שמואל א

וַיִּבְרַ֣חa דָּוִ֔ד מנוותb בָּרָמָ֑הc וַיָּבֹ֞אd וַיֹּ֣אמֶרe ׀ לִפְנֵ֣י יְהֹונָתָ֗ן מֶ֤ה עָשִׂ֨יתִי֙f מֶֽה־עֲוֹנִ֤י וּמֶֽה־חַטָּאתִי֙ לִפְנֵ֣י אָבִ֔יךָ כִּ֥י מְבַקֵּ֖שׁg אֶת־נַפְשִֽׁי׃

2 וַיֹּ֨אמֶרa לֹ֣ו חָלִילָה֮b לֹ֣א תָמוּת֒c הִנֵּ֡ה לוd ־עשׂהe אָבִ֜י דָּבָ֣ר גָּדֹ֗ול אֹ֚ו דָּבָ֣ר קָטֹ֔ן וְלֹ֥א יִגְלֶ֖הf אֶת־אָזְנִ֑י וּמַדּוּעַ֩ יַסְתִּ֨ירg אָבִ֥י מִמֶּ֛נִּי אֶת־הַדָּבָ֥ר הַזֶּ֖ה אֵ֥ין זֹֽאת׃

3 וַיִּשָּׁבַ֨עa עֹ֜וד דָּוִ֗ד וַיֹּ֨אמֶר֙b יָדֹ֨עַ יָדַ֜עc אָבִ֗יךָ כִּֽי־מָצָ֤אתִיd חֵן֙ בְּעֵינֶ֔יךָ וַיֹּ֛אמֶרe אַל־יֵֽדַעf ־זֹ֥את יְהֹונָתָ֖ן פֶּן־יֵֽעָצֵ֑בg וְאוּלָ֗םh חַי־יְהוָה֙ וְחֵ֣י נַפְשֶׁ֔ךָ כִּ֣י כְפֶ֔שַׂעi בֵּינִ֖י וּבֵ֥ין הַמָּֽוֶת׃

4 וַיֹּ֥אמֶרa יְהֹונָתָ֖ן אֶל־דָּוִ֑ד מַה־תֹּאמַ֥רb נַפְשְׁךָ֖ וְאֶֽעֱשֶׂהc ־לָּֽךְ׃ פ

5 וַיֹּ֨אמֶרa דָּוִ֜ד אֶל־יְהֹונָתָ֗ן הִֽנֵּה־חֹ֨דֶשׁ֙ מָחָ֔ר וְאָנֹכִ֛י יָשֹׁב־אֵשֵׁ֥בb עִם־הַמֶּ֖לֶךְ לֶאֱכֹ֑ולc וְשִׁלַּחְתַּ֨נִי֙d וְנִסְתַּרְתִּ֣יe בַשָּׂדֶ֔ה עַ֖ד הָעֶ֥רֶב הַשְּׁלִשִֽׁית׃

6 אִם־פָּקֹ֥ד יִפְקְדֵ֖נִיa אָבִ֑יךָ וְאָמַרְתָּ֗b נִשְׁאֹל֩ נִשְׁאַ֨לc מִמֶּ֤נִּי דָוִד֙ לָרוּץ֙d בֵּֽית־לֶ֣חֶםe עִירֹ֔ו כִּ֣י זֶ֧בַח הַיָּמִ֛ים שָׁ֖ם לְכָל־הַמִּשְׁפָּחָֽה׃

7 אִם־כֹּ֥ה יֹאמַ֛רa טֹ֖וב שָׁלֹ֣ום לְעַבְדֶּ֑ךָ וְאִם־חָרֹ֤ה יֶֽחֱרֶה֙b לֹ֔ו דַּ֕עc כִּֽי־כָלְתָ֥הd הָרָעָ֖ה מֵעִמֹּֽו׃

8 וְעָשִׂ֤יתָa חֶ֨סֶד֙ עַל־עַבְדֶּ֔ךָ כִּ֚י בִּבְרִ֣ית יְהוָ֔ה הֵבֵ֥אתָb אֶֽת־עַבְדְּךָ֖ עִמָּ֑ךְ וְאִם־יֶשׁ־בִּ֤י עָוֹן֙ הֲמִיתֵ֣נִיc אַ֔תָּה וְעַד־אָבִ֖יךָ לָמָּה־זֶּ֥ה תְבִיאֵֽנִיd ׃ פ

9 וַיֹּ֥אמֶרa יְהֹונָתָ֖ן חָלִ֣ילָהb לָּ֑ךְ כִּ֣י׀ אִם־יָדֹ֣עַ אֵדַ֗עc כִּֽי־כָלְתָ֨הd הָרָעָ֜ה מֵעִ֤ם אָבִי֙ לָבֹ֣ואe עָלֶ֔יךָ וְלֹ֥א אֹתָ֖הּ אַגִּ֥ידf לָֽךְ׃ ס

10 וַיֹּ֤אמֶרa דָּוִד֙ אֶל־יְהֹ֣ונָתָ֔ן מִ֖י יַגִּ֣ידb לִ֑י אֹ֛ו מַה־יַּעַנְךָ֥c אָבִ֖יךָ קָשָֽׁהd ׃ ס

11 וַיֹּ֤אמֶרa יְהֹֽונָתָן֙ אֶל־דָּוִ֔ד לְכָ֖הb וְנֵצֵ֣אc הַשָּׂדֶ֑ה וַיֵּצְא֥וּd שְׁנֵיהֶ֖ם הַשָּׂדֶֽה׃ ס

12 וַיֹּ֨אמֶרa יְהֹונָתָ֜ן אֶל־דָּוִ֗ד יְהוָ֞ה אֱלֹהֵ֤י יִשְׂרָאֵל֙ כִּֽי־אֶחְקֹ֣רb אֶת־אָבִ֗י כָּעֵ֤ת׀ מָחָר֙ הַשְּׁלִשִׁ֔ית וְהִנֵּה־טֹ֖וב אֶל־דָּוִ֑ד וְלֹֽא־אָז֙ אֶשְׁלַ֣חc אֵלֶ֔יךָ וְגָלִ֖יתִיd אֶת־אָזְנֶֽךָ׃

13 כֹּֽה־יַעֲשֶׂה֩a יְהוָ֨ה לִֽיהֹונָתָ֜ן וְכֹ֣ה יֹסִ֗יףb כִּֽי־יֵיטִ֨בc אֶל־אָבִ֤י אֶת־הָֽרָעָה֙ עָלֶ֔יךָ וְגָלִ֨יתִי֙d אֶת־אָזְנֶ֔ךָ וְשִׁלַּחְתִּ֖יךָe וְהָלַכְתָּ֣f לְשָׁלֹ֑ום וִיהִ֤יg יְהוָה֙ עִמָּ֔ךְ כַּאֲשֶׁ֥ר הָיָ֖הh עִם־אָבִֽי׃

14 וְלֹ֖א אִם־עֹודֶ֣נִּי חָ֑י וְלֹֽא־תַעֲשֶׂ֧הa עִמָּדִ֛יb חֶ֥סֶד יְהוָ֖ה וְלֹ֥א אָמֽוּתc ׃

15 וְלֹֽא־תַכְרִ֧תa אֶֽת־חַסְדְּךָ֛ מֵעִ֥ם בֵּיתִ֖י עַד־עֹולָ֑ם וְלֹ֗א בְּהַכְרִ֤תb יְהוָה֙ אֶת־אֹיְבֵ֣י דָוִ֔ד אִ֕ישׁ מֵעַ֖ל פְּנֵ֥י הָאֲדָמָֽה׃

16 וַיִּכְרֹ֥תa יְהֹונָתָ֖ן עִם־בֵּ֣ית דָּוִ֑ד וּבִקֵּ֣שׁb יְהוָ֔ה מִיַּ֖ד אֹיְבֵ֥י דָוִֽד׃

17 וַיֹּ֤וסֶףa יְהֹֽונָתָן֙ לְהַשְׁבִּ֣יעַb אֶת־דָּוִ֔ד בְּאַהֲבָתֹ֖וc אֹתֹ֑ו כִּֽי־אַהֲבַ֥תd נַפְשֹׁ֖ו אֲהֵבֹֽוe ׃ ס

18 וַיֹּֽאמֶרa ־לֹ֥ו יְהֹונָתָ֖ן מָחָ֣ר חֹ֑דֶשׁ וְנִפְקַ֕דְתָּb כִּ֥י יִפָּקֵ֖דc מֹושָׁבֶֽךָd ׃

19 וְשִׁלַּשְׁתָּ֙a תֵּרֵ֣דb מְאֹ֔ד וּבָאתָ֙c אֶל־הַמָּקֹ֔ום אֲשֶׁר־נִסְתַּ֥רְתָּd שָּׁ֖ם בְּיֹ֣ום הַֽמַּעֲשֶׂ֑ה וְיָ֣שַׁבְתָּ֔e אֵ֖צֶל הָאֶ֥בֶן הָאָֽזֶלf ׃

20 וַאֲנִ֕י שְׁלֹ֥שֶׁת הַחִצִּ֖ים צִדָּ֣הa אֹורֶ֑הb לְשַֽׁלַּֽחc ־לִ֖י לְמַטָּרָֽהd ׃

21 וְהִנֵּה֙ אֶשְׁלַ֣חa אֶת־הַנַּ֔עַר לֵ֖ךְb מְצָ֣אc אֶת־הַחִצִּ֑ים אִם־אָמֹר֩ אֹמַ֨רd לַנַּ֜עַר הִנֵּ֥ה הַחִצִּ֣ים׀ מִמְּךָ֣ וָהֵ֗נָּה קָחֶ֧נּוּe ׀ וָבֹ֛אָהf כִּֽי־שָׁלֹ֥ום לְךָ֛ וְאֵ֥ין דָּבָ֖ר חַי־יְהוָֽה׃

22 וְאִם־כֹּ֤ה אֹמַר֙a לָעֶ֔לֶםb הִנֵּ֥ה הַחִצִּ֖ים מִמְּךָ֣ וָהָ֑לְאָהc לֵ֕ךְd כִּ֥י שִֽׁלַּחֲךָ֖e יְהוָֽה׃

23 וְהַ֨דָּבָ֔ר אֲשֶׁ֥ר דִּבַּ֖רְנוּa אֲנִ֣י וָאָ֑תָּה הִנֵּ֧ה יְהוָ֛ה בֵּינִ֥י וּבֵינְךָ֖ עַד־עֹולָֽם׃ ס

24 וַיִּסָּתֵ֥רa דָּוִ֖ד בַּשָּׂדֶ֑ה וַיְהִ֣יb הַחֹ֔דֶשׁ וַיֵּ֧שֶׁבc הַמֶּ֛לֶךְ עלd ־הַלֶּ֖חֶם לֶאֱכֹֽולe ׃

25 וַיֵּ֣שֶׁבa הַ֠מֶּלֶךְ עַל־מֹ֨ושָׁבֹ֜וb כְּפַ֣עַם׀ בְּפַ֗עַם אֶל־מֹושַׁב֙c הַקִּ֔יר וַיָּ֨קָם֙d יְהֹ֣ונָתָ֔ן וַיֵּ֥שֶׁבe אַבְנֵ֖ר מִצַּ֣דf שָׁא֑וּל וַיִּפָּקֵ֖דg מְקֹ֥ום דָּוִֽד׃

26 וְלֹֽא־דִבֶּ֥רa שָׁא֛וּל מְא֖וּמָהb בַּיֹּ֣ום הַה֑וּא כִּ֤י אָמַר֙c מִקְרֶ֣הd ה֔וּא בִּלְתִּ֥י טָהֹ֛ור ה֖וּא כִּֽי־לֹ֥א טָהֹֽור׃ ס

27 וַיְהִ֗יa מִֽמָּחֳרַ֤תb הַחֹ֨דֶשׁ֙ הַשֵּׁנִ֔י וַיִּפָּקֵ֖דc מְקֹ֣ום דָּוִ֑ד ס וַיֹּ֤אמֶרd שָׁאוּל֙ אֶל־יְהֹונָתָ֣ן בְּנֹ֔ו מַדּ֜וּעַ לֹא־בָ֧אe בֶן־יִשַׁ֛יf גַּם־תְּמֹ֥ולg גַּם־הַיֹּ֖ום אֶל־הַלָּֽחֶם׃

28 וַיַּ֥עַןa יְהֹונָתָ֖ן אֶת־שָׁא֑וּל נִשְׁאֹ֨ל נִשְׁאַ֥לb דָּוִ֛ד מֵעִמָּדִ֖יc עַד־בֵּ֥ית לָֽחֶםd ׃

29 וַיֹּ֡אמֶרa שַׁלְּחֵ֣נִיb נָ֡א כִּ֣י זֶבַח֩ מִשְׁפָּחָ֨ה לָ֜נוּ בָּעִ֗יר וְה֤וּא צִוָּֽהc ־לִי֙ אָחִ֔י וְעַתָּ֗ה אִם־מָצָ֤אתִיd חֵן֙ בְּעֵינֶ֔יךָ אִמָּ֥לְטָהe נָּ֖א וְאֶרְאֶ֣הf אֶת־אֶחָ֑י עַל־כֵּ֣ן לֹא־בָ֔אg אֶל־שֻׁלְחַ֖ן הַמֶּֽלֶךְ׃ ס

30 וַיִּֽחַרa ־אַ֤ף שָׁאוּל֙ בִּיהֹ֣ונָתָ֔ן וַיֹּ֣אמֶרb לֹ֔ו בֶּֽן־נַעֲוַ֖תc הַמַּרְדּ֑וּתd הֲלֹ֣וא יָדַ֗עְתִּיe כִּֽי־בֹחֵ֤רf אַתָּה֙ לְבֶן־יִשַׁ֔יg לְבָ֨שְׁתְּךָ֔h וּלְבֹ֖שֶׁתi עֶרְוַ֥ת אִמֶּֽךָ׃

31 כִּ֣י כָל־הַיָּמִ֗ים אֲשֶׁ֤ר בֶּן־יִשַׁי֙a חַ֣יb עַל־הָאֲדָמָ֔ה לֹ֥א תִכֹּ֖וןc אַתָּ֣ה וּמַלְכוּתֶ֑ךָ וְעַתָּ֗ה שְׁלַ֨חd וְקַ֤חe אֹתֹו֙ אֵלַ֔י כִּ֥י בֶן־מָ֖וֶת הֽוּא׃ ס

32 וַיַּ֨עַן֙a יְהֹ֣ונָתָ֔ן אֶת־שָׁא֖וּל אָבִ֑יו וַיֹּ֧אמֶרb אֵלָ֛יו לָ֥מָּה יוּמַ֖תc מֶ֥ה עָשָֽׂהd ׃

33 וַיָּ֨טֶלa שָׁא֧וּל אֶֽת־הַחֲנִ֛יתb עָלָ֖יו לְהַכֹּתֹ֑וc וַיֵּ֨דַע֙d יְהֹ֣ונָתָ֔ן כִּֽי־כָ֥לָהe הִ֛יא מֵעִ֥ם אָבִ֖יו לְהָמִ֥יתf אֶת־דָּוִֽד׃ ס

34 וַיָּ֧קָםa יְהֹונָתָ֛ן מֵעִ֥ם הַשֻּׁלְחָ֖ן בָּחֳרִיb ־אָ֑ף וְלֹא־אָכַ֞לc בְּיֹום־הַחֹ֤דֶשׁ הַשֵּׁנִי֙ לֶ֔חֶם כִּ֤י נֶעְצַב֙d אֶל־דָּוִ֔ד כִּ֥י הִכְלִמֹ֖וe אָבִֽיו׃ ס

35 וַיְהִ֣יa בַבֹּ֔קֶר וַיֵּצֵ֧אb יְהֹונָתָ֛ן הַשָּׂדֶ֖ה לְמֹועֵ֣ד דָּוִ֑ד וְנַ֥עַר קָטֹ֖ן עִמֹּֽו׃

36 וַיֹּ֣אמֶרa לְנַעֲרֹ֔ו רֻ֗ץb מְצָ֥אc נָא֙ אֶת־הַ֣חִצִּ֔ים אֲשֶׁ֥ר אָנֹכִ֖י מֹורֶ֑הd הַנַּ֣עַר רָ֔ץe וְהֽוּא־יָרָ֥הf הַחֵ֖צִיg לְהַעֲבִרֹֽוh ׃

37 וַיָּבֹ֤אa הַנַּ֨עַר֙ עַד־מְקֹ֣ום הַחֵ֔צִיb אֲשֶׁ֥ר יָרָ֖הc יְהֹונָתָ֑ן וַיִּקְרָ֨אd יְהֹונָתָ֜ן אַחֲרֵ֤י הַנַּ֨עַר֙ וַיֹּ֔אמֶרe הֲלֹ֥וא הַחֵ֖צִיf מִמְּךָ֥ וָהָֽלְאָהg ׃

38 וַיִּקְרָ֤אa יְהֹֽונָתָן֙ אַחֲרֵ֣י הַנַּ֔עַר מְהֵרָ֥הb ח֖וּשָׁהc אַֽל־תַּעֲמֹ֑דd וַיְלַקֵּ֞טe נַ֤עַר יְהֹֽונָתָן֙ אֶת־החציf וַיָּבֹ֖אg אֶל־אֲדֹנָֽיו׃

39 וְהַנַּ֖עַר לֹֽא־יָדַ֣עa מְא֑וּמָהb אַ֤ךְ יְהֹֽונָתָן֙ וְדָוִ֔ד יָדְע֖וּc אֶת־הַדָּבָֽר׃

40 וַיִּתֵּ֤ןa יְהֹֽונָתָן֙ אֶת־כֵּלָ֔יו אֶל־הַנַּ֖עַר אֲשֶׁר־לֹ֑ו וַיֹּ֣אמֶרb לֹ֔ו לֵ֖ךְc הָבֵ֥יאd הָעִֽיר׃

41 הַנַּעַר֮ בָּא֒a וְדָוִ֗ד קָ֚םb מֵאֵ֣צֶל הַנֶּ֔גֶב וַיִּפֹּ֨לc לְאַפָּ֥יו אַ֛רְצָה וַיִּשְׁתַּ֖חוּd שָׁלֹ֣שׁ פְּעָמִ֑ים וַֽיִּשְּׁק֣וּe ׀ אִ֣ישׁ אֶת־רֵעֵ֗הוּ וַיִּבְכּוּ֙f אִ֣ישׁ אֶת־רֵעֵ֔הוּ עַד־דָּוִ֖ד הִגְדִּֽילg ׃

42 וַיֹּ֧אמֶרa יְהֹונָתָ֛ן לְדָוִ֖ד לֵ֣ךְb לְשָׁלֹ֑ום אֲשֶׁר֩ נִשְׁבַּ֨עְנוּc שְׁנֵ֜ינוּ אֲנַ֗חְנוּ בְּשֵׁ֤ם יְהוָה֙ לֵאמֹ֔רd יְהוָ֞ה יִֽהְיֶ֣הe ׀ בֵּינִ֣י וּבֵינֶ֗ךָ וּבֵ֥ין זַרְעִ֛י וּבֵ֥ין זַרְעֲךָ֖ עַד־עֹולָֽם׃ פ