְךָ֙ בְּאָזְנֶ֔יךָ וּשְׁמַ֕עd אֵ֖ת דִּבְרֵ֥י אֲמָתֶֽךָ׃

25 אַל־נָ֣א יָשִׂ֣יםa אֲדֹנִ֣י׀ אֶת־לִבֹּ֡ו אֶל־אִישׁ֩ הַבְּלִיַּ֨עַלb הַזֶּ֜ה עַל־נָבָ֗לc כִּ֤י כִשְׁמֹו֙ כֶּן־ה֔וּא נָבָ֣לd שְׁמֹ֔ו וּנְבָלָ֖הe עִמֹּ֑ו וַֽאֲנִי֙ אֲמָ֣תְךָ֔ לֹ֥א רָאִ֛יתִיf אֶת־נַעֲרֵ֥י אֲדֹנִ֖י אֲשֶׁ֥ר שָׁלָֽחְתָּg ׃

26 וְעַתָּ֣ה אֲדֹנִ֗י חַי־יְהוָ֤ה וְחֵֽי־נַפְשְׁךָ֙ אֲשֶׁ֨ר מְנָעֲךָ֤a יְהוָה֙ מִבֹּ֣ואb בְדָמִ֔ים וְהֹושֵׁ֥עַc יָדְךָ֖ לָ֑ךְ וְעַתָּ֗ה יִֽהְי֤וּd כְנָבָל֙e אֹיְבֶ֔יךָ וְהַֽמְבַקְשִׁ֥יםf אֶל־אֲדֹנִ֖י רָעָֽה׃

27 וְעַתָּה֙ הַבְּרָכָ֣ה הַזֹּ֔את אֲשֶׁר־הֵבִ֥יאa שִׁפְחָתְךָ֖ לַֽאדֹנִ֑י וְנִתְּנָה֙b לַנְּעָרִ֔ים הַמִּֽתְהַלְּכִ֖יםc בְּרַגְלֵ֥י אֲדֹנִֽי׃

28 שָׂ֥אa נָ֖א לְפֶ֣שַׁע אֲמָתֶ֑ךָ כִּ֣י עָשֹֽׂה־יַעֲשֶׂה֩b יְהוָ֨ה לַֽאדֹנִ֜י בַּ֣יִת נֶאֱמָ֗ן כִּי־מִלְחֲמֹ֤ות יְהוָה֙ אֲדֹנִ֣י נִלְחָ֔םc וְרָעָ֛ה לֹא־תִמָּצֵ֥אd בְךָ֖ מִיָּמֶֽיךָ׃

29 וַיָּ֤קָםa אָדָם֙ לִרְדָפְךָ֔b וּלְבַקֵּ֖שׁc אֶת־נַפְשֶׁ֑ךָ וְֽהָיְתָה֩d נֶ֨פֶשׁ אֲדֹנִ֜י צְרוּרָ֣הe ׀ בִּצְרֹ֣ורf הַחַיִּ֗ים אֵ֚ת יְהוָ֣ה אֱלֹהֶ֔יךָ וְאֵ֨ת נֶ֤פֶשׁ אֹיְבֶ֨יךָ֙ יְקַלְּעֶ֔נָּהg בְּתֹ֖וךְ כַּ֥ף הַקָּֽלַעh ׃

30 וְהָיָ֗הa כִּֽי־יַעֲשֶׂ֤הb יְהוָה֙ לַֽאדֹנִ֔י כְּכֹ֛ל אֲשֶׁר־דִּבֶּ֥רc אֶת־הַטֹּובָ֖ה עָלֶ֑יךָ וְצִוְּךָ֥d לְנָגִ֖ידe עַל־יִשְׂרָאֵֽל׃

31 וְלֹ֣א תִהְיֶ֣הa זֹ֣את׀ לְךָ֡ לְפוּקָה֩b וּלְמִכְשֹׁ֨ולc לֵ֜ב לַאדֹנִ֗י וְלִשְׁפָּךְd ־דָּם֙ חִנָּ֔םe וּלְהֹושִׁ֥יעַf אֲדֹנִ֖י לֹ֑ו וְהֵיטִ֤בg יְהוָה֙ לַֽאדֹנִ֔י וְזָכַרְתָּ֖h אֶת־אֲמָתֶֽךָ׃ ס

32 וַיֹּ֥אמֶרa דָּוִ֖ד לַאֲבִיגַ֑לb בָּר֤וּךְc יְהוָה֙ אֱלֹהֵ֣י יִשְׂרָאֵ֔ל אֲשֶׁ֧ר שְׁלָחֵ֛ךְd הַיֹּ֥ום הַזֶּ֖ה לִקְרָאתִֽיe ׃

33 וּבָר֥וּךְa טַעְמֵ֖ךְb וּבְרוּכָ֣הc אָ֑תְּ אֲשֶׁ֨ר כְּלִתִ֜נִיd הַיֹּ֤ום הַזֶּה֙ מִבֹּ֣ואe בְדָמִ֔ים וְהֹשֵׁ֥עַf יָדִ֖י לִֽי׃

34 וְאוּלָ֗םa חַי־יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר מְנָעַ֔נִיb מֵהָרַ֖עc אֹתָ֑ךְ כִּ֣י׀ לוּלֵ֣יd מִהַ֗רְתְּe ותבאתיf לִקְרָאתִ֔יg כִּ֣י אִם־נֹותַ֧רh לְנָבָ֛לi עַד־אֹ֥ורj הַבֹּ֖קֶר מַשְׁתִּ֥יןk בְּקִֽיר׃

35 וַיִּקַּ֤חa דָּוִד֙ מִיָּדָ֔הּ אֵ֥ת אֲשֶׁר־הֵבִ֖יאָהb לֹ֑ו וְלָ֣הּ אָמַ֗רc עֲלִ֤יd לְשָׁלֹום֙ לְבֵיתֵ֔ךְ רְאִי֙e שָׁמַ֣עְתִּיf בְקֹולֵ֔ךְ וָאֶשָּׂ֖אg פָּנָֽיִךְ׃

36 וַתָּבֹ֣אa אֲבִיגַ֣יִלb ׀ אֶל־נָבָ֡לc וְהִנֵּה־לֹו֩ מִשְׁתֶּ֨הd בְּבֵיתֹ֜ו כְּמִשְׁתֵּ֣הe הַמֶּ֗לֶךְ וְלֵ֤ב נָבָל֙f טֹ֣ובg עָלָ֔יו וְה֥וּא שִׁכֹּ֖רh עַד־מְאֹ֑ד וְלֹֽא־הִגִּ֣ידָהi לֹּ֗ו דָּבָ֥ר קָטֹ֛ן וְגָדֹ֖ול עַד־אֹ֥ורj הַבֹּֽקֶר׃

37 וַיְהִ֣יa בַבֹּ֗קֶר בְּצֵ֤אתb הַיַּ֨יִן֙ מִנָּבָ֔לc וַתַּגֶּדd ־לֹ֣ו אִשְׁתֹּ֔ו אֶת־הַדְּבָרִ֖ים הָאֵ֑לֶּה וַיָּ֤מָתe לִבֹּו֙ בְּקִרְבֹּ֔ו וְה֖וּא הָיָ֥הf לְאָֽבֶן׃

38 וַיְהִ֖יa כַּעֲשֶׂ֣רֶת הַיָּמִ֑ים וַיִּגֹּ֧ףb יְהוָ֛ה אֶת־נָבָ֖לc וַיָּמֹֽתd ׃

39 וַיִּשְׁמַ֣עa דָּוִד֮ כִּ֣י מֵ֣תb נָבָל֒c וַיֹּ֡אמֶרd בָּר֣וּךְe יְהוָ֡ה אֲשֶׁ֣ר רָב֩f אֶת־רִ֨יב חֶרְפָּתִ֜י מִיַּ֣ד נָבָ֗לg וְאֶת־עַבְדֹּו֙ חָשַׂ֣ךְh מֵֽרָעָ֔ה וְאֵת֙ רָעַ֣ת נָבָ֔לi הֵשִׁ֥יבj יְהוָ֖ה בְּרֹאשֹׁ֑ו וַיִּשְׁלַ֤חk דָּוִד֙ וַיְדַבֵּ֣רl בַּאֲבִיגַ֔יִלm לְקַחְתָּ֥הּn לֹ֖ו לְאִשָּֽׁה׃

40 וַיָּבֹ֜אוּa עַבְדֵ֥י דָוִ֛ד אֶל־אֲבִיגַ֖יִלb הַכַּרְמֶ֑לָהc וַיְדַבְּר֤וּd אֵלֶ֨יהָ֙ לֵאמֹ֔רe דָּוִד֙ שְׁלָחָ֣נוּf אֵלַ֔יִךְ לְקַחְתֵּ֥ךְg לֹ֖ו לְאִשָּֽׁה׃

41 וַתָּ֕קָםa וַתִּשְׁתַּ֥חוּb אַפַּ֖יִם אָ֑רְצָה וַתֹּ֗אמֶרc הִנֵּ֤ה אֲמָֽתְךָ֙ לְשִׁפְחָ֔ה לִרְחֹ֕ץd רַגְלֵ֖י עַבְדֵ֥י אֲדֹנִֽי׃

42 וַתְּמַהֵ֞רa וַתָּ֣קָםb אֲבִיגַ֗יִלc וַתִּרְכַּב֙d עַֽל־הַחֲמֹ֔ור וְחָמֵשׁ֙ נַעֲרֹתֶ֔יהָ הַהֹלְכֹ֖ותe לְרַגְלָ֑הּ וַתֵּ֗לֶךְf אַֽחֲרֵי֙ מַלְאֲכֵ֣י דָוִ֔ד וַתְּהִיg ־לֹ֖ו לְאִשָּֽׁה׃

43 וְאֶת־אֲחִינֹ֛עַםa לָקַ֥חb דָּוִ֖ד מִֽיִּזְרְעֶ֑אלc וַתִּהְיֶ֛יןָd גַּֽם־שְׁתֵּיהֶ֥ן לֹ֖ו לְנָשִֽׁים׃ ס

44 וְשָׁא֗וּל נָתַ֛ןa אֶת־מִיכַ֥לb בִּתֹּ֖ו אֵ֣שֶׁת דָּוִ֑ד לְפַלְטִ֥יc בֶן־לַ֖יִשׁd אֲשֶׁ֥ר מִגַּלִּֽיםe ׃